احضني و نسيني قسوة الماضي

الجزء السابع

الجزء السابع
__
عند شهد و حاتم
اللي وقف عند شقته أول و طلب من شهد:يلا انزلي.
شهد:على انك توصلني شقتي مو أروح معك لشقتك.
حاتم ابتسم:عارف والله بس شقتي بعيده عن المستشفى و شقتك هي الأقرب، إذ تبين تنزلين هلا فيك ما تبين انتظريني هنا و قفلي عليك.
شهد دق قلبها من كلامه اوهمتها نفسها ان فيه أحد بيكسر القزاز و بيخطفها ،ناظرت فيه:بانزل معك لأني مو عارفه وش بيصير.
حاتم اتسعت ابتسامته و نزل و نزلت معه، مد يده لها و تمسكت فيه و دخلوا المبنى و طلع فيهم الاصنصير لفوق.
حاتم طلع مفتاحه و فتح الباب و ناظر في شهد:تفضلي.
شهد دخلت قبله و ابتسمت و ناظرت له:مره حلوه شقتك ،مبين إنها بسيطه مثلك.
حاتم:هذا محيطي.
شهد:جميل، مو أحسن من محيطي اللي يشوفه يقول أم لسبع أطفال.
حاتم ضحك.
شهد:والله أبوي ما ترك شي في السوق إلا و اشتراه عشان ياثث الشقه اللي هنا.
حاتم:اوكيه شهدي باروح أجهز اغراضي أخذ شاور سريع ما راح أتأخر عليك.
شهد تناظر اغراضه:خذ راحتك.
حاتم بمزح:لا تحوسين علي.
شهد تناظر كتبه:حاضر.
حاتم ناظر لها شوي و ابتسم و دخل غرفته.
شهد كانت تحاول تكتشف عنه شي، ابتسمت لما شافت كيف أن حاتم رجل مرتب و مثقف، تنهدت و جلست على كرسي المكتب و بدأت تناظر اغراضه و تتصفح كتبه، عقدت حواجبها لما شافت ورقه فيها كتابات سحبتها و كانت كتابات و اشعار و اللي لفت انتباهها الاسم اللي مكتوب و كان بالانجليزيه:shahd و بجنبها راسم قلب، بلعت ريقها و في بالها:اسمي اللي مكتوب و يمكن اسم بنت ثانيه ياكثرهم شهد بهالدنيا وقفت علي، حطت يدها على ذقنها:بس صار له فتره متغير معي و يناديني شهدي و يبتسم لي و يمسك يدي ،نفضت الأفكار اللي براسها و بصوت مسموع:مستحيل ابداً مستحيل.
سمعت صوت غريب و وقفت بسرعه و ركضت لغرفة حاتم و أول ما فتحت الباب صدمت فيه وهو توه طالع من الشاور.
حاتم مسكها من خصرها و عاقد حواجبه:وش فيك؟
شهد تتنفس بسرعه:ما ادري صوت برا خفت منه، و تناظر للباب و رجعت تناظر فيه:حاتم امانه ما تخرج له.
حاتم ابتسم:اكيد سمعتي اللي ينظف القزاز حق النوافذ.
شهد دفنت وجهها بصدره:ما ادري حاتم بس صوت يخوف.
حاتم مسك كتوفها و بعدها:حبيبي ما فيه شي يخوف و أنا معك.
شهد بنبرة همس:اكيد.
حاتم ابتسم لها:اكيدين بعد.
شهد توها تنتبه للوضع إلى هي فيه و بعدت عنه بسرعه:ااا،أنا آسفه.
حاتم مسك انفها بخفه:انتظريني هنا.
شهد منزله راسها:تمام.
حاتم دخل يلبس و يجهز ملابسه و بسرعه طلع و راح سرح شعره و رش عطره المعروف و بسرعه أخذ اغراضه و طلع مع شهد اللي خجلانه منه.
بعد دقايق وقف عند بوابة العماره اللي ساكنه فيه شهد.
شهد:شكراً حاتم.
حاتم:و ليه تشكريني؟
شهد ابتسمت:أشكرك على كل شي.
حاتم:شهدي من دون شكر أنا اسوي هالشي و أنا راضي مو متضايق.
شهد فتحت الباب و ناظرت فيه:ممكن سؤال.
حاتم بابتسامه:امريني.
شهد:ليه تقول لي شهدي مو شهد.
حاتم تنهد:لأني أحب أناديك بهالاسم.
شهد بنص عين:بس.
حاتم:كل شي تعرفينه بوقته، الحين انزلي و لا أوصيك  ركزي على مذاكرتك و اختباراتك.
شهد:اوكيه و انت بعد.
حاتم:من عيوني.
شهد:باي.
حاتم:باي يا روحي.
و قفلت شهد و انتبه لها حاتم الين دخلت العماره و مشى بعدها للمستشفى.
__
بالمستشفى
بعد ما سولف رايان و تركي ،انتبهوا انهم فاقدين رفيف.
ريان يطلع جواله:نسيت منها.
تركي:اكيد بالمستشفى ما بتروح بعيد.
ريان بنبرة تعب:إن شاء الله.
انفتح الباب و دخلت رفيف و بيدها ايس كريم.
ريان بعصبيه:انتي وين رحتي؟
رفيف بهدوء:جيعانه و رحت ادور على ذا.
ريان:ماشاء الله و هذا تسمينه أكل.
رفيف بتكشيره:مالي خلق مهاوشتك.
ريان وقف:يلا نمشي.
رفيف جلست عالسرير عند رجول تركي:حاتم ما وصل عشان نمشي و خالتي قالت ما أترك تركي يجلس لوحده.
تركي ابتسم.
ريان جلس:وينه حاتم طيب؟
رفيف رفعت اكتافها:و الله ما ادري.
ريان يصرف:تركي متى اختباراتكم؟
تركي:نفس تاريخ اختبارات رفيف.
ريان هز رأسه بايه:نسيت أنكم تدرسون سوا.
رفيف تاكل ايسكريم:حجزت تذاكر الرجعه.
ريان:لا.
تركي بحزن:بتروحون السعوديه.
ريان:يأخي مو برايحين.
رفيف:لييه؟ مو قلت لك تحجز بدري انا مشتاقه لابوي.
ريان:ابوي قال لا تجون هالاجازه.
رفيف تخصرت:و ليه إن شاء الله.
ريان رفع اكتافه:علمي علمك، كلميه و اسأليه.
رفيف تنهدت و طلعت جوالها.
ريان باندفاع:رفيف لا تكلمينه الحين.
رفيف:باقي الليل عندنا الحين.
ريان:عارف لأنه معزوم عند بيت خالتي و اكيد المجلس كله رجال.
رفيف بفضول:ليه وش عندهم؟
ريان:عشان رجوع أحمد و زوجته من الهني موون.
رفيف رفعت حواجبها:حتى اللي يرجع من شهر عسله لازم عزايم.
ريان:أبوي يقول ان أم فرح اللي مسويه هالشي.
رفيف بحقد:اكيد كل شي من رأسها ذيك العقربه.
ريان:خلاص اتركيهم وش لك فيهم مع جدي ان شاء الله.
رفيف بابتسامة سخريه:على قولتك وش لي فيهم.
تركي:رفيف قلت لك اللي ينساك انسيه.
رفيف ابتسمت له:و أنا قلت شي.
تركي:لا ما قلتي شي بس اعرفي انك فوووق ما أحد قدك.
رفيف:حاضر.
رن جوال ريان و كشر:يوووه من ذا النشبه.
رفيف:مين؟
ريان:طالب معنا في الكلاس فرنسي فإذا يكلمني يقول شفرات ما افهمها؟ و رد:بنجور.
رفيف و تركي ضحكوا.
ريان يكلم راح ورا الحاجز.
رفيف اللي تاكل ايس كريم و تناظر في الفراغ.
تركي ابتسم و هو ناوي بهالحركه:رفيف قربي شوي.
رفيف:وين؟
تركي:تعالي أبعد حاجه فى وجهك.
رفيف قربت وجلست جنبه صار كأنها جالسه بحضنه و مغمضه عيونها.
تركي مد يده على طرف فمها و مسحه و نزل مع شفايفها و هو يناظر فيها بابتسامه.
رفيف فتحت عيونها و صارت نظراتهم لبعض و انفاسهم مختلطه مع بعض.
تركي نزل يده و بهمس:خلاص.
رفيف بلعت ريقها بصعوبه و أخذت منديل و أعطت تركي يمسح يده.
تركي بابتسامة خبث:ما ابيه.
رفيف كانت تناظر له بهدوء و مسحت فمها بخفه و ما حست إلا بحاتم يقول:هاي.
تركي:هلا.
ريان من ورا الحاجز بعد ما سلم على حاتم:يلا تركي عن إذنك، يلا رفيف.
تركي:ما ودكم تجلسون بعد.
ريان:وقت ثاني إن شاء الله.
رفيف وقفت وأخذت شنطتها و ناظرت فيه بابتسامه:تقوم بالسلامه.
تركي مبتسم لها:الله يسلمك، رفيف.
رفيف:هلا.
تركي غمز لها:شدي حيلك.
رفيف ابتسمت له:و انت بعد، باي، و ناظرت في حاتم:باي حاتم ، و طلعت.
