احضني و نسيني قسوة الماضي

الجزء الثامن

الجزء الثامن
____
صباح جديد
و كانت الساعه 7 الصباح،لبست ملابس مريحه و رفعت شعرها لفوق و ناظرت نفسها المرايه و نزلت بكل نشاط.
فتحت باب الملعب و تنفست بعمق و بدأت تجري بخفه.
__
عنده هو من بعد الصلاه ما رجع ينام و بدل ملابسه و نزل ،انتبه لصوت الإزعاج و شافها من الشباك تركض للملعب، لمعت فكره برأسه و طلع لها.
__
عند وسن
اللي صحيت متضايقه من الم ببطنها و تتاوه بهمس عشان مشعل ما يسمعها و قامت بهدوء من عنده رايحه لغرفة هيا ،دقت عليها الباب مره و ثنتين و ثلاث و ما فيه اي اجابه، فتحت الباب و مالقتها، انسدحت بفراشها و كل ما الألم بدأ يهدأ و نامت مكانها.
__
عند هيا
اللي كانت تركض ما حست الا باللي يجري وراها لفت و شافته و خزرته.
ابتسم:صباح الخير يا نشيطه.
هيا خففت ركض و صارت تمشي عادي:صباح النور، وش جابك؟
صار يتلفت يمين ويسار و ناظر فيها:غريبه ما اشوف اسمك مكتوب وانه يدل بأنه ملكك.
هيا وقفت و بنبره عصبيه:شوف يا هيه.
قاطعها:أنا مو هيه أنا اسمي يوسف.
هيا بسخريه:تشرفنا ،اسمع يا أخ يوسف ترا ما صحيت هالوقت إلا لاني أبي اروق مع هدوء الصباح و لحالي فرجاء ما ابي شي يعكنن مزاجي، روح لو سمحت.
يوسف بتعجب:سبحان الله تدرين نفس السبب.
هيا بحده:يوسف لو سمحت، دام كذا عذرك انقلع انت طريق و أنا من طريق، و مشت و تركته.
يوسف صرخ:هيون.
هيا لفت له:افندم.
يوسف قرب منها و مسك سحاب الجاكيت و رفعه لفوق:ما فيه داعي تعرضين نفسك.
هيا انصدمت من كلمته و سحبت نفسها و راحت لفلتهم.
يوسف تنهد بضيق:بتشكريني على هالشي.
__
عند رفيف
اللي فتحت عيونها بانزعاج و تقلبت على فراشها تحاول تنام خصوصاً انها ما نامت بعد اللي صار لها بالليله اللي قبل، بعدت عنها اللحاف و راحت بسرعه فتحت الباب و وقفت على رأس الدرج و سمعت ريان يصرخ:واللي خلق لو ما يتسنعون أنا بنفسي اسنعهم ،يبعدون عن بنتنا وش باقي يبون منها؟ ،مو ذيك أم اربعه و أربعين زوجت بنتها له و جايه تقول الحين ان بنتنا متبليه ع الولد على تبن و الله ياخذها.
ابوريان بهدوء:ريان نزل صوتك أختك لا تقوم  على صراخك و تصير سالفه.
ريان:اسمح لي بهالكلمه ،انت السبب باللي خليتهم يتمادون و اختي ما أحد مأخذ حقها غيري، و أخذ اغراضه و طلع.
ابوريان:لا حول و لا قوة إلا بالله.
رفيف تنهدت و دخلت غرفتها و قفلت الباب.
__
عند ريان
اللي ركب مع تركي وهو متضايق.
تركي باستغراب:عسى ما شر.
ريان تنهد:حرك الله يخليك.
تركي مشى بسيارته و هو يناظر:ريان.
ريان بتكشيره:ياخي تناقرت مع ابوي الحين و هذي اول مره أرفع صوتي في وجهه.
تركي باستغراب:وش القصه؟
ريان بعصبيه:ياخي كله بسبب الزفت طليق رفيف اختي.
تركي دق قلبه:وش فيه؟
ريان لف له:شوف الوقاحة،مكلم ابوي و قايل له يبي يرجع لها لااااا و أبوه الوقح داق بعده و يقول ولدنا مسحور و السبه بنتكم عشان ترجع له و ما يتزوج  غيرها.
تركي بهدوء:و رفيف عرفت؟
ريان:لا......تركي ،تدري أن اختي كانت بتموت علينا لما كانت بذمته والله العظيم إني أنا بنفسي دخلت عليها ببيتها و شفتها قدامي و بعيوني غرقانه بدمها كنا بنفقدها لولا لطف الله ،برمضان تخيل خمسه ايام  حابسها بالمخزن عشان سبب تافه لانها جت بعد زواجها تنام عندنا و تفطر معنا.
تركي تنهد:الله يكتب أجرها.
ريان بغصه:سكتت على أشياء كثيره يا تركي لو اعددها لك بتنصدم.
تركي لف له:من الجماعه.
ريان ابتسم بسخريه:ولد خالتي.
تركي بصدمه:معقول.
ريان:للأسف و قبل شوي داقين على ابوي يقولون بنتكم ساحره ولدنا ،من بين العالم ما اتهموا إلا الضعيفه رفيف و ليه ما هي عمته العقربه، لكن دبرهم عندي خلني بس اخلص هالترم و ارجع لهم.
