احضني و نسيني قسوة الماضي

الجزء العاشر

الجزء العاشر
____
صباح جديد ،بشقة ريان و رفيف.
رفيف جلست بتعب و بيدها كوب قهوه و تحس بصداع و خمول و هالشي صار لها يومين عليه.
ريان عقد حواجبه:وش فيك انتي مو على بعضك.
رفيف بتكشيره: ياخي أحس بكسسسل و خمول.
ريان:لا يكون فقر الدم رجع لك.
رفيف هزت رأسها بلا:ما أعتقد.
ريان كشر:والله لا تستغربين دامك تشربين بهالقهوه ليل و نهار.
رفيف حطت رأسها على يدها:هي انيسي الوحيد.
ريان عقد حواجبه:ما ادري وش صاير لك من بعد زواج صديقتك و انتي مو طبيعيه.
رفيف غمضت عيونها و تنهدت.
ريان أشر لها باصبعه:شفتي تنهيدتك ذي يعني كلامي صح.
رفيف استعدلت جلستها و شربت من كوبها و بعدته:اطلع من رأسي ريان.
ريان بتكشيره:قومي البسي عشان اوصلك و ترا اليوم معاي رحله مع الاساتذه بالمعهد.
رفيف بصدمه:بتخيمون.
ريان:ايه.
رفيف:ارتاح ما باداوم اليوم مررره مكسللله و مالي خلق.
ريان رفع اكتافه:براحتك ، و دخل غرفته.
رفيف سرحت شوي و بدنيا ثانيه سرحت أكثر من مره و تنهدت:كيف اداوم بعد اللي صار بيننا؟
ابتسمت و تذكرت هذاك اليوم اللي اختفت فيه و صار يسألون عنها،،،
تركي سحبها و دخلها لغرفه صغيره كانت مليانه خردوات من كل نوع  و جزء صغير و فاضي و كانوا واقفين فيه و رفيف تناظر بخوف:تركي الله يخليك خلنا نطلع من هنا، خايفه يطلع لنا فأر أو عنكبوت أو أي شي مو بزين، و تناظر حولها بخوف.
تركي مسك خصرها و قربها له و شد عليها:تخافين و أنتي معي.
رفيف ناظرت له بصمت و بلعثمه:تر،،تركي بعد شوي ترا تراك قريب مني و الحين أحد يدخل علينا، و تدفه عنها.
تركي يصرف:طلعتي تحبيني يا بنت أبوك.
رفيف بتصريفه:ايه أحبك ارتحت الحين خلاص ابعد عني ،و تحاول تبعده بس كان اقوى منها.
تركي عقد حواجبه:لا تفكرين إني بافكك الين اقولك انا روحي.
رفيف تنهدت:وش تبي الحين؟
تركي همس:ابيك انتي.
رفيف بتكشيره:عارفه انك تبيني و تحبني.
تركي همس باذنها:طيب قوليها عشان افكك.
رفيف ناظرت فيه وبلعت ريقها و بشجاعه همست:أحبك.
تركي ابتسم لها و مسك وجهها و بحب باسها بشفايفها ترك رفيف تنصعق و توسعت عيونها من الصدمه و بعد لحظات بادلته بحب و حضنها بقوه.
تركي بعد عنها و يناظرلها و بهمس:لا تتركيني.
رفيف تناظر له و همست:ما راح اتركك بس انت بعد لا تتركني محتاجتك كثير.
تركي حط أنفه على أنفها:دام إني لقيتك مستحيل اخليك لغيري، و رجع باسها بعمق.
"رففففييييف"
رفيف نطت:ريان والله بالغلط و تنفست بسرعه.
ريان عقد حواجبه: وش هو اللي بالغلط؟
رفيف ناظرت للمكان و مسحت وجهها:أعوذ بالله من الشيطان الرجيم.
ريان: والله اجزمت انك مريضه، يلا انتبهي لنفسك، و مشى و علق شنطته بظهره و حمل الجيتار بيده.
رفيف اتسعت عيونها:ريان من وين لك الجيتار؟
ريان ابتسم:تذكرين لما كنا بشقتنا الأولى و كنتي مريضه جبته بهذاك اليوم عشان افاجئك و إلا الاقيك طايحه نسيته و نسيت شكله و طرت فيك و لما نقلنا كنت حاطه مع العفش.
رفيف بابتسامه: عليك بالعافيه و انبسط.
ريان بابتسامه:لا توصين، باااي.
رفيف:الله معك.
و طلع ريان مستودع الله برفيف .
رفيف وقفت بضيق و لمت اللي بعد الفطور و دخلت المواعين بغسالة الصحون و رتبت البيت و كنسته و جلست بعد تعب و رن الجوال و ناظرت و كان تركي دق قلبها الف و تركته ما ردت عليه ، بحلقت عيونها لما شافت عشرين مكالمه و لا سمعت صوت للجوال، انتفضت من مكانها لما شافته يدق مره ثانيه، أخذت نفس و تنحنحت و ردت بهدوء:هلا.
تركي بعصبيه:انتي وينك ما تردين؟
رفيف بكذب:نايمه.
تركي تنهد:نايمه و توني مقابل ريان يقول طلعت و هي تفطر.
رفيف مسكت راسها بغبنه:كنت بالمطبخ و لا دريت عنه.
تركي:ليه مابتداومين؟
رفيف كشرت:مالي خلق.
تركي ابتسم:اوكيه إذا عشان آخر يوم صار بيننا فترا حتى أنا ما ادري كيف بتكون نظرتك لي.
رفيف ابتسمت و سكتت شوي.
تركي ينتظرها تتكلم.
رفيف بصراحه:نظرتي لك إني أحبك و بس.
تركي صرخ:يالبيييه.
رفيف ابتسمت:يلا تروك باخليك عشان بانام.
تركي:اوكيه حبيبي، انتبهي لك.
رفيف:و انت بعد ،مع السلامه.
تركي: الله معك، و قفل منها.
رفيف تنهدت و ناظرت في الجوال:الحمد لله اللي جمعني فيك و الله يعوضني فيك يا رب.
__
عند وسن
اللي من يوم صحيت من النوم و هي تتألم و كانت ساكته بس ما خفت تكشيرتها عن مشعل.
مشعل بهدوء:وسن تبين نروح للمستشفى.
وسن دق قلبها بقوه و بخوف:ليه نروح؟
مشعل مسك يدها:حبي عشان اتطمن عليك أنا.
وسن مسكت بطنها و بتعب:مشعل الم ببطني يروح و يجي بس ما أدري إذا صدق أو لا.
مشعل وقف و بخوف:قومي معي لأن بعد كلامك ذا ما راح اتركك والله ،قومي معي.
وسن وقفت بهدوء و مشعل حضنها من الجنب و مشى معها للباب و تذكر حجابها و راح أخذه وناولها و طلعوا مع بعض.
__
الجامعه
تركي قفل جواله و نزله و تنهد:مشعل مو جاي زوجته تعبانه و بيجلس معها.
يوسف:الله يكون بعونهم.
تركي نزل الكوب من يده:و أنت وش صار بموضوعك؟
يوسف عقد حواجبه إلى الحين ما ردوا عليي بكلمه.
تركي:الله يكتب لك الخير.
يوسف:آمين.
تركي ناظر الساعه:يلا يوسف نمشي ورانا محاضره.
يوسف وقف و وقف معه تركي و توجهوا لمحاضرتهم.
____
المستشفى
مشعل اللي كان جالس بالممر و ينتظر،
انتبه للدكتوره اللي طلعت مبتسمه و دق قلبه و وقف و بالانجليزي:هل هي بخير؟
الدكتوره:انها بخير لا تخف، ما حدث لها نقول عنه انذار خاطئ يحدث بهذا الشهر أو نقول عنه (طلق كاذب) سندعها ساعتان اضافيه ثم تستطيع الخروج بعدها.
مشعل ابتسم لها:شكراً دكتوره.
الدكتوره ابتسمت و مشت عنه و دخل لوسن بهدوء و كانت مقفله عيونها و باين بوجهها المتعب.
جلس جنبها و مسك يدها و باسها.
وسن فتحت عيونها بتعب و ابتسمت له و بصوت يالله يطلع:خوفتك علي.
مشعل ابتسم.
وسن:آسفه.
