احضني و نسيني قسوة الماضي

الجزء التاسع

الجزء التاسع
__
تركي سلم عليهم و جلس جنب ابو ريان و سأل الدكتور عن صحته.
الدكتور بالE:ارتفاع في الضغط لازم تنتبه لصحتك.
ريان:اوكيه دكتور.
الدكتور يكتب على ورقه:راح اكتب روشته للدواء و لازم يأخذه بانتظام و حاولوا قد ما تقدرون تبعدون عنه الملح و الأشياء اللي فيها ملح بزياده.
تركي يناظر :سمعت و ش يقول؟
ابوريان ابتسم:ايه ،بس ترا مالي ذنب كله من خالتك اللي أكلها يفتح النفس.
تركي ضحك بخفه و انتبه لعمه اللي يطالع رفيف و تلعب بجوالها من دون ما تطالع ابوها.
تركي رفع جواله و كتب لها و ارسل لها بالواتس.
رفيف انتبهت للرساله و ابتسمت.
"حينما أخبرك دائما بأنني أحبك...
لا يعني بانني أحاول تذكيرك بذلك..
و لكن لأنني ازداد حبا بعد كل مره اقولها لكي..."
رفيف أرسلت له قلب احمر من دون اي كلمه.
تركي ابتسم و تنهد بخفه و قفل جواله، صار يعرف ردها إذا قال أحبك لو يموت ما يسمعها منها و كأنها تقول لنفسها أو تعلم نفسها أنها تثقل و ما تصدق من أول كلمه.
بس ما انتبهوا للنظرات اللي كانت معهم خطوه بخطوه.
__
عند حاتم
اللي سلم على أبوه و طلال أخوه و ضيفهم كأنه في بيته.
حاتم جلس جنب ابو شهد و ناظر في أبوه اللي قال بكل جمود:أنا لما كلمتك قلت لك إني جاي بموضوع يختلف عن أي موضوع ثاني.
ابو شهد:تفضل يا ابو حاتم.
ابو حاتم كانت ذي اول مره ابو شهد يناديه بالاسم ذا اللي كانوا يطلقون عليه ابو حاتم.
ابو طلال ابتسم و تنهد:احنا أصحاب من زمان و كبرت معنا الصداقه و الاخوه و الشراكه بالعمل، و اليوم حاب هذي العلاقه تكبر و تصير نسب و أنا كلي شرف جاي أخطب شهد بنتك لولدي طلال.
حاتم تنهد و لف وجهه لليسار يكبت غضبه.
ابو شهد ابتسم:اولا اخوتك و صداقتك اجمل شي صار بيننا، بس.... ،و ناظر في حاتم و رجع ناظر في أبو طلال:شهد مخطوبه ياأبو طلال.
ابو طلال سكت و طلال بصدمه:مخطوبه.
حاتم ناظر في عمه يكمل كلامه.
ابوشهد:أي والله شهد مخطوبه لحاتم، و ابتسم له.
طلال بحده:بس معروف من زمان يا عم إن شهد لطلال و طلال لشهد.
ابوشهد بهدوء:صح كنا نقول كذا لكن ذا نصيبها حبيبي.
حاتم ناظر له:شهد مكتوبه لي من يوم هي ببطن أمها.
طلال:للاسف ما ناظرت لمستواها.
ابوطلال:عيب يا طلال.
حاتم:المستويات اللي تتكلم عنها ما يناظرون لها غيرك، مو شهد اللي تناظر هالنظره.
طلال ابتسم بسخريه:و انت وش دراك؟
حاتم بصراحه:اللي يحب يعرف عن حبيبته كل شي و لا تنسى اصدقاء دراسه قبل كل شي.
طلال بحده:شكلك ما تربيت لما تتكلم بذا الشئ قدام ابوها بهالطريقه.
حاتم ابتسم:للأسف ابوي كان مشغول فيك و أمي هي اللي ربتني.
ابوشهد:حااااتم.
ابوطلال صرخ:بس يا طلاااال.
طلال بشك:وش قصدك؟
حاتم ناظر في أبوه و بعدين في أبو شهد و نزل راسه و سكت.
طلال عقد حواجبه:وش قصدك لما قلت ان أبوك كان مشغول فيني و من حضرتك عشان تتكلم بهالطريقه؟ ،وازن كلامك أحسن لك.
حاتم بغصه:ابوي و أبوك واحد يا اخوي.
طلال بصراخ: تخسي إلا أنت تكون اخوي.
ابوشهد بحده:طلال نزل صوتك حاتم أخوك الكبير و إذا ما تبي تحترمه احترم ابوك.
حاتم ناظر في أبوه و وقف و راح ناحيته و جلس على ركبه و مسك يد أبوه و باسها بحب و ناظر فيه بدموع:واللي خلق لولا وصيتها لي انك ما تشوفوني طول ما أنا عايش و الله، و نزلت دموعه.
ابو طلال بهدوء مسك وجهه و ببحه:وش وصيتها لك؟
حاتم مسح دموعه و مد يده لجيبه و سحب مثل التعليقه:قالت لي لازم تقابل أبوك و تقول له أنا ولدك و إذا ما صدقك أعطه هالشي ،و ناوله التعليقه.
ابوطلال ابتسم و ناظر في التعليقه و قلبها يمين و يسار:ذي هديتي لأمك أول ما ولدت فيك و ناظر فيه: وعدتني ما تتركها ابداً.
حاتم بغصه:هذا أخر ذكرى منها و الباقي ولا شي.
أبو طلال باس جبينه و خده الاثنين و حضنه بقوه:يا بعد روحي و قلبي انت.
حاتم انفجر يبكي بحضن أبوه، طلال و أبو شهد تأثروا كثير و ما عرفوا أن شهد واقفه ورا الباب و تبكي على صديقها حبيبها اللي تعذب كل هالسنين و لحاله.
__
عند رفيف
اللي جالسه على الطاوله و تاكل و سارحه بخيالها.
أم ريان:اللي مأخذ عقلك يتهنا به.
رفيف بلعت لقمتها بخفه:و لا شي.
أم ريان:شوفي رفيف أنا أمك و اعرف وش يدور براسك.
رفيف رمشت ببراءة:وش يدور براسي؟ ماما وش تقصدين؟
أم ريان تنهدت:رفيف كتذكير لك ترا أنتي بنت مسلمه و تعرف دينها مو لأن جيتي تدرسين هنا تنسين كل شي.
رفيف:من دون لف و دوران و تكلمي بالموضوع.
أم ريان بصراحه:أنا أقصد علاقتك مع ذا الولد اللي اسمه تركي، لا تنسين انك جايه هنا عشان دراستك مو عشان شي ثاني و فهمك كفايه.
رفيف بلعت ريقها:ترا تركي يكون صديقي قبل ما يكون صديق ريان و اللي بيننا صداقه لا أكثر و إذا كان منظورك لهذا الشئ غير  فالولد اللي يحبني مو أنا اللي أحبه.
أم ريان:يحبك أو يكرهك ابعدي عن هالولد.
رفيف ببرود:و ليه؟خايفه يكون أحسن من ولد اختك و يعوضني عن كل شي أنا عشته بألم.
أم ريان وقت على اسنانها:لا تنرفزيني بكلام ماله داعي.
رفيف:ما انرفزك بس اعتقد ذي حياتي و أعرف وش الصح  من الغلط، و وقفت:دايمه.
أم ريان تنهدت و مسحت وجهها:الله يهديك يا رفيف.
__
نرجع لأبو طلال و حاتم
اللي يحاول بحاتم انه يرجع أسبوع و يتعرف على أهله و كان من حاتم انه يرفض.
ابوطلال:و ليه ياحبيبي أبي اعرف وش سبب الرفض.
حاتم:يبه جامعتي بتبدأ بعد يومين و ما أقدر اتغيب عنها.
ابو طلال ابتسم و مسك وجه حاتم:فديت المجتهد أنا، دام كذا أنا باجلس كمان معك كم أسبوع و ارجع.
حاتم ابتسم له:تنور أستراليا كلها.
ابو طلال حضنه و بهمس:أحبك كثر ما تشبه لها و أحبك أكثر لأنك ضناي.
حاتم تنهد:الله لا يحرمني منك.
__
عند طلال
اللي يكلم امه و خبرها بأنهم لقوا حاتم و كان كثير متضايق.
ام طلال:الحمد لله حبيبي أهم شي أبوك مبسوط.
طلال تنهد:ايه يمه طاير من الفرح.
أم طلال:ليه صوتك كذا طيب.
طلال:و لا شي سلامتك ،تبين شي قبل ما اقفل.
أم طلال:لا حبيبي سلامتك ولا تنسى تكلمنا تانجو عشان نشوف اخوك و نسلم عليه.
طلال:إن شاء الله، و قفل.
__
السعوديه
بشقة أحمد كانت فرح جالسه و طفشانه، دقت عليها امها و ردت بطفش:هلا.
أم فرح:انتي ليه تكلميني كذا؟
فرح:يمه وش تبين؟
أم فرح:جزاتي أدق عليك و اتطمن.
فرح:بعد ما خربتي بيتي و زوجي ما صار يناظر فيني و كله بسببك يمه.
ام فرح:أنا أدور لك الراحه.
