ضحيه 398
للكاتبه : طيبه سعد
@tee___ba
☆☆
_________________________________________
لا تنسون التصويت والمتابعه وشاركوني رائيكم بالاحداث اتحفز اكتب المزيد من اشوف تعليقاتكم
توضيح مهم/ الكلام الي يكون بين قوسين هاي نصائحي الكم مو كالته البطله او شخص كاله
عمتي ساميه: يله ياسر روح صيح الشيخ واني اخذها للغرفه
لبسوني برنص ابيض هوه بالأصل مال بدله العرس مو مال فستان
اخذتني للغرفه وكعدتني على القنفه وكعدت يمي امي وسدت الباب عمتي وكعدت يمي
ووره الباب كعد الشيخ وياسر
المهم بده الشيخ يحجي ويقره وجان الصوت ما واضح ما سمعته شيكول
انوب كال بصوت عالي
الشيخ: ان رضيتي قولي نعم وانت وكيلي
زينه
سمعته بكل وضوح بس ما جاوبت لين حسيت بخنكه كلش قويه وغصه تمنعني احجي
ورجع كررها مرة ثانية وكال
الشيخ : ان رضيتي قولي نعم وانت وكيلي
زينه
المره الثاني من عادها حسيت شخص خانكني بأيده ومانعني احجي وصوتي الداخلي يكول لا لا ارفضي
اتذكرت كل الواقف الحلوه وي يوسف بجيت واشهك
الشيخ : ان رضيتي قولي نعم وانت وكيلي
بس هل مره عادها بصوت عالي
جانت كاعده عمتي يمي كرصت رجلي حيل وكالت
ساميه: انطقيها عاد
زينه: نعم وانت وكيلي
كلتها وتمنيت ما كايلتها كلشي صار ضدي اهلي والظروف وحته القانون بلكوه طلعت مني جنت مختنكه لدرجه ما أكدر اتنفس بعد
كلتها ودموعي نزلت تتسابق وسمعت صوت الهلاهل تعلن عن الفرح وما احس اله والدنيا ضلمت فجأه وما حسيت بشي
مر الوقت وصحيت لكيت نفسي بالمستشفى ويمي غدير وعمتي ساميه و نور الهدى
اول ما فتحت عيوني اتلكتني ست ساميه
ساميه:، الله لا يوفقج فشلتينا كدام العالم
غدير جانت واكفه يم راسي وكالت
غدير: خاله مو وكت دعاوي
ساميه: انتي ما مرتاحتلج
غدير: ولا اني الصراحه
نور الهدى: شبيج عيني احترمي المكان الي انتي بي
غدير: الله يصبرج يا زينه بعدج ما صرتي جنتهم وتدعي عليج
أنت تقرأ
ضحيه 398 ( مكتمله )
Mystery / Thrillerقصه حقيقيه 100% قصه حقيقيه لبنت عمرها ١٤ سنه وقعت ضحيه للماده القانونيه 398 بعد تطبيق القانون بدأت معاناتها
