ضحيه 398 ( مكتمله )

البارت الخامس ٥

ضحيه 398
للكاتبه : طيبه سعد
@tee___ba

☆☆☆☆☆☆☆☆☆☆☆☆☆☆☆☆☆☆☆☆

لا تنسون النجمه (التصويت) هل شي يشجعني استمر

_________________________________________

ساميه: ها يل عفريت مو تكولين ما بي شحن شو ٧٧ بي  فتحي الرمز يله

روان :  نسيته

صاحت ساميه فتحي و اتقربت  ل روان و جرت شعرها

روان كتبت اسم ياسر بالانكليزي ونفتحت الباسورد  وعمتي جرت الموبايل منها

جانت عمتي كاعده على جربايه مريم واحنا كلنا كاعدين لين جانت  الجربايه  مال نفرين 

من عمتي تفتش بالموبايل كلنا خلينا روسنا وضلينه نباوع و روان وجها كل ثانيه لون من الخوف و وترجف

صح هيه اذتني وضربتني بس انقهرت من شفتها صايره زركه من الخوف وترجف

دخلت عمتي على واتساب 
دخلت على محادثه ياسر  وهنا  انصدمنا  واني ومريم غمضنا عيونه

و نور الهدى : تصرخ عزززه عزه عزه عزه (تقريبا 5 مرات كالت عزه)

ولا زالت مستمره ما نحس اله ايد عمتي انطبعت على حلك نور الهدى وسكتتها

ساميه: ولي نور ولي مني خلي اشوف مصيبتي

كامت عمتي تكلب  بالمحادثة   و شفت صور اباحيه  اتقيئت على الجربايه من القرف الصور

عمتي من شافتنا اني ومريم يمها

ساميه بصوت مبحوح: لا تكعدن يمي ولن مني خلني بضيمي  بعدن عني  كعدن بالكاع

كعدت اني ومريم بالكاع و نور الهدى كاعده بس بعيده علينا  و روان واكفه وترجف و تبجي

زينه

كعدت ولعبانه نفسي من الصور الشفتهم شفت صور روان وهيه عاريه تماما و كومه مكالمات وكلام بذيئ وغزل كلش جريئ  كلت بكلبي  ما تستحي يشوفها بهل منضر معقوله يحبها؟؟ لا هذا مو حب لين محادثتهم كلها ما بيها اي اهتمام او حته كلمه شلونج  جان كله عباره عن كلام بذيئ

شفت عمتي ساميه سدت الموبايل

ساميه : طلعن بره

هيه كالت طلعن  بره و ما اشوف اله روان تركض ركض باتجاه الباب و  تريد تطلع كأنما سجين وكالوله إفراج

روان ركضت تنزل من الدرج و ما احس اله عمتي جرتها من جتفها وصعدتها لغرفه مريم واشرت  لمريم تجي يمهه

نزلت و نور الهدى  هم نزلت

رحت لغرفه بيبيتي جاسميه طبعا بيبيتي أصلها من البصره وسوالفها مال نسوان قبل ورغم هيه اتزوجت ببغداد و عاشت هواي ببغداد بس لهجتها بقت بصراويه ما اتغيرت