تركي ابتسم:حممممش.
ريان ابتسم بخفه، رن جواله و شاف اسمها و رد:هلا قلبي.
رفيف بصوت مبحوح:صباح الخير ريان.
ريان:صباح العسل، و بشك:ليه صوتك كذا؟
رفيف تنحنح:لا سلامتك بس يمكن تعرضت لهوا و انبح صوتي.
ريان:سلامتك رغم اني ما اقتنعت ابداً.
رفيف:انت اللي وش فيك تصارخ؟
ريان تنهد:تبين شي من برا؟
رفيف:أبي ايس كريم تكفى ريان نفسي فيه من أمس.
ريان:بيسيح علينا بنص الطريق.
رفيف:اوكيه جيب لي معك مسليات.
ريان:من عيوني.
رفيف:تسلم، يلا باي.
ريان:هلا وقفل:حاس أنها سمعت اللي صار.
تركي:مين؟
ريان:رفيف، صوتها مررره مبحوح و ما ينبح إلا إذا كانت تبكي.
تركي تنهد:الله يكون بعونها>>😓
__
عند وسن
وسن تهمس لهيا:اليوم الصباح وين كنتي؟
هيا بهدوء:برا امشي.
وسن:كنت باموت الصباح.
هيا عقدت حواجبها:ليه؟
وسن رفعت اكتافها:ما ادري والله أول مره يجيني هالالم.
هيا بلعت ريقها:أبي أسألك كيف أخلاق يوسف.
وسن ابتسمت:عسسسل، مررره مؤدب و فكاهي ما قد سمعته يحش بأحد او يتكلم في أحد إلا بالخير، وباستغراب:ليه تسألين؟
هيا قلبت فمها:مجرد سؤال.
وسن طنشت:اوكيه ،تبين اسكب لك عصير.
هيا هزت راسها بلا.
وسن انتبهت لمشعل اللي نازل وهمست لهيا:أرفعي سحاب جاكيتك غطي.....وأشرت لها.
هيا ناظرت لشكل بلوزتها و انصدمت و رفعت السحاب بهدوء.
مشعل باس خد وسن:صباحي انتي.
وسن ابتسمت:هلا حبيبي صباحك فل.
مشعل ناظر لعمته:اجمل صباح لأجمل عمه بالدنيا.
هيا ابتسمت بتسليك:هلا.
مشعل باستغراب:وش عندها العمه ساكته.
هيا:سلامتك حبيبي، و وقفت بهدوء و طلعت فوق.
مشعل:وش فيها؟
وسن رفعت اكتافها:علمي علمك من يوم صحيت و هي كذا.
مشعل:غريب.
وسن:كُل حبيبي و لا تخاف بعد شويه بترجع هيا الأولى.
__
عند هيا
اللي دخلت غرفتها و انتبهت لبلوزتها اللي كان سحابها مفروط، نزلت دموعها تذكرت يوسف لما رفعها و قال:ما فيه داعي تعرضين نفسك،،،ليش صار هالشي ليييه؟
__
عند رفيف
نزلت لهم بعد ما أخذت شاور و هي مستعجله.
ابوريان ابتسم:هلا تعالي افطري.
رفيف ببحه:ما ابيه.
أم ريان:وين رايحه؟
رفيف:عند شهد.
أبو ريان عقد حواجبه:تعالي يا رفيف.
رفيف راحت له:نعم.
أبو ريان مد يده و يمسك جبينها و خدودها.
رفيف:بابا وش فيك؟
أبو ريان:تحسين انك تعبانه و صوتك ليه مبحوح كذا؟
رفيف بعدت يد ابوها:مافيني إلا العافيه و صوتي عشان تعرضت لهوا بس، يلا مع السلامه، و طلعت.
__
عند شهد
اللي مضبطه الجلسه عند المسبح و كانت حاطه الفطور هناك ،انتبهت لرفيف و ابتسمت:يا هلا ،وش هالاناقه عالصبح.
رفيف كانت لابسه فستان بسيط ليموني و صندل ابيض وشعرها رافعته كله كعكه و حلق ابيض و حاطه بوجهها بس قلوس و عطرها المفضل"بليجر"،
جلست:إلا وش هالروقان من الصبح.
شهد:ندلع أنفسنا.
رفيف ابتسمت:فديتك، وين البنات؟
شهد كشرت:كلهم فطروا.
رفيف:و قلتي احنا نستاهل.
شهد رجعت شعرها:اكيد، إلا تعالي ليه صوتك كذا.  رفيف تشرب شاهي:فاتك سالفه أمس.
شهد بحلقت عيونها:وش هو؟
رفيف تنحنحت:احم،اللي صار انه،،، و بدأت تقول لشهد كل شي.
شهد بصدمه:من جدك رفيف.
رفيف ببرود:أي والله ما كذبت بحرف.
شهد:معقوله تركي.
رفيف بحقد:و ليه معقوله مو رجال.
شهد خافت:اوكيه اهداي.
رفيف:كأني سويت جريمه لما عرف إني مطلقه.
شهد تحك حاجبها:صدقيني يمكن هذي صدمه له.
رفيف ببرود:صدمه و إلا غيره يتركني بالحالي.