مشعل عقد حواجبه:على وش هو تتأسفين، اللي نزعل منه هذا هو اللي مخوفنا عليك و حط يده على بطنها.
وسن:الله يخليك لي و له.
مشعل:آمين و يخليك لي انتي بعد.
وسن:متى اطلع؟
مشعل:بعد ساعتين.
وسن:الحمد لله.
مشعل:باقي شهر ونص على الاختبارات ان شاء الله نخلص الاختبارات من هنا و انتي تولدين من هنا و ترتاحين.
وسن:ان شاء الله.
__
عند العرسان_ بفرنسا
كانت مفاجأه لشهد اللي حلمها تسافر لفرنسا من زمان.
بأحد الكافيهات أخذت لها سيلفي مع حاتم و نزلته:فديت حتومي أنا.
حاتم:وعدتيني ما تتصورين.
شهد ابتسمت:و أنا وعدتك و ذي الصوره حفظتها عشان البومنا حق الصور.
حاتم ابتسم:اوكيه اعطيني بوسه ،و مد لها خده.
شهد باست خده و ناظرت له:تصدق اشتقت للبنات.
حاتم:أي والله كلهم لهم وحشه.
شهد:إن شاء الله نشوفهم قريب.
حاتم:يارب، يلا ما تبين نقوم؟
شهد باستغراب:وين بنروح؟
حاتم:برج ايفل وعدتك اليوم نروح له.
شهد وقفت بسرعه:دام ايفل تاور لازم اسوي اللي كنت أبي أحققه من أول.
حاتم:وش هو؟
شهد:إذا وصلنا هناك تعرف.
حاتم مسك يدها و مشى معها وقفوا تاكسي و على برج ايفل.
__
عند يوسف
طلع من المحاضره من كثر ما دق موبايله و اللي كان أبوه المتصل و رد عليه:هلا يبه،،،عليكم السلام،،،،بالجامعه أنا خير وش صاير؟
بحلق عيونه:طيب ليه الليله بالذات،، طيب فهمني،،
سكت و بهدوء:صدق يابو يوسف،،، ابتسم:إن شاء الله أدور بأقرب وقت،، سلم على خالتي،،،مع السلامه و قفل رفع يده بمعنى الانتصار و دخل لمحاضرته جلس جنب تركي.
تركي همس له:وش صاير؟
يوسف:أقول لك بعدين.
تركي:أبي الحين.
يوسف:ابوي طلبني اسافر السعوديه.
تركي لف له بخوف:وش فيه؟
"لو سمحتما جوزف و تركي ألزما الصمت"
انتبهوا للدكتور اللي صرخ عليهم و سكتوا.
يوسف بهمس:يقول الجماعه وافقوا و لازم تجي عشان تخطبها.
تركي من الفرحه و من دون شعور صرخ:اماانه ، و حط يده على فمه.
الدكتور:حسناً تركي عليك الخروج.
تركي:أنا أعتذر يا دكتور.
الدكتور بعصبيه:أنا لن أكرر و أقول لك عليك الخروج الآن.
يوسف همس له:بأطلع معك.
تركي:انكتم و أجلس عشان تفيدنا بالاختبار بعدين، و أخذ اغراضه و طلع.
الدكتور:الرجاء إلزام الصمت سيد جوزف.
يوسف ابتسم و هز راسه بطيب.
عند تركي اللي جلس على كراسي ممر الجامعه و مبتسم:اخخ يا تركي أول مره تنطرد بحياتك، و ببرود:يلا وش علينا نجرب.
رفع جواله و انتبه الساعه بأنها المحاضره الاخيره، ارتسم في ذهنه فكره و يرسل لرفيف رساله بس كانت سابقته بالكلام:تركي وش رايك نتغدا اليوم سوا و على حسابي.
تركي ابتسم و ارسل لها:عمر تركي انتي، حددي المكان اللي تبين و أنا تحت امرك.
و انتبه إنها مرسله الرساله قبل خمس دقائق، تذكر مشعل و كلمه و تطمن على وسن و أرسل ليوسف بأنه رايح و معزوم عالغدا.
__
عند رفيف
اللي قامت مكشره من حلم ضاقت منه و كان أحمد فيه و قطع عليها نومتها و ما عاد قدرت ترجع تنام، أرسلت لتركي أنها تبي تتغدا معه اليوم و تمنت أنها ما ارسلت في نفس الوقت، فزت من صوت الرساله اللي وصلتها و فتحت الرساله و ابتسمت لما شافت رد تركي لها باست الجوال و بسرعه دقت عليه و كان مشغول و رجعت دقت وكان مشغول تنهدت و انتبهت لرساله بسنابها و فتحتها و كشرت وكانت من أحمد فتحتها و كان حاط يده على بطن فرح و كاتب:اجمل أطفالي منك انتي.
رفيف بعصبيه:الله ياخذك، و حطت له ازاله و هي متأكده كل ما سوت له رفض أو بلوك يدخل بحساب ثاني، طنشته و رجعت دقت على تركي و جاها الرد: لبيه.
رفيف ابتسمت لما سمعت صوته و من قهرها ودها ان احمد يسمع:هلا حبيبي وينك؟
تركي:عند باب البيت أخذ لي شاور و اجيك بسرعه ما ابي أدق عليك إلا و انتي طالعه لي.
رفيف:من عيوني.
تركي:يخليها لي هالعيون.
رفيف:لو طولت معك ما خلصنا، يلا مع
السلامه ، و قفلت.
__
عند شهد و حاتم
اللي وصلوا لبرج ايفل و كانوا يأخذون صور لها و يتصورن قدامه ،شهد مسكت يد حاتم:يلا طلعنا فوق.
حاتم:فكره حلوه.
شهد بسرعه مسكت يده و سحبته:يلا طيب.
حاتم وقف و جرها له:قبل ما نطلع، تخافين من الأماكن المرتفعه.
شهد ببرود:لا ما أخاف، يلا حاتم ، و مشوا مع بعض و طلعوا بالبرج و وقفوا لارتفاع معقول.
شهد مبتسمه و ناظرت له:كنت اتمنى اجي هنا مع فارس احلامي و يصير بيننا غزل و حب، كان تفكيري تفكير مراهقين، و لما كبرت عرفت أن ذا الشئ ما بيصير و ما راح يتحقق،،،
ناظرت للشمس و بهدوء:بس الحمدلله تحقق هالشي و معك أنت.
حاتم ابتسم و قرب منها و حضنها من ورا و همس باذنها:دام هالشي بقلبك و الله ما اخليه.
حاتم تنهد و يناظر الشمس: أحبك حينما أسمع وقع أصداء صوتك على قلبي، أحبك حينما تتلعثم خجلاً عند حروف كلمة (أحبك)، حينما تمطرُ، وحينما تثلجُ، وحينما تعصفُ أحبك، على مرّ السّنين والتّضاريس أحبك، حينما تسافر بروحي التي تغشّاها؛ أحبّك.
شهد ابتسمت و ناظرت له:أروع القلوب قلبك، وأجمل الكلام همسك، وأحلى ما في حياتي أنّي أحبّك.
حاتم ابتسم و مسك ذقنها و قبلها بحب.
قطع عليهم صوت تصفيق السياح اللي حولهم.
شهد خجلت و دفنت وجهها بصدر حاتم و حاتم ضحك بخفه.
توجهت لهم وحده و سألته بالانجليزي:هل أنتم حديثي الزواج؟
حاتم هز رأسه بايه.
سائحه ثانيه:نتمنى لكم حياه سعيده.
حاتم:شكرا جزيلاً.
شهد همست:حاتم خلنا نروح أحس وجهي طاح بينهم.
حاتم ضحك و مسك يدها و مشى:ليه وجهك طاح متعودين ذول.
شهد تهف على وجهها:وجع يوجعهم كيف دخلوا فينا.
حاتم:تبين نروح الفندق.
شهد ناظرت له: ليه جينا عشان نجلس بالفندق.
حاتم بخبث: هو المفروض احنا بالفندق على طول و احنا تونا متزوجين.
شهد ناظرت فيه بنص عين و بهمس لها:هذا وجهي ان خليتك تجلس بالفندق ،ما بنرجع إلا متأخر.
حاتم سمعها و بمزح:حبي تقول شي؟
شهد:لا سلامتك، بس شفت مطعم و حنا جايين خلنا ندخل له ميته جوووع.
