احضني و نسيني قسوة الماضي

الجزء الخامس

الجزء الخامس
____
رفيف:عادي حبيبتي و لا يهمك.
يارا:كيفك وسن؟
وسن ابتسمت:بخير حبيبتي و انتي كيفك؟
يارا:تمام بشوفتك.
رفيف غمزت لشهد و شهد بسرعه وقفت و راحت للمطبخ.
رفيف:عن اذنك وسن ثواني.
وسن:خذي راحتك، و ناظرت يارا و ابتسمت لها و سألت كيف دراستها و مبسوطه بأستراليا؟
طفت الكهرباء و شهقوا البنات.
وسن بخوف:رفيف شهد ،تسمعوني؟
رفيف:ايه لا تخافين ثواني و بيشتغل.
وسن انصدمت لما سمعت صوت بيانو و اغنية تقول happy birthday to you و انتبهت لشهد اللي جايه و معها القاتوه و تغني و يارا و رفيف يغنون معها.
وسن حاطه يدها على فمها و شهد تصرخ:تمني أمنيه و طفيها.
وسن ابتسمت و طفتها:الله لا يحرمني ,أنا نسيت منه.
شهد:صديقتنا انتي كيف ننسى احلى و أجمل يوم جت فيه.
وسن:يافديتكم وحده وحده.
و بدأوا البنات يصورون سنابات و يضحكون و بالاخير رفيف رحبت فيهم على طاولة العشاء.
رفيف بخجل:ترا أول مره اسوي أصناف زي كذا و إلا ما أحد يطبخ بالبيت إلا أمي.
شهد ذاقت من الصينيه:واو رفيف يجنن، و بدأوا البنات يغرفون لهم و يتلذذون بالطعم و رفيف مبتسمه على مدح البنات لأكلها:بالعافيه صبايا.
__
عند الشباب
اللي كانوا جالسين بكوفي و سوالف و ضحك.
مشعل تذكر و ناظر في حاتم:انت اليوم كنت تبي تقول لنا شي و ما عاد ذكرته
حاتم عقد حواجبه:شي! وش هالشي؟
تركي:هو صادق كنت تبي تقول لنا شي و رحت مع الصبايا.
حاتم تذكر:ايه ايه،ااا،هو اقتراح و انتوا عاد بكيفكم.
يوسف:طيب قول و إن شاء الله ما نختلف.
حاتم بمدح:عندي شاليه مُلك دورين و مطل عالبحر و يرفق له مسبح و جلسات خارجيه أنا مضبطها، حبيت كلنا كأصدقاء نجتمع فيه و نقضي هالويكند بعيد عن الجامعه و ضغوطات الدراسه.
تركي بابتسامه:فكره جميله جداً.
ريان:حلو خصوصا أبي اتعرف عليكم واحد واحد.
مشعل بتردد:انا اشوف لوسن أول و أرد لكم خبر.
يوسف رفع يده:أنا كمان مأيد الجمعه سوا.
حاتم:حلو، طبعا إذا ما عندكم أي رفض للموضوع البنات كمان بيكونون معنا لأن مكانها بعيد عن المدينه و ما نقدر نتركهم لحالهم.
تركي:معك حق.
ريان:أكيد خصوصا إني ما راح أترك رفيف لحالها.
يوسف:الحلو أن يوم الخميس مافيه إلا محاضره واحده يعني يمدينا بالراحه.
مشعل يناظر جواله و بصراخ:لا لا تكفون.
ريان:وش فيك؟
مشعل بغبنه:الصبايا عاملين حفلة عيد ميلاد لوسن.
تركي يناظر لجواله:إي والله ذي شهد مصوره سناب.
ريان فتح سنابه و ابتسم:رفيف بعد.
يوسف:و يارا.
مشعل بغبنه:أنا اللي تعبت و لي أسبوع محضرها المفاجأة و خربوا علي أخواتكم المصونات.
تركي ضحك.
حاتم:ممكن اشوف.
تركي باستغراب:ما عندك سناب؟
حاتم بضيق:إلا عندي بس ما استخدمه كثير.
تركي أخذ جواله:افتح لي جوالك عشان أعطيك سنابي.
حاتم فتح جواله و فتح عالسناب:خذ.
تركي صور سنابه وبادل الاضافات، أعطاه الجوال:خذ شوف عندك شهد مضافه بعد.
حاتم همس:لا ذي وحده ثانيه.
تركي:خذ حسابات العيال.
حاتم هز رأسه باوكيه،كان متردد يفتح اسمها أو لا بس تراجع عشان لا تنتبه أنه شاف سناباتها وترجع تكلمه.
مشعل وقف:عن اذنكم شباب أنا لازم ارجع عشان ما تخرب علي المفاجآه و يروح التعب.
تركي بضحكه:الله معك.
يوسف بحزن:مسكين مشعل.
ريان باستغراب:معقوله رفيف تدري.
تركي:شهد اكيد مخبرتها لان وسن صديقتها من أيام المدرسه.
ريان:الحمد لله ان ذا الشئ فرح رفيف.
يوسف:نفسيه باقي على صغرها.
ريان ابتسم:لا من يوم كبرت تغيرت وبضيق:بسسس صارت لها ظروف و ما توقعنا أنها بترجع تعيش.
حاتم:تصدق باين عليها أحياناً التفكير و الانعزال.
ريان هز راسه بايه:الحمد لله من يوم تعرفت عليكم و عالبنات صارت أحسن.
رفع جواله بهدوء و كتب:
فاتنة بربيعها العشرين أغوتني بمفاتنها وأحمر شفتيها وفستانها القصير بأنوثة النساء أجمعهم اتتني و سلبت ما بعقلي و قلبي.
ابتسم و غمض عيونه و سحب نفس و ابتسم يبي يسترجع شكلها و ريحة عطرها و ابتسامتها و يحتفظ فيها.
__
عند الصبايا
وسن تجهز نفسها:يلا صبايا عن اذنكم مشعل تحت ينتظرني.
شهد:غار منا شكله.
رفيف:وش عرفك يمكن اشتاق لها.
وسن ابتسمت بخجل.
شهد:روحي بس الله يخلف.
رفيف:وسن طنشيها المجنونه.
وسن:و ذا اللي باسويه، يلا أشوفكم بكره و شكراً حبيباتي على كل شي.
رفيف:العفو ولو ما سوينا إلا الواجب.
وسن ودعتهم و طلعت لمشعل.
يارا بتعب:أنا استأذن رفيف.
رفيف بصدمه:وين بتروحين؟
يارا:باروح انام من اليوم ما نمت يا دوب وصلت و عملت غدا و حليت واجباتي و ذاكرت و جيت عندك.
رفيف:اللي يريحك حبيبتي.
يارا:يلا باي شهد.
شهد ابتسمت:باي حبيبتي
يارا طلعت و قفلت الباب.
رفيف ناظرت في شهد:انتي باقي بدري عشان تروحين.
شهد ابتسمت:لا مو رايحه، بعدين تعالي وش هالكشخه.
رفيف تذكرت و بغبنه:اسكتي يا شهد ما تدرين وش صار؟
شهد بحلقت عيونها:وش هو؟ تكلمي.
رفيف أخذت نفس و بدأت تحكيها بالسالفه.
شهد انفجرت تضحك و رفيف ابتسمت بغبنه.
رفيف:قولي وش أصلح بكره ما اقدر أطالع بوجهه حتى.
شهد تمسح دموعها من الضحك:عادي و لا كأن صار شي.
رفيف:هذا أنتي عندك عادي بس أنا لا.
شهد:عاد الله يعينه إذا ما نام الليله زين و السبه انتي.
رفيف كشرت:ما يناخذ منك شي.
___
السعوديه،عند أحمد
أحمد بثقه:اكيد بيحضرون يبه كلهم من خالي لرفيف.
ابواحمد:زواجك ذا ابيه احلى من زواجك اللي قبل.
أحمد ابتسم:اكيد، متزوج زين الزين و اكيد بيكون اجمل.
أم أحمد جات لهم بالقهوه و حلم وراها و جايبه معها الكيكه.
ابواحمد:أقول يا أم أحمد لازم بنت اختك نعطيها كرت عشان تحضر و إلا تشرف مع أمها.
أم أحمد بضيق:ما أدري عنها.
حلم:قصدك رفيف.
أبو احمد:و فيه غيرها؟
حلم:ما أعتقد أنها بتحضر لأنها بأستراليا.
أحمد و أبوه انصدموا، أول مره يعرفون أن رفيف باستراليا.
حلم:يبه توك تدري ،صار لها شهر هناك تقريبا و يمكن ما تجي اجازات و بتدرس هناك ثلاث أو أربع سنوات اعتقد.
أبو احمد تنحنح و شرب القهوه.
أحمد بحقد:و ليه أنا ما ادري و لا عندي خبر بهالشي.
أم أحمد بحده:بصفتك وش هو يا حظي.
أحمد سكت.
أم أحمد:بسم الله عليها أخذت نفسها و طلعت مع اخوها تكمل ماجستير و من بعد زواج اختك و الناس يخطبون فيها و هي ترفض عشان دراستها و ابوها رافض ان أحد يأخذها و هو مو واثق فيه عشان لا ينصدم مره ثانيه.
أحمد منزل رأسه.
