اسكريبت ديني

BTS

حابه اتكلم عن موضوع عارفه أن هيدايق ناس كتير بس لازم اقوله🤍
وحطي ديما قدام عنيكي أنه"من ترك شيئًا لله عوضه الله خيرًا منه"💗💫

الرسالة دي لكل بنت بتتابع *BTS* وبتحبهم رجاءًا اقرأي للآخر ولو هتعترضي ع حاجة فالرسالة يبقى بتعترضي ع القرآن والسُنة وكلام العُلماء مش كلامي❤️ 

- أولًا BTS ، اللي ما يعرفهمش مُبارك😄💜
-  ثانيا دول فرقة *غناء كورية* وفالحقيقة إننا اتكلمنا كتير عن الأغاني وقلنا إنها حراااااام ثُم حرام واتكلمنا كتيرررر عن غض البصر وأنتوا عارفين طبعًا أيّ بنت بتتابعهم بتقعد تتأمل فيهم وتنزل صورهم استوري وشوفوا القمر وشوفوا معرفش اية وبحبه وده جوزي وحاجات بجد استغفر الله كلها حرام فحراممم ده غير إن تلفونهم بيبقى مليان صور وفيديوهات للفرقة دي واغااني وموسيقى، لكن الفرقة دي بالذات وما يشابهها ليها جوانب أُخرى غير كل المُحرمات اللي ذكرتها ومنها  ...

1) إنهم غير مسلمين ، *يعنى كافرين* لإن أي حد ع دين غير الإسلام يبقى كافر ودي معروفة + أصلًا منهم المُلحدين على حد علمي، وقال الله عز وجل *﴿لا تَجِدُ قَومًا يُؤمِنونَ بِاللَّهِ وَاليَومِ الآخِرِ يُوادّونَ مَن حادَّ اللَّهَ وَرَسولَهُ وَلَو كانوا آباءَهُم أَو أَبناءَهُم أَو إِخوانَهُم أَو عَشيرَتَهُم..﴾[المجادلة: ٢٢]*

ومعنى الآية هو *" لا تجد يا -يارسول الله- قومًا يصدِّقون بالله وباليوم الآخر، ويعلمون بما شرع الله لهم ،يحبون ويوالون مَن عادى الله ورسوله وخالف أمرهما .."*

2)قول النبي -صلَّ الله عليه وسلم- *" المرء مع من أحب "* يعني اللي بيحب حد بيتحشر معاه ، فـ ايه بقى الثقة الجامدة جدًا فـ مصيرهم دي لدرجة إنك حابة تحشري معهم وهما مش مسلمين أصلًا؟

3)فيه مجاهرة كبيرة جدًا بالمعصية ، فـ نلاقي ناس فـ صفحات عُشاق للفرقة دي ، والبنات تفخر إنها بتحب الفرقة دي وبتسمعلها ، وانه بصي يابنتي الناس الكويسة مش المهرجانات اللي بنسمعها (وكأن اللي مغنيها حد من السلف الصالح مثلًا !) ، ولا أنتِ فاكرة إن طالما الإغنية مش عربي الملايكة مش هتكتب ذنبها😂 ما كله أغاني وفيها موسيقى كمان .

4) فيها عدم إنكار للمنكر ، فـ عادي يكونوا بيلبسوا حلقان وشكلهم نساء أصلا مع إن ده مُحرم ، ولما يعملوا حفلة فـ السعودية ما يهمناش عادي ، ونتجاوز عن الرقص والمهازل اللي بتحصل ع الملأ فـ حفلاتهم عشان دول *BTS*.

5) الإنبهار الشديد والفخر بأخلاقهم يدل على جهل الإنسان بدينه ، اخلاقهم اللي بتتكلموا عنها دي كُتيب سيرة يجيبلك منها مئات الأحاديث عن النبي -صلَّ الله عليه وسلم -وصحابته

6) ده مش اطلاق للبصر ، داحنا نسينا الحكم اساسًا .. بقوا يعملوا استيكرز لـ BTS وببعتوها لبعض بكل فخر + صور BTS اللي البنات بتنشرها ع السوشيال وتفتخر بإنها منزلة صور وفيديوز ليهم ودي مجاهرة بالذنب اصلًا ، وهاجي اسأل سؤال بسيط مش المفروض تغضي بصرك عنه؟ وننوه إن إطلاق البصر ذنب سر يعني ما حدش بيعرف إنك بصيتي غيرك ، ده بقى يتجاهر بيه كمان ، تنزلي صورتهم وعليها قلوب بنفسجي!