__
عند رفيف
اللي لبست فستان شتوي (بحكم أن الجو صار باارد) كان لونه سماوي و اكمامه طويله و موديل الرقبه مغطي هاينك و يوصل طوله لتحت الركبه و لابسه عليه بوت طويل لونه بني و لابسه حلق بني بسيط و شال بني و بيج و تركت شعرها مفتوح مثل ما يحبه تركي، حطت كحل لعيونها و قلوس و شوية احمر خدود وردي و ختمت برشة عطر بسيطه، أخذت جزدانها و طلعت من غرفتها على اتصال تركي، ابتسمت و ردت:طالعه لك الحين ، و قفلت.
__
عند تركي
اللي أخذ له شاور و مبسوط ،لبس بنطلون جنز و تي شيرت بيج و عليه جكيت بني غامق ،سرح شعره و رش نفسه بعطر و أخذ نظارته و جواله و نزل.
انتبه لامه اللي مبتسمه:وه فديت أنا الشيخ.
تركي بفرح:تفداك الدنيا كلها إلا أحزانها.
أم تركي حضنته:وين رايح حبيبي؟ ،وش له هالشياكه كلها؟
تركي:ولدك معزوم اليوم.
أم تركي بابتسامه:عند مين حياتي؟
تركي بابتسامه:عند كنتك.
أم تركي اختفت ابتسامتها:ايييه،بس يا ماما يا تركي كانه عيب هالشي و انتوا باقي ما صرتوا لبعض.
تركي ببرود:لا مو عيب ،رايح معها كأننا اصحاب لا أكثر.
أم تركي:بس الشيطان ما مات.
تركي:يمه، أنا أبي اعرف ليه تكرهينها
أم تركي:يا حبيب ماما و الله ما أكرهها بس ما أرضا أنكم تروحون كذا و بالحالكم.
تركي يبي ينهي النقاش:ترا سعادتي لما أكون معها و بقربها.
أم تركي سكتت.
تركي لبس نظارته: تبين شي؟
أم تركي:اذا رجعت راح اكلمك و أقول لك ليه ما ابيها لك، روح انبسط أنت الحين و انتبه لنفسك.
تركي ماله خلق لأي شي، لف عنها:مع السلامه ، و طلع.
ام تركي:الله معك حبيبي، و انتبهت الين طلع تركي من الباب و تنهدت:آسفه يمه بس لازم أقول لك و لا اخبي عليك.
تركي ركب سيارته و شغلها و حط يده على الدركسون و زفر بقوه:الله ييسر هاليوم على خير، و حرك سيارته لبيت رفيف و كان بس بينهم شارع فرعي، وصل لها و دق عليها و ابتسم لما سمع ردها و قفلت ،حط جواله و مرر يده بشعره:اااه يا أم تركي.
لف على فتح رفيف لباب السياره و ابتسم.
رفيف بابتسامة:مساء الخير.
تركي مسك يدها و باسها:مساء الحب.
رفيف بخجل:تسلم،توجهنا لمطعم،،،، شارع،،،،
تركي حرك السياره:تامرين.
__
عند وسن
جلست على السرير بمهل و بمساعدة مشعل.
مشعل:اجلسي هنا و أنا راح أجيب لك اللي تبين.
وسن ابتسمت: تعال حبيبي ما احتاج أي شي ،خلك معي و بس.
مشعل جلس جنبها:وسن ترا ما اكلتي شي إلى الحين.
وسن بتعب:والله ما ابيه.
مشعل تنهد و انسدح جنبها.
وسن ابتسمت و ناظرت له:فيك نوووم.
مشعل فرك عيونه:دام بتنامين انام معك أنا بعد.
و سن انسدحت جنبه و تلعب بشعره:الله لا يحرمني منك.
مشعل قفل عيونه و راح بسابع نومه و وسن من التعب نامت معه.
__
عند تركي و رفيف
دخلوا المطعم و رفيف قالت الحجز اللي باسمها و ابتسم لها المضيف اللي برا و طلب منهم يلحقونه و وصلهم الطاوله و سحب الكرسي لرفيف و شكرته و جلست مبتسمه و تناظر بتركي.
تركي باستغراب:من وين لك المكان؟
رفيف بضحكه:من دليلنا السياحي.
تركي ابتسم:حاااتم.
رفيف:ايه الله يسعده.
تركي:آمين.
رفيف بدلع:وش تطلب يا مسيو تركي.
تركي حط يده على الطاوله و قرب جسمه شوي:أبي اكلك انتي.
رفيف ابتسمت:يمه منك.
تركي:أجل لابسه كذا و متشيكه و كلك دلع و لا تبين اكلك.
رفيف نزلت رأسها من الخجل و بتصريفه: تبي نطلب أكل إيطالي.
تركي ابتسم و رجع ظهره بهدوء:والله انتي اللي عازمتني.
رفيف عقدت حواجبها: تركي ما نبي نطلب لحم أو دجاج ما ندري كيف ذابحينه هنا.
تركي: معك حق، إذا خلينا نطلب شي صحي.
رفيف:و من دون كحول.
تركي مسك المنيو و بدأوا يختارون و اتفقوا على المطلوب و بعد دقايق جاهم الأكل و بدأوا يأكلون و ينوعون بالسوالف و كان تركي مركز بكل حركه فيها و هو باله مع كلام امه اللي يرن باذنه.
رفيف كانت تتكلم و قاطعها لما قالها:أحبك.
رفيف سكتت و عقدت حواجبها: أيش؟
تركي:أحبك.
رفيف ابتسمت:و أنا بعد.
تركي تنهد:لو اقولها من اليوم لبكره ما أتعب.
رفيف نزلت راسها من الخجل.
تركي صرخ بالمطعم:أنا مجنون بحبك.
رفيف بحلقت عيونها:تركي فضحتنا.
تركي ناظر في اللي جالسين:هذه الفتاه الوحيده التي أحبها قلبي.
رفيف بهمس:تركي خلااص و تبتسم لهم بتسليك .
تركي ناظر فيها:وش فيك؟ مو عيب إني أقول لك أحبك و قدام الناس بعد.
رفيف من دون ما تناظر له:خلص غداك حبيبي.
تركي ابتسم:شبعت والله.
رفيف أشرت النادل برأسها و تركي التفت له.
النادل ابتسم و دخل للمطبخ.
تركي ناظرها باستغراب:وش تبين منه؟
رفيف بصمت طلعت جوالها و بدأت تشغل جوالها.
تركي التفت لورا بصدمه لما سمعهم يغنون:happy birthday to you و ناظر فيها بصدمه ورفيف مبتسمه و تصوره سناب.
__
عند يوسف
اللي طلع من الجامعه للبيت على طول و يرتب ملابسه بشنطه صغيره و الجوال باذنه:ايه يا يارا،تسمعيني.
يارا:ايه حبيبي،تكلم.
يوسف:أنا رايح السعوديه و رحلتي بعد ساعه،انتبهي لنفسك اوكيه.
يارا:يوسف و أنا وين اروح؟
يوسف:ارجعي مع ريان إذا المخيم حقكم ما بيطول،اوكيه و أنا باكلمك من هناك بس لازم اروح عشان ابوي.
يارا:اوكيه يوسف الله معك و الله يتمم لك يا قلب اختك.
يوسف:آمين حبيبي، يلا استودعتك الله.
يارا:مع السلامه و قفلت.
"هذا يوسف"
يارا التفت بخوف و حطت يدها على قلبها:إيه،تنهدت:ريان ممكن تساعدني بخيمتي.
ريان أشر على عيونه:من عيوني.
يارا ابتسمت:تسلم عيونك.
ريان تقدم و بدا يرص الأشياء الاساسيه و بعد ربع ساعه ضبطت الخيمه.
ريان بابتسامه:تفضلي.
يارا تقدمت مبتسمه و ما انتبهت لشنطة العده اللي قدامها و صرخ ريان:انتبهي و مسك يدها بسرعه.
يارا صرخت لما تعثرت فيها و طاحت و سحبت ريان معها و طرااااخ.
طاحوا جواة الخيمه و طاحت عليهم.
المدرب ركض لهم و صرخ:راين هل أنت بخير.
الاجانب ينطقون ريان ب راين
ريان رفع يده:نعم،نحن بخير.