و أبو احمد يشرب بالقهوه:الله يوفقها.
حلم بمدح:هذا اللي تفكر بعقل مو بالزواج.
أحمد تنهد:يعني ريان ما راح يحضر.
حلم:بعد ماكان يبي يتكفخك باقي تبيه يحضر،عفوا بعد ما كفخت أخته تبيه يحضر زواجك.
احمدبعصبيه:انكتمي.
أم أحمد:و هي كذبت بشي بالعكس صادقه بكل كلمه قالتها.
ابواحمد:حلم يا بابا خذي فنجالك و روحي ذاكري.
حلم ببراءه:خلصت مذاكره.
سكتوا كلهم و كملوا شرب قهوه.
__
ببيت جديد
كان واقف على شباكه و يناظر بضياع و يكلم نفسه، التفت لما سمع أحد ناداه:ابو طلال.
أبو طلال ابتسم:هلا و غلا يا ابو شهد.
أبو شهد صافحه و باس جبينه:كيفك يالغالي.
ابوطلال:الحمد لله.
ابوشهد:اعذرني تأخرت عليك.
ابوطلال:لا عادي، بشر حصلوا ولدي.
ابوشهد بأسى:لا والله ،لما وصلوا للموقع حاتم باليوم اللي قبله سلم الشقه و طلع لشقه ثانيه.
أبو طلال بحزن:وين راح نظر عيني وين؟و بكى.
أبو شهد:استهد بالله يا عبدالرحمن.
ابوطلال بترجي:أبي ضناي يا حمد.
أبو شهد حضنه:قلت لك أنا راح أجيبه لك.
أبوطلال:متى؟
ابوشهد بعد عنه:قريب ان شاء الله قريييب، و ابتسم يطمنه.
__
بيت ابو ريان
ابوريان بابتسامه:ما ودك نطلع للعيال أسبوع.
أم ريان:شكلك ناسي زواج أحمد.
ابو ريان بعدم اهتمام:مع السلامه يعرس أنا وش علي.
أم ريان:حبيبي مهما كان ذا ولد اختي ما يصير ما أوقف معها بعرس ولدها كل ذا و الله عشان صلة الرحم.
ابو ريان تنهد:إحضري انتي أنا لو اشوفه بس قدامي اكلته، جعله بعمري عن بنتي اللي حبته و كانت حياتها معه زي الزفت.
أم ريان تنهدت:الله يكتب لها نصيب أحلى منه.
ابوريان:آمين ،و طلع جواله و دق عليها و ماردت:ما ترد.
أم ريان:وقت محاضراتهم الحين وش يكلمونك بالوقت ذا.
ابوريان:وحشوني عيالي أبي اكلمهم.
أم ريان:حسام عيوني وش فيك؟ قوم نام هذا هوس آخر الليل قوم.
ابوريان:والله لو أني مسافر مع عيالي أبرك لي.
أم ريان ساكته ما ردت عليه.
ابو ريان ابتسم يمزح معها و طلع لحجرته.
أم ريان بضحكه:الحمدلله و الشكر.
__
استراليا،شقة رفيف
ريان طلع من الغرفه ينادي:رفيف خلصتي.
رفيف من غرفتها:تعال ريان.
ريان فتح الباب و انصدم:للحين ما جهزتي.
رفيف لفت له بتعب:تعبانه ريون ما راح أروح اليوم الجامعه.
ريان بخوف:باين من وجهك أصفر، تبين نروح المستشفى.
رفيف:لا لا نفس حالة كل شهر.
ريان:طيب طيب إذا زاد تعبك كلميني اوكيه.
رفيف ابتسمت عشان تطمنه:إن شاء الله.
ريان:يلا باي.
رفيف:مع السلامه.
ريان طلع و قفل الباب و رفيف طفت الابجوره و انسدحت، و بدأ جوالها يدق واتساب،و بطفش:يووه من ذا، و أخذته و شافت شهد و بضحكه:متوقعه انك انتي.
رفيف أرسلت لها:نعم نعم.
وش تبين؟
خير!
شهد:وينك😃
رفيف:بالبيت.
شهد:بتبدأ المحاضره بعد نص ساعه و انتي باقي ما وصلتي.
رفيف:ما راح اداوم😜.
شهد:كذاااااابه😱.
رفيف:والله تعبانه مو قادره أقوم من الفراش.
شهد:وش فيك؟
رفيف:الجميله شرفت.
شهد:تركي زعل عشانك ما جيتي اليوم.
رفيف ابتسمت و أرسلت:😓 حيوانه.
شهد:و أنا وش علي هو اللي قفلت أخلاقه فجأه.
رفيف:سلمي عالكل أنا باروح أنام.
شهد:قدامك العافيه.
رفيف:الله يعافيك😘،و قفلت جوالها.
__
بالجامعه
كان بالكافتيريا تركي و شهد و مشعل و وسن.
وسن تناظر الساعه:غريبه رفيف متأخره دائماً تجي بدري.
شهد:أنا بعد مستغربه ما تتأخر عن المحاضرات ابداً ماشاء الله.
تركي:يمكن ريان للحين ما صحى لها خصوصاً أنه تأخرنا بالسهره.
شهد تذكرت كلام رفيف أنها مابتجي و انفجرت تضحك.
مشعل ابتسم:وش فيك؟
شهد بضحكه:سلامتك.
و رفعت جوالها و بدأت ترسل لرفيف:الو كيفك بنت وحروف.
شهد شهقت.
وسن ضربت كتفها:وجع روعتيني عالمشاهق.
شهد:رفيف مو مداومه.
تركي عقد حواجبه:ليييه؟
شهد سكتت و ناظرت فيه:تقول أخذت برد بعد البارح.
وسن:يا قلبي عليها.
مشعل:مسكينه بعد ما ضيفتكم مرضت بعدكم.
شهد ضحكت بخفه و ناظرت فيهم:تسلم عليكم جميعاً.
الكل:الله يسلمك.
وسن:ما قصرت أمس ماشاء الله عليها.
شهد بمدح:سنعه ماشاء الله،يبي لي أخذ كورس عندها.
مشعل:إذا كذا هي بتطبخ لنا بالويكند.
شهد:و ليه وش اللي حادها تطبخ لك؟
تركي بهدوء:شهد ذا الويكيند بنطلع عالبحر تبين معنا.
شهد باستغراب:الكل بيروح؟
تركي:الكل صوت أمس و قال بيروح.
شهد:تمام باروح أنا بعد ليه لا.
وسن وقفت:يلا عشان بيبدأ الكلاس بعد شوي.
مشعل وقف معها:يلا يا روحي و مسك يدها و مشى.
شهد وقفت و مسك تركي يدها:اجلسي ابيك.
شهد ابتسمت و جلست:أمرني.
تركي تتحنح:اذا ممكن أبي رقم رفيف.
شهد بتمثيل:ليه؟
تركي:ااا،ابيه.
شهد بكذب:اسفه بس ما اقدر أعطيك لأنها مامنه علي رقمها ما اعطي أحد.
تركي تنهد:كيف طيب انا محتاج اكلمها.
شهد بتفكير:اااا،لقيتها اعمل قروب و اضيفكم كلكم و بكذا تاخذ رقمها.
تركي ابتسم:اموت في ذكائك.
شهد:طيب ممكن نلحق عالمحاضره.
تركي وقف بسرعه:أي والله نسيت منها.
و مشوا مع بعض للقاعه و انتبهوا ليوسف و حاتم اللي داخلين من باب الجامعه و يركضون.
__
بالمعهد عند ريان و يارا
كانوا بصف واحد و كل مره ريان يناظر لها بإعجاب إذا جاوبت بثقه و المعلم يمدح فيها.
__
عند رفيف
قامت على صوت ازعاج الجوال و كانت رسائل واتساب، ناظرت في الساعه و كانت واحده الظهر، تنهدت و فتحت الجوال و بحلقت عيونها لما شافت القروب الجديد "أصدقاء بالغربه"
شافت كاتبين:
مشعل:هلا.
وين:شكرا عالقروب.
يوسف:حياكم جميعاً
تركي:كل واحد يعرف باسمه بعضكم طالع لي برقم، مين رقمه*** بالاخير.
و كل واحد يعرف باسمه.
رفيف انفجرت تضحك و بدأت تسجل كل واحد باسمه و بعدها:good evening.
تركي:good evening، يالغايبه.
رفيف ابتسمت.
شهد:حياك يا قمر.
حاتم:ذا جوال مين؟
رفيف:أنا رفيف.
حاتم: أهلاً رفيف و سلامتك.
رفيف:الله يسلمك، فكرة القروب جميله جداً و اكيد راح نحتاجه إذا واجهنا مشكله أو أحتجنا بعض بيوم أو خدمه من أي احد، سلامي للجميع. و قفلت الجوال و قامت تأخذ دش بس حست بدوخه و جلست بسرعه.
__
الجامعه
يوسف باستغراب:كلمتين و اختفت.
شهد: ما تحب تتكلم كثير.
حاتم:يمكن مشغوله.
تركي بابتسامه:أهم شي أنها ردت.
مشعل:البنت من يوم عرفتها و هي ما تحب تسولف معنا كثير.
شهد:تراها فله بس معكم تستحي.