تركي تنهد و ناظر في حاتم:هلا بالعسل.
حاتم جلس جنبه:فيه موضوع أبي اكلمك فيه.
تركي جلس باهتمام:امرني.
__
عند وسن
اللي كانت جالسه بالغرفه و قدامها الكتاب تذاكر فيه، لكن وسن ما كانت تذاكر كانت تبكي بحرقه دموعها ما وقفت.
مشعل اللي دخل لها عشان يسألها عن سؤال بالمقرر، أنصدم لما شافها تبكي و راح لها:وسن وش فيك؟
وسن حضنته و بكت.
مشعل:امانه وسن لا تخوفيني عليك.
وسن بعدت عنه و ببكا:مشعل أنا حامل.
مشعل عقد حواجبه:طيب و ليه.....و سكت.
وسن مسحت دموعها:صدقني مشعل مو قصة ما ابي منك والله بس كيف انتبه له و أنا عندي جامعه و مذاكره و دوام ،مشعل أنا راضيه بأمر الله والله بس هو بينظلم والله بينظلم.
مشعل تنهد و حضنها:خلاص يا حبي ارحمي نفسك شوي.
و بعد دقايق بعدت عنه و ناظرت فيه، مسكت يده و حطت على بطنها:هنا فيه منك أنت قطعه منك حاملتها جواي، راح تكون معي و تساعدني على تربيته؟
مشعل ابتسم:اكيد، يكفي أنه منك انتي.
وسن ابتسمت له من بين دموعها.
مشعل:بعدي، و نزل لمستواها:و الله لو تتعب ماما لتشوف شغلك.
وسن ضحكت.
مشعل بعتب:ليش تضحكين و أنا اهزأه كذا تخربين تربيته.
وسن سكتت:آسف بس إذا طلعت بنوته.
مشعل اتسعت ابتسامته:فدوه أنا بنتي.
وسن تخصرت:الحين مين اللي يخرب؟
مشعل ببرود:بيني أنا و بنتي.
وسن وقفت:يصير خير، و خرجت للصاله.
مشعل صرخ:ايه بدينا الدلع ،ابتسم و صار يحك رأسه و يتنهد:والله ان ورانا مشوار، الله يكتب أجرك يا وسن.
__
عند رفيف
اللي تذاكر أعقد ماده عندها و معصبه و تحفظ كلمتين و تنسى كلمتين زفرت بقوه و رمت كتابها:الله يأخذك من ماده.
انتبهت لجوالها اللي رن برساله، فتحتها و ابتسمت.
"ودي ارسل عيوني صوبك تشوفك وتتطمن عليك وتبوسك وتقولك تراني افكر فيك"
و رنت برساله ثانيه:
بديت أحبه وحبه يسكن بوجداني
بديت أحبه وأوله عليه وأشتاق
بديت أحبه وحبه له طعم ثاني
بدأ القلب يهواه وينبض له الخفاق
بديت أحبه من يوم شفته وجاني
يوم نظرته اهتزت لها الأعماق
يوم الحياء امتلكني وعقد لساني....
رفيف ابتسمت و بدأت تدور كلام عشان تكتب له بس سبقها و كتب لها:
بوسه في تالي الليل اهديها لك بالحيل
ومضمونها وصيه تقول تصبح على خير.
رفيف ابتسمت و كتبت:و انت من اهله.
أرسل لها "افا بس ذي اللي قدرتي تقولينه"
رفيف تنهدت ما تدري وش تكتب،بحلقت عيونها لما شافته يرن جوالها باسمه تنحنحت وردت ساكته و هو ساكت وّ اللي ينسمع بس انفاسهم.
همس باسمها"رفيف"
رفيف:هممم.
"نمتي"
رفيف:لا.
"طيب ردي علي برساله"
رفيف:وش تبيني أقول؟
"اللي بقلبك"
رفيف:حتى لو كان مو حلو.
"بيطلع حلو دامك انتي مرسلتيه"
رفيف ابتسمت:اوكيه.
"باي" و قفل.
رفيف لفت أصابعها عالكيبورد و كتبت:
ابتدأ اللقاء لتشتاق الأذهان عن ما كان يشغلها في وقت سابق...
وتتمعن الأبصار لكي تملأ قعر الأعين بنظرات تترجم صورها داخل براويز الفؤاد... لم ينته حديث اللقاء فتأخذ نفس عميق ليخفف لهيب الشوق ويخرج نفساً دافئاً تصاحبه همسة تكاد لا تسمع...
وتبدأ عقدة اللسان تنحل لتخرج كلمة لتعبر عن ما فعل الفراق ويصمت الطرفان لتحكي عيناهما حديثاً، حديث عتاب، خناق، تحقيق، إدانة، لوم، لا يفرق دامت الأعين هي من تتحدّث.. لأنّ كل ما تحكيه تذوبه دموعها الحارة،و أرسلتها.
ارسل لها "الله لا يجيب فراق".
رفيف:ليه ما نمت للحين؟
"أفكر فيك"
رفيف:😏😏😏.
"هههه، والله أفكر فيك حتى أبوي طنشني من كثر ما أنا سارح فيك"
رفيف تصرف:تركي تعبت من الماده اللي علينا آخر يوم مررره تطفش.
تركي:و ليه تذاكرينها و هي آخر شي؟
رفيف:اللي علينا بعد بكره سهله مره ،بس اللي اخر شي تجلللط.
تركي:أنا عكسك تماماً، اللي بعد بكره مره صعبه.
رفيف استغربت:بتداوم تختبر.
تركي:اكيد و تطفئ نار شوقي لقاك.
رفيف ابتسمت:طيب ذاكر زين.
تركي:إن شاء الله.
رفيف:يلا ما أطول عليك تصبح على خير.
تركي:و انتي من أهله😘😘😘.
رفيف ابتسمت و قفلت جوالها و تنهدت:يا ويلي منك يا تركي، الله اعلم اللي نسويه صح أو غلط.
نفضت الأفكار من راسها و عدلت مخدتها و نامت.
__
عدت فترة الاختبارات و كان لقاءهم قليل يسلمون على بعض و يسألون عن الاختبار ،بآخر اختبار طلعوا كلهم مكشرين لأن اختبارهم كان صعب شوي و حلوا باللي هم قادرين عليه.
شهد بعصبيه:الله يأخذه الحيوان بالله ذي اسئله.
مشعل ماسك رأسه:أسئلته نموذجيه.
يوسف يفرك عيونه:نموذجيه لدرجة اني حسيت الحروف ترقص من كثر ما قرأت وش طالبني من السؤال؟
شهد ضحكت.
حاتم بتفاؤل:روقوا و إن شاء الله خير.
تركي يناظر شهد:رفيف للحين ما طلعت.
شهد:لا كارهه هالماده و ما ادري وش مخوشه فيها.
وسن بتكشيره:و حنا نقول سهل و ما علينا بننجح و كذا إلا شكلنا راسبين فيه.
"السلام عليكم"
لفوا و شافوا رفيف:و عليكم السلام.
تركي ابتسم:بشري.
رفيف كشرت:زفت ولله الحمد.
تركي:إن شاء الله خير.
رفيف:طبعاً ما فيه داعي أسألكم لأن سيماهم في وجوهيهم.
ضحكوا عليها.
تركي ابتسم:عالعموم شباب صبايا نبعد عن جو الاختبارات اهم شي اناخلصنا نص المشوار و إن شاء الله الكل ناجح.
الكل:يا رب ،الله يسمع منك.
رفيف همست له:وش لون صرت اليوم ؟
تركي:لا الحمد لله تمام.
حاتم:أنا شخص يبي يروح ينام.
تركي:لحظه حاتم ،شباب صبايا ابوي كلمني قبل شوي و يسلم عالكل و يقول بكره لا تتاخرون الكل معزوم عنده.
مشعل:كثر خيره.
وسن:عشان وش هو تركي؟
تركي:ما ادري والله.
حاتم:متى الحضور؟
تركي:المغرب و انتوا متواجدين.
شهد:إن شاء الله.
حاتم وقف:أحد بيمشي معي؟
مشعل وقف:احنا نستئذن.
وسن وقفت:شهد كلميني إذا وصلتي.
شهد:تمام.
حاتم:مع مين تروحين؟
شهد:مع السواق.
حاتم:قومي معي.
شهد:لا دقيت عليه و بيجي بعد شويه.
حاتم:كلميه و قولي خلاص لا يجيك.
شهد تناظر فيه ساكته.
وسن:والله لو تمشين مع حاتم أحسن عالاقل كلنا نرتاح.
مشعل:اي والله يا شهد أحسن لك.
شهد وقفت:حاضر.
يوسف:اوصلك معي رفيف.
تركي باندفاع:ما عليش باوصلها معي لأني باعزم ريان كمان.
يوسف وقف:اللي يريحها ،يلا عن اذنكم و راح الكل.
__
بالسياره
تركي ماسك يد رفيف:ابيك تجين أول وحده.
رفيف:ليه؟
تركي يناظر لها:من دون ليه؟ أبي اشوفك قبل الكل.
رفيف ابتسمت:إن شاء الله.
تركي ابتسم:فديته هالمبسم.
رفيف بعدت وجهها بخجل.