المدرب ابتسم:كفاك عبثاً و أخرج من هناك.
ريان انفجر ضحك و كتمها:الله ياخذك يا ذا المجنون.،ناظر في يارا اللي كانت تحته و وجهها غطاه الخجل.
ريان انتبه لنفسه و بعد عنها و هي قامت و سوت شعرها من دون ما تناظر له.
ريان حك راسه:لازم نرجع نصلح من جديد.
يارا ابتسمت و طلعت من الخيمه،و ريان لحقها و بدا يصلح الخيمه من جديد و بمساعده من يارا.
__
عند يوسف
اللي جالس بالمطار و ينتظر نداء الرحله،كان يفكر بهيا و مستغرب كيف أنها وافقت وهي دائما ترفض أي أحد يتقدم لها،ابتسم لما تذكر آخر موقف صار لهم و لما جات تعتذر له بالغرفه،حبها من ذاك الوقت اللي اكتشف الشخصيه الحلوه اللي فيها و كيف أنها غييير.
يوسف انتبه لنداء الرحله و توجه للبوابه و لف يناظر أستراليا:استودعتك الله يا يارا و استودعت الله أصحابي، دعواتكم لي، و طلع.
__
عند رفيف و تركي
بعد ما عملت له المفاجأة اللي انبسط منها و قدمت له هديه و كانت عباره عن ساعه من أحد الماركات العالميه و كانت مغلفه بتغليف جميل و مكتوب: نحتفل نضوي الشموع و نبتسم للحب نجدد أيام السعاده و الهوى فينا ونتسامر في وداد حلو صافي عذب.
(كل عام و  انت بخير)
تركي بفرح فتح العلبه و أخذ الساعه و كان يتأمل فيها لبسها بسرعه و صار كاشخ فيها و ناظر في رفيف:وعد يا اجمل ما صار لي إني ما راح اتركها ابداً،و لا راح اتركك انتي بعد.
رفيف بابتسامه:عليك بالعافيه.
تركي يناظر حواليه و بعدين ناظر فيها:اوكيه، وش تبين جايين بهالمكان.
رفيف:ذا اجمل مكان نطلب منه آيس كريم، تبي نطلب و نجلس و إلا ناخذه و نمشي.
تركي:أنا أقول نمشي أحسن عشان نحرقه.
رفيف وقفت:أي نكهه.
تركي بنص عين:ملاحظه انك أنتي اللي تدفعين من اليوم.
رفيف:وأنا اليوم ذا كله عازمتك.
تركي ابتسم:فانيليا.
رفيف:تبي اضافات عليه.
تركي:انتي جيبيه ساده و بس.
رفيف:اوكيه مثل ما تحب ، و طلبت اثنين ايس كريم ساده بالفانيليا و أعطت تركي و مشوا مع بعض يسولفون عن الجامعه و الاختبارات اللي قربت و فجأه وقف تركي و وقفت رفيف.
رفيف باستغراب:ليه وقفت؟
تركي بتكشيره:ماعجبني طعمه ليه ما حطيتي اضافات.
رفيف:قلت لك عييت.
تركي أخذ ايس كريمها و أكل منه.
رفيف:هيه تركي ذا حقي أنا.
تركي:عارف بس طعمه احلى.
رفيف:كله نفس النكهه.
تركي:لا يختلف.
رفيف تخصرت:بوش هو يختلف؟
تركي قرب منها و همس:الريق اللي اناكل منه يخسبق.
رفيف ناظرت له بصدمه و بعدت وجهها منه و بحمق: حيوان.
تركي انفجر ضحك و ناولها ايسكريمه:خذي لأنك لو تنهبلين ما راح أعطيك حقك.
رفيف بزعل:مابيه ارمه إذا تبي.
تركي:اوكيه.
رفيف انتبهت لرسالة السناب و لما فتحتها شافته أحمد كشرت و فجأه جات لها فكره برأسها و أخذت الآيسكريم من يد تركي و سحبته:تعال و جلست على كرسي و قربت الآيسكريم من فمه و صورته من فمه و تحت و كتبت:وجودك بحياتي مثل حلاة هالايسكريم، أحبك تروكي و سوت لها حفظ و أرسلتها بس لأحمد.
تركي باستغراب:وش المناسبه تصورين.
رفيف بتصريفه:ذكريات.
تركي نزل شنطتها و مد جسمه عالكرسي و حط رأسه بحضنها.
رفيف ناظرت له بصدمه:خير
تركي ببراءه:أبي ارتاح بس و يأكل ايس كريم.
رفيف:تركي بلا حركات أطفال و قوم على حيلك و خلص الآيسكريم ذا ليتني ما طلبته.
تركي جلس:كل ذا عشان اكلت ايس كريمك بس.
رفيف تنهدت:تبي الصراحه.
تركي:و لا أبي غيرها.
رفيف ناظرت بالايسكريم:حاسه كذا أنا ما راح نكون لبعض بس احساسي كذا يقول.
تركي:المفروض نكذب جواتنا مو نصدقه بكل شي.
رفيف ناظرت فيه بحزن:احس فيه شي بيصير يخلينا نبعد عن بعض أو يمكن أحد يفرق بيننا و يشوه سمعتنا أو سمعتكم.
تركي مسك وجهها:حبيبي ليه هالكلام و اهالينا كانوا صداقتهم و اخوتهم ببعض قويه و الحين صارت اقوى.
رفيف نزلت دموعه:ما ادري تركي، صدقني صرت احلم بكوابيس كلها عنا و لما افسرها تطلع ضد علاقتنا.
تركي:ذي أضغاث أحلام يا روح تركي.
رفيف مسحت فمها و هزت رأسها بلا:لا مو اضغاث ذا أحسه واقع ،زي حلم إني اشوف نفسي لابسه ابيض و اليوم الثاني كنت باموت.
تركي حضنها:بسم الله عليك يا روح تركي.
رفيف بكت بصمت.
تركي همس:الله لا يجيب فراق، و باس رأسها و رفيف تشبثت فيه أكثر و تبكي.
تركي تذكر كلام امه و تنهد ،و في باله:معقوله كلام أمي لي و السر اللي عندها يتعلق برفيف، لا يا تركي اكيد شي ثاني يخص العائله أو ابوي.
رفيف بعدت عنه و مسحت دموعها و ابتسمت:وعدت نفسي المفروض ما أبكي بهاليوم ابدا لأنه اجمل يوم فى الدنيا و اللي جيت أنت فيه.
تركي:فدا يا عيون تركي.
رفيف:وش رايك وين تبي نروح.
تركي:نرجع البيت عندك و نتابع فيلم.
رفيف بتكشيره:بلاش نرجع الحين خلها لتسعه و نرجع.
تركي أشر على عيونه:من عيوني و بسرعه:بس بشرط!
رفيف:وش هو؟
تركي بسرعه جلس جنبها و رجع حط رأسه بحضنها:تغنين لي.
رفيف ابتسمت و حطت يد على شعره تلعب فيه و اليد الثانيه تمسح على خده و تغني:والله احتاجك أنا ،خلك بجنبي قريب و ان حصل شي بيننا.........
تركي قاطعها:ليه الحزن؟
رفيف بابتسامه:مو حزن،بس ابيك تعرف كيف باكون من بعدك.
تركي مسك يدها اللي على خده و باسها:الله لا يجيب فراق و لا عاد تفكرين فيه ابد.
رفيف: إن شاء الله.
تركي: قولي الحين متى يوم ميلادك.
رفيف:7/7 بالميلادي.
تركي عقد حواجبه:و بالهجري.
رفيف: مواليد شهر محرم.
تركي:اها،يعني حاسبه لي بالميلادي.
رفيف: لازم دام احنا بالخارج نمشي على تواريخهم.
تركي قام و مسك يدها و سحبها:يلا مشينا البيت في بالي نتابع فيلم توه منزلينه.
رفيف:اوكيه أخذ بس شنطتي ، و أخذتها و مشت مع تركي و هو يتحلطم عشان كعبها العالي.
__
بالمخيم
كانوا جالسين جنب بعض وعاملين حلقه دائرية حول النار و كانوا يغنون اغاني انجليزيه.
المدرب:حسناً راين ستغني لنا بصوتك و بقيتارك.
ريان:لا أملك صوتا جميلاً.
أحد الطلبه رد عليه:جميعا لا نملك صوتا و نغني.