7) تعلق القلب بغير الله مهلكة ، فـ تخيل تعلق القلب ببشر بيعصوا الله -عز وجل-؟ يعني لما عينك تنطق يوم القيامة وتحكي إنك عيطتي من جمالهم ، ولا ودانك تحكي عن سماع اغانيهم ، ولا ايدك اللي كتبت وبحثت عنهم تحكي عن ده هيبقي موقفك ايه؟ هيشفعولك؟ هتكملي في الفخر بيهم؟

8) الأغاني حرام ، سواء الفرقة دي وغيرهم لقول الله -عز وجل- *«وَمِنَ النَّاسِ مَن يَشْتَرِي لَهْوَ الْحَدِيثِ لِيُضِلَّ عَن سَبِيلِ اللَّهِ بِغَيْرِ عِلْمٍ وَيَتَّخِذَهَا هُزُوًا ۚ أُولَٰئِكَ لَهُمْ عَذَابٌ مُّهِينٌ (لقمان 6)*
ولما الصحابة سألوا بن مسعود عن هذه الآية : *( ومن الناس من يشتري لهو الحديث ليضل عن سبيل الله )*  فقال عبد الله : الغناء ، والله الذي لا إله إلا هو ، يرددها ثلاث مرات💔

وقول الرسول -صلَّ الله عليه وسلم- : *"لَيكونَنَّ من أمَّتِي أقوامٌ يَستحِلُّون الحِرَ والحريرَ والخمرَ والمعازفَ "*

- واتقين الله ، مش معني إنهم مؤثرين فـ ناس كتير يبقى يأثروا فيكي أنتِ كمان ، مش معني إنهم مشهورين إنك تمشي وراهم ، أبو بكر وعمر رضي الله عنهم ما اتذكروش فـ القرآن باسمهم لكن أبو لهب اتذكر *﴿تَبَّت يَدا أَبي لَهَبٍ وَتَبَّ﴾ [المسد: ١]*
يبقي هو كدة إنسان ناجح واتذكر فـ القرآن؟؟ .

وحطي الجملة دي فبالك *"وكم مِن مشهور في الأرض مجهول في السماء !"* .

- الكام دقيقة اللي فيها اغنيتهم يجتمع فيها ذنوب كتيرة جدًا أنتِ والله والله ما تستحمليها ، حبك ونشرك لصورهم مبارزة لله بالمعصية ، ودول ما ينفعش نفخر بيهم ولا نسمعلهم ولا نحبهم ، انغمسي فـ تفاصيل دينك طالما أنتِ شاطرة وبتعرفي تدققي فـ تفاصيل ، احفظي اسماء الصحابة زي مأنتِ حافظة اسماءهم ، ما تحطيش هدف إنك تشوفيهم لما يعملوا حفلة ، ما تقوليش عايزة اتعلم كوري عشان ابقي زيهم ، ابتعدي عن ميدان المعاصي ده وانفدي بجلدك وبدينك والله دينك بيضيع وأنتِ مش حاسة ..💔

*كُنْ من الذاكرين*💙

- سبحَان الله💙.
- الحمدُلله💙.
- لا اله الا الله💙.
- الله اكبر💙.
- سبحان الله وبحمدِه💙.
- سبحان الله العَظيم💙.
- لا حَول ولا قُوة الا بالله💙.
- استغفر الله و اتُوب إليه💙.
- اللهُم صلِّ وسلم على نبينا مُحمد💙.
- لا اله الا الله وحدهُ لا شريك له،له المُلك وله الحمد وهو على كُل شيء قدِير💙.
- حسبي الله لا اله الا هو،عليه تَوكلت وهُو ربّ العرش العظيم💙.
- اللهم اجعلنِي من التَوابين واجعلنِي من المُتطهرين💙.
- لا اله الا انت،سبحانك أني كُنت من الظَالمين💙.
- اللهم قلبِي ومن بقلبِي💙.
- اللهم نُورك إذا حلت الظُلمه،اللهم نجنِي من عذابِك يومُ يبعث عبادك💙.
- اللهم اغفرلِي،ولمن اغتبتُه وظلمتُه وأسأتُ اليه، اللهم تجاوز عنا وعَنه💙.
- رضيتُ بالله رباً،وبالإسلام ديناً،وبمحمدٍ صلى الله عليه وسلم نبياً💙.
-  اللهم ارزقني حبك، وحب من يحبك، وحب عملاً صالحاً يقربني إلى حبك💙
- اللهم اقضي حوائج كل من وكلني لدعائك💙.