وسن:اكيد بتستحي لأنها مو متعوده بمجتمعنا تختلط برجال و تكلمهم كذا.
يوسف:الحقيقه أنا مع شهد بكلامها، البنت فلاويه و تحب تتحدا الرجال و تلعب معهم و كل ذا أنا اعرفه في رفيف من زمان.
تركي تضايق:خلاص مو شرط تتكلم كثير اتركوها براحتها و وقف:يلا محاضره، و مشى عنهم.
يوسف بصدمه:أنا قلت شي غلط.
مشعل ابتسم:لا والله بس ترا تركي كذا غامض ما تعرف متى يتكلم من جد أو بمزح.
يوسف ابتسم:لا عادي.
حاتم:بس ترا صدق وقت المحاضره.
وقفوا كلهم و لحقوا ورا تركي.
__
عند رفيف
اللي وقفت غصب من الدوخه و راحت تاخذ لها شاور بعدها طلعت و لبست لها لبس ثقيل شوي عشان التكييف و عملت لها شي ساخن و حمصت لها توست و حطت عليه جبنه، أخذت كتاب تقرأ فيه لروايه تعشقها و بدأت بالقراءة عشان تشغل نفسها فيه.
__
عند رايان
اللي خرج من المعهد و مر على متجر صادفه أمس برجوعه الشقه و دخل و هو مبتسم و مبسوط.
__
عند الشله
وسن و شهد اللي جالسين مع بعض و سوالف.
شهد بابتسامه:قلت لك الولد حبها.
وسن:ما اعتقد يا بنت أحس انه مجرد إعجاب فقط.
شهد تنهدت:بعد ما قصت لي رفيف بموقفها معه أمس و شفت حركاته اليوم ،عرفت ان الولد طايح و ما أحد سمى عليه.
وسن رافعه حاجب واحد:مراقبه الولد بالتمام.
شهد غمزت لها:خلينا منه انتي خبريني وش المفاجآه اللي عملها لك مشعل.
وسن ابتسمت:فديت قلبه.
شهد:اها، دام كذا قصي لي.
وسن:البارح خرجت من عندكم مدعيه الزعل انه جاء بدري و ما امداني اسولف معكم زين و لما وصلنا الشقه فتحت الباب و انصدمت،تنهدت:انصدمت لأن مشعل ما نسى يوم ميلادي و كنت شاكه فيه بالأيام اللي راحت من كثرة الاتصالات اثاري كل ذا عشان يفاجئني، دخلت و انتبهت للسقف كله بالونات حمراء و الطاوله كان عليها قاتوه صغير و مكتوب عليه كل عام و انتي روحي و حاط هديه صغيره على جنب و كنت من جد مصدومه.
شهد:بس انبسطتي.
وسن:حييييل ،الله لا يحرمني منه.
شهد:آمين يارب ،من جد مشعل ما فيه منه اثنين إلا يكون عزوز بالطريق.
وسن كشرت:لا إن شاء الله مو الحين، يالله ارمش مع الجامعه و البيت ومشعل باقي تبين اجيب واحد يبهذلني و يزيد علي ،لا والله راحت الماجستير بلوشي.
شهد ضحكت:الله يعينك.
وسن:الجميع يارب.
__
شقة رفيف
دخل رايان و هو شاق الابتسامه و مبسوط و حامل معه الشي اللي يحبه، حطه على جنب و بيروح لرفيف،لكن انتبه لها نايمه عالكنبه و بيدها الكتاب، ابتسم و أخذ بطانيه صغيره جنبها و غطاها، نط من مكانه لما سمع صوت جواله و بسرعه رد بهمس:هلا.
"عسى ما ازعجتك بمحاضرتك"
ريان ابتسم:خلك معي، و أخذ أغراضه و دخل لغرفته:هلا تركي.
تركي:من جد ريان اذا ازعجتك اسف.
ريان:يا رجال أنا بالشقه بس اكلمك بهدوء عشان رفيف نايمه.
تركي ابتسم:المعذره، عالعموم يا الحبيب بكره إن شاء الله راح أمرك انت و رفيف عشان تروحون معي لبيت حاتم.
ريان:معاي سياره يا تركي ما تقصر.
تركي:ادري والله بس حاتم يقول لازم سياره كبيره لأن المناطق اللي هناك كثبان رمليه و كذا فما بتعدي السيارات الصغيره، حتى حاتم بكره بيمر على يوسف و أخته وبيمشون معه.
ريان:اوكيه تركي ما تقصر ،متى تبي نكون مستعدين؟
تركي:بكره مداومين عالـ١٠ و بنخلص عالـ١١:٣٠ الصباح.
ريان بفرح:يا جمال بكره لأن ما عندي دوام، خلاص باكلم رفيف لأني ما قد كلمتها بالموضوع.
تركي:ريان انت وين عايش؟
ريان ضحك بخفه:ما عليك اعرفها بتوافق دام البنات موجودين، أهم شي ما أتركها لحالها.
تركي:اوكيه،سلملي عليها و أشوفك بُكره.
ريان:الله معك ، و قفل.
تركي قفل و انتبه انه واقف عند بوابة فيلتهم وقفها بالبارك و انتبه لسيارة أبوه الواقفه و دخل بهدوء للبيت و شافهم جالسين على طاولة الطعام و يتغزلون ببعض، ابتسم و بنبرة زعل:ماشاء الله جالسين تتغزلون ببعض و تاكلون و ناسيين ان معكم شاب مشورب و هذا طوله يدرس و جاي بالطريق و حده جوعان و هلكان.
أم تركي:هلا حبيبي تعال يا ماما جنبي.
تركي ابتسم و باس رأس أبوه و باس خد أمه بحب عشان يناكف أبوه.
أم تركي غرفت له بالصحن:يلا يا قلبي سم بالله وكل.
أبو تركي يناظره بنص عين:الحركه اللي قبل شوي لاتعيدها.
تركي ببراءة:وش حركته؟
ابوتركي بغيره:انك تبوس رأسها و يدها غيره لا.
تركي:والله أمي و بكيفي.
أم تركي:خلوا عنكم هالكلام و كلوا و انتوا ساكتين.
ابوتركي:عقبال ما اشوف عيالك يناكفونك على امهم.
أم تركي:امسح هالشي من رأسك ،تركي مو متزوج.
تركي ابتسم:مين قال؟ قريب بتشوفونها ان شاء الله.
أبوه و امه ناظروه بصدمه.
تركي:عالعموم ترا ذا الويكند طالع مع أصحابي للبحر.
ابوتركي:ماتبي تقضي ويكندك معنا.
تركي غمز له:أفضل لو تكونون لحالكم أحسن.
أبو تركي ابتسم:أي والله سويت الصح.
تركي ضحك بخفه.
ام تركي تناظر فيه:تركي تتكلم جد.
تركي:يمه الله يرضا عليك لا تبداين مجرد إعجاب لا أكثر إلى الحين مو عارف اسمها كامل او اسم أهلها او كم عمرها و وش ماضيها؟ كل شي ناخذه بالهداوه و أنا بنفسي اجي لك و له و ياشر على ابوه:و أقول لكم البنت اللي ابيها عازمها بكره عندنا اوووكيه.
أم تركي ناظرت في زوجها و هو أشر لها بنتفاهم بعدين.
__
عند شهد
اللي تكلم ابوها و أمها
شهد بدلع:يا بابا أنا كثير مبسوطه و مرتاحه الحمد لله.
ابوها:دوم يارب هالبسط.
شهد:طيب متى بتجي وحشتني حييل انت و ماما.
ابوها تنهد:والله حبيبي يمكن ما اجي إلا بعد شهر لأني مشغول.
شهد بحزن:اوكيه بابا و لا يهمك انتظرك.
ابوها:شهد.
شهد: عيونها.
ابوها ابتسم:ترا انتي احلى شي صار لي.
شهد:و انت بعد اجمل شي بالدنيا.
ابوها:انتبهي لنفسك و سلمي على اصحابك.
شهد:يوصل بابا و قفلت بتنهيده، مسحت وجهها بتعب:ليه متضايقه و انتي تعرفين ما فيه شي جديد يعني فليه تتضايقين.
نفضت رأسها من هالافكار و قامت ترتب اغراضها لرحلة بكره.
__
عند وسن
كانت ترتب الأغراض بضيق و زعل، كانت تبي تقضي هالويكند معه و بالحالهم بس خبرها مشعل أن العيال يبون نطلع سوا و ننبسط مع بعض و كل موافقتها عشانه هو و بس.
شهقت لما حست بيدينه تلتف حول خصرها و يهمس باذنها:وش تفكرين فيه؟
وسن بعصبيه:حركاتك ذي بيوم من الايام تجيب لي سكته قلبيه.
مشعل بخوف:بسم الله عليك.
وسن تنهدت و بضيق:وخر عني مشعل.
مشعل:وش فيك متضايقه؟
وسن:ترا أخلاقي قافله و مالي نفس لشي.
مشعل بعد عنها و جلس و بكل صراحه:المس بالطريق.
وسن ناظرت فيه:ما ادري يمكن.
مشعل:هذا انتي من عرفتك ما تقلب اخلاقك إلا إذا زارتك.
وسن ابتسمت بخفه على كلامه.
مشعل:ترا بنطلع من هنا عالجامعه عالشاليه على طول ما بنرجع للشقه.
