فيروز........
فاطمة ألقيسي.........
چم صاحب وكت طعناته فزيت
وقنعت بقصة الما جان قصده
أيهاب المالكي
ـــــــــــــــــــــــــــــــــــــــــــــــــــــــــــــــ
فيروز......
-بمرحله الثالث ابتدائي جان اكو درس العربي والي هو الاملاء وجان املائي صحيح ونطقي ايضا صحيح وجان لازم اخذ درجه زينه بس لا حتى هذا جان ضدي.
-بوقت من الاوقات جان يوم اخذت بي درجه مو زينه مع انو جان املائي صحيح فحاولت اصحح الاخطاء العندي ورحت كتله.
فيروز: ست اني حلي صحيح هنا ليش كاتبتلي غلط.
هاجر: وين صحيح كله غلط روحي روحي.
-جان شيء صعب من تلكه حلك صحيح بس يكولولك غلط رجعت لبيت فاتن لان ماكو احد ابيتنا كلهم بالدوام
-جنت اروح لبيت فاتن واكعد ويه وحدي واحط الكتاب يمي وامسح واصحح شكو شيء عندي غلط وجانت اغلبهن صحيحات بس منو يقتنع بهذا الشيء.
نجاه: فيروز جيبي دفتر الاملاء مو امتحنتي البارحه شكد اخذتي.
فيروز: ها اا ماما اي هسه اجيبه.
نجاه: هاي ليش حاطتلج خمسه وكله صح عندج.
فيروز: والله ماما كتلها حلي كله صحيح بس هي صيحت عليه وكالت روحي كله غلط عندج.
نجاه: ماشيء جوز غلطت بالتصحيح وما انتبهت وعبالها حلج غلط مو مشكله حبيبتي مره الثانيه جيبي عشره من عشره.
فيروز: اي ماما اي اجيب عشره.
-بس منين تجي العشره ومره ثانيه بديت اسوي نفس الشي بس درجاتي صارت اعلى لان جنت اقرا واصحح مو انو اني من قبل جنت اخذ الحروف وحافضتهن بالروضه قبل لا يسدوها بس املائي جان بي بعض الاخطاء.
-مره من المرات كاعدين الدرس الاخير والا ست هاجر كالت.
هاجر: طلعن اوراق واقلام خلي امتحنجن بجدول الضرب.
حوراء: بس ست راح يدك الجرس بعد شويه وهم انتي تاخذين عربي مو رياضيات.
هاجر: بلا لغوه طلعن اوراق واقلام خل امتحجن واذا اني عربي؟
-الموضوع مجان مال مناقشه واعتراف اني مجنت حافضته زين جان دفتري بي جدور الضرب بضهره فحطيت الورقه بالدفتر وبديت انقل منها وكلساع اباوع اخاف تشوفني وتكشفني وجان الخوف مالكني وبصعوبه كدرت اكتب كم وحده الا ما ما كنت منتبها وسحبت الدفتر مني.
هاجر: فيروزززززز جاي تغشينننن.
فيروز: ااا اني لا لا ست مجاي اغش وووالله.
أنت تقرأ
فيروز
ChickLitتدور احداث القصه على مجموعه من الفتيات يروين لكم احداث من حياتهم وكيف الناس عاملوهم والظروف التي مرو بيها وكل واحده عانت من شيء والالم الذي كان مكتوب عليهن وكيف كانت النهايه لهم من هذا العذاب؟
