هلو هلو جميلاتي شلونكم شخباركم
كل عام وانتم بألف خير وصحة وسلامة يارب
بارت جدا جدا طويل بمناسبه العيد
كثرو تعليقاتكم وقدرو تعبي الله يخليكم
اهم شي تعلقون على الأحداث
فضلا وليس امرا
تخيلو عايفه كلشي وعايفه الحبايب والمه واكتب بارت
يوسف؛ اتذكرت فد موقف
زينه: احسه يخص بيبيتي لين من ذكرتها ضحكت
يوسف: اي صح
زينه: سولف
يوسف،: بعد ما اجه عمج وانتقلتو لهذا البيت اني قررت انتقل لنفس المنطقه وتعمدت اصير جيرانكم المهم اختفيتي انتي فتره وما تطلعين اشوف بس عمج وانتي لا فخفت خاف اشتري البيت وانتي ماكو اصلا
فد يوم لكيت مره طالعه من بيت عمج اول مره اشوفها فقررت اسألها عليج
يوسف: العفو يوم هذا بيت زينه ماجد
جاسميه: ولك انت ياهو وشمدريك بيتها
يوسف: جاي اسألج هذا بيتها لو بيت عمها؟
جاسميه: انت ياهو منهو
يوسف: ماكو شي بس اني ضابط مسؤول عن قضيه طليقها ردت اتأكد
جاسميه: ها الحمد الله يله روح لا تبصبص هنا
زينه: ههههه خوش زفه سوتلك بالفرع
يوسف : تعمدت اجذب عليها حته تسكت وما تفضحني
زينه: شعجب اقتنعت عاد هيه ما تفوتها الفايته
يوسف: بين على وجهه التسأل وعدم الاقتناع بس اني طفرت قبل لا تحقق وياي
زينه: هههههه
تمدد على الجربايه وفتحلي ايده واجيت يمه
بس خله ايده بشعري دقايق ونمت
(اليد السحريه) هههههههه
كعدت الصبح اصلي خلصت صلاه وبقيت اسبح
خلصت تسبيح وسجدت سجده شكر
قبل جنت هيج وكت ابجي على سجاده الصلاه بس هسه الحمد الله عوضني عن كل لحضه حزن والم
اشكر الله واكول الحمد الله ومندمجه وفجأه اسمع صوت
يوسف: تقبل الله حبيبي
زينه: فززتني
يوسف: هههه اسف
كام من مكانه واتوضه وفرش سجادته
دخلت علينا غدير
غدير: صباح الخير الثنائي اليوم يصلون ما شاء الله
على الإيمان
زينه: شكالولج علينا كفار ؟
يوسف: غدير شنو فلمج كل شوي مدري منين تطلعين
أنت تقرأ
ضحيه 398 ( مكتمله )
Mystery / Thrillerقصه حقيقيه 100% قصه حقيقيه لبنت عمرها ١٤ سنه وقعت ضحيه للماده القانونيه 398 بعد تطبيق القانون بدأت معاناتها