وصلوا و طلع تركي لريان و خبره بالعزيمه و وافق ريان و طلع تركي مبسوط.
__
بيوم العزيمه
الكل لابس و متكشخ و جاهز عالاخر..
عند رفيف و ريان
رفيف لبست فستان كحلي لتحت الركبه و لابسه عليه هيلهوب اسود ساده و أكمام اليدين طويله مختوم باصبعها خاتم فضي بسيط وسلسال على شكل فراشه ناعمه و الشوز كان بسطار كحلي و شعرها تاركته مفتوح  و مفيره الاطراف و لامه قصته بنفخها و مكياجها كالعاده مسكرا و كحل و روج وردي و شوية بلاشر.
ريان لابس رسمي و مضبط شماغه الكوبرا و لابس نظاراته الطبيه على عيونه الحلوه.
عند وسن و مشعل
وسن اللي لابسه تنوره ورديه و اسعه و بلوزه بيضاء واسعه و لابسه فلات بيج و هذا كله من أوامر مشعل.
لبست حجاب بيج و مكياجها كان بس قلوس و كحل اسود.
مشعل لبس رسمي و غتره حمراء و اللي كان هذا الشباب متفقين عليه و هو الزي الموحد.
عند شهد.
لبست فستان أحمر قصير للركبه و تحته اكيد هيلهوب اسود و كعب اسود مقفل من قدام و تاركه شعرها مفتوح و مكياجها كان ماسكرا و روج احمر و اكسسوارها كان حلق صغير اسود و خاتم اسود بسيط.
عند حاتم
لابس رسمي من دون شماغ و حاط قبوع عشان تضبط الكشخه<<<انت كشخه في الأساس.
عند يوسف و يارا
يارا لبست بنطلون جنز و بلوزه رصاصي و من قدام كان فيها كلمات بالاسود و خطوط عريضه و لبست صندل اسود و اكسسوارها اسود و كانت حاطه بس روج وردي.
يوسف لبس رسمي و شماغ سكري و كان محدد لحيته و شواربه.
__
عند تركي
اللي جالس بالصاله مع أبوه و أمه كان يمسج لها و اقلقها:رفيف وينكم؟
💭تاخرتوا
💭متى تجين؟
💭أبي اشوفك
💭تعالي وحشتيني.
بالاخر أرسلت له:مو جايه.
تركي شهق بصوت مسموع.
أم تركي: اسم الله عليك وش فيك حبيبي؟
تركي بعصبيه:لحظه يمه، و أرسل لها:واللي رفع سبع و انزل سبع لو ما تجين لاجي أنا بنفسي اسحبك، تعوذي من الشيطان و تعالي.
رفيف:هههههههههههه.
تركي:تراني جاااااد.
رفيف:افتح الباب طيب، و رن الجرس.
تركي وقف بسرعه و صرخ بخفه:ااخ.
أم تركي بصراخ:يا ماما شوي شوي وش فيك؟
تركي ماسك مكان العمليه:طيب يمه نسيت من نفسي.
أبو تركي:أجلس يا بوي و الخدم هم اللي يفتحون الباب.
تركي هز رأسه بطيب:ايه يبه بس ابي افتح لهم أنا مو حلوه يفتحون لهم الخدم.
أبو تركي ابتسم له و وقف:حيا الله أبوعبدالعزيز.
تركي التفت و شاف مشعل و وسن.
مشعل:الله يسلمك، و باس رأسه.
أبو تركي ناظر في وسن:هلا و غلا وش لونك يا بنتي.
وسن بابتسامه:بخير يا عم انت كيفك؟
أبو تركي:دامكم بخير فأنا بخير.
وسن:دوم يارب.
أم تركي سلمت عليها و مشعل باس رأسها كاحترام.
مشعل صافح تركي اللي جالس و مكشر من الألم ،و بخوف:وش فيك؟
ام تركي:متصربع هالولد سمع صوت الجرس و قام كأنه مركوض و نسى من نفسه.
مشعل:الله يهديك يا تركي.
تركي كشر:خلاص آسف.
ابوتركي:فديت اللي مسوي قدر لأصحابه و يروح يفتح لهم الباب والله ما راحت تربيتي عبث.
مشعل:افا عليك يا تركي ،اكيد الكل بيعذرك.
رن الجرس و ناظر ناحية الباب و صرخ:افتحي يا ميري.
أبو تركي يهمس لمشعل و تركي:أنا عندي احساس انك تنتظر شخص معين.
تركي يناظر له ساكت.
ابوتركي:شفت نظرتك ذي يعني أن كلامي صح.
مشعل ابتسم لهم.
"السلام عليكم"
تركي التفت و شاف يوسف و يارا ورد السلام لما سمع الكل يسلم.
يوسف صافحه و بدلع:كيفك حبيبي؟
تركي:ههه بخير.
يوسف جلس جنبه:ولد وش فيك وجهك مو عاجبني؟
تركي ببرود:ما فيني الا العافيه.
يوسف يناظره بنص عين، طنشه و كلم مشعل.
تركي وقف و رن جواله عليها و ردت بضحكه:هلا.
تركي:يا ويلك مني.
رفيف انفجرت تضحك.
تركي بزعل:ايه اضحكي لأني باوريك شغلك.
رفيف:تركي والله مو بيدي ريان كل شوي يوقف مكان.
تركي تنهد:هذا وصايتي لك تجون أول ناس و تشرفون آخر ناس.
رفيف:اوكيه افتح الباب.
تركي راح و فتح الباب و انتبه لرايان اللي حامل بوكس كيك و مربوط بشريطه حمراء.
رايان مبتسم:السلام عليكم.
تركي ببرود:و عليكم السلام.
ريان رفع يده:والله انا المسؤول عن التأخير.
تركي بعد شوي:تفضل.
ريان صافحه و سلم عليه خدادي:تفضل هالهديه البسيطه.
تركي:شكراً و ليه متعب نفسك؟ ،تفضل و يناظر:وين رفيف.
ريان:شافت شهد جايه و راحت لها.
تركي:تعال حياك، و دخل مع ريان و عرفه على أبوه و بعد ثواني انتقلوا الرجال الصالون الثاني عشان ياخذون البنات راحتهم بالحكي.
رفيف و شهد دخلوا و كانت رفيف حامله بيدها باقة ورد حمراء و تناظر بعيونها، سمعوا صوت أم تركي ترحب فيهم سلموا عليها و ضيفتهم لجوا.
رفيف حطت الباقه على جنب و كانت تعدل شعرها.
شهد:الحين سؤال؟ ليه ما أعطيتي خالتي الباقه حقت الورد.
رفيف:لأن الباقه لتركي مو لخالتي.
وسن ابتسمت:اوووه تطورات جديده.
رفيف:تراها من ريان والله.
شهد بتريقه:ايه يا حياتي من ريان.
رفيف خزرتها:عمرك ما صدقتيني و وقفت:وين المرايات؟
وسن:شوفي الباب ذا فيه حمامات و مغاسل ما أحد بيشوفك غيرنا.
رفيف وقفت و أخذت شنطتها و الباقه.
شهد:اتركيها ما بناكلها.
رفيف:باكلم رايان يجي ياخذها، و طنشتهم و مشت للمرايات و بدأت تضبط نفسها.
"قمر ما يحتاج تعدلين شي"
رفيف لفت بسرعه و ابتسمت:خرشت أمي.
تركي يتقدم لها:حلو قابلتك هنا عشان ما احرجك قدام البنات.
رفيف ترجع ورا:ليه وش بتصلح؟
تركي عاقد حواجبه:أنا قلت باعاقبك.
رفيف بخوف مصطنع:تكفى تراني .........
و ناظرت وراها الا وهي صادمه في الجدار و بصوت متقطع:خو فتــ ني.
تركي حجزها بيدينه:صدق والله.
رفيف تناظر في الأرض:تركي وخر عني.
تركي بهمس:ليه؟ مو قلت لك اني أبي اشوفك قبل الكل.
رفيف:هذا انت شفتني قبل الكل.
تركي يلعب بشعرها:لا كنت أبي اشوفك قبل امي و البنات.
رفيف تناظر له ساكته.
تركي قرب منها و باس خدها بخفه:يا أرض احفظي ما عليك.
رفيف ولع وجهها و نزلت من تحت يده و راحت للمرايه و عدلت شعرها و أخذت الباقه:تفضل هذي من ريان.
تركي ابتسم:اعشق هاللون.
رفيف أخذت أغراضها:عن اذنك باروح.
تركي باندفاع:لحظه.
رفيف وقفت من دون ما تلتف له.
تركي راح قدامها و رفع يده لها و غرس ورده بإذنها اليسار:هذا معناته انك صرتي،،، و سكت.
رفيف:صرت وش هو؟
تركي:صرتي اللي تبين بس شي يربطك بتركي.
رفيف:بس،،،، و سكتت لما سمعت الجرس.
تركي:اكيد ذا حاتم.
رفيف مشت من جنبه و أشرت له بباي.
تركي ابتسم لها و راح للشباب اللي انضم لهم حاتم.
رايان من وقت جلوسه و هو ينتبه بنظرات أبو تركي اللي كأنه مشبه عليه.
تركي جاء لأبوه و كلمه باذنه.