ريان ابتسم:اوكيه ساغني بالعربيه إذا اردتم.
أحد الطلبه:سيكون جميلاً.
ريان بدأ يعزف و غني اغنية قصر الشوق و من بين الكلمات ناظر في يارا و ابتسم لها و هي تناظر له و حاطه ذقنها على رجولها.
ريان خلص من أغنيته و صفقوا له.
المدرب:ما معنى اغنيتك أو ماذا تقصد بها.
ريان:هذه الاغنيه لشخص يصف حبيبته باشعاره و يناظر في يارا:صحيح يارا.
يارا هزت رأسها بايه.
المدرب:حسنا حان وقت النوم.
و صاروا يتناقلون الردود:احلام سعيده،تصبحون على خير، احلام ورديه جميله.
ريان مسك يد يارا و باس خدها بسرعه:تصبحين على خير.
يارا ابتسمت بخجل و دخلت خيمتها من دون ما ترد عليه.
ريان مد يدينه و أخذ قيتاره و دخل خيمته.
__
عند رفيف و تركي
اللي عملوا فشار و ضبطوا لهم الفيلم و الشاشه و جلسوا يتابعون و ياكلون بنفس الوقت و كان فيلم رومانسي و نهايته ان الأبطال يفتقرون عن بعض.
تركي بتكشيره:وجع و الختاميه البايخه، و ناظر في رفيف:لا تصدقـــ..... و سكت لما شافها نايمه و شعرها مغطي وجهها، ابتسم و قرب منها و بعد شعرها و باس خدها:فديتك كلك ، و هزها يصحيها بس تراجع عشان لا يخرب عليها نومتها، شالها بهدوء و توجه لغرفتها و فتح الباب و دخل و حطها على سريرها بهدوء و حمد ربه أنها غيرت لبسها قبل ما تنام، باس رأسها و خدها و قفل الإضاءة، لف اللي بعدهم و رتب المكان و شيك على البيت كله و أخذ اغراضه و طلع لفلتهم مستودعها الله.
__
عند يوسف
اللي فرحان و يتقطع من الفرح بهذا اليوم الجميل و المميز ،مو مصدق انه موجود ببيتها و يخطبها و يشوفون بعض.
"يوسف"
يوسف انتبه لعمه و ابتسم:لبيه يا عم.
الجد بابتسامة:تعال يابوك.
يوسف ارتبك و وقف معه و راح و جلس بمجلس ثاني و كان مجلس الحريم و دخل الجد و بيده هيا اللي لابسه تنوره خمري و عليها بلوزه بيضاء و شعرها مفيرته من تحت و حاطته على جنب.
الجد:هذي هيا، و جلسها قدام يوسف:هنا يا ابوي عشان تشوفون بعض زين.
هيا مسحت وجهها من حرارته.
الجد:ذي هيا يا يوسف.
يوسف:ماشاء الله.
الجد:تراها نبض قلبي و نور عيوني و ما عاد ضل أحد بالدنيا لي غيرها و ابيك إذا كتب بينكم النصيب تحطها بعيونك.
يوسف:اوعدك مثل ماهي شمعة بيتك بتكون شمعة بيتي بعد.
الجد:الله يكتب ما فيه الخير، وقف:اخليكم شوي نسيت شي و بارجع لكم، وطلع الجد.
يوسف ابتسم:كيفك يا هيا؟
هيا بخجل:بخير.
يوسف:كنت على أعصابي انك ما توافقين.
هيا تلعب بيدينها:حتى أنا مصدومه من نفسي.
يوسف ابتسم:أحبك.
هيا ما ناظرت فيه و كانت تلعب بيدينها و هي من جواتها تغلي خوف.
يوسف تنهد:تبين نملك بعد يومين أو بعد ما اخلص من الجامعه ذا الترم و نخلي زواجنا بعد رمضان.
هيا:براحتك.
يوسف:اللي اتمناه آخذك الحين و نروح.
هيا ناظرت فيه مبحلقه عيونها.
يوسف ابتسم:وش فيك؟
هيا:أنا ما ابي الين يجون مشعل و وسن.
يوسف:يعني موافقه نكتب الكتاب بعد يومين و الزواج نخليه بعد رمضان.
هيا وقفت:كلم ابوي و أسأله ،عن اذنك ، و ابتسمت له و طلعت.
يوسف بحلق عيونه:راحت من دون ما اخذ قرار منها.
يوسف وقف و توجه لمجلس الرجال على طلعة الجد و ابتسم:تم يا وليدي.
يوسف جلس:أنا تم بس ما أدري عن بنتك.
الجد:أشوف لها و أرد لك، و طلع.
يوسف لف لابوه:ترا أبي الملكه بعد يومين.
أبو يوسف:بهالسرعه.
يوسف:والله أبي أشوف حياتي.
أبو يوسف ابتسم:الله يكتب لك الخير.
انتبهوا للجد اللي دخل و مبتسم:ألف مبروك يا يوسف.
يوسف ابتسم:الله يبارك فيك.
ابو يوسف:مبروك حبيبي ، و لف للجد:مبروك يا ابو عبدالعزيز.
الجد:الله يبارك فيك ،شوف يا يوسف انا اعرف ان عندك دراسه و اختبارات و ما ابيك تفكر بشي ثاني ،هيا و صارت لك وما راح بيكون فيه زواج ولا عقد إلا بعد ما ترجع بالسلامه.
يوسف:بغيت بعد يومين يا عم يكون العقد.
الجد رفع يده بوجه يوسف:المعذره منك دراستك أهم من اي شي ثاني.
يوسف ابتسم:اللي تشوفه طال عمرك.
الجد:الله يردك بالسلامه انت و عيالي و أفرح فيكم.
الكل:آمين.
__
أستراليا
دخل شهر رمضان و شلتنا الحلوه بدأوا صيام و اختبارات و كانت ساعات الصيام طويله جداً.
بآخر يوم من الاختبارات و بالقاعه مرت ساعه و الكل يحل بتركيز و هدوء إلا شخص واحد يرتاح شوي بعدين يكتب الين انتهى من كل شي، رفعت يدها للمشرفه و راحت لها بهروله:ماذا عزيزتي؟
وسن بألم:أرجوك سيدتي علي الخروج لا أستطيع الجلوس أكثر من ذلك، و تمسك بطنها بألم.
المشرفه بتوتر:حسناً ،قفي بهدوء سأساعدك.
وسن ناظرت ناحية مشعل و كان جالس يحل بهدوء و همست للمشرفه:أرجوك لا أريد من زوجي ان يعلم بأي شئ حتى ينهي اختباره.
المشرفه ابتسمت لها و طلعت معها بالممر و جلست بتعب و اعطتها مويه و شربت شوي و رجعت تعض شفتها بألم.
المشرفه:هل أنتي بخير؟
وسن نزلت دموعها:أريد زوجي فقط.
المشرفه بخوف:حسنًا عزيزتي تعالي معي إلى قسم الاسعاف الجامعي.
وسن بالم:لا أستطيع الوقوف.
المشرفه دقت عالاشراف و طلبت منهم يجيبون كرسي متحرك و بلغت بحالة وسن.
وسن ما عاد تحملت و صرخت من الألم.
باللجنه
الكل رفع راسه من صراخ وسن و طلب منهم المشرف يخلصون من اختبارهم.
يوسف دق مشعل و همس له:صوت وسن يامشعل.
مشعل انصدم و رفع راسه و ناظر في  مكانها و كان فاضي، ناظر بورقة اختباره و كان حال كل شي و وقف:علي الذهاب يا أستاذ.
المشرف برفض:لن تذهب الى اي مكان.
مشعل بترجي:أرجوك ، زوجتي تلد بالخارج.
المشرف:حسنا اجلب ورقة اختبارك و وقع و بعدها يمكنك الذهاب.
مشعل سوا كل شي يبيه و طلع و مالقى أحد بالممر، قابل المشرفه اللي كانت تراقب عليهم.
المشرفه:هل أنت زوج وسن؟
مشعل:نعم أنا.
المشرفه:حسنا تم نقلها إلى العياده الجامعيه عليك الذهاب لها حالاً.
مشعل:شكرًا جزيلًا، و هرول لوسن بسرعه مثل المجنون يدور للمكان ،تذكر اليوم الصباح لما تعبت و كانت تحس بالالام خصوصا أنها بشهرها الأخير و رفضت انها ما تجلس و بتختبر.