فرح ابتسمت بسخريه: الراحه بأنك تفرقين راسين بالحلال و تربطين بنتك بشخص ما يحبها،قولي يمه كيف بيناظر لك عمي و عمتي و أحمد بعد ما يعرفون انك انتي اللي ساحره ولد اخوك.
أم فرح بصراخ:أنكتمي يا مهبوله لا أحد يسمعك.
فرح:مصير سرك ذا بينكشف للكل و قفلت وتنهدت.
__
انتهت إجازة الفصل و سافروا أهل ريان و رفيف للسعوديه و رجعت المدارس و الجامعات.
باليوم الأول،داومت رفيف و هي مبسوطه و كالعاده تتجه لكافتيريا الجامعه اللي تلم الشله كلها اللي فيها يتصبحون لبعض و يسألون عن أخبار بعض.
ابتسمت بفرح لما شافته جالس و يضغط بجواله ،توجهت له بخفه و سحبت الكرسي اللي مقابله:صباح الخير.
تركي رفع رأسه و ابتسم لها:هلا هلا والله بأم فيصل.
رفيف ما جلست و كانت واقفه و عاقده حواجبها: و ليه فيصل؟
تركي ترك جواله و حط يده عند ذقنه:و ليه معترضه؟
رفيف جلست:أنا أم حسام و بس.
تركي بخبث:عادي نجيب حسام و نجيب فيصل و نجيب اللي تبين لو تبين نترس البيت بفريق باسكتبول ما عندي مشكله.
رفيف خجلت و نزلت راسها:سامج يا تركي.
تركي ضحك بخفه و مسك يدها:روح تركي وش تبي تفطر؟
رفيف كشرت:لا ما ابي شي فطرت بالبيت.
تركي:افاااا، بدوني.
رفيف بنص عين:فيه واحد اقلقني بنومي صحاني قبل الدوام بساعتين تخيل عشان يبلشني برسايله ،تعرفه انت، واحد يقولون اسمه تركي.
تركي ببراءة:الله يخس ابليسه ،لو مكانك كان قمت و صفقته.
رفيف:بس تبي الصراحه ،رسائله عسل.
تركي:و هو؟
رفيف كشرت:مليييق.
تركي شهق و رفيف أنفجرت تضحك.
تركي عقد حواجبه:رفيف قصيتي شعرك؟
رفيف:ايه و ش رايك و تحرك شعرها.
تركي بهدوء:الله يقص راسك يالمجنونه.
رفيف بحلقت عيونها فيه بصدمه.
كان شعرها واصل لخصرها و قصة جزء منه لفوق الخصر.
تركي تنهد:آسف على هالكلمه بس كل شي و لا تقصينه هو اللي ساحرني بانوثتك.
رفيف ابتسمت وانتبهت لشهد و حاتم اللي ماسكين يدين بعض و متوجهين ناحيتهم بابتسامة.
حاتم:السلام عليكم.
تركي و رفيف:و عليكم السلام.
شهد:كيف الحلوين؟
رفيف:بخير ،و انتوا كيف مستعدين للفصل ذا.
شهد كشرت:إن شاء الله خيير رغم اني ما توقعت انجح الفصل الأول و يمكن اسحب عالشهاده.
تركي باستغراب:و ليه انسه شهد تفوتين هالفرصه من يدك.
رفيف خزرتها:تبي تنام المهبوله.
شهد كشرت:مو قصة نوم بس أحس كذا بدات اطفش و ازهق من كثر المذاكرة.
تركي: أحمدي ربك ما انتي متزوجه مثل وسن لاااا وفوق ذا مسكينه تتوحم بعد و جايين بيبيات بالطريق.
حاتم بمدح:والله ماشاء الله ذا الحرمه السنعه.
شهد ضربت كتفه:ما مداني أفرح انك خطيبي.
رفيف بحلقة عيونها:انخطبتوا.
تركي انفجر ضحك.
رفيف ابتسمت:أقصد خطبك.
حاتم حضن شهد من الجنب:شفتي كيف الدنيا صغيره و باس خدها.
تركي بمزح:عشان كذا ما عاد تبين تكملين دراسه.
شهد:لا والله مو كذا ،بس مثل ما وضحت قبل.
رفيف وقفت و بتكشيره:قوموا بتبدأ المحاضره و الشين الدكتور اللي درسنا مادة ال،،،، هو اللي بيدرسنا الماده ذي.
شهد بحزن:لا يا ربي.
حاتم:كلموني إذا نجحنا بذا الماده الدسمه.
تركي بتفاؤل:الله يكتب اللي فيه الخير.
__
عند ريان
بآخر الدوام طلع وهو شايل هم الطريق اللي صار بعيد عن معهده وانتبه ليارا اللي طالعه معه وهي محتاسه بشنطتها تدور للجوال.
ريان ابتسم:ضيعتي شي.
يارا ناظرت بسرعه للصوت و ابتسمت لما شافته:هلا ريان،كنت ادور جوالي ما لقيته.
ريان:تبين توصيله للبيت.
يارا تنهدت:لا والله عندي كلاس بعد شوي.
ريان رفع اكتافه:انتظرك عادي.
يارا:لا ريان شكراً مابي أعطلك تسلم.
ريان:وش تعطليني كلي لك لو تبين.
يارا خجلت و نزلت راسها:تسلم، على فكره انا نسيت ما أشكرك عاللي سويته معي و انقاذك لحياتي.
ريان بحزن:كان قلبي بيوقف لما شفتك بذاك الموقف و مسك يدها:الله لا يعيده من موقف.
يارا توترا و ناظرت ساعتها:عن اذنك ريان محاضرتي بتبدأ.
ريان:ماشي حبيبي،تبين شي قبل لا أمشي.
يارا ابتسمت:تسلم.
ريان مسك خدها و قرصه:باي و انتبهي لنفسك ، و مشى.
_____
السعوديه
تفاجأ ابو ريان بزيارة أحمد في بيته و ضيفه و تبادلوا السوالف الين تشجع أحمد بكلامه و قال بهدوء:يا خال أنا جايك و كلي أمل انك توافق على طلبي.
ابو ريان عقد حواجبه:أمرني باللي اقدر اسويه و أنا خالك.
أحمد تنهد:أبي ارجع رفيف لذمتي.
ابو ريان سكت.
أحمد بندم:أنا عارف اللي جاها مني مو قليل، و الله أحبها يا خال بس انا كنت مريض و بعد ما تشافيت من الرقيه و كذا عرفت إن قلبي يحب رفيف وبس فارجوك ياخال انا ابغا ارجع لرفيف.
ابو ريان يناظر له ساكت و تنهد:الصراحه ما أدري وش اقول بس.....اللي صار لبنتي مو قليل و أنت تعرف هي بنفسها اللي رفعت عليك قضية الخلع.
أحمد بإصرار:و أنا قلت لك يا خال ما كنت بوعيي.
ابو ريان بهدوء:اعرف يا ولدي بس ...... و سكت.
أحمد يناظر فيه ساكت.
ابو ريان بصراحه:كل شي قسمه و نصيب و رفيف راحت لنصيبها.
أحمد رفع حاجبه:يعني؟
ابوريان:رفيف انخطبت و إن شاء الله لما تخلص الترم ذا راح ترجع هي و ريان و نكتب عقدها.
أحمد بلع ريقه:يعني فقدت الأمل ياخال.
ابوريان:صدقني لو فيه نصيب بتاخده حتى لو كان بعد مليون سنه ، كل شي بيد الله سبحانه.
أحمد هز راسه:و نعم بالله.
ابو ريان تنهد:أحمد زوجتك اللي الحين طيبه معك.
أحمد هز رأسه بايه.
ابوريان:عمرك شفت منها شي.
أحمد بألم:لا والله و صرت هاجرها كثير.
ابو ريان:حرام عليك و ليه كل ذا؟ ،البنت مالها علاقه باللي صار بالماضي يا ولدي عيش حياتك و انتبه لزوجتك يمكن هي اللي بتقبل فيك و في حالك بدال ألف بنت ثانيه.
أحمد:إن شاء الله يا خالي، و وقف:تبي شي قبل لا أمشي؟
ابوريان:الله يحفظك حبيبي و مثل ما قلت لك ابدأ تبني حياتك أول بأول مع زوجتك و الله يوفقك.
أحمد ابتسم:تسلم يا خالي، يلا عن اذنك.
ابو ريان وقف و مشى معه للباب:الله يحفظك و قفل الباب وراه و تنهد و انتبه لام ريان اللي واقفه و حاطه يدها على خصرها و تناظر له بضيق.
ابو ريان:وش فيك؟
أم ريان بحده:الحين بنتي تنخطب من دون ما أعرف.
ابو ريان جلس:تعالي اجلسي و أنا افهمك الموضوع.
أم ريان جلست و بضيق:بالله وش ذا الخطبه اللي ما ادري عنها.
ابوريان:يا بنت الحلال ذي السالفه بيني و بين ابو تركي لما كنا بأستراليا.
أم ريان:و بس ماسكينها كذا و إلا من جد ناويين يزوجونه.