أبو تركي وقف:يلا حبايبي تفضلوا على واجبكم.
و انضم الكل لطاولة الطعام اللي كانت من أصناف منوعه و ترتيب جميل.
__
على طاولة الأكل
أبو تركي ناظر في ريان:ريان.
ريان اللي كان يسولف مع يوسف رد باحترام:لبيه يا عم.
ابوتركي:يا ولدي أبي أسأل وش اسمك كامل.
ريان بابتسامه: ريان بن حسام بن محمد آل،،،،،.
أبو تركي اتسعت ابتسامته:والنعم والله، أنا قايل اني مشبه على أحد و ظني بمحله.
تركي بصدمه:تعرف ابو ريان يبه؟
ابوتركي:من اجمل الاصدقاء و اوفاهم.
ريان مبتسم:يعني صاحبك.
ابوتركي:الا اخوي اللي ما جابته أمي، كنا خمس أصدقاء أو اخوان ،أنا و حسام و حمد و عبدالعزيز و عبدالرحمن آل،،،.
حاتم شرق بالعصير لما سمع اسم ابوه.
يوسف دق ظهره:بسم الله عليك.
حاتم تنحنح.
شهد:يعني ابوي و أبو رفيف أصحاب.
رفيف بابتسامه:حكينا يا عمي عن صداقتكم.
أبو تركي:اجمل أيامي عشتها معهم، تعرفت عليهم لما كنت بالمتوسطه و استمرت صداقتنا للثانوي و من بعد الثانوي كل واحد افترق عن الثاني اللي اشتغل و اللي تزوج و اللي سافر لديره ثانيه و بعد كل هالسنوات قابلت ابوشهد و عرفت أنه تزوج و جات له بنت و بعدها تعرفت على ابو طلال و انه تزوج وصار له ثلاث عيال ولد و بنتين و عبدالعزيز الله يرحمه صار عنده ولد و هو ولدي الثاني و حسام الوحيد اللي ما كنت أعرف عنه إي شي و توني عرفت ان عنده ولد ماشاء الله شبه له بكل شي، و ناظر في رفيف:و عنده عروسه مثل القمر.
رفيف ابتسمت له.
شهد بغيره:يا عمو أنا مو ماليه عينك يعني عشان تمدحني.
ابوتركي:افا انتي اجمل من القمر.
يوسف بتكشيره:الحين تشوف نفسها.
شهد بدلع:من حقي دام عمو فيصل مدحني.
تركي ناظر في رفيف و بابتسامه:يعني طلعنا معارف.
رفيف ابتسمت:صدفه جميله.
ريان بتفكير:تدري يا عم ابوي ما جاب لنا سيره عنكم و عن صداقته كل سوالفه باللي معه بالشغل.
ابوتركي:من حقه يا ابوي صار لنا زمن و احنا منفصلين عن بعض، إلا ما قلت لي أبوك وش يشتغل؟
ريان ابتسم:ابوي متقاعد برتبة عقيد توه تقاعد قبل شهرين.
ابوتركي:ماشاء الله تبارك الله.
ريان:كنت أبي اصير مثله بس رفض.
ابوتركي:مو ناوي يزوركم؟
ريان ابتسم:والله كنا بنروح له بس رفض ما أدري إذا مخطط يجي هو و أمي زياره مفاجئه.
أبوتركي:والله مشتاق له.
و كملوا سوالف..... و حاتم اللي كان معهم بالجسد بس و بالفكر لعند أبوه.
__
السعوديه
كان نايم و فجأه عقد حواجبه و حرك رأسه يمين و يسار و كأنه متضايق حس مثل الكتمه و بدأ يعرق وصرخ صرخه خوف قووووييييه...
فزت من جنبه و مسكته:بسم الله الرحمن الرحيم،وش فيك؟
ناظرها بخوف:مــ مين انتي؟
بلعثمه:حــ حبيبي هذي أنا زوجتك فرح.
أحمد مسح وجهه:ايه ايه فرح.
فرح:أحمد انت بخير.
أحمد هز رأسه بايه:كابوس مخيف.
فرح:بسم الله عليك حبيبي ، و أخذت مويه من جنبها و ناولته.
أحمد شرب شوي و أعطاها و رجع انسدح.
فرح قربت منه و بدأت تقرأ قرآن بهمس.
أحمد لف لها و بحده:اسكتي.
فرح بصدمه:وش فيك؟
أحمد:قلت اسكتي انسدحي من دون ما تقراين أي شي انخمدي، و قفا لها و انسدح.
فرح بلعت ريقها و انسدحت هذي مو اول مره أحمد يسوي فيها كذا من أيام شهر العسل و كان ليله عن ليله تجيه هالحاله بس حلفت بنفسها أنها ما تسكت و تكلم خالها بكل شي.
__
استراليا
بعد ما مشى الكل ضل ريان و رفيف اللي جالس مع ابو تركي و كل سوالفه عن أبو ريان وقف و أخذ ريان معه للمكتبه عشان يخليه يطلع على البوم الصور القديم.
رفيف و تركي بالصاله و معهم أم تركي اللي يعلمونها كيف تصور سناب.
تركي بتعب:يمه فهمتي.
أم تركي:ايه حبيبي فهمت.
رفيف:اوكيه خالتي صوري شي واستخدمي فيه فلاتر.
أم تركي وقفت و صورت و عملت مثل ما يقولون لها و هي مبسوطه.
تركي انتبه لسرحان أمه و أشر لرفيف تلحقه ،رفيف كانت مفكره إنها بتلحق ريان و ابوتركي للمكتبه بس انتبهت للفت اللي مشغله تركي و واقف جواته،
تركي:بسرعه عشان ما يتقفل.
رفيف دخلت بسرعه:وين رايحين؟
تركي ابتسم لما قفل اللفت و بدأ يطلع:لازم تكتشفين عالمي.
رفيف عقدت حواجبها بدون فهم.
تركي ابتسم:الحين تعرفين.
انفتح اللفت و طلع تركي و مسك يدها و مشى معها لين باب جناحه و فتحه و دخل و دخلت رفيف وراه.
انبهرت بغرفته و الوانها اللي كانت ابيض و رصاصي و بنفسجي ،كان سرير تبع نفر ونص و جنبه كومدينتين و عليها ابجورات كلاسيك بنفسجي و صوره جانبيه لتركي مبتسم فيها و الطرف الثاني صندوق الورد اللي اهدته رفيف بالمستشفى و كان طاوله عاديه مرفقه بمرايه عليها بس عطر و فرشاة شعره و شباكين كبار تطل على الحديقة تبع الفيلا و آخر شي كان مكتبه الأبيض و عليه لاب توبه و كُتب و علبه فيها أقلام و فاسا فيها ورد ابيض.
ناظرت له:غرفتك جمااال.
تركي بابتسامه:حبيتيها.
رفيف:اول مره اشوف غرفة ولد مرتبه و منسقه كذا.
تركي واقف قدامها و يمسك شعرها:انتي لأنك موجوده فيها تشوفينها حلوه.
رفيف ابتسمت له.
تركي:ناقصها عروسه بس.
رفيف كشرت:لا أحس أي شي لك وحدك ماتبي أحد يشاركك فيه يكون اجمل.
تركي لم يدينه على خصرها:يمكن لأني من صغري وحيد فأنا من جد أحب اي احد يشاركني بوحدتي.
رفيف تناظر له ساكته و قلبها يدق بقوه.
تركي ابتسم:وش فيك؟ وحضنها بهدوء و تنهد:ابيك تشاركيني حياتي.
رفيف بهدوء:تركي لازم نتكلم قبل ما يتطور كل شي بيننا.
تركي بعد عنها:عن وش هو نتكلم بالضبط؟
رفيف:عن الماضي.
تركي عقد حواجبه:وش لنا بالماضي.
رفيف:أنا حياتي تتعلق بالماضي.
تركي مسك يدها و سحبها لمكتبه و بخفه شالها من خصرها و حطها عالمكتب:يلا حكيني وش فيه ماضيك؟
رفيف تنهدت:تركي ما ينفع الحين.
تركي:و ليه؟
رفيف حطت الجوال بوجهه:لأن ريان يرن على جوالي و هذا موعد الرحيل.
تركي كشر:دائما وقته غلط.
رفيف ردت:هلا ريون، أنا فوق ،يلا جيتك، و قفلت:لازم اروح و نزلت من عالمكتب و طلع تركي معها و دخلوا اللفت و ضغط على تحت وصلوا و شافوا ابو تركي و ام تركي و ريان واقفين و سوالف و يضحكون.
رفيف:يلا مشينا.
ريان:انت وين أخذت أختي؟
تركي ابتسم:و لا مكان بس حبت تشوف الدور اللي فوق و طلعنا.
رفيف تصرف:ريان يلا نمشي.
ريان:الله يغذاكم و تصبحون على خير.
و ودعوهم أهل تركي و تركي.
تركي تنهد و ناظر في امه و ابوه:شفتوا النتفه اللي توها طلعت هذي اللي قلبي يبيها من زمان و غيرها ما ابي.
أبوه و امه يناظرونه بنص عين.
تركي ضحك:هذي البنت اللي قلت لكم تفكيري فيها ليل نهار، يلا تصبحون على خير. و طلع و هو شاق ابتسامته أول مره يحس نفسه مبسوط هالقد.