وصل مشعل للمكان و فتح الباب و شاف وسن جالسه و حاطه يدها على رأسها و الثانيه على ظهرها و راح لها بسرعه و جلس قدامها:وسن حبيبي.
وسن ناظرت فيه:مشعل وش جابك؟ خلصت اختبارك و شدت على شفايفها و طلعت تاويهه بصوت منخفض:مشعل باموت.
مشعل بخوف:بسم الله عليك.
"لو سمحت"
مشعل التفت.
"علينا نقلها إلى المستشفى"
مشعل هز رأسه بايه:حسناً.
و نقلوها بالاسعاف و مشعل معها.
__
عند شلتنا
خلصوا اختبارهم و طلعوا و بالهم مع وسن.
تركي قفل جواله:مشعل يقول باقي ما عطوه اي خبر و صار له أكثر من ساعه برا.
رفيف:الله ييسر لها يارب.
شهد:أنا شخص بيروح لها.
حاتم بهدوء:حبيبي وش له تروحين لها و هي بعد ما ولدت.
رفيف:افففف والله اني أقول الحمدلله ما ولدت قبل.
تركي بتنهيده:الله يطمن مشعل إن شاء الله.
رفيف ابتسمت:يارب.
تركي التفت:و عقبال لك يا حتوم.
حاتم ابتسم:يارب.
شهد بتصريفه:متى ترجعون السعوديه يا رفيف؟
رفيف بتفكير:بعد يومين يمكن.
شهد بفرح:على نفس رحلتنا إذا.
يوسف:كلنا بعد يومين و رحلتنا مع بعض.
حاتم:و انتوا تركي؟
تركي قلب فمه:ما ادري يمكن ما بنسافر عشان أبوي و شغله.
حاتم انصدم:و تجلس هنا كل هالمده و ما نشوفك.
تركي ابتسم:والله لو علي أنا رجلي على رجلكم، و بتنهيده:خصوصا إني تعلقت  فيكم بالحيل.
رفيف ابتسمت و عرفت انها المقصوده.
يوسف بزعل:افا و ما بتحضر عقد صديقك.
تركي ابتسم:الله يوفقك.
يوسف:آمين.
رن جوال تركي و كان مشعل ،رد بسرعه:هلا مشعل بشر؟
ابتسم:ألف ألف مبروك و الحمدلله على سلامتها، اكيد اكيد بابلغهم ،انتوا اليوم ارتاحوا و بكره بنزوركم إن شاء الله ،فطورك عندي فاهم، لا هذا غير، لا يكثر و تعال انت صائم من اليوم و انت واقف مع زوجتك، الله معك، و قفل.
رفيف باندفاع:ولدت وسن.
تركي ابتسم:ايه الحمد لله و لدت و جابت ولد.
رفيف ناظرت لشهد و قالوا لبعض بنفس النبره:مثل ما طلع بالاشعه.
رفيف ابتسمت.
يوسف بغبنه:يارب بتتاخر ملكتي.
ضحكوا عليه.
حاتم ضرب كتفه:ذا اللي هامك.
يوسف ناظر له:تلومني.
حاتم:لا والله حبيبي ،بس تبي الصدق شعور يجنن كذا يكون لك عائلتك الخاصه.
يوسف نزل رأسه:حسبي الله عليك يا حاتم خلاااص.
شهد:تركي انت مو مفكر و لو واحد بالميه انك تتزوج.
يوسف كش عليه:مالت عليه أكبر مني بخمسه شهور و باقي عزابي.
تركي ابتسم له:الزواج ماله عمر ،أهم شي ذا و (أشر على قلبه):إذا حب بصدق يعتبر أن فيه حياة حلوه ان شاء الله.
يوسف ابتسم:صح عليك.
تركي ناظر في رفيف:تبين نمشي.
حاتم:أي والله حتى حنا بنمشي.
يوسف:تدرون أكثر ناس ينغبن انا و رفيف.
شهد:ليه، وش معنى؟
يوسف:لأن إذا دخلنا البيت فيه اثنين يبي لهم ضرب و هم نايمين و معطلين قبلنا.
رفيف تنهدت:لا تذكرني تكفى.
حاتم:خلاص انتوا الحين مخلصين روحوا و انبسطوا و اعملوا لهم إزعاج.
شهد:لا حاتم حرام صايمين.
تركي:مشينا رفيف؟
رفيف وقفت و أخذت اغراضها:توكلنا على الله.
حاتم مسك يد شهد:و احنا كمان نستأذن.
يوسف:استودعتكم الله جميعاً.
و تفرقوا بالسيارات.
__
عند تركي و رفيف
رفيف ناظرت له:تركي ممكن أسألك سؤال؟
تركي ناظر لها و ابتسم:امريني.
رفيف:ما يأمر عليك،،اااا،فيه شي مضايقك و تبي تقوله.
تركي بلع ريقه و بتردد:لا مافيه شي.
رفيف:بس أحس شي مضايقك و من فتره كمان مو الحين.
تركي عقد حواجبه:من فتره يعني كم؟
رفيف:من يوم ميلادك،،مسكت يده:تركي قول لي وش مضايقك؟
تركي ابتسم و مسك يدها و باسها:متضايق حيل لأنك بتروحين و تتركيني.
رفيف ابتسمت:ترا حنا صايمين.
تركي رفع صوته بعصبيه:شفتي بكلامك ذا وش سويت؟
رفيف:تركي لا تهرب.
تركي ناظر لها بابتسامه:ما اهرب لأني عارف مصيري اجي و أقول لك.
رفيف:وعد.
تركي ضرب أنفها بسبباته:وعد.
رفيف باستغراب:ليش وقفت؟
تركي ابتسم:وصلنا البيت، و إلا ما تبين؟
رفيف بدلع:لو ألف الكون ذا كله و معك ما ابي ارجع لا تلومني.
تركي قفل عيونه و بنبرة وعيد:و الله يا رفيف ان اطلع ذا الكلام من عيونك، انزلي بسرعه خلينا نصوم.
رفيف انفجرت ضحك و نزلت:باي.
تركي استند على المرتبه و مسح وجهه و شعره و تنهد:الله اعلم لوين بنوصل يا رفيف،بس وش يفهم أمي ان مالك خص بالماضي كله وش يفهمها،حرك للبيت و وصل و نزل و انتبه لسياره غريبه، تذكر أبوه أحيانًا يستضيف أصحابه للفيلا، دخل للفيلا و كان صوت امه و أبوه ضحك و سوالف و بحلق عيونه لما سمع صوته عرف انه هو و دخل عليهم و سلم:هلا والله بخالي.
ناصر ناظر فيه و ابتسم:تروك.
تركي تقدم له و باس راسه لكبر عمره.
ناصر:هلا هلا، حيا الله الشيخ تركي.
تركي جلس جنبه مبتسم:هلا بك.
ناصر:كيفك يا تركي يالله كيف مرت السنين، صرت رجال.
ابو تركي بمدح:سيد الرجال بعد.
ناصر باس رأس تركي:فديت الرجال، وين عيالك؟
تركي:باقي ما دخلت القفص الذهبي.
ناصر رفع اصبعه السبابه:نصيحه لا تكرر غلطة خالك، شوف كيف حالتي من بعد زواجي الأول و أنا من دون حرمه.
أم تركي:و الله هذا هو عندك.
تركي ناظر فيها و بعدين رجع ناظر في خاله:ترا خطبتي قريبه و ابوي حجزها لي و إن شاء الله باخطبها رسمي قريب.
ناصر ابتسم:الله يوفقك يارب.
تركي:آمين.
ابوتركي:اقول يا ناصر ،وش رايك تطلع ترتاح و تنام لك شوي.
ناصر:و الله أبي انام و بس.
تركي وقف:قوم معي تنام بغرفتي الين يجهزون غرفتك.
أم تركي:لا يا ماما غرفة خالك جاهزه.
تركي:حلو ،يلا قوم معي.
ناصر وقف:هذاني قمت معك.
ابوتركي:تركي وصله غرفته و شوف وش يحتاج و اطلع ،لا تسولف معه و  يطير النوم خالك تعبان.
تركي أشر على عيونه:من ذي قبل ذي.