شهد ضمت يدها:ما اعتقد انه بينساك أو بيكرهك بسرعه.
رفيف تنهدت:ما يهمني ابدا، و بحزن:الحمد لله ألف اني ما تعلقت فيه.
شهد انتبهت لسيارة تركي اللي داخله الحوش، و نزلوا منها تركي و ريان.
ريان صرخ:وش معكم؟
شهد ضحكت:فطور.
ريان:أنا ما فطرت.
شهد:حياااكم.
ريان مشى و مشى معه تركي بعد ما قال للخدم ينزلون اغراض من السياره.
ريان جلس جنب رفيف:صباح الجمال وش هالرواقه.
تركي جلس من دون ما يناظر فيها.
رفيف تناظر بصحنها و تنهدت بصوت مسموع و انتبهت لنفسها و ناظرت في شهد و ضحكت.
ريان:الله وش كل ذا.
رفيف بكذب:كنا نتكلم قبل ما تجون عن فارس احلامنا.
شهد رمشت بسرعه مو قادره تستوعب:فارس احلامنا.
رفيف دقت رجلها:ايه.
شهد بصراحه:تصدقين أحس احيانا انا نبالغ بزياده في خيالنا.
تركي:قلتيها خيال و كل وحده لازم ترضا بالواقع.
رفيف تناظر لكوبها:عالاقل بالخيال تكون صادق مع نفسك مو الواقع اللي يطلع لك كل شخص بقناع و بعد فتره يطلع بقناع ثاني.
تركي:و هذا اللي صاير بالضبط.
رفيف بحقد:كويس انك فهمت إني اقصدك، و وقفت.
تركي سكت و ناظر فيها.
شهد تناظر في ريان و هو يناظر رفيف و تركي بصدمه.
رفيف:شهد لا تنسين تقولين للبنات عن التحدي.
شهد:إن شاء الله.
رفيف مشت و تنهدت و في نفسها:لا تضعفين و تبكين خلاااص، و دخلت لفلتهم.
ريان:وش فيها؟
شهد بحزن:مسكينه هي تلاقيها من وين و إلا من مين.
ريان حك ذقنه: قالت لك شي.
شهد:قالت لي أنها تعبت تصدق الناس، ريان ترا رفيف فاهمه و حاسه باللي يصير حواليها، و وقفت:عوافي عليكم. و مشت.
تركي تنهد:شكلنا بناجل الموضوع اللي كلمتك فيه.
ريان بغبنه:يكون أحسن.
__
عند شهد
دخلت لفلتهم و انتبهت لابوها اللي يكلم و هو مبتسم و أشر لها بتعالي، عقدت حواجبها لما سمعته يقول:نورت أستراليا يا ابو طلال.
شهد جلست جنبه و أبو شهد حضنها من الجنب.
ابوشهد:انا راح أرسلك الموقع و تعال انت و طلال، ايه في مفاجأه محضرها لك، إن شاء الله، الحين باخلي شهد ترسل لك الموقع، مع السلامه و قفل:بابا ارسلي لأبو طلال موقعنا.
شهد:جا هو.
ابوشهد:فاجئني قبل شوي انه هنا.
شهد أخذت جوال أبوها و أرسلت الموقع له:تم.
أبو شهد:تسلم يدينك.
شهد ابتسمت:الله يسلمك، وين ماما؟
أبو شهد:اكيد عاللاب توب.
شهد بتكشيره:شغل حتى هنا.
أبو شهد:هذي أمك.
شهد وقفت:اوكيه أنا باروح لوسن تبي شي؟
ابوشهد:سلامتك يا عيوني.
شهد مشت من عنده و طلعت و انتبهت لحاتم و ابتسمت:صباح الخير.
حاتم ابتسم:صباح الشهد.
شهد:توك تقوم يا كسلان.
حاتم حضنها من الجنب:صاحي من بدري، وين الوجهه؟
شهد:لعند وسن، دخلت فيلتنا ولقيت بابا يكلم صاحبه و مبسوط و ماما على شغلها باللاب توب.
حاتم:اهلك أصحاب عمل.
شهد بحزن:جداً، لدرجة اني اقضي وقتي بالمسلسلات.
حاتم ابتسم:ايه قلتي لي.
شهد وقفت:متى قلت لك؟ و ما أذكر إني تكلمت بهالشي.
حاتم:ايه أول ما تعرفنا خبرتينا بهالشي.
شهد:يمكن و ناظرت فيه:صديق بابا بيجي.
حاتم باستغراب:أي صديق.
شهد:صديقه عبدالرحمن آل،،،
حاتم بصدمه:هاه.
شهد عقدت حواجبها:أقول لك صديق ابوي بيجي.
حاتم بفهاوه:هنا.
شهد بتريقه:لا هناك، أجل وين؟
حاتم بعد عنها:عن إذنك.
شهد ناظرت فيه باستغراب و لفت تمشي و انتبهت أنها واقفه عند باب فلة مشعل، ابتسمت و لفت تدخل.
__
عند رفيف
لبست بنطلون اسود مريح بالحركه و المشي و بلوزه عليها رقم 87 بالاسود و بوت ابيض رفعت شعرها واحد  و أخذت جوالها و نزلت بنشاط.