ابو ريان عقد حواجبه:يا بنت الحلال أبوه لما طلبها مني قال تركي يبيها و لا يبي غيرها و قال نمسك البنت الحين عشان اذا رجعوا ناويين يخطبونها بشكل رسمي و يعقدون و بعدها بكم شهر نزوجهم و تسافر إن شاء الله مع زوجها.
أم ريان:بنتك موافقه و عارفه بكل هالشي.
ابو ريان ابتسم:وش يخليها ما توافق و أنا اشوف ان نظراتهم لبعض تشهد بكل شي.
أم ريان خزرته:أنا أقول لو بنتك ترجع لهنا يكون أحسن.
ابوريان:واثق في بنتي لا تخافين ،ثانيا ما تدرين يمكن نصيبها ذا أحسن من ولد اختك.
أم ريان لفت فمها و صدت:والله ما ادري كيف بيطلع هالتركي.
ابوريان بنظره:أم ريان تعوذي من إبليس و ترا مالي خلق لكلامك.
أم ريان خزرته للمره الثانيه و راحت.
ابوريان تنهد:الله يهديك يا أم ريان.
__
عند احمد
اللي دخل شقته بحزن و هو كان كله أمل أن خاله يوافقه و يرجع رفيف له، بس ما عليش يا احمد و اللي صار؟
اكيد رفيف صاحبة القرار و ما راح تنذل و ترجع لك بعد اللي صار، فقد الأمل و بدأ يرجع بذاكرته انه خانها مع فرح قبل ما تكون زوجته و كان و كان.....كيف بترجع لك يا الخاين؟
انتبه لخروجها من باب غرفة النوم و كانت عيونها محمره من كثر ما تبكي.
ابتسم و لها و بهمس:تعالي.
فرح ما صدقت و راحت له و وقفت قدامه، توترت لما مسك يدها و جلسها بحضنه و باس كتفها.
فرح بخوف:أحمد انت بخير؟
أحمد بهدوء:أنا بخير يا روحي، تنهد:فرح أنا آسف عاللي صار من قبل كنت مضغوط كثير و لا أدري وش كنت اقول و وش......
سكتته لما حطت اصبعها و بعدتها بسرعه و باست شفايفه بهدوء و بعدت عنه و همست:اللي راح راح ، و مسكت خده:و لازم نتركه ورانا، و بحب:وحشتني حييل.
احمد ابتسم:و انتي بعد واحشتني حيل.
__
بأستراليا
بطاولة الشله الصبايا كانوا يتهامسون بكلام و الشباب كانوا يباركون لحاتم و يسألون متى بيتخذ القرار للعقد و متى الزواج و كل ذا كان إجابته(أنا وشهدي ما قد اتفقنا).
عند الصبايا
شهد:دقي الحين على عمتك و قولي لها إنا بنتغدا برا و تسوي الغدا لمشعل.
وسن ببرود:لا أحد يسمعك و انتي تقولين عمتي هيا تسوي غدا، ترا حتى المطبخ ما تعرف وش شكله؟
رفيف:ارفعي جوالك خلينا نكلمها و نقول لها تطلب من برا.
وسن طلعت جوالها و بدأت تضغط و تدق عليها و ردت:هلا و غلا.
رفيف بالتركي:غونايدن.
هيا بتلعثم: yes yes good morning.
رفيف انفجرت تضحك عليها و البنات ضحكوا لما سمعوا رد هيا و خلوا العيال يلتفتون لهم باستغراب.
رفيف حطت يدها على فمها و كاتمه ضحكها و ناولت وسن الجوال.
وسن بضحكه:هلا عمتو.
هيا بعصبية:جعلكم اللي ماني بقايله بس، تضحكون علي هاه.
وسن:عمتو هذي رفيف إذا شفتيها خذي حقك منها.
يوسف ابتسم .
هيا:وش تبون داقين علي؟
وسن وقفت وراحت بعيد شوي و كلمتها:حنا البنات بنروح السوق و نتغدا برا و اطلبي من المطعم لك انتي و مشعل.
هيا بحقد:اه يالظالمين تروحون و أنا مرزوعه بالبيت.
وسن:مو انتي رافضه تساعديني عشان حفيدك الاول و أنا باروح مع البنات عشان اتسوق له و أشتري له الأغراض.
هيا:همممم، اوكيه خذوا راحتكم بس قبل ما تقفلين أعطيني رقم مطعم محترم.
وسن:اطلبي ماك و انتهى الموضوع.
هيا بقرف:الحمدلله و الشكر أطلبه في بلدنا و لا هنا ما اضمنهم.
وسن بسرعه:ثواني و أدق عليك، و قفلت.
هيا ناظرت للجوال:وجع والله تقفل في وجهي، و حطت جوالها عالطاوله و يدها تحت رأسها و تنهدت، تذكرت لما كلمها أبوها قبل شوي و قال لها بولد صديقه اللي خطبها و كان منها الرفض و حز بخاطر أبوها و زعل كثير لرفضها هذا الشخص و الأشخاص اللي قبله، انتبهت لجوالها يرن باسم مشعل و ردت بهدوء:هلا.
مشعل:هلا عمتي وش لونك؟
هيا:بخير.
مشعل:جهزي نفسك باجي أخذك و نطلع نتغدا برا.
هيا تنهدت:ما عليش حبيبي مالي نفس اطلع خذ وسن و روح معها.
مشعل:وسن بتروح مع البنات و أنا مالي خلق ارجع البيت الحين لأن اليوم الجو يفتح النفس قلت أمر آخذك و نطلع نتغدا سوا، وش رايك؟
هيا ابتسمت و ما ودها تكسر بخاطره فوافقت:اوكيه وينك انت؟
مشعل:خمس دقائق و أنا عندك.
هيا:ماشي حبيبي، و قفلت.
__
عند رفيف
اللي كلمت ريان و قال لها أنه بينام و هي قالت له إنها بتروح مع البنات و بتتاخر شوي قفلت منه و شهقت بخوف لما لفت و تفاجئت بتركي وراها.
تركي ابتسم:اسف بس وين رايحه؟
رفيف ابتسمت له و بنبره مرح:مشوار.
تركي رفع حاجبه:لوين؟
رفيف كشرة: ريان ما سألني عشان أجاوبك؟
تركي تكتف:والله، طيب أنا غير عن ريان لازم أعرف وين تروحين؟
رفيف ببرود:مع البنات.
تركي:عارف مع البنات بس وين؟
رفيف:نتغدا سوا.
تركي تنهد:رفيف لا تنرفزيني.
رفيف ببراءة:بوش هو نرفزتك؟
تركي مسك ذقنها:رايحه وين مع البنات سؤالي ذا لك عشان اتطمن بس.
رفيف تناظر فيه بهدوء:بنروح للمول و نتغدا هناك.
تركي:أوكيه و قرب رأسه و باس جبينها و ناظر فيها و بهمس:انتبهي لنفسك و إذا تبين أي شي أو ناقص عليك كلميني.
رفيف هزت رأسها بطيب:ما تقصر، لازم اروح البنات ينتظرون.
تركي:استودعت الله فيك.
رفيف ابتسمت:مع السلامه، و مشت.
شهد انتبهت لها:انتي وينك؟
رفيف بضيق:هذاني جيتك.
وسن:رفيف انتي بخير؟
رفيف بتكشيره:ما فيني إلا العافيه.
شهد:كذابه، ترا شفنا كل شي.
رفيف تنهدت و سكتت.
وسن:رفيف ترا عادي إذا تبين تتكلمين.
رفيف بطفش:مو وقته الحين.
شهد:أعطيك من الحين، تركي يبيك و شاريك.
وسن:صح الكلام مو وقته الحين بس انا مع شهد.
رفيف ابتسمت لها:عارفه وش تبون تقولون بس ما ابي اتعلق فيه و لا هو يتعلق فيني.
شهد خزرتها:ليه يا رافسه النعمه.
وسن بحنيه:بس باين كثير انه متعلق فيك.
رفيف بحزن:والله عارفه انه يحبني و يبيني بس إحساس كذا جواتي انه مو لي.
شهد ضربت كتفها:وجع والله بدال ما تقولي ان شاء الله يكون لي تتمسخرين بهالكلام، ما توقعتك كذا والله.
وسن قرصت شهد:اسكتي عنها مو وقتك.
رفيف بغصه:أكثر من مره قالي أحبك و أنا ما قدرت أقول له هالكلمه عشان لا اوهم نفسي بشي كذب و عشان لا أعلق نفسي فيه، و رفعت راسها عشان تمنع دموعها تنزل:و كل مره يقولها أحس أنها خاليه من أي كذب حاستها من جد طالعه من قلبه بس انا ما أقدر أعيد نفس السالفه.
وسن حضنتها و رفيف ابتسمت ما تبي تبكي أو تضعف.
شهد:وصلنا يا رقيقات.
رفيف بعدت عن وسن و اتسعت ابتسامتها:انسي مني الحين و خلينا نفكر في هذا الحلو و امه.
شهد فتحت الباب و نزلت و نزل وراها رفيف و وسن و دخلوا المول يتقضون لنونو وسن بينما رفيف طلعت جوالها تكتب رساله.
__
عند مشعل و هيا
اللي تغدوا بمطعم راقي و جميل.
هيا تركت الملعقه:الحمد لله، الله يغنيك حبيبي.