وسن ببرود:اللي تبي.
مشعل:وسن أنا مضايقك بشي.
وسن ناظرت فيه بنص عين و رجعت تكمل ترتيب ملابس.
مشعل ابتسم و جلس يناظر فيها بابتسامه.
__
عند يوسف
يارا تمسح دموعها:وحشتني أمي حيل ،البارح حلمت فيها.
يوسف حضنها:يارا حبيبتي وكلي الله و ادعي لها بالرحمه.
يارا بعدت عنه:الله يرحمها.
يوسف بمرح:جهزتي اغراضك لبكره.
يارا هزت رأسها بايه و بابتسامه:متحمسه لبكره.
يوسف:و أنا بعد.
يارا:تدري يا يوسف، أحس ربي عوضنا الإخوان باصدقائك.
يوسف:أي والله ،الحمدلله على كل شي.
يارا بحزن:أفكر لو أني باقي عايشه مع ابوي و انت ما جيت بذاك اليوم وش كان صاير فيني الحين.
يوسف:اششش، ممكن تنسين و تصيرين تفكرين بدراستك أحسن.
يارا تنهدت:اوكيه.
يوسف:يلا صارت الساعه 12 قومي ننام ورانا قومه الصبح.
يارا بنص عين:جهزت اغراضك.
يوسف ابتسم لها:ايه حبيبتي.
يارا:اوكيه تصبح على خير.
يوسف:و انتي من اهله يا عسل.
__
عند رفيف
اللي كانت تتاوه من الم بطنها و تبكي بصمت، سمع رايان هالصوت و طلع من حجرته لأن رفيف اساسا مو مقفله الباب تبع حجرتها.
رايان بخوف:رفيف وش فيك؟
رفيف ببكا:ريان بأموت.
ريان:بسم الله عليك وش هالكلام.
رفيف شهقة ببكا:ريااان باموت والله.
ريان من دون تردد شالها بسرعه و طلع من الشقه و أخذ تاكسي و عالمستشفى.
__
عند حاتم
اللي كان منسدح و النوم بعيونه، فتح على سنابها و انتبه لسنابات العيال و بدأ يناظر لها واحد واحد.
وصل لسناب شهد و فتحه و بدأ يشوف صورها:كوب كوفي و حاطه ايموجي مضحك ابتسم ، و الصوره الثانيه انصدم منها،كان شهد مصورتها من شقتها المطله على أستراليا، شاف الصوره الثالثه و كانت مصوره جزء من الستاره و الشباك و كتبت:وحشتني ياشهد الحياه(اسمه بتويتر) تنهد و قفل جواله و مسح شعره:مو وقتك الحين و الله.
صار يفكر و يفكر وش بتكون تخطيطات شهد أنها بتدور عليه و تلاقيه أو بس جايه سياحه>>>>ايييه ما دريت يا حاتم أن شهد صديقتك هي نفسها شهدك.
__
يوم جديد
كان يناظر نفسه برضا بالمرايه و ابتسم،رش من عطره و لف يأخذ شنطته و نزل ،انتبه لأمه و ابوه:صباح الخير.
كلهم:صباح النور.
تركي:عوافي على قلوبكم.
أم تركي:تعال تفطر.
تركي بفرح:لا يمه بافطر مع العيال والاجمل ان الدكتور اعتذر ما يجي محاضرة اليوم.
أم تركي ابتسمت:الله يجعلني اشوف هالمبسم دوم يضحك.
تركي:وياك يالغاليه و باس خدها.
ابو تركي بنص عين:هالكشخه عشانها.
تركي ببراءة:طول عمري كشخه.
ابوتركي:بامشيها بمزاجي اليوم.
تركي باس خد أبوه:يلا استودعتكم الله.
أم تركي:الله يحفظك حبيبي و انتبه لنفسك.
تركي:إن شاء الله. و طلع.
طلع و هو مبسووووط و يحس ان الدنيا مو سايعته لأنها بتكون معه بنفس السياره و كان من البارح يفكر و مرتب كلام عشان يتعرف عليها بهدوء ،رفع جواله و رن على ريان.
رد ريان بهدوء:هلا تركي.
تركي:هلا بك ريان وش لونك؟ عسى ما ازعجتك.
ريان:لا افا عليك لا ازعاج و لا شئ أصلي صاحي من بدري و ما نمت البارح الله وكيلك.
تركي عقد حواجبه:ليه عسى ماخلاف.
ريان:اولا رفيف تعبت علي البارح و وديتها بالمستشفى و بعدها ابوي دق علي و قال لازم ارجع السعوديه وأنا ما اقدر اترك رفيف لوحدها.
تركي مسك شعره بغبنه و تكلم عادي:طيب وش بتسوي؟
رايان بضيق:ما ادري يا تركي رفيف باقي نايمه و تعبانه و ما ادري وش بيكون ردة فعلها و ابوي يقول دام رفيف ما بتحضر بالأساس تعال انت و انت تعرف كل شي الا الاب ينرفض كلامه.
تركي بغبنه:خلاص ريان أنا ثواني و اوصل لك.
ريان:الله معك تركي و قفل.
تركي صرخ:ليييه حظي كذا،تنهد:استغفر الله العظيم و كمل لشقة رايان.
__
عند رايان
قفل بسرعه و راح لرفيف يصحيها
ريان دخل غرفتها و شافها صاحيه و مغيره ملابسها:صح النوم،كيفك اليوم؟
رفيف بابتسامة تعب:بخير الحمد لله.
رايان جلس:رفيف ابوي كلمني و يسلم عليك.
رفيف:الله يسلمك و يسلمه وش أخباره؟
رايان بتردد:طيب،كلمني وطلب مني ارجع السعوديه اليوم.
رفيف ببرود:عشان زواج ولد خالتك.
ريان نزل راسه:صدقيني ما ابي اروح بس ابوي أصر علي أرجع عشان بس العشره اللي بيننا و عشان خالتي.
رفيف بدون اهتمام:روح الله يحفظك، و لفت عالتسريحه ترتب شعرها.
ريان:ابوي يقول شوف إذا رفيف تبي تجي معك.
رفيف بحده:أنا شخص ما يشرفه يحضر مثل ذا الأشكال ثانيا انا وراي دراسه مو لعب.
ريان:خلاص روقي و بعدين هو قال إذا تبي يعني ما انتي مجبوره.
رفيف تناظر له من المرايه:متى بترجع؟
ريان رفع اكتافها:ما ادري بس ما راح أطول.
رفيف بهدوء:الله يوفقك.
ريان تنهد:ترا تركي بالطريق ،بيجي لهنا و اكيد بياخذك معه لأن يوسف مشى مع حاتم من بدري.
رفيف:غريبه و ورانا جامعه.
ريان تذكر:اييه قال لي الدكتور تبع محاضرة اليوم اعتذر من الجيه.
رفيف من قلب:احسن.
ريان:رفيف.
رفيف لفت له:وش فيه؟
ريان:بتكونين بخير و أنا بعيد.
رفيف ابتسمت:ايه ان شاء الله.
ريان تنهد و راح و حضنها:الله يخليك لي يا اروع اخت.
رن جوال ريان و كان تركي:هلا تروك.
تركي:أنا تحت.
ريان:يلا ثواني و جايين لك.
تركي:اوكيه خذوا راحتكم ،و قفل.
رفيف برفعة حاجب:كيف اروح معه لحالي.
ريان:والله اني أثق فيه أكثر من إي أحد ثاني و بعدين أنتِ خلصتِ العدة و تقدرين تركبين معه.
رفيف تنهدت:تمام ،اغير الشوز تبعي و انزل الحين.
ريان:وين اغراضك؟
رفيف:شوفها اللي عند الباب و الثانيه ظهر بانزلها معي.
ريان:اوكيه و أخذ أغراضها و طلع و هي غيرت الشوز تبعها و ناظرت نفسها في المرايا و تنهدت،أخذت اغراضها و طلعت.
__
عند حاتم
اللي وصل مع يوسف و يارا للشاليه و نزلت يارا بكل حماس و فرح و هالشي خلا يوسف يبتسم لها لان صار لها فتره ما فرحت هالقد.
يارا تصرخ:يوسف شوف جتكي (دباب البحر)
حاتم:تبشرين اركبك عليه و أعلمك بعد.
يارا:أخاف لحالي.
حاتم:في البدايه بعدين عادي بتتعودين عليه.
يارا:جمال البحر يا ناس.
يوسف:يارا خلينا ندخل الحين عشان الشمس.
يارا هزت رأسها بايه و دخلت.
حاتم:يوسف الله يسعدك ارسل للعيال الموقع.
يوسف:تم من زمان.
حاتم:الله يسعدك،و تذكر:شهد مو جايه.
يوسف عقد حواجبه:اعتقد انها بتجي مع مشعل و زوجته.
حاتم:حلو أهم شي أحد متذكرها.
يوسف:لا من أول اعتقد قال مشعل بتكون معهم عشان وسن بعد.
حاتم ابتسم:ذكرنا الطيبين و وصلوا.
يوسف ابتسم:الحمدلله.
و فعلا دخل مشعل و معه وسن و شهد.
نزلت شهد مبسوطه:الموقع يهبل.