طلعت لبرا و انتبهت للشباب جالسين و سوالف ،كشرت و راحت للملعب و هي تضغط بجوالها و ابتسمت بخفه لما سمعت صوت ريان.
ريان:ريفو صباح الخير.
يوسف:على وش هو شوفة النفس؟
مشعل ببرود:عادي ترا ما نعرفها.
حاتم و تركي يناظرونها مبتسمين.
رفيف ولا لفت لهم ولفت لما سمعت صوت شهد:لانها خايفه من الهزيمه.
رفيف رفعت حاجب:أنا و إلا انتي.
شهد خزرتها:أنا حتى ظلي ما أخاف منه.
رفيف بثقه:شرفينا بالملعب يا حلوه.
شهد صرخت:لحظظه.
رفيف مسكت اذنها:كاني اسمع صوت انسحاب.
شهد:ها ها ها مو شهد بنت حمد اللي تنسحب، بس قدام الشباب اشهدهم أن اللي تفوز تامر الخسرانه بشي و تعمله، وغمزت لها.
رفيف:اوكيه ،و ناظرت في الشباب:سمعتوا وش قالت؟
حاتم:كل كلمه و حرف.
رفيف بنبرة أمل:ان شاء الله افوز.
ريان:و ليه تقولينها كذا و بذا النبره.
رفيف بنص عين:لأني عارفه وش اللي براسها.
شهد ببراءة:حرام عليك ، و قربت منها و بهمس:اجمع راسين بالحلال.
رفيف مسكتها بقميصها:أقول امشي  للملعب.
وقفوا الشباب ودخلوا الملعب و انتبهوا ليوسف:شوفوا صبايا عشان مو كل وحده تقول الثانيه انتي أحسن مني أو غشاشه و من ذا الكلام ،راح يكون ثلاث تحديات كل تحدي ثلاث محاولات و اللي يفوز فيها تحتسب لها نقطه، تمااام.
رفيف:اوكيه.
شهد:تمام.
يوسف:أول مواجهه تكون هي كل واحده تعدي الثانيه و تسجل هدف بالسله ،يلا ابدأوا.
رفيف أخذت الكوره و لفت لها:good luck.
شهد:you too.
رفيف أخذت الكوره و بدأت تطبطبها الأرض و تحاول تلف يمين و يسار تبعد عن شهد اللي كأنها مثل الظل وبحركه سريعه مررت الكوره بخفه من جنبها و شهد ناظرت للكوره و انتبهت لرفيف عدتها بخفه و ماكان من رفيف إلا أنها سجلت الهدف الأول والثاني والثالث وبتكون رفيف ربحت الجوله الاولى.
طلع ابو شهد لما تذكر شهد وتوصيتها لها بأنه يحضر التحدي ودخل الملعب وشافها مبتسمه.
أبو شهد:سلام يا شباب.
ردوا السلام وحاتم وقف وأعطاه الكرسي.
ابو شهد ابتسم له:تسلم حبيبي.
حاتم رد له الابتسامه:الله يسلمك.
ابوشهد:النتيجه لمين؟
تركي:لرفيف، بس لا تخاف باقي بالبدايه.
و انتبه لحاتم اللي راح لشهد و عقد حواجبه لما شافه ماسك كتفها و يدفها و وقف قدامها.
حاتم اللي انتبه لوقفة شهد و اللي بتبدأ الجوله الثانيه راح لها و نادا شهد و ما امداها تلف له إلا و هو ماسك اكتافها و دفها قدام القول و لف لها و ناظر فيها و مسك اكتافها:من أول ما لعبتي و انتي مو مركزه في شي حطي ببالك انك قدها و ثقي بنفسك قبل اي شي.
شهد ابتسمت:اوكيه.
حاتم ابتسم و رفع خصله من شعرها:اوكيه يا روحي أبي ذا المره انتي تفوزين.
شهد:إن شاء الله.
حاتم تنهد:أنا باروح أجلس و اعرفي أن قلبي معك.
شهد:خلاص روح حاتم.
و كل ذا تحت نظر ابو شهد اللي يبي يعرف وش يقول لها.
حاتم مشى و جلس بعيد عن الشباب و كله عشان شهد.
شهد مسكت الكوره و بدأت تناظر في القول و أخذت نفس و رفعت الكوره و رمتها بخفه و دخلت بالسله.
الشباب صرخوا و ابو شهد ابتسم و صفق لها.
شهد واقفه مو مستوعبه و ناظرت في حاتم اللي يصفق لها و مبتسم و رفع يده و أعطاها إشارة(صح عليك).
شهد ابتسمت و راحت له و مطنشه ابوها و جلست جنبه.
حاتم:حلو بدايه جميله.
شهد:باقي رميتين و بعدها نشوف.
حاتم:بتجيبينها إن شاء الله.
رفيف وقفت و رمت الكوره بكل خفه و دخلت قول.
صفقوا لها و هي جلست جنب ريان.
ريان:رجعت لي ذكريات الرياض و حوشنا.
رفيف ابتسمت له.
كان دور شهد و بنفس الطريقه رمتها و جات قول و بعدها رفيف و جات قول.