مشعل:جعله بالعافيه.
هيا:الله يعافيك.
مشعل ضيق عيونه:عمتي جدي كلمك اليوم.
هيا بتكشيره:ايه و سمني بكلام و قفل بوجهي.
مشعل بشك:وش قال لك بالضبط؟
هيا كشرت:مثل كل مره عريس و معاريس و رفضت و قام يصرخ علي و ليه و ما ادري وش،،،،، وبترجي: الله يخليك مالي خلق اتكلم بالشيء ذا.
مشعل:عمتي انتي ليه رافضه الزواج و المعاريس اللي راصين لك عند الباب.
هيا بصراحه:إلى الحين ما جاء اللي أرضى فيه.
مشعل تنهد:جدي كلمني عشان موضوعك و قال لي حاول فيها توافق الولد ما فيه شي يعيبه و شغله حلو وووو إلى آخره بس قلت له إذا ما وافقت هي أنا مالي عليها كلمه.
هيا ابتسمت له:عافيه عليك.
مشعل:بس مو معناته أنا موافقك و واقف بصفك.
هياقلت لك ما راح اغير رأيي و أنا رافضه.
مشعل هز رأسه بطيب و بهدوء:على راحتك.
__
عند يوسف
اللي قفل مكالمته من أبوه و تنهد:الله يكتب ما فيه الخير.
'بوش هو'
يوسف التفت و شاف يارا و ابتسم لها:هلا.
يارا:وش فيك جالس بالحالك.
يوسف:سلامتك بس كنت اكلم ابوي و يسلم عليك.
يارا ابتسمت:الله يسلمك، باقي بمكه.
يوسف:قالي انه طلع لجده من يومين.
يارا وقفت:أكلت شي.
يوسف كشر:لا والله و مالي نفس، باروح انام و ارتاح.
يارا:نوم العوافي يا رب.
يوسف ابتسم لها و دخل لغرفته.
يارا:والله ما ادري وش وراك يا يوسف بس الله يعطيك ما تتمناه.
_____
عند تركي
اللي دخل و هو تعبان بعد دوام الجامعه و انتبه لصراخ امه و أبوه و قرب منهم و انتبه لأمه اللي تصرخ:كل شي سويته انت و ولدك من وراي من دون ما تقولون لي و لا تأخذون بشوري بعد.
ابوتركي بهدوء:يا بنت الحلال أنا كلمت ابوها عشان يمسكها لولدي، و أنا أكثر من مره أقول لك ولدك يحب البنت و متعلق فيها بس انتي الله يهديك ما تسمعين.
"السلام عليكم"
لفوا كلهم لتركي و رد أبوه السلام.
تركي بلع ريقه:وش فيه أصواتكم واصله لبرا؟
أم تركي بصراخ:تخبي عليي أنا يا تركي.
تركي ابتسم:اخبي وش هو يالغلا؟
أبو تركي باندفاع:خطبت بنت أبو ريان لك و قبل يومين.
تركي بحلق عيونه:صدق خطبتها لي.
أبو تركي:ايه بس الرسمي إذا خلصتوا هالترم و رجعت البنت السعوديه خطبناها إن شاء الله.
تركي تنهد:يبه ما راح يصير شي و أمي مو راضيه.
ابوتركي بحده:و مين قال إنها مو راضيه.
ام تركي بهدوء:أنا راضيه عليك دنيا و اخره، بس البنت ما،،، و سكتت.
تركي فهم قصد امه و بكل صدق:عارف وش قصدك بس تراها باقي بنوته ،تنهد:عن إذنكم. و طلع.
ابو تركي صفق:اهنيك على هالشي ياللي ما تخيلت في يوم بيكون تفكيرك كذا. و وقف و تركها.
أم تركي بغصه:والله مو كذا يا امك بس الماضي و الحاضر إذا اجتمعوا بتخرب بيوووت.
دخل تركي لغرفته و انتبه لرنة رساله بجواله و رفعها و انتبه أنها من رفيف، فتحها بملامح جامده" أ عدك.. عندما أصبح امرأة خريفية
سأشتاقك أكثر
وسأحبك أكثرْ.. ففي الخريف يا سيدي
تصبح الشمس أدفأ
ويصبح القمر أكبرْ
وفي الخريف يا سيدي
يصبح الثلج ناراً
ويصبح الأخضر.. أصفر .
تركي قفل جواله و مد نفسه عالسرير  من كثر ماهو تعبان و تفكيره كله بأمه ورفضها لرفيف و إلا من رفيف اللي ما سمع منها كلمة أحبك و يتمنى يسمعها منها.
__
عند حاتم
أبوه يناظر له بهدوء:حاتم ترا ذا القرار ما فيه لعب.
حاتم بهدوء:و أنا أعني هالشي بكل جديه.
أبوه رفع حاجبه:كلمتها طيب.
حاتم:باكلمها الليله و اشوف وش بيكون ردها.
أبوه:أنا أقول لو تخلصون هالسنه و بعدها يحلها الله.
حاتم مد شفته السفليه:و الله يبه عشان انا اتطمن عليها بعد هي في الشرق و أنا في الغرب و لو تعبت أو صار لها شي مشوار بعيد و سكوتي هالاسبوع عشان ابوها و أمها باقي موجودين بس اذا راحوا .
أبوه بجمود:براحتك.
كلمه قالها ابوه و كانت مشجعه له يكلمها و يقنعها بأسلوبه انه يتم الزواج و العقد بيوم واحد و كل ذا عشان لا تكون وحيده أو عشان يستقر بحياته.
__
عند حاتم  اللي عزم شهد على العشاء بمطعم فخم و من بين الكلام، عازف كمان و بيانو عزفوا اجمل الألحان التي تسمعها الأذن.
حاتم مد يده:تسمحي لي.
شهد ابتسمت:اكيد، و مسكت يده و رقصوا مع بعض بهدوء.
حاتم همس لها بتعجب:تعرفين ترقصين.
شهد بنفس الهمس:تعلمت من حاضنتي كانت بريطانيه.
حاتم:برافو عليها، على كذا ما تحتاجين تدريب لزواجنا.
شهد بحماس:اوووه بس يمدينا ناخذ دروس عندنا سنه و عليها.
حاتم بهدوء:قصدك أسبوعين.
شهد عقدت حواجبها:وش اسبوعين؟
حاتم تنحنح:عقدنا و زواجنا بيكون بعد أسبوعين.
شهد صرخت:نننننععععم.
ناظروا لها كل اللي بالمطعم.
حاتم:نزلي صوتك.
شهد بهمس ممزوج بعصبيه:أنت مستوعب اللي قلته.
حاتم: ايه مستوعب، تنهد:شهد تعالي نجلس و نتكلم.
شهد فكت يدها منه بقوه و جلست.
حاتم جلس:شهد افهميني بليز، كل هالشي عشان انا ابيك و ثاني شي لأنك بشقه لحالك و بعيده عني مثلًا صار شي لك مرضتي أو تسخنتي أو لا سمح الله صار اللي صار كيف باعرف عنك و انتي بعيده، شهد صدقيني ما أتخذت هالخطوه إلا لأني تعبت و أنا عايش لحالي وما ابيك تعيشين بنفس الطريقه.
شهد نزلت رأسها و تنهدت.
حاتم مسك يدها:وش قلتي؟
شهد برفض:مستحيل يا حاتم.
حاتم:ليه طيب؟ أبي مبرر لرفضك.
شهد بهدوء:مسؤوليه و دراسه ما ينفع.
حاتم كشر: مسؤولية إيش و أنا باجيب خدامه تطبخ و تكنس و تغسل.
شهد عقدت حواجبها:مو كذا بس الأطفال و الإنجاب و سكتت.
حاتم فهمها:صدقيني شهد ذا ما راح يأثر بحياتنا ، و بحماس:راح نأخر قصة الحمل إذا تبين ما عندي مشكله.
شهد تنهدت:أفكر و أعطيك خبر.
حاتم:كم بتفكرين؟
شهد:أسبوع.
حاتم:كثيير.
شهد:أهلي لازم يعرفون.
حاتم:عمي موافقني انه نستعجل بزواجنا و كله عشان يشوفك مستقره بحياتك.
شهد بحلقة عيونها:متفقين من وراي و صفقت بخفه:اهنيكم بصراحه.
حاتم بتصريفه:المهم مسألة تفكرين أسبوع مررره كثير.
شهد رفعت حاجبها:كم تبي ثلاثه ايام.
حاتم أشر باصابعه:ثلاث ايام لا غير.
شهد:إن شاء الله،،،،ممكن نمشي.
حاتم:نخلص عشانا اللي طلبنا أول.
شهد ابتسمت بتسيلك و حاتم بادلها الابتسامه.
__
عند ريان ورفيف
اللي جالسين بحديقه بيتهم، ريان يسقي النبتات اللي زرعهم و رفيف تقرأ كتاب.
ريان يناظر لأوراق الشجر اللي طايح على أرض الحديقه و بضيق:رفيف.
رفيف تقرأ.
ريان كشر:بنت رفيف أناديك أنا.
رفيف ناظرت له:وش فيك؟
ريان مكشر:يا شيخه خايف عالزرع يطيح ورقه و ما يكبر و أنا اللي تعبت عمري عشان ازرعها بهالحديقه.
