هلو حبايبي شلونكم طبعا كلش مشتاقتلكم حيل
بنات فد شغله صغيرونه صغيرونه
تفاعلكم بالبارت السابق مو كلش ف يا ريت بهل بارت تتفاعلون وي الاحداث وتعلقون بين الفقرات
لين الصراحه من اشوفكم ما تتفاعلون وي الاحداث احس بنفسي كلش مقصره وجاي اوصل الكم بالمستوى المطلوب
احبكم ♡
نرجع للقصه
دخل و راحو للاستقبال بقو شويه وطلع عمي
اجه للصاله
كريم: بابا مريم المسربته عوفي التشريب وحضري الضيافه
مريم: وعيونك نسيت حته الخطار
كريم: لج عيني كومي
مريم جانت بوقتها شوي مريضه
زينه: اني راح اكوم
رحت للمطبخ جانت عمتي تسوي جاي
حضرت الصينيه و رتبتها وخليت كليجه فضه
كليجه فضه حلوه وهشه ما تفشل بس محمد ناصب عليها
أخذت الصينيه ووكفت يم الباب لكيت مريم واكفه وشايله صينيه بيها غده
زينه: خيرج مريم شنو هذا؟
مريم: خطيه خاف يفوته التشريب
زينه: نعم؟
جاوبت وهيه مفتخره : تره التشريب اني سويته
حجت بيبتي وهيه كاعده
جاسميه بصوت عالي: ولج المسربته هوه تقريبا مي على خبز شمسويه ؟
زينه: هههههههههههه
مريم: تحجي عليه وهيه صار ساعه تاكل بألمي وخبز مالي
طلع عمي ولمحت يوسف يباوعلي ما اعرف صح هوه باوع او لا لين مجنت اباوع زين وما مركزه
سد الباب عمي
كريم: اصواتجن سمعها مو بس الولد حته اهله سمعو
اخذ الصينيه من ايدي
مريم: جا ما تاخذ تشريب؟
كريم: خلي الج بابا
دخل عمي للاستقبال و مريم راحت
ضليت اسمع اريد اعرف شنو وشعرفه بعمي
يوسف: اخليها بعيوني
كريم: جاي اكلك طالعه من تجربه زفت مو بس فاشله
يوسف: اعرف وصعب تتخطه بس اني راح اساعدها بكلشي انت بس وافق و الباقي عليه
كريم؛ شلون اوصلها اكثر ممكن اذا تزوجت تنتحر تخيل الخطر ؟
يوسف: ما اتزوجها
كريم: شني تباوع عليها؟
يوسف: عمي انطيني مجال قصدي ما اريد حقوق منها
أنت تقرأ
ضحيه 398 ( مكتمله )
Misteri / Thrillerقصه حقيقيه 100% قصه حقيقيه لبنت عمرها ١٤ سنه وقعت ضحيه للماده القانونيه 398 بعد تطبيق القانون بدأت معاناتها