الرميه الاخيره و اللي كانت بتحدد مصير الصبايا، وقفت شهد و رمت الكوره بخفه و دخلت هنا صرخ حاتم و الشباب صفقوا لها و راحت لابوها مبتسمه.
أبو شهد:برافو بابا.
رفيف اللي ابتسمت و صفقت لشهد و وقفت تروح ترمي كورتها و انتبهت لتركي يغمز لها و يرسل لها بوسه.
رفيف دق قلبها من الحركه و صارت تناظر احد انتبه له أو لا بس الكل يناظر لشهد و هي تقول:اشكر حاتم اللي علمني و إلا الحين صرت مضحكه لكم.
رفيف راحت و أخذت الكوره و وقفت قدام القول بس اللي مستغربته أن يدينها ترجف تعوذت من الشيطان و رمت الكوره و انصدمت أنها خرجت برا السله.
ريان صفق:ما قصرتي.
رفيف ناظرت في تركي بحقد و همست لنفسها:كذاب و منافق.
يوسف صرخ:آخر تحدي ،ترمون الكوره من الجنب.
رفيف أخذت الكوره و رمتها و طلعت اوت.
ريان:وش فيك رميتيها بهالسرعه.
رفيف جلست مكانها و شربت مويه بعصبيه و شهد أخذت الكوره و وقفت و رمت الكوره و ضاعت.
ابوشهد:يلا مو مشكله تعادلتوا.
رفيف وقفت و أخذت نفس و رمت الكوره و طلعت، صرخت بغبنه.
تركي ابتسم.
شهد أخذت الكوره و ناظرت في رفيف:وش فيك؟
رفيف:و فيه غيره الحيوان.
شهد بتخمين:تركي.
رفيف بتكشيره:و فيه غيره الكذاب.
شهد:تعوذي من إبليس.
رفيف:كملي لعبتك و ما عليك مني.
شهد:اوكيه ، و أخذت الكوره و رمتها و طلعت برا.
مشعل صرخ:صبايا وش القصه؟
رفيف أخذت الكوره تبي تنجز و تروح، وقفت وناظرت في تركي اللي يقول:رفيف ركزي.
رفيف في نفسها:لو سلمت منك كان الحين فايزه.
ورمت الكوره بخفه وللأسف طلعت برا.
ريان صفق لها:ما قصرتي.
رفيف جلست جنبه و حطت رجل على رجل و مكشره بوجهها.
شهد وقفت و كانت تناظر بالقول.
حاتم قرب لها:شهد لفي يسار شوي.
شهد نفذت اللي قال و ناظرت في القول و رمت بالكوره و دخلت هدف.
صوتوا كلهم و هي نطت من الفرح.
رفيف ابتسمت و صفقت لها.
ريان:برافو عليك، الحين قولي وش تنفذ لك رفيف.
شهد غمزت لها:بيننا التحدي.
مشعل:يعني سر بينكم.
شهد هزت برأسها ايه.
رفيف وقفت و باركت لها و طلعت من الملعب.
ابو شهد وقف:يلا شباب،جهزوا أنفسكم عالمغرب بيجينا ضيف.
مشعل:مين؟
ابوشهد: صديقي أبو طلال و لا يعرف ابو ريان بالموضوع لأني ابيها مفاجأه.
ريان:تم.
حاتم بضيق:الحضور ضروري.
ابو شهد ابتسم له:اكيد الرجال بيكونون بفلتي و النسوان عند ابوتركي، لا أحد يتأخر،
و لف لحاتم:ماشي يا حاتم تراك بتستقبل معي.
حاتم ابتسم:إن شاء الله.
ابو شهد مشى و العيال مشوا وراه و حاتم جلس عالكراسي و مسك رأسه و انتبه للي يمسك يده:حاتم.
حاتم لف له:مخنوق يا تركي، ما أعرف وش أسوي إذا شفته.
تركي:وحد الله يا اخوك، بالعكس المفروض تفرح انك تشوفه بعد كل هالمده.
حاتم:حق لا اله إلا الله.
تركي:تعوذ من الشيطان و روح خذ لك شاور يبرد عليك و البس و روح بعدها لبيت ابوشهد.
حاتم:و موضوع شهد؟
تركي:تقدر تفاتحها فيه بأي وقت.
حاتم:ما أبي اخسرها.
تركي:شهد عاقله و ما ظنتي بتزعل من هالشي.
حاتم:ترا كل اللي يهمني شهد و بس.
تركي تنهد:يصير خير ،و الحين ممكن تروح تاخذ شاور  و تلبس.
حاتم وقف:إن شاء الله، و مشى حاتم عنه.
تركي تنهد:الله يعينك يا حاتم، و مشى تركي لفيلتهم و انتبه لرفيف واقفه و بيدها الأرنب و تلاعبه و تحط له جزر ابتسم و دخل فلتهم.
__
عند حاتم
دخل و هو ضايق حاله و قفل باب غرفته و طلع له ملابس و دخل يأخذ شاور، و بعد ما خلص لبس ملابسه لبس ثوب بدال البنطلون و سرح شعره و تعطر و أخذ جواله و نزل لفلة ابو شهد و دخل بعد مادق الباب و قالت له الخادمه يتفضل بالمجلس و طلع جواله يطقطق عليه و ما حس إلا بأبو شهد بصوته يقول:تفضل حياك الله يابو طلال.