رفيف قفلت الكتاب:اصلاً ما شفت واحد مثلك يروح يشتري شتلات و احنا بفصل الخريف هوا و جفاف.
ريان:وش اسوي طيب كرهت الحديقه من دون خضار و جينا عليها ما فيها ورقه خضراء.
رفيف التقطت هوز(رشاش) المويه و فتحته و رشت ريان.
ريان شهق بقوه و بصراخ:رفيييييف.
رفيف تضحك و ترشه و صارت ترجع لورا و ريان يتقدم و بسرعه أخذ منها الهوز و وجهه عليها و رفيف صارت تصرخ.
رن جوال ريان و كان تركي و أفسد فرح و انتقام ريان و رد:وش تبي.
تركي غنى له:واااااقف على بابكم و بمزح:ادق الباب و ما فتحتوا.
ريان ضحك بخفه:ادخل ادخل ، و قفل.
و ناظر في رفيف و رجع أخذ الهوز و يرشها.
رفيف تصرخ:ريااااان خلاص.
ريان:عشان تتوبين.
"ولد وش فيك عليها؟"
ريان لف رأسه و شاف تركي و لف الهوز عليه.
تركي بصراخ:للا يااااريااان.
رفيف نطت بسرعه وقفلت الهوز و ريان لف لها:ليه يا معفنه.
رفيف:المزح بيننا هو وش دخله تغرقه و بعدين حرام عليك لابس و كاشخ.
تركي ابتسم:فديت هالعيون.
ريان ناظر له و رفع حاجبه: تتغزلها قدامي يا الاخو.
تركي طنشه:اقلب وجهك غير ملابسك و تعال معي.
ريان باستغراب:وين بنروح؟
تركي:مشوار ،روح أنت بدل و أنا انتظرك هنا بسرررعه.
ريان هز رأسه باوكيه و مشى و مسك شعر رفيف و سحبه بخفه.
رفيف بعصبيه:كسر يا ريان كسسسر.
ريان ضحك بخفه و دخل.
رفيف بتكشيره:اف منك يا ريان، و رفعت راسها و انتبهت لتركي اللي انهبل على شكلها غرقانه.
رفيف ابتسمت له و بهمس:وين أخ تركي.
تركي مسك ذقنها ورفع رأسها له:أحبك.
رفيف بلعت ريقها و غمضت عيونها لما حست بانفه يلمس أنفها، صار قلبها ينبض بقوه لما مرر أنفه على خدها و خده صار ملاصق لخدها و بهمس:قولي أحبك.
رفيف تتنفس بقوه و صدرها ينزل و يطلع بسرعه، بينما تركي على وضعه و مصر أنها تقول له:ما راح اتركك إلا لما تقولين احبك ،قوليها عشان أرتاح.
رفيف همست له: أحب،،،،، و قاطعها صوت الجوال اللي خلاها تشهق بقوه و تدف تركي عنها.
ردت بلعثمه: ه،، ل،،. ال،،،، الو.
"وش فيك كأنك سياره منتعه"
رفيف تنهدت و غمضة عينها و جلست:هلا أحلام كيفك؟
تركي سحب كرسي و جلس جنبها مبتسم.
رفيف بصدمه:من قال لكم إني انخطبت؟
تركي ضرب رأسه بغبنه و رفيف لفت له و بهمس:انت وش سويت من وراي؟
__
عند وسن
اللي مغطيه عيون مشعل و تدخله بالغرفه و توقفه:جاهز تشوف المفاجأة.
مشعل:أي والله بس يا ليت بسرعه لأن حدي متشوق.
وسن ابتسمت و أبعدت القماش اللي على عيونه و جات قدامه بسرعه عشان تشوف ردة فعله.
مشعل فتح عيونه و انصدم و مسح على شعره و ناظر فيها:متى سويتي كل ذا؟
وسن ابتسمت:قبل شهرين أنا و البنات رحنا و تعاقدنا مع محل و سوينا كل شي، مسكت ذقنه:ذي مفاجاتي لك.
مشعل حضنها بخفه:الله لا يحرمني منك.
وسن بعدت و بحماس:فيه بعد مفاجأه.
مشعل:اووه كذا رأسي يكبر و يصير كل يوم أبي مفاجأه.
وسن:تستاهل يا حبي ، رفعت يده و حطتها على بطنها:اليوم رحت و فحصت عالجنين و وش تتوقع النتيجه؟
مشعل ابتسم:وش هو؟
وسن بهمس:عزوز إن شاء الله.
مشعل اتسعت ابتسامته:احلفي، رفع راسه:يا رب لك الحمد.
وسن:مشعل، لو طلعت بنت كنت بتزعل.
مشعل:لا والله ،كل شي من الله أحمده و أشكره عليه، و بعدين دامك انتي امهم فهذا الشي يكفيني.
وسن:يا بعد عمري.
مشعل طلع جواله:لازم أخبر جدي بالموضوع.
وسن كشرت:هيا رحلتها بكره.
مشعل:باقي كم أسبوع بيفرق عالاجازه الكبيره و بنرجع هناك.
هيا:خلاص باقي شهرين و أسبوعين.
مشعل:و يمكن أقل، و سكت و بابتسامه:مساك الله بالخير يابو عبدالعزيز، وش لونك؟
وسن ابتسمت و انتبهت لنور جوالها و كانت شهد:هلا شهوده.
شهد بغصه:وسن الحقيني.
شهد فز قلبها:وش فيك؟
شهد بكت:ما ينفع بالجوال لازم تجين.
وسن:طيب قولي لي الحين.
شهد ببكا:ماينفع بالجوال و الله ما ينفع.
وسن:خلاص شهد ارتاحي، الحين بأقول لمشعل يجيبني لك خلاص اهدي و قفلت و ناظرت في مشعل و وجهه كان باين عليه الصدمه ،عقدت حواجبها:وش فيك؟
مشعل ناظر لها و بلع ريقه:يوسف خطب عمتي هيا.
وسن بحلقت عيونها بصدمه.
__
عند رفيف و تركي
تركي بهمس:خلصي مكالمه و أنا بافهمك كل شي.
رفيف تنهدت بخفه و بكذب:الله ما اسرع ما انتشر الخبر و أنا ما ابي أحد يعرف بهالشي.
تركي كتم ضحكته.
رفيف رفعت حاجبها:كيف شكله و ولد مين؟ و ليه تسالين يالحبيبه ترا خاطبني أنا مو خاطب حلم، و بعصبية:احلام اكسري الشر ترا و الله مو رايقه لك و انتي وش دخلك أنا تدخلت بحياتك مثلاً، ابتسمت بسخريه:من يوم طلاقي من اخوك و انتي تقولين هالشي لكن ابيك تعرفين شي واحد، العريس اللي متقدم لي لا أنتي و لا أهلك تعرفونه و أنا ابيه و ما اعتقد ان لكم خص بالموضوع و باي ، و قفلت بعصبيه و مسحت وجهها بتعب و ناظرت فيه.
تركي مبتسم لها:والله العظيم أن قصة الخطبه من أبوي و أبوك.
رفيف سندت نفسها عالكرسي:مستغربه ان أبوي موافق من دون ما يسألني.
تركي تنهد:أبوي كل اللي سواه حجزك لي و بس.
رفيف قربت منه:و أفرض أنا ما ابيك.
تركي رفع حاجبه و قرب منها:كذابه و حتى لو رفضيتني راح اخطبك مره و اثنين و ثلاثه الين تقولين موافقه.
رفيف:ما اعتقد بتسوي هالشي.
تركي بهدوء:انك تكونين لي و ام عيالي فهذا شي مو مستحيل ابداً ، وبهمس:أحبك، و مسك يدها و باسها بكفها.
رفيف ابتسمت له و تناظر بعيونه:محظوظه فيك والله.
و بسرعه أخذت جوالها و قربت منه و رفعته لفوق تاخذ سيلفي مع تركي و ابتسم و تصوروا الاثنين و بسرعه حفظتها و بعدها حطت فلتر و كتبت:
"يحكى أن اسمك عنوان ابتدأت به جميع روايات سعادتي"
و أرسلتها للبنات و من بينهم احلام و أرسلتها لتركي.
تركي فتح السنابه و ابتسم و سوا لها كابتشر للصوره:طالعه اجمل مني.
رفيف قربت منه و تناظر الجوال و حطت يدها على صورته:أنا هنا مو حلوه ، غطت على صورتها:و انت هنا مو حلو، بس مع بعض الصوره احلى بكثير، و بهمس باذنه:يعني احنا الإثنين نكمل بعض.
تركي ابتسم و ناظر لها:تبين تذبحيني.
رفيف بخوف:إسم الله عليك.
تركي تنهد بقوه:إذا خففي هالكلام اللي نشّف ريقي و إلا قسم ما يوقفنا إلا باب السفارة نكتب عقدنا عندهم.
رفيف انفجرت تضحك و سكتت لما شافت ريان طالع و معه أغراضه و يناظر تركي:مشينا يا ولد.
تركي وقف و راح لريان:يا كشخه.
ريان ابتسم:تسلم،من ذوقك يااا و سكت.
"ريااااااان"
لفوا لها من نبرة صوتها الملحمه باسم ريان.