__
عالبحر
من بعد ما طلع حاتم من عند ابو تركي،راح البحر يفك عن نفسه شوي بعد ما جاب ابو تركي سيرة أبوه و تعب أبوه و انه يدور عليه، حاس نفسه تختنق يبي يقول لعمه أنا حاتم اللي يدور عليه أبوه أنا ضناه وينه ابوي أبي احضنه.
ما حس إلا بيده تضغط على رقمها و ينتظرها ترد عليه.
"هلا و غلا"
حاتم بغصه:شهد وينك؟
شهد:بالبيت.
حاتم بلع ريقه:أبي اكلمك.
شهد بهمس:حاتم أبوي و أمي توهم واصلين عندي ما أقدر اقولك تعال إذا دخلوا ينامون كلمتك.
حاتم مسح دمعته اللي نزلت:خلاص شهود خذي راحتك، و قفل من دون ما يسمع منها أي كلمه، و بغصه:بانفجر من كثر ما أنا كاتم ، و بكى.
__
عند شهد
اللي أول ما وصلت شقتها تفاجأت بوجود أهلها و فرحت و كان اللقاء بالأحضان، قفلت و ناظرت لأهلها بابتسامه و راحت جلست جنب ابوها:المهم يا الغالي اني انبسطت هنا و ربي أعطاني أخوان و أخوات يجننون.
ابو شهد حضنها:فديتها أنا اللي مبسوطه.
ام شهد:و كيف اختباراتك؟
شهد:زينه،بس آخر اختبار كان صعب شوي.
ابوشهد:ما عليش إن شاء الله تعدين.
شهد ابتسمت و حضنته.
أبو شهد ضحك بخفه و شدها له:اه من عيارة شهودي ،حبيبة و نور و حياة بابا.
شهد بهمس:الله لا يحرمني منك.
__
عند رفيف و ريان
اللي دخلوا شقتهم و هم يمدحون ببيت ابو تركي و طاولة الطعام و أصواتهم كانت عاليه ،سكتوا لما استوعبوا أن الاضاءات شغاله و الغساله صوت تدويرها، ناظروا بعض بخوف.
رفيف بخوف:ريان انت قفلت الباب قبل ما نمشي.
ريان بقمطه:و الله قفلته.
سمعوا صوت فتحة الباب تجمدوا مكانهم.
__
عند تركي
الي انسدح على السرير و هو مبسوط باللي صار من أحداث بهاليوم.
أخذ صندوق الورد و سحب منها ورده و شمها بقوه و هو مغمض عيونه و بدأ يهمس لها:إلى من أحبّ وأهوى، أرسل أسمى معاني الحبّ، أرسل نبض قلبي وآمالي، أهديك القلب والعقل والوجدان، وحديقة من الأزهار، أحبّك حبّ يبقى ما بقي الزّمان، حبّ يعلو على صوت النّسيان، حبّ ملأ قلبي حتّى فاض بعشق، أحبّك حتّى آخر الزّمان، وجهك يرسم داخلي حبّاً لا يعرف إلّا الخلود، حبّ يسمو فوق السّماء ويطير طليقاً بلا حدود، لذا فأنا أحبّك.
ابتسم و تنهد و انسدح و هو يفكر في الخطوه الجايه.
__
عند رفيف و ريان
اللي تجمدوا مكانهم لما سمعوا صوت فتحة الباب وطلع منه شخص ما توقعوه، وقف يناظر لهم باستغراب و لما استوعب ابتسم لهم:حيا الله عيالي.
رفيف صرخت:باااببااا ، و راحت له وحضنته.
ابو ريان حضنها:هلا يا بعد الدنيا.
ريان بابتسامه:هلا و غلا ،مو قلتوا بتوصلون بكره.
ابوريان بعد عنها:و هذا بكره صارت الساعه اثنين ، و سلم على ريان.
رفيف تخصرت:يعني متفقين من وراي.
ريان:والله ابوي اللي قال لا تعلمها إنا بنجيكم.
ابو ريان:ينقال لها مفاجأه.
رفيف:أمي معك.
ابوريان:نايمه و ناظر فيها:وين كنتوا؟
ريان:كنا عند واحد من الزملاء.
رفيف بفرح:بابا فيه شي صار اليوم يجنن.
ابوريان:وش هو؟
ريان:مو وقته الحين رفيف خليها مفاجأه.
رفيف: اوكيه بأسكت.
ابو ريان يناظر لها بابتسامه:كانك نصحانه.
رفيف كشرت:اوووه بابا لا تذكرني، الاختبارات أكلت في نفسي أكل و ما خليت شي بالمطبخ إلا أكلته، لازم اسجل بنادي والله.
ابوريان تنهد:الحمد لله، قال هالكلام لأنه كان ملاحظ التغيير اللي كان برفيف و رجعت رفيف اللي هو خابرها.
ريان:أكلتوا يبه؟
ابو ريان:أي والله بالطياره،وقف:أنا باروح أنام و بكره إذا صحينا نكمل سوالفنا ،يلا تصبحون على خير.
رفيف و ريان:و أنت من أهله.
و ناظروا بعض مبسوطين ان أبوهم و أمهم صاروا معهم و بنفس المكان.
__
السعوديه
عند أهل أحمد اللي واقفين يبكون على حال ولدهم اللي تدهور و ابو احمد اللي حبسه بغرفه و راح ياخذ له شيخ يقرأ عليه.
أم فرح:حسبي الله عليه اللي سوا كذا في ولدنا، يجعله بعمري عنه.
أم أحمد حاطه يدها على رأسها و تناظر الأرض و انفها احمر من كثر البكي و مطنشه كلام أم فرح.
فرح:يمه خلاص ترا مو ناقصنا دعاوى عالناس.
أم فرح بحده:اسكتي انتي و إلا علميني من سوا فيه كذا غير احد يحبه و يبيه له.
حلم باستغراب:مين تقصدين؟
أم أحمد ناظرت لها بطرف عينها.
أم فرح حطت يدها على دقنها:و ليه ما يكون بنت خالتك اللي مسويه بولدنا شي.
حلم بحلقت عيونها:قصدك رفيف.
ام فرح:و فيه غيرها.
ام احمد ساكته.
حلم:مستحييييل.
ام فرح:والله ولدنا مريض من يوم أخذها و هو مو طبيعي و فوق هذا كله كان متمسك فيها الين آخر شي و رفض يطلقها هو.
ام احمد:ولدي يا أم فرح مريض من قبل ما يأخذ رفيف و فرح بس الإهمال كان مني و من ابوه خصوصاً.
انتبهوا لأبو أحمد و وقفوا.
أبو احمد:روحوا لاحمد و اجلسوا معه.
ام احمد:وش فيه؟
ابواحمد نزل راسه:حسبي الله و نعم الوكيل.
فرح راحت له و جلست جنبه و تمسح على راسه و بهمس:حبيبي تسمعني.
أحمد يهمس و تعب:رفيف.
فرح انصدمت و حطت يدها على فمها.
____
صباح جديد
عند بطلتنا اللي داعبت أشعة  الشمس عيونها و عقدت حواجبها لما فتحت عيونها بمهل و مسحت وجهها و قامت على ريحة تعرفها و تحبها و همست:يا زينك يا ماما، أخذت جوالها و انتبهت لرسائل الواتس و ابتسمت لما شافت اسمه و جنبه عداد رسائل(5) فتحت الرساله و كان كاتب:صباح الخير.
"لا شيء أجمل من إشراقةِ صباحٍ هادئ، يقول لك فيه من يُحبك (صباح الخير)، فيغدو الصباح صباح الخير، والحب، والأمل، والهدوء، والنشوة، وكل الأشياء الجميله".
💭اوكيه رفيف،دام ماما و بابا وصلوا اعرف انك بتعطيني ظهرك و تسحبين علي هذاك السحبه اللي ما أحلم فيها ،بس رجاء لاتحرميني من رسائلك الحلوه.
و ما يمانع نشوف بعض لو بالصدفه 😋.
احبك،T.
رفيف ابتسمت:مجنون و بيجنني معه، أخذت نفس و كتبت:هلا تركي.
💭يقول لك 'من لقا احبابه نسا أصحابه'
💭و ما اعتقد اني بقابلك قريب ،أسفه.
و حطت جوالها عالطاوله و هي تضحك بخفه، دخلت التواليت و أخذت لها شاور و لما طلعت انتبهت للباب يتقفل و سريرها مرتب و ملابسها اللي بعد البارح مو مكانها و تسريحتها مرتبه ،ابتسمت و بسرعه طلعت لها لبس و سرحت شعرها و تعطرت و طلعت و انتبهت لهم جالسين بالصاله يناقشون ريان بموضوع.
ابو ريان:يا ابوي احنا مو جايين نكلف على احد ،بس نزوركم و نطمن عليكم.
ريان:يا تاج راسي قلت لك المنتجع ذا من قبل حاجزينه و بعدين راح تنبسط صدقني.
أبو ريان:كم انتوا ماخذينها؟
ريان رفع حواجبه:اااا،أسبوع.
أبو ريان تنهد:مره طويل.