حاتم بلع ريقه و وقف و انصدم يوم شاف أبوه بعصا و مبتسم له:السلام عليكم.
حاتم واقف ما عرف يرد يبي يصافحه يسلم عليه واقف مصنم.
ابوشهد:سلم يا حاتم.
حاتم بلع ريقه وبملامح جامده تقدم و مسك يده و باسها و باس رأسه، يبي يحضنه بس مو قادر ،انتبه لاخوه اللي يناظر له مبتسم و ماد يده يصافحه.
حاتم ابتسم له و مد يده و سلم عليه خدادي.
ابو شهد رحب فيهم و سأل عن حالهم و حاتم جلس جنبه و كل شوي يخطف نظره لابوه.
دخل ابو تركي ومعه ابوريان وريان و تركي وسلموا عليه وكان مبسوط بشوفة ابوريان اللي حضنه لما عرف انه صديق قديم.
ابوريان:و الله هذي الساعه المباركه اللي شفتكم فيها.
ابوطلال:و أنا أسعد يا أبو ريان.
ابوريان ناظر في طلال:هذا اكيد حاتم؟
ابوطلال ابتسم بألم:هذا ولدي طلال.
ابوريان ابتسم:المعذره حبيبي لكن من زمان و احنا نعرف أن أبوك اسمه ابو حاتم.
طلال بادله الابتسامه:لا عادي يا عم و إلى اليوم يقولون له أبوحاتم و لا ازعل.
ابو حاتم تنهد:فديت حاتم و الله يحفظه لي.
الكلام كان كبير عليه مو قادر يتحمل أكثر نزلت دمعه ورا دمعه ورا دمعه و هو يجاهد بنفسه انه ما يتأثر بأي كلمه، سحب نفسه وطلع بهدوء وما كان من تركي إلا أنه يطلع وراه ويخفف عنه لأنه طول الجلسه كان حاس فيه وانهبل لما شاف دموعه.
ابو طلال يهمس لابوشهد:مين ذا الولد اللي طلع قبل شوي.
ابوشهد:هذا صديق العيال بالجامعه و صار واحد منهم و فيهم.
أبو طلال:ماشاء الله تبارك الله، الله يحفظهم و يحميهم.
ابوشهد:آمين.
يوسف بهمس لمشعل:وش فيهم طلعوا العيال؟
مشعل بتخمين:يمكن طلعوا يشوفون لشيء عمي حمد موصيهم إياه.
يوسف:يمكن والله.
__
عند حاتم
اللي كان منهار ،و راح للناحية الملعب و انفجر يبكي.
تركي راح له:حاتم.
حاتم ناظر له وحضنه:ابوي يا تركي ابوي.
تركي:تعوذ من الشيطان.
حاتم:أبي ابوي يا تركي اااه ، و يبكي بنواح.
تركي تنهد:لا حول و لا قوة إلا بالله، و يطبطب على ظهره.
و بعد وقت بعد حاتم:ما اقدر يا تركي أقول له و الله ما اقدر.
تركي:حاتم أنا حاس فيك والله، بس لازم تعطي نفسك فرصه.
حاتم بألم:خايف يصير له شي اذا عرف.
تركي:مو انت تقول ما راح تخبره إلا لما تسوي اللي براسك.
حاتم ناظر فيه:و أنا ما راح أقول له إلا لما أخبر شهد أول.
تركي:تخبرها بقصتكم بعدين باهلك و بعدين،،،،و سكت.
حاتم:أنا اتعبتك معي ادري.
تركي:لا تقول هالكلام.
حاتم عض شفايفه:الصعب لما اقول لها يا شهد أنا ولد عبدالرحمن آل،،، وقتها وش بتكون ردة فعلها.
فجأه لفوا وجيههم ناحية الباب لماسمعوا شهقه وانصدموا لما شافوا هالشخص واقف عند الباب و باين انه سمع كل شي.
__
عند البنات
هيا بحماس:ها وش قلتوا؟
شهد:أنتي تامرين.
رفيف:أنا بعد معكم.
وسن رفعت يدينها:أنا برا الموضوع عشان لا احصل ذاك الهواش من مشعل.
يارا:أنا باكون الحكم عشان ما اعرف أسبح.
هيا بفرح:كذا اتفقنا.
شهد:متى الموعد؟
هيا:بعد ما يروحون الرجال و ينامون الشباب.
رفيف بتفكير:اممم ليه ما نخليه عالساعه ٢.
شهد:أي والله يكون الكل غاط بنوووم عميق و خصوصاً الشيبان.
هيا:إذا اتفاقنا الساعه ٢ الكل عند عتبة المسبح.
وسن:وش بتلبسون؟
شهد ببرود:مايوه عادي.
وسن شهقت:مجنونه.
رفيف ضحكت:والله انتي المجنونه.
وسن:ترا ذي من جد تسويها.
شهد:يا بنت الحلال لا تخافين بنتستر والله.
هيا:شهد وين السماعه اللي قلتي انك اخذتيها من عند الحارس.
شهد ابتسمت:تركتها عنده، وقفت:باقول له يجيبها الحين.
يارا:كيف قدرتي تكلمينه أنا إذا شفته أخاف منه.