رفيف مبتسمه:ااا وسن بتمرني و بنروح لشهد تقول مره متضايقه.
ريان:اوكيه ، و لف عنها.
تركي:روحي بدلي ملابسك لا تروحين كذا.
رفيف غمزت له:اوكيه، و راحت.
تركي تنهد و ضرب جبهته:الله يهدي حاتم قلت له لا يكلمها الحين.
ريان:فمتى تبيه يكلمها الولد خلاص ما عاد فيه صبر يبي يستقر.
تركي ميل فمه:قولتك والله و آخر شي ذي حياته و هو ادرا منا.
ريان:طيب نمشي حنا و إلا نجلس و إلا وش السواة.
تركي:ايه مشينا ، و طلعوا مع بعض.
__
عند شهد
فتحت الباب و شافت رفيف و وسن و رمت نفسها على حضن رفيف و بكت.
رفيف بخوف:يا بنت وش فيك؟
وسن مسحت على ظهرها:شهد ادخلي الجيران لا يطلعون و أنتي كذا حالتك.
شهد مسحت دموعها و دخلت و دخلوا معها البنات و جلسوا.
رفيف انتبهت للمويه اللي عالطاوله و سكبت شوي:خذي اشربي لك رشفه و اهدءي.
شهد أخذت الكاس و خلته بيدها.
وسن:وش صاير لك؟ اليوم تو مافيك شي، أهلك صاير لهم شي.
شهد شربت المويه و حطته عالطاوله:أهلي بخير ما فيهم شي، لكن حاتم.
رفيف بحلقة عيونها:وش فيه تو ريان و تركي طالعين من عندي و لا قالوا اي كلمه عشانه.
شهد تنهدت:حاتم يقول يبي زواجنا بعد اسبوعين و ناظرت لهم بغصه:أنا شخص فاشل يا بنات ما راح أقدر أفتح بيت و أهتم بزوج و أجيب عيال ما أقدر ، و بكت.
رفيف ناظرت في وسن و رفعت اكتافها و همست لها: انتي قولي.
وسن هزت رأسها بطيب و مسكت بكتف شهد:حبيبي شهد، كل إنسان لازم يمر بهالمرحله و ذي سنة الحياه ، شوفيني كنت أقول إني مو قد هالحمل بس طلع كل شي غلط، و الاجمل أن معك شريك بحياتك يفهمك صدقيني لو مشعل مو معي خطوه بخطوه ويفهمني كان حياتي زيرو، فما بالك بحاتم الشهم.
رفيف كملت:و ترا حاتم مار بمراحل حياه صعبه و مع ذلك هو شخص عاقل ومتفهم و أنا متأكده أنه ما اتخذ هالخطوه إلا وهو متأكد منها و يبي يستقر معك.
شهد ناظرت برفيف:حاتم شخص جدي و كلامه لي الليله أثبت جديته.
وسن:هو وش قالك؟
شهد تنهدت:أنا قلت له ما ابي الحين، بس هو سأل عن السبب وصارحته بالدراسه وبعدها أعمال البيت و الإنجاب.
رفيف براحه:حلوو وهو وش كان ردة فعله.
شهد بضيق:قال باجيب خدامه تسوي كل شي والمدرسه ندرس مع بعض و الأطفال نأخر إذا هالشي هو اللي كاتم عليك.
رفيف بعدم فهم:كيف يعني تاخرون؟
شهد ابتسمت:يعني أخذ موانع
وسن بهدوء:شفتي انه متفهم، شهد تراك غبيه والله إذا هالشاب راح من يدك.
رفيف بتأييد:أي والله كلنا نعرف حاتم و أنتي أكثر وحده تعرفه من بيننا ولو مكانك أوافق و أنا مغمضه عيوني بعد.
وسن مسكت يدها:إذا باقي تحسين إنك متضايقه ومتردده فترى ذا من الشيطان صلي لك ركعتين و استخيري و إن شاء الله ترتاحين.
شهد:لا أنا ارتحت من كلامكم الله لا يحرمني منكم.
رفيف: ولا منك يا عروسه و مسكت خدها و قرصته.
وسن تمددت عالكنب:عندي لكم خبر خطيير.
رفيف:قولي عشان اقول اللي عندي.
وسن بصراحه:يوسف خطب عمتي هيا.
رفيف وشهد بنفس النبره:مستحييييل.
وسن ابتسمت:والله، هي ما تدري بهالشي بس جدي كلم مشعل و مدح له يوسف و أخلاقه وجدي قال يكلمها إذا رجعت.
شهد:حبوبه البنت و تستاهل كل خير.
رفيف:حتى يوسف من زينة الشباب ماشاء الله.
وسن ناظرت لشهد:أقول شهد عندك ورق عنب.
شهد بحلقت عيونها:من وين اجيب لك؟
وسن بتكشيره:ياختي ابيه و مشعل دور بكل الماركات ما حصل و مالي خلق اسويه.
رفيف وقفت:عن اذنكم ثواني، و مشت للشباك الكبير و بدأت تكتب له رساله:عشت الخيال في بحور العشق ،أبحرت في عالمي بلا أسباب، ضاعت مجاديف غرامي وأصابني الحزن، وأقبل من على البعد مركب إحساسك يزفني لعالم الحب ويسقي ورود الشوق في داخلي وينبت زهور الوله في عالمي.
و راحت للبنات وجلست و من السوالف رن جوالها برساله و فتحت بسرعه و ابتسمت لما قرات كلماته اللي تعشقها:
كم هي صعبة تلك الليالي التي أحاول أن أصل فيها إليك، أصل إلى شرايينك إلى قلبك، كم هي شاقة تلك الليالي، كم هي صعبة تلك اللحظات التي أبحث فيها عن صدرك ليضم رأسي (أحبك).
رفيف تنهدت و أرسلت له:و أنا بعد أحبك،،،بس انتظر الوقت المناسب اللي راح تسمعها مني.
أرسل لها:ما أقول الا الله يصبرني.
رفيف ابتسمت و ارسلت:😘.
__
السعوديه
احلام كانت جالسه مع فرح و أحمد و سوالف عن الحمل عشان فرح صارت بشهرها الثاني و أحمد طااااير.
فرح:الله يكتب لك الخير حبيبتي.
احلام بحزن:آمين.
انتبهوا لحلم اللي جايه تركض لأحلام:بسرعه افتحي سنابك و شوفي رفيف أرسلت لك صوره.
احلام رفعت جوالها:صورة ايش؟
حلم:رفيف متصوره مع خطيبها ، و بهبال:يأخذ العقل ماشاء الله.
فرح ضحكت على حركات حلم و أحمد تنهد بخفه.
احلام فتحت السناب و ضغطت على صورة رفيف و رفعة حاجبها:ماشاء الله و الله عرفت تختار.
حلم بهيام:ياخذون العقل سوا ،واللي خلق ما الومها لو ما تبي ترجع هنا و تخلي هالملح.
فرح نست من نفسها:تستاهل كل خير اجمل قلب.
أ حمد بضيق:احلام وين زوجك؟
احلام عاقده حواجبها:ما ادري عنه والله.
أحمد مد يده:اعطيني جوالك خليني أخذ سنابه.
أحلام ناولته:خذ تلاقي اسمه عندك سلوم.
أحمد:اوكيه ، و صار يدور على اسمها و لقط الحساب، و ابتسم بخبث و ناول احلام جوالها:شكراً.
"وش ناوي عليه الله اعلم"
__
بعد يومين،السعوديه
هيا ناولت أبوها بيالة الشاهي:تفضل.
الجد:زاد فضلك حبيبي ، و خلاه عالطاوله.
هيا ناظرت فيه:ما تبيه الحين؟
الجد:ساخن هو الحين و باشربه، بس قبل فيه موضوع أبي اكلمك فيه.
هيا عقدت حواجبها:خير يبه.
الجد تنهد:كل خير يا بوي بس صدقيني إذا انتي رفضتي هالشي فكأنك رفضتيني أنا.
هيا بحزن:إذا سيرة زواج يبه فترى تعبت و أنا أقول لك ما ابي.
الجد باندفاع:يوسف صديق مشعل هو اللي خاطبك هالمره.
هيا سكتت بصدمه و بهدوء:مين؟
الجد:يوسف آل،،،، عرفتيه؟
هيا تنهدت و صارت ترجف:ايه اعرفه.
الجد بمدح:ولد ماشاء الله ما يحتاج أمدح فيه و مشعل كمان يمدح بأخلاقه وأدبه وأنا أقول يا أبوي فكري هالمره بس عشان مشعل و عشانك أنتي كمان، شوفي عيال أخوانك ماشاء الله كيف تزوجوا و كيف بسرعه كونوا أسره، و أنا أقول كوني أسرتك أنتي بعد و خليني أشوف أحفادي اللي انحرمت منهم.
هيا بلعت ريقها:أفكر و أرد لك خبر.
الجد ابتسم:خذي راحتك يا أبوي.
هيا وقفت و ابتسمت بتسليك و طلعت لفوق مستغربه من أن يوسف بنفسه طلب يدها و ما راح تنسى الموقف اللي صار بينهم و خلاها تتسع ابتسامتها و تلمس خدها بخفه.
