اسكريبت ديني

الارتباط الغير شرعي

اسكريبت 🦋

صحيت الصبح زي أي يوم، بَمسك الفون لقيت رساله على الماسنجر بيقول "ممكن نبقى أصحاب"
_ شفت الرسالة بس مردتش، دخلت ع البروفايل وبقلب فِالصور؛ باين عليه ابن ناس.
فتحت الشات من تاني بعت رساله بقول أنتَ تعرفني أصلا؟
_ لأ معرفكيش بس باين من الاكونت بتاعك إنك لطيفه.
_ شكرََا.
_ أنتِ فِثانوي؟
_ آه فِتانيه.
_ كويس، أنا فِتانيه جامعه.
_ آه.
_ مالك كأنك مش طايقه الكلام كده؟!
_ مفيش بس مش متعوده اكلم حد غريب.
_ أنا مش هبقى غريب
_ تمام هكلمك كمان شويه
_ حاضر
فِاللحظة  دي حسيت إني بعمل حاجه غلط، ازاي يعني واحد معرفوش ونقعد نتكلم، كلمت صحبتي شهد هي قريبة مني جدََا.
_ ازيك يا شهد
_ الحمدلله أنا بخير، بس أنتِ عملتي حاجه صح، دخلتك دي مش تمام يا آلاء!
_ مفيش بس الصراحه في ولد دخل كلمني اسمه عمار باين عليه ابن ناس وكده.
_ إيه الجديد م أنتِ بيجيلك رسايل كتير من ولاد عادي.
_ مش عارفه بس طريقة كلامو حساه عايز نرتبط وكده
_ عادي يا بنتي اتكلمو الأول وابقي شوفي
_ يعني كده صح يا شهد؟
_ اسمعِ كلامي يا آلاء.
_ اهو بعت رساله هرد عليه كمان شويه مَ أنا لازم ابقى تقيلة.
_ اشطاا
    
عمار: ازيك؟
آلاء: الحمد لله، أنتَ عامل اي
_ أنا بخير طول ما أنتِ بخير.
_ شكرََا
_ العفو
    

    __
بدأنا نتكلم أكتر؛ بس حاسه فعلاََ ان في حاجه غلط، هما معظم صحابي اللِ أعرفهم بيكلمو ولاد بس أنا مش عارفه ده صح ولا غلط، كمان كل شويه يطلب اننا نتقابل وأنا مش عارفه كل مَ اقول لأ شهد صحبتي تقولِ عادي نص ساعة بعد الدرس مش هتخسري حاجه، وكمان دروسي اللِ هملتها، متشته وحاسه إني بلف فِدايرة مقفولة كل شويه أرجع لِنفس النقطة.

رقيه: ازيك يا آلاء؟
آلاء: الحمدلله، أنتِ عامله أي رجعتي من السفر ايمتا؟
_ الحمدلله، رجعت من يومين كده فَقولت أنزل الدروس
_ حمدالله على سلامتك
_ الله يسلمك، كنت عايزه رقمك عشان في محاضرة دينية اون لاين ممكن ابعتلك الينك بتاعها لو حبيتي
_ آه طبعََا

        ____
بفتح واتس؛ لقيت رساله من رقيه بدأنا نتكلم مع بعض شويه، فِنص الكلام ليقيتها بتقول المحاضرة هتبقى عن الارتباط الغير شرعي
"شفت الرسالة ومش قادرة أرد، مش هقدر أسمع المحاضرة
قفلت الفون يومين وحاولت اذاكر عشان امتحناتي قربت بس مش قادره أركز فحاجة.
يومين وفتحت الفون لقيت رقيه باعته بتطمن وبعتت لينك المحاضرة
_ خايفه أسمع المحاضرة يتأكدلي اكتر أن اللِ بعملو غلط رغم اني عارفه.

" سمعت المحاضرة كلام الشيخ أثر فيا وهو بيقول ولا متخذان أخذان، يعني مفيش حاجه اسمها ده زي اخويا وده صحبي، أي علاقة خارج الحدود الشرعية تبقى محرمة.

_ كل كلمة بسمعها ببكي معاها قد اي أنا ظلمت نفسي وقليت منها، وقد اي خنت ثقت اهلي فيا.
حسيت ان كل اللِ حصل كان بسبب اني صحابي بيدلوني على الطريق الغلط، دخلت عملت لِشهد بلوك وقررت اني انهي علاقتي بيها لأنها كانت المفروض توقفني عن الطريق ده مش تخليني اكمل.
لقيت رساله من عمار بيقولي ليه مش برد عليه من فتره فتحت الشات بصيت في الرسايل وأنا بعيط، عملت بلوك وقولت أن لو بيحبني بجد هيخاف عليا من أي ذنب.
أخدت قرار اني لازم أقرب من ربنا اكتر
_ ازيك يا رقيه
_ الحمدلله.
_ هو احنا لو قررنا نتوب ونبعد عن أي ذنب ربنا هيغفرلنا؟
_ هو ده سؤال!
ربنا غفور رحيم، بيغفر لنا ذنوبنا ولو كانت مثل زبد البحر، بس أهم حاجه اننا نتوب توبة نصوحه لوجه الله تعالى
_ طيب ممكن تساعديني أقرب من ربنا اكتر؟
_ أكيد يا حبيبتي.

  "بعد فترة حياتي اتغيرت للأفضل، بعدت عن كل حاجه كنت بعملها زمان، غيرت لبسي للبس الاحسن وركزت فِدراستي، غيرت صحابي لِصحبة تقربني من ربنا أكتر، ساعدوني اني اتغير بجد.

"_ لكنني أعصيه!
= لكنك تتوب، لو ما أحبك لما أيقظ قلبك ليتوب."💙

" كُن من الذاكرين 🌸.

- سُبحان الله ❄.
- الحمدلله🍃 .
- لا إله إلا الله🌿 .
- اللهُ أكبر🍁 .
- سُبحان الله و بحمدهِ 🍥.
- سُبحان الله العظيم 🌱.
- استغفر الله و أتوبُ إليهِ💎 .
- لا حول و لا قوة إلا بالله💟 .
- اللهُم صلِ على نبينا محمد 💕.
- لا اله الا انتَ سبحانك💗.
- اني كنت من الظالمين🌱.
- حسبي الله لا اله الا هو 🌿.
-عليه توكلت وهو رب العرش العظيم،🎇.