ريان:صدقني راح تنبسط لما تقابل أبو تركي اللي كلمتك عليه.
أبو ريان:إن شاء الله.
رفيف اللي واقفه و مو منتبهين لها، تخصرت و ناظرت في ريان:أستاذ ريان متى صار هالشي.
ريان لف لها و بابتسامه:متفق مع العيال.
رفيف راحت لامها و حضنتها:وحشتيني.
أم ريان ابتسمت:هلا يمه وش لونك؟
رفيف بعدت عنها:بخير.
أبو ريان:دام جت رفيف حضري الغدا.
ريان:أخيراً أكل.
رفيف تخصرت:واللي اسويه أنا وش تسميه.
ريان خزرها:الحمدلله عالنعمه.
رفيف:مع نفسك ،المفروض تحمد ربك ان معك اخت مثلي و إلا كان مت من الجوع.
ابوريان:مو عاجبك أكلها.
ريان بكذب:كله مكرونه.
رفيف:لا والله مو كل يوم.
أم ريان تجي لهم بالصحن:كل يوم تصور لي وش طابخه لا تكذب يا ريان.
ريان:والله مو مقصره معي بشي فديتها اختي، و حضنها من الجنب.
ابوريان:يلا سموا بالله.
و بدأوا يأكلون و سوالف عن وقتهم بأستراليا و دراستهم.
__
عند حاتم
اللي صار يزهق بسرعه يبي يغير جو مع العيال أرسل ليوسف انه يقابله بكوفي لأنه الوحيد الي ما وراه اي
رن جواله بهاللحظه و كان طوني استغرب انه يدق عليه و رد:هلا طوني.
طوني:مرحبا حاتم، كيفك؟
حاتم:تمام.
طوني:أتطلع حاتم،؟هلا توني عرفت بهالشي بيك طالع لأستراليا من قبل ساعتين و ما بعرف السبب.
حاتم تنهد:أهلاً و سهلاً فيه.
طوني بتخمين:حاتم أنا حاسس ان كل سفرته من  شانك انت.
حاتم:طالع معه احد؟
طوني:ايه، خيك طلال.
حاتم قبضه قلبه:انت متأكد أنك ما تعرف وش السبب؟
طوني:سدءني ما بعرف.
حاتم تنهد:اوكيه طوني شكراً.
طوني:إذا بدك أي شي ما يردك إلا لسانك.
حاتم:ههه اوكيه، يلا مع السلامه، وقفل.
حاتم حط الجوال على ذقنه:يا ترا وش جايبك لأستراليا يا أبو حاتم، زفر بقوه و أخذ مفاتيحه و طلع.
__
عند مشعل و وسن
اللي طلعوا من المستشفى و هم شاقين الابتسامه بسبب مكالمة هيا و وصولها بالليل.
وسن بفرح:مو مصدقه انها بتجي.
مشعل:و لا أنا.
وسن:غريبه جدي مخليها تجي لحالها.
مشعل:قالت لي مجتمع مع أصحابه و هي قررت تسافر و ما تجلس لحالها.
وسن:أهم شي توصل بالسلامه.
مشعل:اسمعيني الحين مو إذا جات قمتي تشتغلين و تسوين نفسك سنعه،كل اللي يهمني ترتاحين.
وسن بنص عين:خايف على ولدك.
مشعل:والله ما قد شفته عشان اخاف عليه.
وسن ابتسمت بحب.
مشعل مسك خدها و قرصها:فديت الابتسامه اللي تشلع قلبي.
__
بالكوفي
يوسف بضيق:ياخي صعبه جمعتنا و الآباء موجودين أحس ما بيكون هيصه و فرح مثل كل مره.
حاتم رفع اكتافه:ما أقدر احكم و أقول لك لأني ما أعرف وش طبعهم.
يوسف تنهد:في ذي معك حق.
حاتم ابتسم:ترا الزين لما يكون أحد كبير بالجلسه.
يوسف:خلك من هالكلام و قول لي وش اللي مضايقك؟
حاتم عقد حواجبه:لا سلامتك، بس حسيت اني متكسل عشان التمشيه.
يوسف:الله يعين يا شيخ، أهم شي تعجب الشيبان.
حاتم ابتسم:بس موقعه رهيب.
يوسف:و طبيعه و حياه و أنهار.
حاتم ضحك.
يوسف:عساها دوم.
حاتم:ريان المجنون مخبي عن اهله انه في منطقه جبليه.
يوسف ضحك:الله يقطع سوالفه.
حاتم:يقول لأني لو قلت لهم بالجبل و بدنيا مقطوعه بيرفضون.
يوسف:والله معه حق بذي، بس مو موفر كل شي.
حاتم: إلا والله و تنهد:الله يكتب اللي فيه الخير.
يوسف:آمين.
حاتم وقف:خلنا نروح ناخذ لنا لفه و بعدها نمر يارا و ناخذها تتعشا معنا.
يوسف:توكلنا على الله.
__
عند تركي
اللي جهز اغراضه و ملابسه للرحله ،تذكر شي و فتح درج الكومدينه و طلع منها علبة مستطيله و ابتسم، اخذها و حطها بدرج الشنطه و سكر عليها و هو مبتسم.
__
نزلت من التاكسي و هي تسحب شنطتها وراها و شاقه ابتسامتها الحلوه ،ضغطت الجرس مرتين و ثلاث.
فتح الباب و ابتسم و صرخ:يالله حيها.
نزلت من التاكسي و هي تسحب شنطتها وراها و شاقه ابتسامتها الحلوه، ضغطت الجرس مرتين و ثلاث.
فتح الباب و ابتسم و صرخ:يالله حيها.
حضنته بقوه:فديتك أنا، من يصدق انك بتصير ابو يا مشيعيل.
مشعل بعد عنها:حرام عليك يا عمتي تقولين هالاسم و أنا باصير أبو.
هيا مسكت خده:فديت الابو والله.
مشعل مسك شنطتها:تفضلي تفضلي.
هيا دخلت و فسخت الجاكيت:وين وسن؟
"يا هلا و غلا"
هيا التفت و شافتها و ابتسمت:هلا بك، على مهلك.
وسن ضحكت بخفه و حضنتها.
هيا بعدت عنها:كيفك و مسكت بطنها:كيف ولدنا؟
وسن ابتسمت:بخير.
مشعل جلس:كيف رحلتك؟
هيا جلست بتعب:ماشي الحال الحمدلله.
وسن بعتب:ليه ما سحبتي جدي معك؟
هيا بسخريه:جدك، والله جدك من قابل صديقه و أنا ما ادري متى يرجع البيت.
مشعل و وسن ضحكوا.
هيا:والله العظيم ما عاد اصير اشوفه بالبيت.
مشعل:من يلومه يا هيون و الله جدي يطفش بالحاله.
هيا:والله العظيم أخذت اجازه و جيت لكم و هو سافر مع أصحابه.
وسن:حياك الله و الله تغيرين علينا جو.
مشعل يمزح:على كذا يا عمتي تصيرين تشتغلين و وسني ترتاح.
هيا ناظرت فيه بنص عين:ما سويتها في بيت ابوي اسويها ببيتك.
وسن ضحكت.
مشعل ابتسم:اكيد بتخدمين عبدالعزيز الصغير.
هيا سكتت و تنهدت:الله يرحمه.
مشعل بهدوء:آمين.
هيا بحزن:وحشني والله و وحشني صوته و سوالفه و دلعه لي و محمد بعد و نزلت دموعها: الله يرحمهم برحمته.
وسن نزلت دموعها:آمين.
مشعل وقف و صفق بيده:عمتي طابخين عشاء على شرفك و ذي غرفتك، و أشر عليها:إذا تبين تريحين الين نخلص تحضير العشا.
وسن مسحت دموعها:ايه قومي ارتاحي شوي.
هيا كانت تبكي ساكته و أخذت جكيتها و دخلت غرفتها.
مشعل ناظر لوسن اللي تبكي:حبيبي عشان خاطري.
وسن مسحت دموعها:وش اسوي مشعل وحشني والله.
مشعل:وش تقولين عني أنا و من يوم و أنا طفل و أنا فاقدهم، ترا ما معنا إلا الدعاء لهم و هم بمكان اجمل و عند رب العالمين.
وسن ببحه: الله يرحمهم.
مشعل مسك يدينهاو باس كفها:ممكن نروح نحضر العشاء الحين بأموت من الجوع.
وسن ابتسمت:يخسي الجوع الحين بازهبه.
مشعل وقف:لا باساعدك أحنا متفقين ما تشيلين شي.
وسن مسكت يده:يلا عشان ضيفتنا بعد لا نتاخر عليها.
مشعل ابتسم لها و مشى معها.
__
عند رفيف
اللي جهزت اغراضها و هي مبسوطه أن أبوها بيقابل أصحابه، رن جوالها و كان عندها إحساس انه يكون هو.
ردت بدون ما تناظر و بهمس:لبيه.
"يا زينها من كلمه"
رفيف بحلقت عيونها بصدمه.
"الو رفيف اسمعيني"
رفيف تتنفس بضيق و ساكته.