__
أستراليا
اليوم الموعود،زواج شهد و حاتم
اللي كان بمكان مفتوح و تنسيقاته الجميله و اللي تختلط ألوان القماش الموف و الأبيض مع ريحة الورد الطبيعي و خضار العشب و صوت العصافير اللي يصدح مع موسيقى البيانو الهادي الذي يعزفه المايسترو.
وسط فرحة الكل و حماس الكل بدأ الزواج من الساعه 4 العصر ،و بعد ما عقد حاتم وشهد عقدهم رجعوا عشان يستعدون ليوم العمر.
__
عند الشباب
اتفقوا يكون لبسهم واحد شماغ و ثوب و حاتم موافقهم على هالشي كل واحد طلع اكشخ من الثاني.
تركي صرخ:تعالوا بسرعه صوره سنابيه جميله.
كلهم رصوا جنبه و عملوا حركات.
تركي باعجاب:يا سلاااام و هذا ستوري على طول.
حاتم بتوتر:خلاص يا شباب خلونا نطلع نستقبل الرجال ابوي يقول بيجون أصحابه و أصحاب أبو شهد.
ريان:حاتم لا تتوتر كل شي بيكون مثل الفل.
مشعل بتأييد:معه حق لا تفكر بشي غير نفسك و بس.
طلال دخل لهم:حاتم وينك؟ ابوي يبيك تحت و يقول الضيوف واصلين.
حاتم ابتسم له:يلا جيتك ،و لف للعيال:مشينا.
تركي:روحوا انتوا و بالحقكم.
مشى حاتم و وراه العيال و تركي بسرعه دق على جوالها.
__
عند الصبايا
شهد و الكوافير في حرب شهد تبي مكياج حلو و الكوافير تبيه ناعم جداً.
رفيف تنهدت:شهد حرام عليك تراك ذبحتيها.
شهد بعصبيه:وش اسوي إذا هي غبيه يعني.
وسن:هدي نفسك ممكن.
الكوافير بالانجليزي:إذا لم يعجبك ما أفعله فدعيني اذهب.
شهد ناظرت فيهم و بحده:ابعدوها من قدامي عشان لا اتهور اليوم.
يارا:شهد خليها تخلص باقي بس حاجات بسيطه.
شهد ناظرت فيها:شكرًا لا أريد شيئاً.
الكوفيرا حطت اغراضها بالشنطه و أخذت فلوسها و طلعت.
وسن تنهدت و راحت لها:أشوف عيونك ، و أخذت الكحل و بدأت تعمل لها.
رفيف:الحين بالله ذي حركه تخلينها تطلع عشان ما ندري وش يدور براسك و وش تبين؟
شهد:رفيف أنا من أول أقول ما أبي وحده عاديه تسوي المكياج بعدين انا ابيه وسط و هي حاطته ناعم.
رفيف رن جوالها و ردت و رفعته و بحلف:والله ياشهد لو ما خليتي الفصله حقتك ذي لاوريك شغلك،،،،الو.
تركي:من بعد الحلف ما عاد اقدر اتكلم.
رفيف ضحكت بخفه:هلا، ما عليش عندنا عروس هنا خابصتنا.
تركي:العريس نفس الشي ،لاتواخذينهم يا عمري.
رفيف:عسى الله يوفقهم.
تركي:آمين يارب و بهمس:عقبالنا.
رفيف بنفس الهمس:يارب.
تركي تنهد:نسيت ليه انا داق، تنزلين الحين بسرعه.
رفيف:وين؟
تركي:انتظرك بقاعة العشاء الداخليه.
رفيف ابتسمت:اوكيه و قفلت،أخذت نفس و ناظرت شكلها برضا و لفت بخوف على صوت أم تركي
"رفيف وين رايحه"
رفيف ابتسمت لها و بتوتر:بانزل اشوف،،،اشوف لطاولات العشاء كملوها أو لا.
أم تركي:خليها الحين لأن الضيوف وصلوا و بعدين عيب يشوفونك كذا.
رفيف رفعت حاجبها:القاعه بعيده عن مقر الضيافه و ما أحد بيشوفني.
أم تركي رفعت اكتافها:براحتك يمه، بس ترا ولدي غيور و ما يحب أحد يشوف ملكه بهالشكل.
رفيف ابتسمت:إن شاء الله، أي شي ثاني؟
أم تركي:سلامتك و لفت عنها بكبر و مشت.
رفيف عقدت حواجبها:سبحان مغير الحال، و نزلت لتركي.
فتحت الباب بهدوء و طلت برأسها و شافته واقف و بيده ورده بيضاء دخلت بهدوء و انتبه لها لما تقفل الباب بقوه ،ابتسم لها و يناظر لها بصمت.
ابتسمت له و بهمس:وش فيك؟
تركي تنهد:كل مره تحلين بنظري.
رفيف بخجل:تسلم.
تركي مسك يدها و باس كفها و شبك أصابعه باصابعها و بهمس:كنت أبي اشوفك قبل ما اطلع للرجال.
رفيف ابتسمت و نزلت راسها:كنت بارجع أدق عليك و أقول لك ما راح اجي لأن خالتي مسكتني بالدرج.
تركي عض شفايفه:أمي.
رفيف هزت رأسها بايه:احس صار لها فتره متغيره علي، رغم أن بالمستشفى كانت غير و عندكم كانت غير.
تركي دق قلبه:عادي يا قلبي ترا أمي كذا ماتعرفين لها متى جديه و متى مزوحه.
رفيف بنص عين:تقول كذا تسكتني ترا أعرف خالتي أنا، شكلها رافضه إنا نكون لبعض صح.
تركي:شوفي لو رفض العالم كله إني أكون لك ما يهمني اللي يهمني إني ابيك ، و مسك خصرها و قربها له:و أحبك و بس.
رفيف تناظر له بدموع:أحس راح نتعب عشان نكون لبعض.
تركي بتكشيره:رفيف امانه لا تقولين كذا يكفي إلى الحين ما قد سمعت منك كلمة أحبك و أنا باموت عشان اسمعها.
رفيف:تركي الحب اللي بقلبي لك أكثر من قولة كلمه تتكون من أربع حروف بالنسبه لي مالها معنى.
تركي انصدم و بعد يده عن خصرها:قصدك ان هالكلمه اقولها لك و مالها معنى عندي ،و بحده:مشاعري لك ماهو بكذب يا رفيف ليه ما تفهمين إني من جد أحبك لييييه؟
رفيف:تركي مو قصدي؟
تركي:أجل وش القصد؟
رفيف ساكته.
تركي كشر:عن اذنك ، و طلع.
رفيف جلست بتعب و مسكت رأسها:وجع يا رفيف وجع يالخبله ، رن جوالها و كانت شهد حطته سايلنت و طلعت لشهد.
__
بالليل
وقت زفة شهد لحاتم اللي ما صدقوا أن الرجال مشوا و كان المدعوين أصحاب حاتم و شهد بالجامعه و الدكاتره بعد اللي مبسوطين بحضور عرس عربي.
طلت شهد بفستانها الأبيض و ماسكه بيد ابوها و تنزف على موسيقى هاديه و الصراخ و التصفير من حولها و قدامها حاتم اللي ابتسامته ما فارقته طول اليوم.
رفيف جالسه مع وسن بالطاوله اللي ورا و حكت لها اللي صار.
وسن:اسمحي لي رفيف بس انتي غلطتي.
رفيف بحزن:وسن والله أحبه بس خايفه والله خايفه اقولها و أندم عليها بعدين.
وسن بعصبيه:ردت تقول خايفه و اندم، رفيف بلا حركات مراهقين و فكري بعقلك إن شاء الله ما راح يتكرر الماضي اللي تقولين عنه.
رفيف تنهدت و سكتت.
وسن مسكت يدها:بوحي بكل مشاعرك له و إلا صدقيني بتندمين.
رفيف هزت رأسها:إن شاء الله اقدر،
و انتبهوا للصراخ وكان حاتم يبوس رأس شهد و جلسوا و مبتسمين لبعض.
رفيف لفت لوسن:وسن ملاحظه أن الدكاتره مبسوطين.
وسن:جددددداً.
رفيف انتبهت لريان و ابتسمت له.
ريان نزل لها وهمس لها باذنها،،،،،
رفيف ناظرت له: هبوله أنا عشان اسوي كذا.
ريان:و ليه؟ ما قلت لك اقتلي شخص،، قلت لك قومي،،،،،
قاطعته:ريان لا تكمل ما راح اسوي هالشي.
رفيف ناظرت فيه بنص عين و لفت عنه:آسفه.
ريان بترجي: ةالله يخليك يا رفيف.
رفيف تنهدت و سكتت شوي و ناظرت في تركي اللي و لا كأنها موجوده.
ريان همس لها:عشان خاطره طيب.
رفيف ناظرت له و هي مصدومه.
ريان غمز لها:ترا ما تتفوت علي هالحركات.
رفيف حمرت خدودها فجأه و نزلت راسها.
ريان ضحك بخفه و باس رأسها و مشى.
وسن:وش طلب منك؟
__
عند الشباب
ريان جلس جنب يوسف و همس:كلمتها و رافضه.
يوسف بحزن:اماانه.
