ضحيه 398
للكاتبه : طيبه سعد
@tee___ba
☆☆☆
_______________
تفاعلكم ما عجبني على بارت ٢٤
هذا البارت مفاجئه للجميلات الي ينتظروني ♡♡♡♡
كثرو تعليقاتكم بين الفقرات ♡♡♡♡
هذا البارت بي أحداث كلش حلوه مراح تنسونها ابد من هذا البارت وراح تتغير القصه وتنكلب
متحمسين؟؟؟؟؟؟؟
من الايام الساعه ب ٧ الصبح جنت نايمه
وفزيت على صوت واحد يبجي ويشهك و الصوت جاي من الصالة
اني هنا اطرافي انشلت وحته ما كدرت اتحرك من مكاني
خليت ايدي على بطني وبجيت بدون صوت
وكلت بداخلي يا رب انت العالم بكلشي اذا يرتاح بحياته احفظه الي واذا ميرتاح أخذه مني
لبست حجابي ولزمت سجينه جانت موجوده يمي بالغرفه وطلعت امشي بحذر
دخلت للصاله وجان اشوف محمد شكله كلش تعبان ويبجي بهستريا ويضرب بأيده بالكاع
زينه: محمد كافي ايدك راح تتكسر
جاوبني وهوه منهار : كل هل سنين يجذب عليه تخيلي صار سنين عايش بكذبه
: ليش هيج ليش اني شسويتله
: جنت اخاف علي وإداري وجنت اركض وره ياسر ومصايبه بدون ما اكول حته لا ينجلط كون مجلوط قبل لا اعرف كل هذا
زينه: شعرفت
محمد: طول السنين الفاتت جان مخلي ببالي ان امي اختارت عشيقها وعافتني جنت حاقد عليها طول هل فتره
زينه: ما جاي افتهم عشيق ايش
محمد: كالي امك عدها علاقه بشخص ومن كشفت علاقتهم خيرتها بين ابنها وعشيقها واختارت عشيقها وعافتك
وحته ساميه جانت كلما تشوف خلقتي تكلي ابن الزانيه وهسه تطلع ابن حرام ودائما تعيرني بأمي
زينه: عزه وسامية مو امك
محمد: لا امي جانت الزوجه الثانيه بس ما تدري هوه متزوج وسامية الاولى
زينه،: عزه انت مو ابنها
محمد: شنو ما تدرين
زينه: لا احنا الي نعرفه وعمامي كلهم يعرفون انت ابنها
محمد،: قبل لا يموت بساعه كالي امك عمرها ما خانتني اني الي اخذتك منها وحرمتها منك وامك جانت بريئه وكال اذا شفتها واطلب منها تبريني الذمه
زين اني وين الكاها
طول هل سنين حاقد عليها واكرها وهسه يكلي بريئه
رغم هوه جان يضربها ويأذيها بس اني غبي وصدكته
أنت تقرأ
ضحيه 398 ( مكتمله )
Mistério / Suspenseقصه حقيقيه 100% قصه حقيقيه لبنت عمرها ١٤ سنه وقعت ضحيه للماده القانونيه 398 بعد تطبيق القانون بدأت معاناتها
