فيروز.......
فاطمه ألقيسي......
بچفوف الله خليناها الگلوب
وباچر من يجي شيجيب خيجيب
ـــــــــــــــــــــــــــــــــــــــــــــــــــــــــــــــ
فيروز .......
-البدايات بس راح تشوفوها وتحسون بيها عن نفسي اتذكر الكل وما يوم نسيت احد بدايتي هنا بالمرحله الابتدائيه جانت اقرب للقليل راح تشوفوها بس بلنسبه اليه اني جانت كلش مهمه.
-بدايت الابتدائيه صف اول ابتدائي منا راح تتوضح الاحداث اكثر وراح ابده اشوفكم الي صار بشكل ادق.
فيروز: عفيه جيبي جنطتي
براء: اي تعاي اخذيها انتي هههههه.
فيروز: جيبيها صار ساعه اركض.
مريم: اي هياتها يمي تعاي اخذيها منو مانعج تعالي.
فيروز: اه اه والله تعبت من الركض من بدايه السره لنهايته جيبنها فدوه راح تجي المعلمه.
-بهذا الوقت جنت اني مصدر تسليه الهم مجنت اعرف شسوي ولا حتى عندي احد يدافع عني بوجودهن لان هنه كل وحده عدها اخت اكبر منها وياها بالمدرسة عكسي اني مجان عندي حتى صديقات حتى كلام عادي.
-وبمرور الوقت صرت اعاني من التنمر بسبب شكلي ووزني وجان هذا الشيء كلش يزعجني و يضوجني لان مجنت احس غير بس اريد ابچي بس ما بجيت كدامهم ابدا.
-جان اكثر مرحلتي الدراسيه مستقره بالرحله الاخيره وتدرون ليش؟ لان هذا مكاني الصحيح لان اني مجنت اكدر اكول اني شاطره لا ولا جنت كسلانه وما اقره لا جان مستوايه زين بس منو يتقبل هذا الشيء.
-جنت دائما اكعد وحدي ليش وحدي؟ لان شنو اني الدبه حميسه الي محد يريد يصير صديقتها والي بس يضحكون عليها شنو ذنبي؟ هاا شنو ذنبي؟ بس تعرفون شيء اني جنت وحيده دائما ومجان احد يحس بيه حتى اقرب الناس اليه.
-جنت كاعده وحدي وحبيت انتقم من وحده منهن لو مريم لو براء بس معرفت شسوي بس انتهزت فرصه مريم وكعت محفضتها بالكاع واني حبيت اساعدها بس تدرون جانت بمحفضتها فلوس واني جاي الم بالاقلام اخذ من فلوسها.
مريم: عفيه شوفيلي مناك مجاي الكي الربع مالتي من وكعت المحفضه مادري وين راح.
فيروز: دوري زين خاف بعده بالمحفضه ما شفتي عدل لو وكع بلكاع.
مريم: لا دورت ماكو مجاي الكي.
فيروز: هسه ما تروحين تشترين لو اروح اني وحدي لان ماكو احد والدرس شاغل قبل لا تجي المعلمه.
مريم: لا ما اروح خلي الكه فلوسي واجي وراج.
-اشتريت بيهن بس جنت فرحانه لان حسيت انو انتقمت منه ان جانت تضحك عليه بس بعدين حسيت بالذنب وقررت ارجع الها الفلوس.
أنت تقرأ
فيروز
Chick-Litتدور احداث القصه على مجموعه من الفتيات يروين لكم احداث من حياتهم وكيف الناس عاملوهم والظروف التي مرو بيها وكل واحده عانت من شيء والالم الذي كان مكتوب عليهن وكيف كانت النهايه لهم من هذا العذاب؟