أم تركي:و انت بعد ارتاح لك شوي حبيبي.
تركي من دون ما يناظرها:اكيد ، و طلع مع  خاله.
أم تركي لفت بعصبيه:شفت حركات ولدك.
ابو تركي ببرود:انتي اللي خلتيه بهالطريقه.
أم تركي:الزواجه ذي ما راح تصير.
ابوتركي:يا بنت الحلال انتي وش مغيرك؟
أم تركي:أنا و إلا ولدك.
ابو تركي بحده:قلتيها ولدي يعني مالك اي خص فيه ،و إلا فيه واحده عاقله تروح تقص لولدها بماضي صار و انتهى عشان ما يتزوج على حساب غيره.
أم تركي:قلبي ناغزني من هالزواجه ما ابيها.
ابو تركي وقف:اعقلي عشان ما يصير شي ما يعجبك، و راح و تركها.
أم تركي تنهدت:يارب لطفك يارب.
__
عند تركي
فتح الباب لخاله و دخل:تفضل.
ناصر:زاد فضلك.
تركي:تبي شي قبل ما اروح؟
ناصر أشر له بيده بتعال.
تركي:تبي تمشكلني مع أبوي.
ناصر ابتسم:ما عليك باقول أنا اللي تركته يجلس.
تركي جلس:و هذا احنا جلسنا.
ناصر:قول لي أول وش مسوي مع الماجستير.
تركي:الحمدلله كل شي تمام، سنه و راحت باقي لنا سنتين.
ناصر بابتسامه:الله يوفقك، طيب وش صاير بينك انت و أمك؟
تركي ببراءة:مو صاير شي.
ناصر:لا تكذب علي يا تريكان.
تركي غطا وجهه:أكره ذا اللقب ،تكفى لا تقوله.
ناصر بضحكه:ما راح اقوله الين تقول لي وش صاير؟
تركي:رافضه إني اتزوج البنت اللي ابيها.
ناصر عقد حواجبه:و ليه؟
تركي:لأنها بنت طليقتك الأولى.
ناصر انصدم.
__
عند وسن
فتحت عيونها بتعب و انتبهت لمشعل اللي واقف و يتكلم مع الدكتوره و يتطمن على صحة وسن و النونو.
وسن نادته بوهن:مشعل.
مشعل التفت بسرعه لها و ابتسم و اعتذر من الدكتوره و راح لوسن:ارتاحي و ريحي نفسك.
وسن:بشر.
مشعل:لا تخافين حبيبي انتي بخير و ولدنا بخير و صحته كويسه.
وسن ابتسمت:قصدك الشيخ عزوز بخير.
مشعل ابتسم لها:عزوز.
وسن مسكت وجهه:و غير اسم عبدالعزيز ما راح نسميه إن شاء الله.
مشعل باس يدها:إن شاء الله.
وسن:خبرت جدي.
مشعل طلع جواله:انشغلت فيك والله، تتوقعين نايمين.
وسن:انت تعرف جدي ما ينام إلا بعد الفجر.
مشعل:اجرب و اشوف.
وسن:جيب لي عزوز بعد ما تخلص.
مشعل أشر على عيونه و الجوال بإذنه، قفل:شكل الكل نايم.
وسن:طيب جيب لي عزوز.
مشعل وقف:ترا حتى أنا ما شفته إلى الحين.
وسن:وش تنتظر طيب.
مشعل رفع يده:اوكيه اوكيه هدي نفسك.
لف مشعل للباب اللي انفتح و دخلت عربيه تحمل فيها بيبي صغنون تحمل ملامح أبوه و أنف امه.
الممرضه بابتسامه:تفضلوا، هذا ابنكما.
الممرضه قربت السرير لأمه و شالته و حطته بحضنها.
وسن ابتسمت و باست جبهته:حبيب ماما أنا، نورت حبيبي.
مشعل جلس جنبها و مسك يده بوهن و باسها و بهمس:حيا الله الشيخ عبدالعزيز.
وسن نزلت دموعها و مسحتها.
مشعل:أعطيني خليني ااذن باذنه.
وسن أعطته و شاله بين يديه و أذن بإذنه.
وسن تناظر لهم مبتسمه.
مشعل باس جبينه وناظر فيه:مين يشبه؟
وسن:يشبه لك اكيد.
مشعل باس خده بقوه خلاه يتضايق.
وسن:يا ويلك مشعل.
مشعل:خليه يتعود لأني ما راح أبوسه إلا كذا، عالعموم أنا رايح تبين شي؟
وسن بزعل:وين تروح و تتركنا؟
مشعل:معزوم عند تركي باروح الحين و أخذ شاور و انام لي ساعتين كذا و بعدها باروح لهم.
وسن:استودعتك الله.
مشعل باس جبين عزوز:يلا تبين شي؟
وسن:سلامتك حبيبي.
مشعل:في أمان الله ، و طلع
وسن ناظرت لعزوز و بهمس:دام بابا راح احنا بننام و نكون وحدنا وش رايك؟ ، و نومته جنبها و بتهديد:لا اسمع صوت اوكيه.و غمضت عيونها مستسلمه للنوم.
__
عند تركي
ناصر:وش عرفك أنها بنتها.
تركي:أمي قصت لي بكل شي و قابلت أم رفيف لما جمعناهم ببعض في منتجع هنا.
ناصر تنهد بقوه.
تركي بترجي:خالي تكفى شف دبره للموضوع.
ناصر ابتسم:لذا الدرجه تحبها؟
تركي ابتسم:اكيد،أحس أنها الشخص اللي جد مكمل حياتي و الشخص اللي يستاهل و منتظره كل هالسنين.
ناصر:الله يتمم لكم.
تركي:آمين، أنت كنت تحب أم رفيف.
ناصر نزل راسه:بداية زواجنا لا و كله من السم اللي كنت اشربه ،و حبيتها من لما تعافيت و صرت بصحتي.
تركي تنهد و قلب فمه.
ناصر:بعد ما انسجنت يمكن خمسه شهور ،تعبت بالسجن و صرت مثل المهبول أدور أي قنينه اشرب منها الين تعبت نفسيًا و صرت ارجع دم الله يكرمك على طول حولوني للمستشفى و بعدها عرفوا أن عندي التهاب بالكبد المهم انهم عالجوه و بعدها دخلت مستشفى اللي يعالج المدمنين حسيت كأن حياتي بدت ترجع لي من جديد، و كل ذا أخذ ثلاث سنوات من حياتي و بعدها طلعت على بيتكم على طول و اكتشفت أنها رفعت علي قضية طلاق و كان لي مجرد تهيأ لما وقعت على ورقه و أنا بالسجن رحت لابوها عشان أعتذر منها وارجعها و مستعد ادفع لها اللي تبي بس ترجع لي،تنهد:بس وصلت متأخر و عرفت ان غيرها أخذها مني و صار عندها ولد.
تركي ابتسم:ريان.
ناصر ابتسم:أم ريان يعني و أنا فكرت أنها أم رفيف،،،عشان كذا خالك صاير من بلد لبلد و يشتغل عشان انساها و عشان اشغل نفسي بالتفكير.
تركي نزل راسه:ما كنت ادري ان قصتك كذا،كل شي عرفته منك، أمي ما دخلت بتفاصيل كل اللي قالته لي أنه ما يصير اتزوجها لأن أمها كانت طليقتك و قطعتوا علاقتكم بعائلتهم و هي مستحيل ترتبط بالعائله ذي مره ثانيه ،ابتسم و ناظر في خاله:زعلت كثير لما قلت لها أن رفيف ما تنسب لامها ابداً و تنسب لابوها،عقدت الموضوع أكثر و صارت تصرخ بوجهي و انه مستحيل اخذها، و بحزن:تعبت يا خالي والله تعبت الحين هي و ابوي صار وقتهم كله هواش عشان ذا الموضوع.
ناصر ابتسم و مسك يده:خل ذا الموضوع على الله ثم علي و إن شاء الله موضوع الماضي ما راح يأثر لأنه ماضي و لا ينعاد.
تركي:أملي في الله ثم فيك يا خال.
ناصر:و نعم بالله، وش رايك حبيبي تروح ننام عشان انا كمان انام.
تركي وقف:نوم العوافي، و طلع تركي مبتسم و مبسوط ان الموضوع بينحل.