يوسف بضحكه:سلمي طيب.
شهد:السلام عليكم.
يوسف و حاتم:وعليكم السلام.
مشعل:حاااتم باشتري منك المكان.
حاتم ابتسم:مو للبيع.
مشعل:ماشاء الله تبارك الله مررره يخرفن المكان.
وسن:وين يارا؟
يوسف تذكرها:نسيت منها ،قلت لها تدخل عن الشمس.
وسن:إذا أنا كمان بأدخل.
شهد:أاعمل لفه عالمكان ، و ناظرت في حاتم و لصقت يدينها و بترجي:بليييز.
حاتم ابتسم لها:خذي راحتك بس لاتبعدين.
شهد:تامر و راحت تكتشف المكان و تصور سناب.
مشعل:تركي ما وصل.
حاتم:لا كلمته قال رايح يأخذ ريان و أخته.
مشعل:حلو بيجون عالفطور.
حاتم:ايه و ترا كل شي موجود بالثلاجه عشان كذا قلت لكم جيبوا بس ملابس.
يوسف:أهم شي ننبسط.
حاتم بفرح:اكييييد.
__
عند رفيف
نزلت و طلعت من بوابة العماره و اتسمرت مكانها، شافت تركي لابس تي شيرت ابيض و كلام باللون الكحلي و لابس شورت كحلي و شبشب بحر و شعره اللي تموت بنعومته و لونه و نظاراته الشمسيه اللي محليه وجهه، خفق قلبها و بهمس لنفسها:يا ويل حالك يا رفيف، بلعت ريقها و ناظرت في ملابسها نفس الألوان و ابتسمت و مشت لهم بهدوء:غونايدن.
ريان ابتسم:هلا.
تركي لف لها بابتسامه:صباح الورد.
رفيف بهدوء:كيفك تركي؟
تركي بفرح:بخير، سلامتك ماتشوفين شر.
رفيف:الله يسلمك.
ريان ناظر في ساعته:ترا تاخرتوا و أنا تأخرت لازم اروح قبل 12.
رفيف بحزن:أمانه ريان انتبه لنفسك.
ريان مسك يدها:انتي اللي ابيك تنتبهين لنفسك و ما تتعبين و مثل ما وصاك الدكتور.
رفيف:حاضر.
ريان ناظر في تركي:تركي تراها بامانتك الين ارجع.
تركي ابتسم:بعيوني.
رفيف تذكرت وصية ابوها لأحمد:تراها بامانتك ،و أحمد كان رده:إن شاء الله.
تركي فتح باب السياره:يلا رفيف.
رفيف دمعت عيونها و حضنت ريان و ريان ابتسم بألم و شد عليها.
رفيف بعدت و مسحت دموعها:سلم على أمي و ابوي.
ريان:يوصل حبيبي.
رفيف بعدت عنه و ناظرت في تركي و ابتسمت له من بين دموعها و ركبت.
تركي قفل الباب و راح لريان:طمنا أول ما توصل.
ريان:إن شاء الله،الله يحفظكم.
تركي ابتسم له و سلم عليه و ركب السياره مع رفيف و مشى.
ريان:استودعتك الله يا رفيف ،و طلع للشقه يأخذ اغراضه و يمشي.
__
بالسياره
رفيف كانت تبكي بصمت و تركي يبي يقول لها كلام أو يسكتها بس خلاها تفرغ اللي بقلبها.
__
عند شهد
بعد ما صورت اللي تبيه أرسلت لابوها و أمها الصور و هي مبسوطه،مشت و عينها على جوالها و صدمت باللي قدامها و رجعت خطوتين:اااخ.
و ناظرت و هي عاقده حواجبها:حاتم.
حاتم بعصبيه ممزوجه بخوف:انتي وينك؟ صار لي ساعه أدور عليك.
شهد بلعثمه:ك،،كنت أصور و اشوف المكان.
حاتم تنهد:امشي يلا عشان بيحضرون الفطور.
شهد:اوكيه و مشت مع حاتم ساكته.
___
عند تركي و رفيف
رفيف بعد ما بكت أخذت مناديل و مسحت دموعها و كتفت يدينها و تناظر ناحية الشباك.
تركي يناظر فيها و مبتسم كل اللي يهمه إنها موجوده جنبه.
رن جوال رفيف و طلعته من الشنطه و شافت رقم من السعوديه و ردت بنعومه:هلا بابا.
تركي دق قلبه من نبرتها.
رفيف بهدوء:الحمدلله بخير و انت، لا لا لا  لاتخاف أنا بخير تعب بسيط و اليوم أحسن الحمدلله، ودعته قبل شوي و انا رايحه مع أصحابي البحر ،بابا لا تخاف والله معي إخوان مثل شهامة ريان و أزود و اخوات مثل العسل ،إن شاء الله ،ابتسمت:ايه اسمها شهد، تمام مع السلامه حبيبي، و قفلت.
تركي بتخمين:أبوك.
رفيف ابتسمت:ايه و يسلم عليكم.
تركي:الله يسلمك و يسلمه.
رفيف تنهدت و حطت يدها عالتكايه جنب يد تركي و تفتش بجوالها باليد الثانيه.
تركي انتبه للعلامه اللي ييدها و عقد حواجبه:وش ذا اللي بكفك.
رفيف ناظرت في كفها:هذا من المغذيه.
تركي مسك يدها و رفعها لفمه و باسها بخفه.
رفيف دق قلبها و بلعت ريقها بصعوبه و تركت يدها ما سحبتها.
تركي ناظر فيها و ابتسم ظل ماسكها و بيده الثانيه يسوق.
رفيف تصرف:تركي أهلك عايشين هنا؟
تركي:ابوي جاي انتداب هنا و جينا كلنا هنا و مره وحده درست الماجستير.
رفيف:عندك اخوات؟
تركي هز رأسه:لا أنا وحيد اهلي.
رفيف:و ليه....؟ و سكتت.
تركي:كملي وش تبين تسألين؟كلي لك الين نوصل لهم.
رفيف في نفسها:اترك يدي، و بتردد:ليه ،أقصد للحين ما تزوجت؟
تركي ناظر لها:إلى الحين ما لقى قلبي البنت المناسبه عشان يحبها، تنهد:و انتي؟
رفيف:أنا وش هو؟
تركي:ليه ما تزوجتي للحين.
رفيف بكذب:ما اايد الزواج الحين الين نوصل لطموحنا و بعدها نفكر.
تركي عقد حواجبه:تشوفين هالشي صح.
رفيف:ايه، اعرف بتقول حب و ما حب بس الحب ما يجي إلا بعد الزواج هذا إذا كان فيه شي اسمه حب أصلا.
تركي انصدم من كلامها و سكت ما توقع يكون ذا كلامها ابدا.
رفيف:عمرك حبيت؟
تركي ابتسم:مره واحده و أنا بزر.
رفيف ابتسمت:صدق.
تركي:والله،شفتها مره واحده و زنيت على امي إلا نروح ذاك المكان اللي تقابلنا فيه و كانت تقول لي مو هناك و ما ادري وش هو؟ و أنا إلا و أروح.
رفيف:اوووه ،طيب وش اسمها؟
تركي تنهد و ابتسم:أول و آخر حب.
رفيف باستغراب:اسمها كذا.
تركي:اسمها رفيف.
رفيف انصدمت و بهتت ملامحها.
تركي ابتسم:والله اسمها رفيف.
رفيف سحبت يدها بهدوء:سبحان الله.
تركي:و الصدفه الحلوه ان اسم صديقتي رفيف.
رفيف ابتسمت بتسليك:حلو، كم باقي و نوصل؟
تركي:وصلنا.
و دخلوا من البوابه و انبهرت رفيف بالمكان:وااو
تركي وقف السياره بابتسامه:يلا حبيبي ننزل.
رفيف و هي مبتسمه للمكان و ناظرت فيه:يلا، و نزلوا سوا،و ظلت تمشي و تناظر في البحر، تعشقه و تعشق صوته و منظره بس تخاف من فكرة السباحه فيه لأن البحر غدااار، انتبهت لتركي اللي مسك يدها و فصخ نظارته مبتسم لها، ابتسمت له بخفه و دخلوا مع بعض و انبهروا من التصميم البسيط كان عاليمين المطبخ و كان نظامه أمريكي و مفتوح على مكان طاولة الطعام و الاجمل كانت الواجهه قزاز كله و البحر ينشاف و عاليسار غرفة معيشه و كان لون كنبها اورنج فاتح و خداديتها سماوي و بيج و شاشه البلازما الكبيره و البلايستيشن وDVD مع السماعات، و كان يتوسط الفيلا درج من الخشب.
تركي:غريبه ما فيه أحد.
"رفييييف"
تركي ترك يد رفيف بسرعه لما شاف شهد متجهه لهم.
رفيف ابتسمت:هلا.
شهد حضنتها بقوه:يا قلبي و يا عمري انتي وحشتييييني.
رفيف:حبيبتي و انتي بعد.
شهد بعدت عنها و بخوف:ليش كذا مصفره.
تركي:شهد شوي شوي عالبنت تراها مريضه.
شهد بحلقت بعيونها:وش فيك مريضه؟
رفيف بتعب:أقص لك بعدين الحين أبي أجلس.
شهد:ترا كلهم بغرفهم يرتاحون.