شهد:و انتي تفكرين كلمته لحالي، حمد(ابوها) كان معي و إلا والله لو اموت ما أطالع فيه.
وسن:تفضلي جيبي السماعه نلحق السهره.
شهد وقفت و طلعت للحارس و انتبهت لحاتم اللي طلع من فلتهم و وراه تركي و اللي انصدمت منه شهقات حاتم اللي أول مره تسمعها،لحقتهم بهدوء و بخفيه و كانت تسمعهم يتكلمون بس مو باين صوتهم كثير، قربت أكثر و أكثر و عقدت حواجبها لما سمعت اسمها و قربت كمان و بحلقت عيونها بآخر جمله تكلم فيها حاتم:أنا ولد عبدالرحمن آل،،،،.
هنا شهد شهقت بقوه و حطت يدها على فمها و خلت حاتم و تركي يلفون لها و انصدموا لما شافوها واقفه و بهمس واحد:شهد.
شهد راحت له وبغصه:حاتم.
حاتم بترجي:امانه ما تتكلمين.
شهد بعتب:ليه ما قلت من قبل.
تركي وقف:حاتم ذي فرصتك تكشف الورق، عن اذنكم.
حاتم تنهد و ناظر في شهد اللي تناظر له و ابتسم:تدرين إني أحبك.
شهد ضربت فخذه:خل هالكلام و خبرني اللي قلته قبل شوي صدق.
حاتم وقف و مسكها من اكتافها و جلسها عالكرسي و جلس قدامها على رجوله:كل شي باقوله لك لأني تعبت اخبي عليك و على نفسي.
شهد هزت راسها بايه.
حاتم:قبل كم شهر تعرفت على وحده اسمها شهد بالتويتر، أنا غردت بتغريده و ردت علي و كل مره اغرد فيها كانت تعلق علي بكلام جميل، يوم بعد يوم بدأت علاقتنا تكبر و أنا كنت كثير مرتاح لها خصوصاً إني كنت وحيد و هي صحتني من وحدتي ،ابتسم بألم:
ابتسم بألم:كنت مجهول و عرفت إن انتي الحياه ، الشي اللي خلاني اعرفه و أبعد عنك و أنهي كل شي بيناتنا هو صداقة ابوك و ابوي و هالشي اللي تركني اخاف من إني انكشف لك و لغيرك و صدقيني انك الوحيده اللي طلعتيني من مجهول بلا عنوان إلى شهد الحياه.
شهد ضمته بسرعه و بكت بصمت و حاتم شدها له و باس كتفها.
شهد ببكا:اشتقت لك حيل، ليه بعدت عني و أنا قلبي كله متعلق فيك، تعبت كثير من بعدك.
حاتم تنهد:آسف شهدي بس غصباً عني.
شهد:حاتم احنا اتفقنا مع بعض ان ما أحد يخبي عن الثاني شي و انت خبيت عني و رحت و تركتني.
حاتم: حقك علي يا روح حاتم ، و بعد عنها و بهمس:و شوفيك وعدتيني تجين أستراليا و ماشاء الله صرتي صديقتي و حبيبتي و كل شي حلو بحياتي.
شهد ابتسمت و مسحت دموعها:حاتم و أبوك.
حاتم عقد حواجبه:راح اعترف بس مو الحين.
شهد:اعرف إني راح أكون معك.
حاتم ابتسم:اكيد و أنا أقدر أبعد عن روحي اللي اتنفسها.
شهد ابتسمت وحضنته.
حاتم شد عليها و باس جبينها.
شهد:حاتم.
حاتم بعد عنها:عيونه.
شهد غطت فمها:البنات طلبوا مني شي و نسيته.
حاتم باستغراب:وش هو؟
__
عند الصبايا
هيا:كأن شهد تأخرت.
رفيف تناظر الساعه:أي والله معقوله كل ذا سماعه.
يارا بخوف:بنات لا يكون،،،، و سكتت.
رفيف فهمت عليها و ابتسمت:لا حبيبتي اكيد حصلت أحد بالطريق و تسولف معه.
و ما كملت رفيف كلامها إلا و شهد داخله و حاتم وراها شايل السماعات.
شهد بابتسامة:هنا حتومي.
حاتم حطها و ناظر فيها:أوامر ثانيه انسه شهد.
شهد ناظرت في البنات و رجعت ناظرت له و بهمس: أحبك.
حاتم ابتسم لها و مشى.
هيا صرخت:اخيراً انسه شهد.
شهد تنهدت:آسفه، و شبكت جوالها و بدأت انواع الموسيقى و الرقص.
__
عند الرجال
ابو طلال وقف:أكرمكم الله.
ابو شهد وقف:اجلس معنا يا أبو طلال.
ابوطلال:تسلم و أنا اخوك قعدتكم ما تنمل والله بس ورانا أشغال و مشاريع و تعرف انت هالامور تاخذ وقت.
ابوريان:خلنا نشوفك لا تقطعنا.
أبوطلال ابتسم:إن شاء الله يالغالي.
ابوتركي:عاد لا أوصيكم إذا رجعتوا السعوديه اتركوا حركات التجمع و أنا هنا مرزوع على رأسي.
ضحكوا الشيبان.