"عليك الله كلميني و ردي علي وحشتيني"
رفيف بلعثمه: وش ،وش تبي مني؟
"مشتاق لك بالحيل ابيك ترجعين لي"
رفيف بشجاعه:تخسي ارجع لك ،انت واحد ما يستاهل التضحيه اللي ضحيت بها عشانه،انقلع يا احمد و لا عاد تدق علي ابدا و صرخت:ابداً. و قفلت بوجهه و غمت نفسها تبكي،خلاص ما تبي شي منه ما تبي حتى اسمه ينذكر قدامها تبي تنسى كل ذكريات القسوه و الألم اللي عاشتها معه.
__
صباح جديد
وصلت سيارة حاتم بالأول و معه يوسف و يارا و بعدها سيارة تركي و أبو تركي و أم تركي معه و ثنتين من الخدم.
أبو تركي بفرح:يا حلاة هالمكان من وين مطلعينه؟
يوسف ضرب كتف حاتم:و الله من مرشدنا السياحي.
ابوتركي:والله انه سبع.
حاتم عقد حواجبه و لف ليوسف:يعني إيش.
يوسف:يعني أسد أو بالمعنى انك رجاال.
حاتم ابتسم:اها.
المجمع كان خمس فلل بجنب بعض و لكل فله موقف خاص و بالنص مسبح مستطيل كبير و جنبه جاكوزي و مجموعة طاولات و كشك تبع الشرب بس مقفلينه لأن تركي طلب منهم هالشي، و قدام المسبح فيه شبك كبير يحاوط ملعب لكرة السله و وراه باب صغير يودي للجبل اللي فوقهم و منه يمنع من الحيوانات و الاوادم يطلعون فيه عشان الحيوانات و الشلاال اللي يسمعون صوته و قوة دفعه.
تركي:كل واحد عارف وين فلته؟
حاتم:من أول صار الحجز.
يوسف:حنا و حاتم بواحد.
انتبهوا لسيارة تدخل و عرفهم تركي:هذا عمي حمد (ابو شهد)
حاتم ما يدري ليه دق قلبه لما قال تركي باسمه تنهد و ابتسم لما شافها تنزل بابتسامة فرح.
ابوشهد:السلام عليكم.
أبو تركي:و عليكم السلام، هلا هلا وينك يالقاطع؟
ابوشهد:و الله ناس شافوا نفسهم و سافروا و لا عاد سالوا عن أحد.
ابو تركي ضحك و حضنه.
شهد:هاي بويز.
العيال بابتسامه:هلا شهوده.
شهدقربت وسلمت على عمها أبو تركي.
ابوشهد لف لهم و ابتسم:المعذره ما سلمت والله اللي يسلم على هالرجال ينسى الدنيا، و بدأ يسلم عليهم واحد واحد.
تركي:حياكم يا عم.
ابوشهد:الله يسلمك،شهد وينك؟
شهد:نعم.
أبو شهد:اصحابك ذول.
شهد ابتسمت:ايه،هذا يوسف و هذا حاتم و هذا تركي ما يحتاج اعرفك عليه.
تركي:باقي ترا نصنا الثاني ما وصلوا إلى الحين.
و ما كمل إلا و مشعل واصل و وراه سيارة ابو ريان.
تركي: الطيب عند ذكره.
مشعل نزل و ناظر في العيال:صبح صبح.
العيال رفعوا اياديهم:هلا ،صبحك الله بالنور.
تركي يناظر في سيارة ابو ريان اللي نزلوا منها ريان و أبوه و توجهوا لهم و كان يبي يشوفها و يتطمن عليها.
ابوريان:السلام عليكم.
ردوا السلام عليه.
ريان:السلام عليكم و ناظر في ابوه:يبه هذا عمي ابو تركي فيصل آل،،،،.
ابو ريان ابتسم:و أنا أقول وين شايف هالخشه من قبل.
العيال انصدموا من الكلام.
ابو تركي انفجر ضحك:هلا وغلا يا حسام، و راح وحضنه بقوه.
ابو ريان:حي الله أبو،،،،وش هو انت؟
ابوتركي بعد عنه:ابو تركي.
ابو ريان:و النعم والله.
ابو تركي:الله ينعم عليك، هذا عرفته ، و أشر على ابو شهد.
ابو ريان عقد حواجبه و ارتخت:مين ما يعرف أخوه، حمد صح؟
ابو شهد ابتسم وحضنه:حياك يالغالي.
ابوريان بعد عنه:كيف الحال؟ وش اخباركم؟ و أنا أقول وش مع عيالي بذا الروحه و خصوصا رفيف اللي اقلقتني.
ابوتركي:مسوين مفاجأه لنا جميع.
ابو ريان لف للعيال:وين تركي؟
تركي تقدم:يا لبيه.
ابو ريان ابتسم:بسم الله عليك.
تركي ابتسم وسلم عليه و بدأ العيال يسلمون عليه واحد واحد.
ابوتركي:تعالوا نجلس و جلسوا عالطاولات اللي كانوا جالسين عليها الحريم من قبل و بعيد عنهم.
تركي لريان:وين رفيف؟
ريان:نزلناها عند الشلال و جينا.
تركي بصدمه:من جدك ريان ترا كاتبين ان الشلال خطر نقرب منه.
ريان ببرود:والله ذا ابوي اللي مخليها على راحتها.
حاتم:حتى لو ريان مكان زي ذا و مو عارفين وش فيه ما تتركها لحالها.
ريان ابتسم:لا تخافون شوفوها جت و معها الهبله شي بيدها.
و لفوا العيال و انتبهوا للارنب اللي معها ابيض مستكن بحضنها و تمسح عليه.
يوسف:و أنا أقول أنها أعقل البنات طلعت اهبل من شهد.
حاتم:حرام عليك ترا ذا اسمه دلع مو خبال.
مشعل:و رحيمات يعني يمكن هذا حصلته ما يقدر يتحرك و ما هان عليها تتركه.
ريان وقف:رفيف وش ذا؟
رفيف تقدمت له و وجهها منفخ من البكي:السلام عليكم.
وردوا السلام.
رفيف بغصه:ريان امه أكلها شي مفترس و أنا لقيته و أخذته كان خايف مررا ، و نزلت دموعها.
ريان بغبنه:حبيبتي افرضي انك كنتي مكان امه.
تركي بخوف:بسم الله عليها ريان وش ذا الكلام.
رفيف:أنا شفته من ورا الشبك اللي يمنع الطلوع لفوق و هو طلع منها و أنا مسكته و يرجف و توه هدا الحين.
يارا متوجه لهم و انتبهت للارنب و بابتسامه:ياي رفيف مررره يجنن.
يوسف بغبنه:كملت.
رفيف ناظرت لابوها اللي شافها و راح لها:توك وصلتي؟
رفيف:ايه من شوي.
ابو ريان باستغراب:وش ذا؟
رفيف:ذا شي ما راح أتركه امه ماتت قدام عيونه، و ناظرت في ابوها و بترجي:بابا عادي نحتفظ فيه.
ابو ريان يناظر في المكان:ايه تعالي ندور له شي مثل البيت و نحط له أكل و مويه.
رفيف هزت رأسها بطيب و قامت معه و يارا انضمت لهم و صاروا يدورون مثل الكرتون أو شي يحطون فيه الأرنب.
____
بالليل
كان العشاء عالعيال و جايبين سمك هم صادوه بالنهر القريب من المنتجع.
يوسف:شباب أحس ناقصه ملح.
مشعل:تكفون لا تزيدون تراه مضبوط.
يوسف:بالله وينها الحموضه.
تركي:خلاص يحطون ليمون.
يوسف:تمام باروح اجيب الصحون.
حاتم:جيب سكين معك يا يوسف.
يوسف مشى و متجه لفلتهم و ماحس إلا هو يصدم بشخص طلع له فجأه و تراجع هو خطوه و مسك صدره بألم و هي تراجعت خطوتين و بصراخ:جعلك باللي ماني بقايله.
يوسف بصدمه:الحين انا اللي غلطان و إلا انتي.
هيا تصرخ:ادخل في عيني أحسن يصدم فيني و يقول أنا غلطانه انت اللي أعمى و ما تشوف.
يوسف بتنهد:استغفر الله و أتوب إليه.
هيا بحده:فتح عيونك زين و انت تمشي ، و مشت من جنبه.
يوسف كشر:مغسول وجهها بمرقه ذي ، و راح لمكان ما يبي.
__
عند رفيف اللي عاللاب توب و تناظر و تتصفح، اتسعت ابتسامتها لما شافت اسمها و نطت من الفرح و صرخت:الحمدلله يارب و رجعت تناظر لاسمه إذا كان موجود و كان تحت اسمها بالضبط انبسطت و طلعت تفرح الكل.
__
عند العيال
ريان أشر:ترا ذا ما استوى زين.
يوسف:خله مع الدفعه ذي.
لفوا كلهم لرفيف اللي تنادي:ريااان.
ريان:هلا.
رفيف:هات البشاره.
ريان بمزح:انخطبتي.
رفيف:الله،،،، و سكتت ورجعت تصرخ:تدري انك حيوان لكن الشرهه علي أنا أخبرك.
تركي يصرخ:طنشيه هالمجنون و قولي لي.
رفيف ابتسمت:يالبيه و علت صوتها:نجحنا.
يوسف صرخ:امانه.
مشعل صرخ وراه:صدق نزلت.