تركي بصدمه:فطرتوا.
شهد ابتسمت:ايه لا تقول أنكم ما فطرتوا.
تركي بغبنه:خاينين.
شهد ضحكت:ارتاحوا انتوا و أنا بأجهزة لكم.
رفيف برفض:لا وش تسوين لوحدك باساعدك.
تركي ابتسم لهم و طلع جواله و كلم أبوه بأنهم وصلوا و بعدها قفل من أبوه و ناظر ناحية المطبخ و وجه نظره لها و شاف كيف تسولف مع شهد و تبتسم و تضحك بخفه و تخانق شهد، بعد نظره لما شافها انتبهت له و طلع جواله و كتب بالمذكره:في لحظة والعينان كانت مغلقتان سافرت عبر البلدان إلى أرض جميلة الجميلات ملكة قلبي وكل ما فيني من أشواق ونظرت فيها ونظرت لساعات ونظرت دون أغلق جفن العينان فوجدت صورة تعبر عن ملاك عاشت في مخيلتي واستقرت الدار أغلق عيناي فوجدت نفسي بجانب حبيبتي أضمها وتضمني وتريدني فاغمضت عيناي عند ضممتها فوجدت نفسي في قلبها ينبض باسمي لأغير اسمي فتحت عيناي وجدت روحي بحضنها وفتحت عيناي وجدتني طائراً وفتحت عيناي وجدت نفسي وحيداً فقلت كم أنتي جميلة يا أحلى جفنين حرمتني من النور لأجد نفسي مع أجمل من النور يا جفنين اقتربي وضمي ستار الرموش لأعود لأجمل ما في هذه الدنيا من وجود.
"تركي"
تركي رفع رأسه و ابتسم:امريني.
رفيف:ما يأمر عليك عدو بس الفطور برد.
تركي ناظر الطاوله و شافها مليانه من النواشف و العصير و الورقيات الخضراء ،ابتسم:تسلم يدينك.
شهد بزعل:و يديني أنا بعد.
تركي:تسلم يدينكم كلكم،هاه ارتحتي.
شهد خزرته:عشان ما تظلم أحد فينا.
رفيف جلست مقابله له و شهد جلست برأس الطاوله و بيدها كوب كوفي و تسولف مع رفيف بحماس.
تركي انزعج:شهد نزلي صوتك عشان اللي مرتاحين.
شهد غطت فمها:اسفه والله، و انتبهت:وين ريان؟
رفيف بابتسامه باهته:سافر السعوديه.
شهد بحلقت بعيونها:بذمتك، اففف وش ذا الحظ.
تركي:سافر عشان ظروفه يا شهد؟
شهد تناظر في رفيف:و ليه سافر؟
رفيف بهدوء: عشان زواج ولد خالتي.
شهد كشرت:لا تقولين ذاك السلق.
رفيف غطت فمها بظهر يدها و ضحكت بخفه و شهد انفجرت ضحك.
تركي تضايق من شهد:شهد لا تضحكين البنت و هي تاكل.
شهد طنشته و ناظرت في رفيف:سواها الحيوان، رافس النعمه برجله.
رفيف دقت شهد برجلها و شهد عرفت إنها تبيها تسكت قدام تركي.
شهد سكتت و كملت تشرب الكوفي بعصبيه.
رفيف تصرف:اكتشفتي المكان.
شهد:اوووه لا توصين و موثقته بسناب بعد.
رفيف:تصلحين تكونين صحفيه.
شهد بضحكه:تهقين.
رفيف ببرود:هذا اللي اشوفه.
رن جوال رفيف و ناظرت فيه و انصدمت لما شافت رقم أحمد بشاشة جوالها.
__
عند مشعل
اللي ما قدر ينام و تغمض عينه ،مسك جواله و رن على وسن و ما ردت و رجع رن مره ثانيه و كمان ما فيه اي رد ،عرف أنها نايمه و حط الجوال على جنب و قام من سريره و فتح الباب بخفه عشان يوسف اللي مشاركه الغرفه و طلع و نزل تحت و انتبه لشهد اللي تسولف و تضحك مع رفيف كان بيقول لها ازعجتيني بس سكت لأنه سمع اسمه تناديه بنعومتها ،التفت و شافها و ابتسم:فكرتك نايمه.
وسن نزلت بهدوء:لا كنت اصلي الضحى.
مشعل ابتسم:تقبل الله.
وسن:منا و منك حبيبي.
مشعل مسك يدها:بغيت نمشي عالبحر شوي.
وسن بحقلت عيونها:بهالوقت يا مشعل.
مشعل:وش اسوي ابي انبسط معك بكل لحظه.
ّوسن ابتسمت و بهمس:يكفي انك روح قلبي.
مشعل صرخ:وسن.
نطت هي و نطوا رفيف و شهد و تركي.
شهد بعصبيه:الله يقطع سوالفك نقزتني.
مشعل مسك يد وسن و سحبها معه:و الله من ذي اللي هبلت فيني.
وسن حمرت خدودها من الخجل و قرصته و خصوصا تركي جالس.
تركي شاف خجلها و بابتسامه:خف عالبنت مسكينه.
شهد بحزن:والله انا المسكينه.
ضحكوا عليها.
مشعل:لا والله أم اربعه و أربعين انتي.
شهد شهقت:يا حيوان لي الكلام
وسن بزعل:مشعل وش ذا الكلام.
مشعل:والله امزح لا يأخذ بخاطرك يا شهد.
شهد لفت عنه:الله يسامحك، و ابتسمت بخفه.
مشعل راح لها:واللي خلق مالك إلا اللي يسرك.
شهد ناظرته:مشعل مو زعلانه.
مشعل:و أنا حلفت ما لك إلا اللي يسرك.
شهد ابتسمت:خلاص إذا جبت بنت سمها شهد.
مشعل ضحك:والله تستاهلين.
وسن تخصرت:على كيفك تسمي بنتي انت و هي.
تركي:خل بنتك تجي أول و بعدين سمها باللي تبي.
مشعل بحماس:قريب إن شاء الله.
رفيف ابتسمت و همست لشهد:يا زينهم ماشاء الله.
و رجع يرن جوال رفيف و الكل ناظر فيها ،رفيف أخذته و شافته أحمد و قفلت في وجهه و حطته عالطاوله بقوه.
شهد بحلقت عيونها:هاي بتكسرين الجوال.
رفيف بنرفزه باينه:أحسن.
تركي بتخمين:ريان.
رفيف بتكشيره:لا....رقم من السعوديه.
شهد:يمكن خالتي(أم رفيف)
رفيف بتنهد:لا لا أمي رقمها مسجل عندي بس ذا رقم ما ابي ارد عليه.
وسن مسكت يد مشعل و همست:تبي نطلع.
مشعل بنفس الهمس:مو تقولين شمس و ما ادري وش هو؟
وسن:عادي نطلع شوي و ناخذ طرابيش.
مشعل ناظر لهم:عن اذنكم بنطلع.
و رن جوال رفيف مره ثالثه و ناظرت في وسن:خذي جوالي معك و أرميه في البحر.
ناظروها بصدمه و ابتسمت على صدمتهم.
تركي:إذا مضايقك هالقد أعطيني ارد.
رفيف تنهدت:إلا خله ينقلع لا بارك الله فيه.
تركي عقد حواجبه:يا كافي.
رفيف ابتسمت بخفه و وقفت:دايمه، و اخذت جوالها و طلعت.
شهد ناظرت في وسن و مشعل:انتوا باقي هنا.
مشعل:لا هذا حنا مشينا، و مسك وسن و طلع.
تركي ناظر في شهد:مين اللي يدق على رفيف و ما تبي ترد عليه؟
شهد ببراءة:و الله ما ادري.
تركي تنهد:خلاص الحقيها و قولي لها تاخذ دواها.
شهد غمزت له:على أمرك يا،،،، و إلا خلني ساكته عشان اتأكد اول ،و طلعت.
تركي ضحك بخفه:مجنونه هالبنت، و وقف بيلم الاكل و انتبه للخادمه اللي كانت بعمر امه تبتسم له و طلبت منه يترك كل شي لأنها بتشيله هي.
__
عند مشعل و وسن
مشوا عالبحر و وسن فصخت صندلها و شالته بيدها و الموج يداعب رجولها، ناظرت لورا و شافتهم بعدوا عن الشاليه،ما حست الا بمشعل يبعد عنها الحجاب و يشيلها و يجري فيها.
وسن صرخت:مششششعععل نزلني.
مشعل بابتسامه خبث:بمقابل.
وسن بصدمه:مقابل، أي مقابل و أي خرابيط أقول لك نزلني.
مشعل تنهد:ما فيه نزول الين تبوسيني.
وسن باسته بخده بسرعه:خلاص ،يلا نزلني الحين.
مشعل مبحلق عيونه فيها:هذي تسمينها بوسه.
وسن ببرود:أجل وش هو؟
مشعل بتحدي:كذا تبوسين ،و باس خدها بقوه.
وسن بعدت عنه:خلاص نزلني الحين.
مشعل بحزن:ليه احسك ما عادك طايقتني.
وسن:ليه تفكر كذا حبيبي؟
مشعل تنهد و نزلها:لان من جد هذا اللي حاسه أنا، و مشى من قدامها.