ريان:والله شكلها اساسا متضايقه من شي و مكشره.
مشعل سمع كلامه:من ذي اللي مكشره بحفلة اليوم.
ريان ابتسم له و بقصد يرفع صوته:رفيف اختي ،طلبت منها طلب و كانت بتصكني كف يفقدني الحاسه السادسه.
مشعل و يوسف ضحكوا عليه.
"افا مين مزعلها؟ "
لف ريان و شاف ابو تركي و ابتسم:ما ادري عنها و لف لتركي اللي كان يسمع كلامهم و يصرف نفسه بالجوال.
ابوتركي:يمكن زعلانه عشان صديقتها.
يوسف:اللي يسمعك يا عم يقول أنها بتسافر آخر العمر و هي بتكون معنا بنفس المكان.
أبو تركي:صح نشوفها تفاهه بس الانثى رقيقه و عاطفيه من أي شي تحزن.
قطع كلامهم صوت رفيف بالغناء:حبيته بيني وبين نفسي وما قولتلوش ع اللي في نفسي
ما عرفش إيه بيحصللى لما بشوف عينيه
تركي رفع راسه على طول و كانت جالسه على كرسي جنب المايسترو و تغني و فجأه لفت له و تناظر فيه و كملت له:
ما بقتش عارفة أقوله إيه
ما عرفش ليه خبيت عليه
بضعف أوى وأنا جنبه وبسلم عليه،،،،،،
و كملت من دون ما تناظر له و هو مصدوم و يتنهد بخفه ،ابتسم لما رجعت ناظرت له و نزلت و تمشي قدامه و تبتسم و تناظر بكل الموجودين بالطاوله و تغني له:الكلام لو كان يعبر ع الحنان
كنت قولت إني بحبك من زمان
كل يوم الشوق بيكبر عليا بان
__
و أنهت الاغنيه بصفقه من الكل و ناظرت لريان اللي وصلت له بالطاوله:رضيت الحين.
ريان مبتسم:فدوه أنا.
ابوتركي:الله يحفظك من كل شر والله انك حركتي شي كذا بقلبي.
يوسف:اقشعر جسمي ،ماشاء الله الله يحفظك.
رفيف مبتسمه لهم:تسلمون ،عن اذنكم مخليه وسن لحالها، و وقفت و فزت من يارا اللي كانت قدامها و ضامه يدها ببعض وبترجي:تكفين تكفين اغنيه ثانيه.
رفيف:مو الحين بعدين أغني لك اللي تبين.
يارا:تكفين أبيها الحين.
رفيف:وعد والله لا غني لك بعدين.
يارا باستسلام:اوكيه، و راحت.
رفيف جلست و ناظرت في وسن:فيني رجفه ما هدت ابداً.
وسن:ما قصرتي يا قلبي الله يحفظك.
رفيف:كيف كان ردة فعله؟
وسن ابتسمت:منهبل ، بالبدايه انصدم بس بعدين بدأت الابتسامه تتسع الين انتهيتي.
رفيف كشرت:إن شاء الله يكون جاب نتيجه هالشي.
__
عند العرسان
اللي كانوا بعالم ثاني و كان مافيه إلا اثنينهم بهالعالم، انتبهوا لصوت رفيف اللي غنت و صار حاتم يقول لها:هذا اهداء لك.
شهد ابتسمت له و باست خده بخفه ،و بدأت تغني رفيف و لما خلصت صفقوا لها و أرسلت لها شهد بوسه.
حاتم تنهد:ذبحتني ذا المصوره.
شهد:خلها تصور اللي تبي.
و انتبهوا لابوها اللي مسك المكروفون و يرحب بالكل و كان يتكلم بالانجليزيه و يبارك لها هي و حاتم و آخر شي قال:لو يسمح حاتم لي باهدي شهد هالشعر.
حاتم صرخ له:على رأسي يابو شهد.
ابتسم و أخذ نفس (شهد )
قولي كلمه واصدقي فيها معي
الحقيقه من طباعك ياعنود
في مكان في القلب يحقق مطمعي
أو يكون حرفي تجاوز كل حدود
( شهد )
للهديه معنى ثاني
تسعد اللحظه وزماني
هذي جوهره والأماني
بدونها قلبي يعاني
حتى المطر يملا المكان
نفسه يشوفك من بعيد
( شهد )
في صباحات المحبه
أشرقت دنيا البشاير
قلبها عطر الأحبه
شوقي لك حير وطاير
( شهد )
سيرتك سعدي ومناي
أنطق اسمك بالورود
أنت فرحي ياهناي
بشرى والكلمه وعود
( شهد )
أعرف البسمه من بسمة خيالك
تبتسم دايم ومالك أي مثيل
بسمتك زادت من جمالك
كلمتك إخلاص وقلبي لك يميل
( شهد )
حسنها اسمها البهي
وصفها صعبه أقوله
عطرها ريحه شذيه
قلبها انثى خجوله
( شهد )
ياشجر عالي وأزهارك فروع
تحمل أشواقي ويرويها حنانك
في هواك نسمه تداوي في الضلوع
( شهد )
لك تحيه لك سلام
لك محبه في الكلام
لو تحيه تبتعد
قلبي ماينسى الهيام
( شهد )
صوتها بحه خجوله
غردي واروي السهاد
ضحكتك تغريد عجوله
ارحمي طول البعاد
( شهد )
وقت الفرح مايعرف التنهيد
كل الثواني غالي ثمنها
ليلة فرح خلي الليالي تعيد
أحلى ابتسامه هذا زمنها..
نزلت دموعها وبكت بصمت و الباقي تأثروا بكلامه لانه أب و ما يملك إلا ذا البنت اللي جات له بعد تعب.
شهد نزلت من كوشتها و راحت له وحضنته بقوه و هو شد عليها و نزلت دموعه.
رفيف تهف على نفسها:مابي أبكي مااابي.
وسن تمسح دموعها:وصلت أنا و انتهت، و ضحكت بخفه.
أم شهد اللي شافت الموقف مسحت دموعها اعترفت لنفسها أنها كانت أم مهمله علاقتها ببنتها ما كانت قويه مثل علاقتها بابوها اللي كانت جميله.
شهد بعدت عنه ومسحت دموع أبوها و ببحه:الله لا يحرمني منك.
أبو شهد باس رأسها:و لا منك يا روحي، تعالي نروح لزوجك، و مشت مع أبوها.
حاتم ابتسم لهم و شهد جلست جنبه و أبو شهد نزل من دون ما يقول كلمه زياده.
شهد تمسح دموعها:ما فيه مرايه.
حاتم يناظر لها و يمسك ذقنها و يرفعه له:قمر بكل حالاتك.
"اححمم ممكن وقت مستقطع لو سمحت"
حاتم وشهد التفتوا لها و ابتسموا.
حاتم:جيتي بوقتك.
شهد ببراءة:والله ما قدرت أمسك نفسي.
حاتم:وش فيك تقولين لها و كأنها بتذبحك.
شهد ناظرت في رفيف:لاني تاعبتها طول اليوم.
رفيف بتكشيره:ايه مره ،ترا مصيرك بتتعذبين معي بيوم زواجي.
حاتم:يعطيكم العافيه ما قصرتوا.
رفيف ابتسمت له:فرحتنا وحده ، و طلعت الفرشاه و بدأت تعدل ميك أب شهد و بعد دقايق:خلصنا كذا.
شهد:يعطيك العافيه.
رفيف:يعافيك حبيبتي،ترا بعد شوي بنحط ميوزك ابيكم تقومون ترقصون عليه عشان فيه تصوير فيديو.
شهد و حاتم وافقوا و رفيف نزلت من عندهم و دخلت لجوا و ما حست إلا باليد اللي سحبتها و شهقت بخوف.
"اشششش و لا كلمه"
رفيف تتنفس بسرعه و تناظر له بخوف.
"وش فيك"
رفيف بخوف:وش تبي مني ساحبني بالطريقه ذي.
"وش تتوقعين أبي يعني، ابييك"
شهقت لما سمعت صوت يناديها:رفيف و يكرر اسمها.
رفيف ناظرت فيه:ريان.
"اششش" و سحبها معه بهدوء.
__
عند وسن
كانت تناظر بالمكان و تدورها بعيونها:وين رفيف؟
يارا:ما ادري بس كأني شفتها دخلت لجوا.
وسن هزت رأسها باوكيه.
__
بآخر الحفله
شهد باست رأس أبوها و حضنت أمها بدموع صامته و حاتم سلم على أبوه و دعا لهم بالتوفيق و ودعوا أصحابهم.
وسن مسكت رفيف:أنتي وين كنتي اختفيتي فجأه.
رفيف تناظر لها بصمت و بابتسامه شاحبه:كنت جوا،  و ناظرت في ريان و بتعب:أبي أروح.
ريان:وش فيك كذا.
رفيف بطفش:صاحيه من بدرى ريان و الحين الساعه 2 ،تلومني بالله ،امش خلنا نروح.
ريان:اوكيه، يلا بالاذن جميعاً ، و مشى و مشت رفيف وراه.
تركي همس لها:وش فيها رفيف؟
وسن رفعت اكتافها.
تركي ابتسم وهمس:قريب بتكونين لي.
_
يتبع ————->