رفيف:ايه نزلت و شفت اسمي و اسم تركي ما ادري عنكم.
ريان بمزح:وش معنى تركي؟
رفيف:بلا تفكير بايخ اسمه تحت اسمي، باروح أخبر ابوي، و مشت.
مشعل طلع جواله و رن:الو وسن، عمتي هيا قولي لوسن النتايج طلعت تشيك عالموقع.
يوسف:و أنا بعد.
مشعل:عمتو ،خليها تشوف أسماء الكل، يلا سلام.
يوسف:أسألك سؤال؟
مشعل:تفضل.
يوسف:عمتك لسانها طويل مع أي أحد.
مشعل ضحك و العيال ضحكوا على سؤاله.
مشعل:وش صار بينكم؟
يوسف:يا أخي ماشي بطريقي و ما حسيت إلا باللي صدمت فيني و تعال شوف السب.
مشعل ابتسم:ما أحد يسلم من لسانها وخصوصا جنس آدم.
حاتم:خلف الله علينا،الله لا يجعلني انحط معها بموقف مثل يوسف.
تركي ضحك.
ريان:و أنا بعد.
مشعل:ترا قلبها طيب والله.
يوسف:ايه باين.
مشعل:انت بس عشان صار هالموقف تفكر انها كذا.
تركي:طيب خلص السمك ترا باموت من جوعي.
حاتم ينقله:ايه ايه.
__
بعد العشاء
اللي كان برا و الحريم بفلة أبو تركي، طلعت شهد و انتبهت لحاتم اللي راجع و حاط على نفسه منشفه بعد ما تسبح مع العيال، ابتسمت له:حمام الهنا
حاتم ابتسم لها و كان بيبوس خدها لكن انتبه للي يناظر من الشباك.
حاتم همس لها:لا تناظرين لا يمين و لا يسار.
شهد عقدت حواجبه:ليه؟
حاتم بنفس الهمس:كنت أبي بوسه بس فيه مراقبه ليليه.
شهد ضحكت بخفه:أحسن لي.
حاتم بزعل:وحشتيني و أنتي عادي ما يهمك.
شهد تصرف:مبروك النجاح.
حاتم ابتسم:الله يبارك فيك و انتي بعد.
شهد:وين هديتي؟
حاتم:قريب إن شاء الله.
شهد سكتت و بعدين تنهدت:وش هو اللي قريب.
حاتم قرص خدها:الهديه، تصبحين على خير.
شهد بابتسامه:و انت من اهله، ودخلت فلتهم و انتبهت لابوها و ابتسمت:هلا.
أبو شهد:وين كنتي؟
شهد:بفلة رفيف و جايه من عندها و قابلت حاتم.
أبو شهد:اوكيه بابا ، تصبحين على خير.
شهد:و انت من أهله ، تنفست بهدوء و راحت لغرفتها.
__
عند رفيف
اللي لابسه بجامتها و رافعه شعرها لفوق وجلست عالسرير، فزت لما سمعت صوت حجر ينضرب بالشباك راحت بهدوء و رفعت الستاره و انتبهت لنور خافت من الشباك اللي قبالها و فتحت الشباك و مسكت رأسها بالم:ااي.
"يجعله بعمري"
رفيف استوعبت صوته و بصدمه:تركي.
تركي:اششش.
رفيف حطت يدها و بهمس:تركي.
تركي بنفس الهمس:يا روحه.
رفيف ناظرت في غرفتها و ناظرت فيه و بشك:ليه حاسه ان في الموضوع مؤامره.
تركي بابتسامة خبث:حجزت فلتنا جنب فلتكم و انتهى الموضوع.
رفيف رافعه حاجب:و الله.
تركي هز رأسه بايه:و الله.
رفيف بتقفل الشباك:تصبح على خير.
تركي بترجي:امانه رفيف لا تقفلين.
رفيف:خير.
تركي:قابليني تحت.
رفيف:قالوا لك مجنونه.
تركي ببراءة:لا سلامتك من الجنون يا روحي.
رفيف بخوف:تركي ابوي تحت ما اقدر اطلع لك.
تركي رفع رجله و حطها برا.
رفيف بصدمه:وش بتسوي يا مهبول.
تركي:بانط لك يعني وش بسوي؟
رفيف:تركي عليك الله ارجع لا تطيح و تسوي لنا سالفه.
تركي رجع نفسه:قابليني تحت طيب.
رفيف:اكلمك إذا تبي بس ما اقدر اقابلك.
تركي رجع رجله.
رفيف باستسلام:خلاص خلاص بانزل.
تركي رمى لها بوسه.
رفيف قفلت الشباك و أخذت شالها عشان تدفا فيه و ناظرت نفسها في المرايا و أخذت لها شوية عطر و فتحت الباب بهدوء ونزلت تحت و ناظرت يمين و يسار تشوف احد موجود و كان فاااضي طلعت بخفه و أخذت المفتاح معها.
تركي اللي كان واقف عالباب ينتظرها ابتسم لها و ما توقع أنها بتوافق تنزل له.
رفيف بهمس:حرام عليك ما توقعت إني باسوي كذا بيوم.
تركي مسك يدها:تعالي و جلس عالمسبح و غطس رجله وناظر فيها:وش فيك اجلسي.
رفيف منحرجه ترفع بنطلونها و تجلس معه.
تركي ابتسم لما عرف، وقف و لبس شبشبه(الله يعزكم) و مسك يدها و سحبها لملعب السله و جلسوا.
تركي:اوكيه انسه رفيف.
رفيف:اوكيه استاذ تركي.
تركي ابتسم:أنا جبتك هنا عشان نتكلم براحتنا.
رفيف:عن إيش بالضبط؟
تركي قلب فمه:عن أنفسنا و عن حياتنا و عن مشاعرنا لبعض.
رفيف تناظر له ساكته.
تركي:أنا أبدأ.
رفيف ببرود:احكي بالكلام المهم.
تركي:ما فيه شي مهم بالسالفه غيرك.
رفيف:حلو و أنا أبي اسمع كل شي.
تركي مسك يدها و رفعها:رفيف أنا أحبك و انتي أول بنت دخلت حياتي و عشقتها و اعجبتيني من أول لقاء لنا بالجامعه ،و كان هالحب يكبر يوم بعد يوم الين ايقنت و تأكدت انك انتي اللي احبها و ابيها، و اخترتها من بين البنات كلهم، ابتسم:أحب فيك هدوءك ابتسامتك زعلك خناقك مع ريان هههه و دموعك اعشقها و بتفكير:اممم ،فيه أحد يحب الدموع؟
رفيف ضحكت بخفه.
تركي شبك أصابعه بأصابعها:والله اتكلم جد، كل شي أحبه فيك رفيف.
رفيف بهدوء:تركي أنا عارفه بحبك لي، بس انت لو سألتني و قلت احبك؟ ما أقدر اجاوبك.
تركي كشر:ليه؟
رفيف تنهدت:ما ادري صدقني ما أدري بس يمكن ، و سكتت.
تركي: يمكن وش هو؟
رفيف و عيونها تلمع:تركي أنا باقول لك شي، ماما تزوجت بابا بعد ما ذاقت المر بحياتها بعد ما زوجها جدي لواحد تكرهه من قلبها كان يشرب ليل و نهار و اللي حمدته إنه ما جاها و لما عدت عمر الثلاثين طلبت منه الطلاق و ما طلقها إلا بعد ما بلغت عليه و انسجن، بعدها تطلقت منه، القصه كلها أنها كانت تحب بابا موووت و بابا لما تقدم لها كان شاريها و يبيها بس كانوا أهله معترضين عن هالشي ليييه؟ لأنها مطلقه لكنه طنش الكل و تزوجها و سافر فيها و بعد خمس سنوات من زواجهم جابوا ريان و بعدها بسنتين جيت أنا و ما عاد قدرت أمي تزيد غيرنا، وشوف ابوي يعشق أمي و يموت فيها ،السؤال هنا و أوجهه لك؟
هل راح تحب واحده مطلقه؟
تركي باستغراب:وش دخل ذا بموضوعنا؟
رفيف:جاوب إذا سمحت.
تركي:ما ادري والله بس اكيد لو مريت بتجربتها و مطلق يعني فأكيد إني باخذها بس مطلقه ما ادري اتوقع لا.
رفيف ابتسمت بسخريه:تدري وش ذنبك يا تركي؟
تركي:وش هو؟
رفيف: انك حبيت وحده مطلقه، و بهدوء:أنا مطلقه يا تركي.
تركي انصدم و يناظر فيها ساكت.
رفيف بغصه:عشان كذا أنا ما اقدر أحبك و انت ما ادري وش بيكون شعورك تجاهي بعد ما تفهم وش أنا كنت عايشه فيه و اعانيه.
تركي وقف و مد يده:اوقفي معي.
رفيف مسكت يده و وقفت معه.
تركي ببرود:تصبحين على خير.
رفيف باستغراب:خلص موضوعنا.
تركي لف لها بظهره:ايه.
رفيف:اوكيه و مشت قبله و فتحت باب فلتهم و دخلت و قفلت الباب بخفه و بسرعه صعدت لغرفتها و قفلت الباب و انفجرت تبكي.
__
يتبع ————->