__
يوم جديد
رفيف تصرخ:يلا يا ريان تأخرنا.
ريان:هذاني جيت، وش كل ذا الاستعجال؟
رفيف:ابي اوصل قبل الكل.
ريان:طيب ان شاء الله، تفضلي.
رفيف ابتسمت:افتح الباب عشان يدي مشغوله.
ريان فتح الباب و رفع جواله اللي يرن:هلا،،،،يلا طالعين من البيت وصلت انت،،،،خلاص ربع ساعه و حنا عندك،،،،هلا مع السلامه و قفل.
رفيف باستغراب:مييين؟
ريان:يوسف.
رفيف باندفاع:وصلوا.
ريان ابتسم:اكيد مو صاير من العائله.
رفيف:طيب يلا عشان الوقت لا نتأخر.
ريان مشى وراها من دون تعليق.
__
بالمستشفى
يوسف باس خد عزوز:الله يبارك فيه إن شاء الله.
مشعل:آمين و عقبالك.
يوسف ابتسم:يارب.
مشعل رن جواله و ابتسم بخبث فتح الفيديو:هلا بعمتي الحلوه.
هيا:هلا مشعل كيفك؟
مشعل:بخير يالغاليه انتي كيفك و كيف جدي؟
هيا:بخير بخير، وين عزوز؟
مشعل ابتسم لها:حالياً ماهو معاي.
هيا بحزن:لا تقول انك مو بالمستشفى.
مشعل:إلا إلا بس وقت زياره الحين و حاليا مع الزوار.
هيا بترجي:تكفى نظره واحده.
مشعل ضحك بخفه:طيب ثواني.
و بدل عالشاشه الاماميه و صوره مع يوسف:هاه شفتيه.
هيا تناظر ساكته و مصدومه.
مشعل ناظر لها:هييي عمتي.
هيا بهدوء:هلا.
مشعل:وش فيك سكتي؟
هيا بتصريفه:سلامتك متى بتجون؟
مشعل بتفكير:اممم تقريباً بعد عشره أيام.
هيا انهبلت:لا مشعل وش عشر ايام.
مشعل:ياعميمه الله يطول بعمرك وسن تعبانه الحين و عزوز بعده ضعيف ما يصير نسافر الحين.
هيا بحزن:وش ذا الحظ؟.
مشعل ابتسم:فدوه أنا هيونه.
هيا:على كذا باسافر لكم.
يوسف ناظر في مشعل بصدمه و بجراه:أقول اجلسي عندك و لا تتحركين شبر واحد.
هيا بحلقت عيونها و مشعل انفجر يضحك.
يوسف:تجين وش تسوين هنا و أنا راجع بكره اخت هيا.
هيا:مشعل أعطني وسن أحسن.
مشعل:ثواني، و أخذ الجوال و راح لوسن و أعطاها، التفت للباب اللي دق و دخل و كان رفيف و ريان:السلام عليكم.
مشعل و يوسف ردوا السلام.
رفيف:مبروك المولود يا أبو عبدالعزيز.
مشعل:الله يبارك فيك.
رفيف:لكم دقيقه واحده و تسلمونه لي.
مشعل:تامرين.
ريان:اي والله صاكه رأسي من يوم إني بالبيت.
رفيف دخلت لوسن و يارا و سلمت عليهم و جلست جنب وسن و ناظرت في يارا اللي وقفت و أخذت جوال مشعل معها و تسلمه له.
رفيف:يارا جيبي الفأر الصغير معك.
يارا:حاضر، و راحت للعيال و انتبهت لريان اللي معطيها ظهره ابتسمت و تقدمت ليوسف:عندي أوامر أخذه معي.
يوسف ابتسم:رفيف.
يارا هزت رأسها مبتسمه واخذته بهدوء:و الله خايفه أطيح و اطيحه معي.
يوسف:انتبهي يا يارا.
يارا تمشي على مهل و ابتسموا لما سمعوا صوت رفيف تكلم عزوز:هلا بالشيخ يا هلا ، و طبعت له بوسه و سحبت على وسن.
رفيف نطت من مكانها لما سمعت صوته وهو يسلم و يضحك.
وسن بهمس:تحركتي الحين لما سمعتي صوته.
رفيف عضت شفايفها:ما ادري كيف باتحمل ذا الثلاث شهور.
وسن:الله يجمعكم ببعض يارب.
رفيف:آمين و تناظر في عزوز:شكلي باكنسل السفر و أجلس معكم.
وسن ضحكت بخفه.
"رفيف جيبي عزوزي هنا"
رفيف ناظرت في وسن و بحزن:ما أبي أروح له و هذا أخر يوم أشوفه فيه.
وسن بحده:لا عاد تقولين آخر يوم، أكيد بيجي يا شيخه و الله ما يصبر كل هالفتره عنك.
رفيف بهمس:يعني تتوقعين بيصير شي هالاجازه.
وسن ابتسمت:إن شاء الله.
رفيف ردت لها الابتسامه:إن شاء الله.
"يا رفيف وينك؟"
رفيف ناظرت في يارا:تعطينهم.
يارا وقفت بحماس وأخذت عزوز منها،رفيف بهمس:إذا سألك قولي ما تقدر تترك وسن لحالها.
يارا هزت رأسها بطيب وراحت لهم و أعطت تركي اللي ابتسم لها بتسليك و أخذ عزوز منها و ابتسم:ماشاء الله تبارك الله، و باس جبينه:الله يحفظه يارب.
مشعل:آمين.
يوسف وقف:يلا يا أبو عبدالعزيز ،احنا نستأذن.
مشعل:وين بتروح؟
يوسف:والله بنروح نجهز أغراضنا و ننام قبل الرحله تعرف السفر طويييل.
مشعل:الله يحفظكم ان شاء الله و توصلون بالسلامه.
يوسف سلم عليهم كلهم وطلع مع يارا اللي ودعت البنات.
رفيف مشبكه اصابعها وبهمس:أبي امشي.
وسن ضربت يدها:اهجدي.
رفيف تنهدت.
"رفيف"
رفيف لفت:هلا.
مشعل تقدم و أعطى وسن عزوز.
مشعل ناظر في رفيف:ريان طلع و يقول لك الحقيه.
رفيف كشرت:بايخ ريان، قلت له أبي أجلس بس رفض عشان السفر.
مشعل:لازم تروحون و تنامون لانكم بتتعبون بالانتظار في المطارات.
وسن:مشعل صادق روحي ارتاحي و لك وعد أول ما اوصل السعوديه أعطيك خبر عشان تجين لعزوز.
رفيف ابتسمت:اوكيه، وقفت:أشوفكم على خير ، و باست وسن و عزوز و مشعل ودعته و ناظرت في الصحن:ترا جبت لك شوية فطائر ان شاء الله تعجبك.
وسن انفجرت ضحك:هذي اكيد اللي صكيت رأسك فيها.
رفيف:جعله بالعافيه ،يلا مع السلامه، وطلعت ،لفت يمين و يسار و تدور ريان انتبهت لجوالها و كان ريان:وينك؟
ريان:أنا عند المواقف اطلعي بسرعه.
رفيف:اوكيه ، وقفلت وتوجهت للبوابه الرئيسيه وطلعت وانتبهت لسيارة ريان و هرولت بسرعه و ركبت و بعصبيه و من دون ما تناظره:كيف تطلع من دون ما تقول لي هااه.
ناظر لها مبتسم:آسف يالحب.
رفيف لفت رأسها بسرعه و بصدمه:تــ تركي.
تركي بابتسامه:لبيه.
رفيف ناظرات وراها:وين ريان؟
تركي:سيارتي خربانه و راح يسويها.
رفيف بنص عين:خلك واقعي شوي.
تركي تنهد:أخذ سيارتي و راح للبيت.
رفيف:و ليه تركني؟
تركي بابتسامة خبث:لأني ابيك تقضين كل الليل معي.
رفيف ناظرت الشباك:بس أنا مابي.
تركي:ما راح أخليك تسافرين من دون ما أشوفك و أشبع منك.
رفيف بلعت ريقها:تراك تذبحني أكثر.
تركي مسك يدها و قربها له و باسها بكفها و التزم الصمت.
بعد ثواني وصلوا لمكان فاضي مثل الغابه و كان فيه كوخ صغير و باين عليه أن ما فيه اي أحد.