هلو هلو شلونكم شخباركم مشتاقتلكم جميلاتي
تعليقاتكم البارت السابق تجننن
هذا البارت المفروض ينشر البارحه بس فصل النت يمي وهسه رجع اعتذر حبايب
لا تنسون التصويت والمتابعه والتعليق بين الفقرات رجاءا
قراءه ممتعه ♡
ومن صارت الساعه ٢ الظهر صبيحه كالت جهزن نفسجن
جهزت نفسي ولبست فستان محجبات نيلي و حجاب اوف وايت واكسسوارات ذهبي ناعمه
رحنا اني وغدير وصبيحه وعمتي وعلي وصلنا
وصلنا لبيت البنيه نزلنا ودكينا الباب
طلعتنا مره جبيره وجهه نوراني مبينه خوش مره
استقبلتنا احسن استقبال
وضيفتنا بنيه نفس مواصفات البنيه الي وصفها
باوعت عليها وجان نشوف الصدمه
غدير:متأكد هيه نفسها
زينه:اي شبيج حته نفس الاسم شوفي كلادتها مكتوب عليها اسمها
عمتي ضلت صافنه وصبيحه ما تعرف شتكول
اباوع على البنيه بطنها بارزه ومبينه بطنها مال حمل
غدير بهمس :اكلج خاف هذا كرش لو قالون
زينه:غدير هاي بطنها داخله بشهر الرابع
غدير:لج عيني شلون ورطه هسه شلون نطفر بريشنا
صبيحه: اني من محافظه بابل جاي اخطب بنيه اسمها زهراء ووصفولي عنوانها بالضبط واجيت وضيعت بين البيوت سألت وين البيت زهراء دلوني على بيتكم
المره:خيه انتي غلطانه بالعنوان ما عندي بنيه اسمها زهراء او يمكن اشتبهو وعبالهم تسألين على جنتي زهراء
ام يوسف:عذرينا خيه ما نندل زين ما تندلين بيتهم
المره :ابوها شسمه ؟ابو منو؟
صبيحه:هوه بيت ابو زهراء
المره:ما اعرف
اعتذرنا منها وطلعنا
وصعدنا بالسياره
علي:ها بشرو؟
صبيحه: دازنا نخطبها من زوجها لو نطمن على جنينها
علي:ياهيه
صبيحه:امي
ام يوسف:البنيه طلعت متزوجه وحامل وبطنها واصله لخشمها
علي: شنو يمه
غدير:زهراء متزوجه وحامل
بين علي كلش ضاج
وصلنا للبيت بعدها خابرني يوسف
يوسف:هلا حبيبتي رجعتو؟
زينه:هلا بيك اي رجعنا
أنت تقرأ
ضحيه 398 ( مكتمله )
Mistero / Thrillerقصه حقيقيه 100% قصه حقيقيه لبنت عمرها ١٤ سنه وقعت ضحيه للماده القانونيه 398 بعد تطبيق القانون بدأت معاناتها