وسن ابتسمت بخبث و قربت و شاتت المويه على ظهر مشعل و هالشي خلاه يشهق و يرفع اكتافه من الخرعه، لف لما سمع ضحكتها اللي يموت فيها، و بملامح مكتسيه بالجمود:قد هالحركه.
وسن بخوف:وش بتسوي؟
مشعل يقرب منها و بنفس الملامح:قلت لك قدها؟
وسن ابتسمت و تخصرت:قدها و نص و طشت المويه بوجهه و ضحكت و هربت.
مشعل بسرعه ركض وراها و وسن تهرب منه يمين و يسار الين تعبت واستسلمت له و مشعل مسكها من خصرها و دار فيها و هي مبسوطه ،وقف و حطها بالأرض بس انصدم لما شاف وسن دايخه و مسكت ذراعه و شدته بقوه و طاحت و طيحته معها.
مشعل بخوف:وسن وش فيك؟
وسن ضحكت:لا تخاف دايخه بس.
مشعل ابتسم و وخر خصلة شعرها و ناظر بعيونها و قال بهمس:كل ما تذكرت عمري ما ذكرت إلا وفاك.. ولو ادون ذكرياتي ما طبع فيها سواك.. أنت اوفى من لقيته زدت عن هذا وذاك.. لا تقول أني نسيتك أو افكر في جفاك.. لو تمنيت الأماني ما طلبت إلا لقاك. رجواي.. يظل وجودي بقلبك مثل ما كان ومناي.. احيا معك رفيق لاخر العمر.
وسن ابتسمت و مسكت وجهه و بنفس الهمس: عقبك الدنيا عساها ما تكون.. واشحلاها غير شوفك يا غرام.. يشهد الله مسكنك وسط العيون.. وأنك أول من صحي فيها ونام.. لو تبي من عمري أيامه تمون.. فدوتك عمري ولا فيها كلام. إيه أحبك.. من حكى لك.. أنك أنت في حياتي.. شخص عادي لا تصدق يا حياتي.. من حكى لك.. أني لوساعه نسيتك في غيابي.. لا تصدق يا عذابي.. لو زعلنا من بعضنا وكنت أنا قاسي بعتابي.. ومن عنادي قلت أنك شخص عادي.. قول لي كذاب ما تقوى بعادي.
مشعل و ابتسم و نزل راسه لها و ناظر في عيونها و بهدوء و باسها بشفايفها بحب، يحبها يعشقها يموت فيها كل مشاعره انفجرت بهاللحظه عشان يثبت لها انها هي حياته و سعادته،بعد عنها و ناظر في عيونها:الله يخليك لي يا نظر عين مشعل، و باس جبينها.
وسن همست:و يخليك لي يا قلبي.
__
عند رفيف
اللي دخلت غرفة الصبايا بالصدفه و حطت اغراضها و تذكرت موعد علاجها و أخذته لفت عالباب و هي تشرب كأس المويه و شافت شهد مبتسمه:والله طلعتي شاطره و أخذتي دواك بوقته.
رفيف:عشان ريان بس.
شهد بمزح:يوووه و أنا أفكر عشان اللي تحت موصيني عليك و موصيك انتي من قبل.
رفيف تنهدت و صدت عن شهد و سحبت الفراش و انسدحت.
شهد بوزت:بتنامين.
رفيف ناظرت لها:عندك شي؟
شهد ميلت فمها:لا بس جيت اوصل لك الامانه و بارجع اعلمه انك اخذتي دواك.
رفيف تنهدت:شهد ترا ما أحب هالحكي.
شهد:أي حكي، باين الولد يحبك.
رفيف بانفعال:و أنا مو مستعده اغلط نفس الغلط اللي غلطته من قبل.
شهد تصرف:أحمد اللي كان يدق عليك.
رفيف كشرت:ايه.
شهد تخصرت:وش يبي فيك وهو مرتبط لوحده غيرك.
رفيف ابتسمت بسخريه:اكيد يبي يعزمني أو يبي يتشمت فيني.
شهد كشرت:وجع و الله متخلف و حقير.
رفيف بتنهيده:ايه الله يهنيه بعروسته.
شهد من قلب:إلا الله يتعسه بعروسته.
رفيف انفجرت ضحك.
شهد بحنيه:طيب واللي تحت.
رفيف برفعة حاجب:ميين؟
شهد بابتسامه:تروووك.
رفيف ببرود:وش فيه؟
شهد بابتسامه خبيثه:الله اعلم وش فيه؟ جايين بالسياره لوحدكم و دخلتوا ماسكين يدين بعض و نظراته لك و توصيته لك.
رفيف:كللل ذا عشان ريان موصيه عليي و بس، لا تخافين ما فيه شي ثاني.
شهد سكتت و وقفت:ايييه الأيام تبين.
رفيف:تكفين قفلي النور معك و لا تصحوني إلا العصر.
شهد:على أمرك، و قفلت و طلعت.
رفيف فتحت عيونها و ظلت تفكر بكلام شهد ،عاتبت نفسها:لا يا رفيف ،لاتعيدين نفس الغلط تذكري وش جالك من الحب و الزواج كلها أوهام و كذب يكونون بوجه و بعد الزواج وجه ثاني و تذكري انتي ليه جيتي هنا،ايه كلها عشان ترفعين رأس أمك و أبوك و بس ، يااارب حقق لي ما أتمنى يارب، وغمضت عينها و نامت بعد تعب.
__
بالعصر
الصبايا صاحيين و متحمسين وسن عملت قهوه عربيه و أضافت معها التمر و الخرابيط اللي جايبينها اشكال و أنواع، شهد و يارا ضبطوا الجلسه اللي برا بالخداديات الحمراء و جنب المسبح و شهد قصت كم ورده حمراء زارعينه بالحوش و حطته بزجاجيه شفافه و حاطتها بالنص.
الشباب انبسطوا من حركة البنات أخذ كل واحد منهم رشفة قهوه و حاتم اللي أول مره يشرب قهوه عربيه انبسط فيها و اعجبته و ذاق التمر اللي كان من ثمر ارضنا و مملكتنا الحبيبه و قال:
فنجان قهوة عربية مرة المذاق تسري في أوردتي و تعيد سريان دم تباطأ تدفقه.
الشباب صرخوا:يا عيني، هذا الكلام، صح لسانك.
وسن باعجاب:حاتم تكتب شعر.
حاتم ابتسم:لا بس أحب اعبر بشعوري و كلماتي بهالشكل.
تركي:شباب نلعب طايره ترا فيني حماااس لعب.
مشعل وقف:يلا لعبنا.
حاتم وقف:تركي انا بفريقك.
تركي بحماس:فايزين إن شاء الله.
يوسف:نشوف اللعب الحين.
و بدأوا الشباب يلعبون تركي و حاتم ضد مشعل و يوسف.
وسن:رفيف باقي نايمه.
شهد:ايه مسكينه تعبانه و نفسيتها اكس.
وسن عقدت حواجبها:وش فيها؟
شهد ناظرت في يارا و ابتسمت و ناظرت في وسن:تخيلي اللي كانت تحبه زواجه الليله.
وسن:و كان يعرف إنها تحبه.
يارا باندفاع:اذا كان قصدك ولد خالتها فهم كانوا يعشقون بعض.
شهد ناظرت فيها:وش عرفك؟
يارا:حنا كنا جيران و رفيف من يوم هي صغيره و هي تعشقه.
شهد تنهدت:لكن هذا الحب ما دام.
وسن:ليه؟ احد فرق بينهم؟
شهد:يا ليت و لا أنها صدقت قلبها و وافقت عليه و حبته بجنون.
وسن بعصبية:شهد مالي خلق الغاز تكلمي؟
شهد بكره:رفيف تزوجته و من بعد الزواج صار يضربها و يحرمها من الأكل و آخر شي شك فيها و ضربها الين كانت بتموت و خلعته.
يارا و وسن شهقوا.
وسن بصدمه:رفيف مطلقه.
شهد بخوف:اششش ،اسكتوا لا أحد يسمعنا والله لو درت إني خبرتكم بتذبحني.
يارا بحده:اصلا الرجال ما يملأ عينهم غير التراب.
وسن بتفكير:والله صادقه و إلا فيه واحد يخلي هالجمال و يشوهه مالت عليه و على أشكال مثله.
شهد:عشان كذا أقول لكم خلوها على راحتها.
يارا:و ريان سافر عشان الزواج.
شهد هزت راسها:ايه رغم أنه كان رافض يحضر بس عشان أبوه.
وسن تنهدت:يا قلبي عليك يا رفيف.
يارا بحقد:يلعن الرجال اللي كذا.
شهد عقدت حواجبها:وش فيك تقولينها كذا.
يارا:لأن الرجال انانيين و يحبون أنفسهم بعد.
وسن بحنيه:مو كلهم حبيبتي.
يارا بحزن:أنا كمان قلت هالشي بس لما بابا تزوج على ماما و شفت كيف هي تعذبت من بعده و ماتت بقهرها تأكدت من جد انهم خونه و حقيرين بعد، و نزلت دموعها.
وسن حضنتها:يا روحي لا تفكرين بهالشكل،
تنهدت:الله يصلح الحال حتى عمتي إلى الحين ما تزوجت و تقول ما فيه مثل الأب.
