اسكريبت ديني

اقفل الباب من اوله🙂🖐

س/ هو ليه لو تابعت المذاكرة مع بنت رسايل حرام طالما مش بنتكلم غير في الدراسة وكدا.. ما هي كدا كدا زميلتي وبتعامل معاها ..

ج/
- ما لك مش مركزة ؟!
- أبدا مضايقة بس شوية
- سلامتك .. من ايه ؟
- لا ما تشغلش بالك

بعد شوية ..

- أنا فعلا حاسك مضايقة بزيادة .. وأنا مش عارف أركز في المذاكرة
- هبقى كويسة .. ما تقلقش :)

تاني يوم ..

- يا رب تكوني رقت
- عادي .. ده الطبيعي
- ليه بس كده ؟!
- بلا بلاااا بلاااااا (أي حاجة تزعل يعني)
- بلااااا بلااااا بلااااا (كلام مواساة وكده)

طول الليل تفكر هي أد إيه أنت لطيف .. وأنت تبدأ تسرح بخيالك ولين ما تكونش هي .. دي حتى رقيقة وحساسة ومحتاجة اللي يحتويها !

ومن تالت يوم .. يبدأ يتضاف كلام كده متحفظ ومؤدب جنب المذاكرة ..
وفي يوم ما تتسرب (حبوب الشجاعة) للمحادثة فيكون هناك اعتراف بريء بذلك الشعور المختلف من كليهما !
حاجة كده جميلة .. إنه الحب !

ويحصل عهد مقدس بإننا هنكون لبعض .. وهنتشطر عشان نقدر نقنع أهالينا ..

ووقت الجد أنت أمام خيار من السيناريوهات المتعدد التي تراها هنا في الصفحة .. يا أنت طلعت عيل (لا مؤاخذة) .. لا هي ادتك صابونة (لا مؤاخذة برضه) .. يا صمدتم فعلا بس اتصدمتم بأهالي متعنتين متحجرين .. واضطررتم لوداع بكثير من جراح ..

أقل الخسائر الممكنة هي استنزاف مشاعر كان ينبغي حفظها لوقتها، وفوات أيام كان يمكن استغلالها فهذه المرحلة من العمر لن
تعود !

يبقى لما نقفل الباب من أوله = مش أسلم وأريح ؟!

صدقني يا غالي .. كل المشاكل تبدأ بنية سليمة.

|💙".

أنا جايبة شوية حسنات وجاية رددوا معايا:

_سبحان اللَّه".💙
_الحمدللَّه".💙
_لا إله إلا اللَّه".💙
_اللَّه أڪبر".💙
_اللهمَّ أغفر لى".💙
_لا إله إلا أنت سبحانڪ إني ڪنت من الظالمين ".💙
_اللهمَّ صلِّ على سيدنا محمد وعلى آله وصحبه أجمعين".💙

ٱلْـدٱﻋ̝̚يھَہّ ٱلْـڝـﻏ̣̐يرة مي 🧡📸