اسكريبت ديني

الغيبه والنميمه

هتكلم عن الغيبه والنميمه💚".                                 

تابعو...

الغيبه او النميمه اي هي ..؟🤔
هيا إن الشخص يذكر أخاه بما يكره من العيوب وهي فيه، ولو مكنتش فيه فهو البهتان، وذالك كما في الحديث:" قيل ما الغيبة يا رسول الله؟ فقال: ذكرك أخاك بما يكره، قيل: أفرأيت إن كان في أخي ما أقول؟ قال: إن كان فيه ما تقول فقد اغتبته، وإن لم يكن فيه فقد بهته"💚🌿

النميمه والغيبه الإسلام نها عنه والسنه والدين نهانا عن الغيبه والنميمه فإنها فعل فاحش ومحرم، ان تغتاب غيرك وتتكلم في عرضهم وشرفه ، ازاي هل أنتي أو انت ترضي ان حد يتكلم في شرفك وعرضك ومن ورا ضهرك ..؟ لا طبعا محدش بيرضاها علي نفسه ، وإنك ترضي علي غيرك إلي مترضهوش علي نفسك دا في حد ذاتو فتنه في الأرض💚🌿

كلنا عندنا عيب وبنعمل معاصي ،يعني محدش كامل خالص،انت مش احلي من فلان ولا علان عشان نغتابه وننم عليه بافعاله وأسلوبه وتصرفاته .." بكلامك عليه انت مش بتقلل منه لا خالص انت بتديله حسنات وبيرفع عند الله يعني ربنا بياخد من حسناتك وبيديها ليه وانت بتاخد ذنوب، عشان كدا نهنا الله عن الغيبه والنميمه فإنها فعل فاحش وانتشر جداً بين الناس بحجه المزاح والتسليه💚🌿.

فقال سبحانه وتعالى:" أيحبّ أحدكم أن يأكل لحم أخيه ميتاً فكرهتموه "، وفي هذه الآية دلالة على حجم الأمر الذي يقع فيه المغتاب،ّ عقابه في الآخرة هو من جنس العمل، فقد مرَّ النّبي صلّى الله عليه وسلّم ـ ليلة عرج به ـ بقوم لهم أظفار من نحاس يخمشون وجوههم وصدورهم، قال: فقلت:" من هؤلاء يا جبريل؟ قال: هؤلاء الذين يأكلون لحوم النّاس، ويقعون في أعراضهم "، وفي طبعاً أحاديث كتير اللي وردت في ذمّ الغيبة، والتنفير منها. ومن الأسباب التي تبعث على غيبة الإنسان لغيره الحسد، وأن يحقتر المغتاب، أو يسخر منه، أو يجاري رفاق السّوء، أو أن يذكره بطريقة تنقص منه ليظهر كمال نفسه💚🌿.

يعني السخريه من فلان وعلان حتي لو علي سبيل الهزار او الضحك دي تعتبر غيبه ونميمه وبتقلل منك ومن حسناتك💚🌿

مينفعش نكون شله بنات قاعده او رجال ايا كان القوم ال مجتمعين نجيب في سيره دا ودا ونقول دا طلق مراته دا مراته ملبوسه دي معملوها عمل علي رجل فرخه😹، ونفضل نتكلم كتير وزود كلام وننقص كلام عن الحقيقه ،ونقول احنا بس مش بنشتمها يعني مش نميمه.
غلط غلط النميمه والغيبه مش شتيمه بس لا دي كمان إنك تتكلم عن شخص في غيابه بالسوء او نقصه، إما إنك تذكره بالخير والدعاء وكتر الله من حسناتك وترفع درجات عند الله والملائكة تدعو لك وإما إنك تصمت ولا تخوض في عرض أو حياة حد💚🌿.

مفيش حاجه اسمها انا بهزر او احنا بنضحك، او علي سبيل الترفيه ..! ازاي تغتاب أخوك المسلم في عرضه وشرفه. .؟ حتي لو مغتبتهوش بقذف أو سب حتي لو مجرد كلام عابر فدا يعتبر نميمه وله ذنوب كبيره في ميزانه ، لي ؟ لان الغيبه والنميمه في الإسلام محرمه وأشياء شنيعة ودي صفات مش المفروض تكون من صفات المسلم المؤمن بالله ورسله ومن يتبع سنه رسول الله.
النميمه تعتبر معصيه لله ورسله بل هي معصيه كبييره💚🌿

علاج الغيبة والنميمة: على الإنسان أن يتأمّل في نفسه واخطائه قبل مميزاته ، ويشوف السّبب اللي خلاه يغتاب شخص محدد ويحاول يبعد عنه"  لأنّ علاج كلّ علةٍ يكون من خلال قطع سببها،" ففي حال وقع العبد في الغيبة والنّميمة، عليه ان يرجع إلي الله ويستغفر علي ما قاله  ، وأن يتوب إليه، وأن يتحلل من الشّخص الذي اغتابه، ففي الحديث عن النّبي - صلّى الله عليه وسلّم - قال:" من كانت له عند أخيه مظلمة من عرضه أو شيء فليتحلله اليوم قبل أن لا يكون دينار ولا درهم، إن كان له عمل صالح أخذ منه بقدر مظلمته، وإن لم يكن له حسنات أخذ من سيئات صاحبه فحمل عليه "، متفق عليه💚🌿

يعني أي هو انا مش هينفع أتوب بركعتين وإستغفار وندم وخلاص هقول لا، لي ؟ عشان ربنا يسامح في حقوقه إنما حقوق العبد بتفضل معلقه لحد لما الشخص دا يسامحك وقتها تقدر تصلي وإن شاء الله ربنا يتقبل، وفي حال خشي الإنسان على نفسه من الشّخص اللي اغتابه، و مقدرش يتحلل إلي هو يتأسف منه بالصّلح والألفة، فعليه أن يدعو له، وأن يذكره بما فيه من الخير في مجالسه التي اغتابه فيها، دا طبعاً أول حاجه💚🌿

تاني حاجه تكرار الدعاء في السجود وبين الأذان والإقامه وهو "اللهم اجعل كتابي في عليين واحفظ لساني عن العالمين".
كمان في كل مره تغتاب حد لازم تجبري نفسك تستغفري عنه 100 مره منها حافظي على حسناتك وعودي نفسك على حفظ لسانك، وإتذكري أن من تخلص من الغيبة فإنه قد تخلص من ثلثي عذاب القبر، و إن ربنا قال عن الجنه ( لا يسمعون فيها لغوا ولا كذابا) فلو عاوزه تدخليها تقلدي بالي فيها💚🌿

واخيرا لو معندكش كلام حلو متتكلمش عن حياه غيرك او في عرض وشرف غيرك.

ما لم ترضاه لنفسك لا ترضاه علي غيرك وعلي اخيك في الاسلام💚🌿

اللهم أهدنا واهدي بنا وأجعلنا يا ربنا سبب لمن أهتدي، متنسونيش في دعائكو💚🖇".

" كُن من الذاكرين 🌸.

- سُبحان الله ❄.
- الحمدلله🍃 .
- لا إله إلا الله🌿 .
- اللهُ أكبر🍁 .
- سُبحان الله و بحمدهِ 🍥.
- سُبحان الله العظيم 🌱.
- استغفر الله و أتوبُ إليهِ💎 .
- لا حول و لا قوة إلا بالله💟 .
- اللهُم صلِ على نبينا محمد 💕.
- لا اله الا انتَ سبحانك💗.
- اني كنت من الظالمين🌱.
- حسبي الله لا اله الا هو 🌿.
-عليه توكلت وهو رب العرش العظيم،🎇.