يارا بعدت عن وسن وبهمس:بنات قفلوا عالموضوع رفيف جايه.
لفوا البنات مكان ما تناظر يارا و ابتسموا لها.
رفيف ابتسمت:هاي صبايا.
البنات:هلا و غلا، تو مانور المكان.
رفيف جلست:تسلمون.
و لفوا بخوف على صراخ تركي.
__
السعوديه
أحمد كان فاتح صفحة الانستغرام و يدور بين هالحسابات و يضيف اللي يبي و يترك اللي يبي، انتبه لاسمها و حفظه و فتح الدايركت و أرسل لها:مساء الورد، كيفك و كيف أهلك؟ كيف استراليا؟
و انتظر ثواني و ما كان فيه رد، تجاهل هالشي و كمل يدور على حسابات جديده في الانستغرام.
__
أستراليا، عند الشباب
اللي كانوا يلعبون بحماس و صارت الكوره اللي تنتقل بين يد حاتم و يوسف و ترجع لحاتم ثم يوسف و كذا مره، تركي انتبه لها و هي طالعه و لابسه بنطلون جنز و بلوزه كحلي طويله و فلات جملي و كانت فاكه شعرها كله و لأمه جزء بشباصه مثل لون الكعب، فها بشكلها وابتسامتها و ما وعى إلا على صرخة حاتم:تركي.
تركي التفت بسرعه و انتبه للكوره اللي بتجي بوجهه و حط يده اليمين و ضربت بالابهام مما خلاه يصرخ صرخة الم مخيفه.
__
السعوديه
حط جواله على جنب ،كل مره يدق ما يلاقي رد ،مسح وجهه و لمعت برأسه فكره، فتح الباب تبع غرفته و نادا:حلم يا حلم.
حلم طلعت من غرفتها و ردت ببرود:نعم.
أحمد كشر:وش فيك تردين علي بهالنبره.
حلم بطفش:عجل أحمد مو فاضيه.
أحمد خزرها:تعالي بغرفتي ابيك.
حلم تنهدت و مشت وراه و دخلت الغرفه قبله و هو سكر الباب و راح لحلم و جلس:أبي منك خدمه.
حلم ببرود:مقابل.
أحمد:اللي تبين.
حلم:أحلف.
أحمد:أكذب عليك انا، خلاص قلت لك اللي تبين.
حلم حطت رجل على رجل:يلا تفضل وش عندك؟
أحمد مسح ذقنه:عندك سناب رفيف؟
حلم:ايه.
أحمد بهدوء:أعطيني إياه.
حلم:ليه؟ وش تبي فيها؟
أحمد:أعطيني و لك اللي تبين؟
حلم بكذب:مسويه لي حظر و حذفت السناب.
أحمد:حلم ما تقدرين توصلين لها بأي طريقه.
حلم:أحمد أنا قلت لك البنت ما عاد صارت تسأل عنا و حذفت كل شي و يمكن غيرت حساباتها كلها.
احمد ما ارتاح من كلامها:أعطيك ثلاثه آلاف ريال.
حلم بحلقت عيونها بصدمه.
أحمد:و الله العظيم و ابيك تسوين اللي أقول لك عليه.
حلم بفرح:تم.
أحمد ابتسم:اسمعيني وش اقول لك.
__
أستراليا...عند الشله
حاتم يربط على يد تركي:معافى إن شاء الله.
مشعل بحده:وين كان عقلك بالله؟
تركي عاقد حواجبه:كان وين ما كان.
مشعل:يا سلااام.
يوسف بحزن:انا آسف تركي.
تركي ابتسم له:ما صار الا الخير و بعدين انا اللي ما انتبهت.
يارا بدلع:سلامتك تركي.
تركي ابتسم لها:الله يسلمك يا عسل.
شهد و وسن:سلامتك.
تركي تنهد:الله يسلمكم، ناظر فيها و شافها تناظر بالفراغ و بالها مو معهم ابداً.
شهد ناظرت فين حاط عينه و ابتسمت، و دقت رجل رفيف.
رفيف ناظرت فيها بهدوء و ساكته.
شهد أشرت بعيونها و لفت لتركي:والله يا تروك لو عرفت خالتي بتنهبل.
تركي ابتسم:تسوي اللي ما يتسوا يا فديتها.
رفيف:كيف ما انتبهت للكوره يا تركي.
مشعل بتريقه:والله ما ادري وين كان عقله؟
تركي يناظر لها:كنت شارد بالقمر.
رفيف رفعت رأسها فوق:وش قمره و احنا بالنهار.
شهد بسخريه:شكل الضربه ماثره في مخك مو يدك.
تركي ابتسم لها.
مشعل يصرف:تبون العشاء باربكيو؟
وسن:يا ليت والله.
حاتم:ترا موجود الدجاج إذا كنتوا تبونه كباب أو أوصال عادي.
يوسف:نشكل من ذا و ذا.
مشعل:اوكيه بيكون علينا العشا يا الشباب.
وسن:الله يقويكم.
رفيف وقفت:أنا شخص حاب يمشي أحد بيجي معي.
شهد وقفت:خذيني معك.
يارا:و أنا بعد.
يوسف:انتبهي لنفسك يارا.
يارا أشرت على عيونها و راحت مع البنات.
وسن:مشعل رايحه معهم.
مشعل:ماشي حبيبي انتبهي لنفسك.
تركي تنهد و مسح شعره.
حاتم و يوسف راحوا يجهزون الاغراض و مشعل لف لتركي:وش مضايقك انت؟
تركي ناظر فيه بنص عين.
مشعل بهدوء:لذا الدرجه ماخذه عقلك.
تركي:لا مو هالقد، بس أحس إنها بعيده عني.
مشعل:اكيد و إلا تبي توثق فيك بسرعه.
تركي بلع ريقه:حاس اني باتعب معها عشان اوصل لها و اتقرب منها.
مشعل بحده:تركي.
تركي كشر:مشعل مو اللي ببالك، تفكر إني ممكن ااذيها مثلاً.
مشعل:ما أدري عنك أنت.
تركي:تذكر لما قلت لك إني ما راح أحب إلا اللي يدق لها قلبي و هذي هي الوحيده اللي دق لها قلبي من أول يوم شفتها بالجامعه.
مشعل تنهد:أقول خلك من هالخرابيط و انتبه لدروسك و بس، البنت ذي شكل ما يحركها شي، عن اذنك ،و وقف و مشى للعيال تارك تركي في دوامه كبيييره.
__
عند البنات
جالسين قبال البحر و كل وحده تشكي له همها و امنياتها.
رفيف تنهدت:أول مره أحب البحر.
وسن:غدااار.
شهد:يسحر الشخص.
يارا:و يخدعه.
رفيف:كثير قالوا عن البحر غدار .. كثير قالوا يخفي أسرار .. كثير قالوا أناني وجبار .. وكثير قالوا وقالوا .. رغم كثر ما قالوا كتبوا في غدرهِ أشعار.
وسن ابتسمت:يا عيني.
رفيف لفت لها مبتسمه:بابا كان يردد هالشي لين حفظته.
شهد:ليه ما كلمتيها؟ و ناظرت في البحر:رغم كثر ما قالوا كشفوا أمامه أسرار .. رغم كثر ما قالوا أخذوا منه لؤلؤ ومحار .. رغم كل هذا يشكون في طيبته.
صاحبي! لو حبيَت تسأل عن البحر .. إسأل البحار.
رفيف:الجزء ذا بالذات ما أحفظه.
يارا رفعت يدها:دوري.
وسن:يلا يا عسل.
يارا ابتسمت:حملتُ أوراقي واتجهت إلى البحر .. اتجهتُ هناك لأرى ذلك المنظر الذي لطالما ملأ القلوب بمشاعر تختلط عند رؤيته وتهمس العيون بما في الخواطر من جنون لأجله.
أقذف فيه كلّ الآمي وهمومي .. أشكو له كل أحزاني وأفراحي .. فحياتي هي للبحر والبحر هو حياتي.
وسن:لا والله يعني انا الوحيده اللي ما اعرف أقول كلام حلو.
شهد بحزن:ايه الكلام الحلو ما يطلع إلا مع مشعل.
وسن:انكتمي.
رفيف:ناظري في البحر و خلي قلبك اللي يتكلم.
وسن:اوكيه أحاول.
شهد:اللي يسمعك يقول شعار احنا الحين، ترا كلها من الكتب و التويتر الله يخليه.
وسن عايشه الدور:اششش اسكتي خليني افكر بكلام حلو.
وظلت تناظر بالبحر و بدايات الغروب تنهدت
و قالت:انتظرتُ غروبكِ أيّتها الشمس لأرى ذلك الإشعاع الهزيل الذي يودع البحر .. وتلك القوارب تودع يوماً مضى من حياتي.
انتظرتُ ذلك المنظر لأبقى لحظات مع نفسي أتأمل الشفق الأحمر وهو يحتضن التل وداعاً.
انتظرتُ ذلك المنظر العجيب الذي يحوّل البحر والجو إلى مكان آخر .. مَكان لن تنساه العين ينسيك الهموم والأحزان التي تكتم أنفاسك ويودعك بغروب يملأ القلوب بمشاعر عذبه.
__
يتبع —————->