طلال بابتسامه:مبسوط بمعرفة الكل.
تركي:احنا أسعد.
يوسف:خلنا نشوفك هنا أو بالسعوديه.
طلال:إن شاء الله.
ابو طلال لف للشباب:يلا يا شباب أشوفكم على خير.
الشباب:و انت في خير ،الله يحفظك يا عم.
ابوطلال وقف مكانه و ناظر في حاتم و ابتسم.
حاتم ابتسم له بهدوء.
ابو طلال تنهد:قولوا آمين.
الشباب:آمين.
ابوطلال:أشوفكم معاريس و اولكم تركي.
الكل:آمين، الله يسمع منك.
ابوتركي:إن شاء الله و تفرح في طلال يارب.
ابوطلال:آمين يارب، يلا في أمان الله.
و مشى ابو طلال و طلال.
حاتم تنهد:عدا هاليوم على خير.
تركي:لو أنا مكانك كان تكلمت.
حاتم كان بيتكلم بس قاطعه يوسف:يتكلم بوش هو؟
حاتم ابتسم:سلامتك.
ريان:يا ولد تعالوا نوزع ورق.
يوسف:أي والله ،أقول وش رايكم تعالوا بفلتنا لان الشيبان بيستاذنون و كل واحد يروح ينام.
تركي:أي والله أحسن.
يوسف:دام كذا باروح أخبرهم، و مشى للعيال.
تركي جلس على عتبة الباب و ناظر في حاتم:وش صار؟
حاتم ابتسم:قلت لها كل شي.
تركي:وش كان ردة فعلها أقصد؟
حاتم:انصدمت و بكت وآخر شي ختمتها ب،،، و سكت.
تركي:بكف.
حاتم ضحك:لا ،تقدر تقول من قوة الصدمه حضنتها يعني.
تركي ابتسم:تبيها من الله.
حاتم يحك رأسه:تقدر تقول ايه.
تركي:الله ييسر لك اللي تبيه.
حاتم:آمين،عن اذنك باروح أودع عمي حمد و اطلع قبلكم للفله اضبط الوضع.
تركي:اذنك معك.
تركي سند رأسه على درابزين الدرج و غمض عيونه، سمع صوت كعب و عرف أن ذي وحده من البنات و ظل يكون كذا، فتح عيونه لما سمع صوتها و هي تكلم بالجوال، ابتسم لما شافها تمشي و مو داريه باللي حولها و تلعب بشعرها،تنهد و في باله:الله اعلم يا رفيف بنكون لبعض ولا بنكون تحت مسمى (أصدقاء).
"تركي"
تركي لف:هلا.
حاتم:وش فيك؟ ساعه أناديك و انت مو معي.
تركي:آسف والله.
حاتم:قم معي نروح للفله قبل العيال.
تركي وقف:يلا ، و مشى مع حاتم و كان صوتها يرن باذنه و هي تقول(انا شخص عنده كرامه يا احلام، مسألة إني ارجع لاخوك فهذا شي مستحيييل)
__
بآخر الليل
الصبايا التقوا عند المسبح وسن و رفيف و هيا و شهد و يارا.
يارا جلست على كرسي بالنص مبتسمه.
رفيف و شهد و هيا يستعدون للتحدي.
وسن تصفق:حماااس الصبايا.
هيا ببرود:فيكي خير انزلي معنا.
وسن تخصرت:عشان يذبحني ولد أخوك.
رفيف:يكون بعلمك حتى لو وافق أنا بأرفض انك تنزلين لأن هذا تعب عليك.
شهد:يللا استعدوا.
رفيف و هيا وقفوا جنب شهد.
يارا:أول جوله تسبحون روحه و جيه ،يلا استعداد،،،،،،انطلاق.
وبدأوا البنات سباحه و كسبت هيا.
هيا بفخر:أنا بطلتكم.
شهد رشت عليها مويه:باقي ما قد خلصنا التحدي.
وسن:عاشت عمتو ، و صفقت
يارا:رفيف وش الجوله الثانيه؟
رفيف:صاحب أطول نفس.
يارا:اوكيه، الجوله ذي طبعا اللي يأخذ أطول نفس ممكن يفوز بهالجوله.
البنات سحبوا نفس.
يارا ناظرت ساعتها:ابدأوا.
غطسوا البنات و مشت دقيقه و لا احد طلع منهم.
وسن تناظر فيهم بابتسامه و عقدت حواجبها لما سمعت أحد طب بالمسبح و ناظرت جنبها و بخوف شهقت و صرخت:يااارا.
رفعت هيا رأسها و مسحت وجهها و لفت على صراخ وسن:هيا هيا الحقي يارا طاحت بالمسبح.
هيا شهقت و رفعت رأس رفيف وشهد.
رفيف:خييير.
شهد:وجع.
هيا صرخت:يارا طاحت بالمسبح.
وسن:بسرررعه.
رفيف بسرعه غطست و البنات واقفين و خايفين و بعد دقايق طلعت رفيف و سحبتها معها و ساعدوها هيا و شهد و رفعوها عالارض و صارت هيا تضرب وجهها و ما كان فيها حياه.
شهد:اعملي لها تنفس بسرعه.
هيا بلعثمه:ما ما أعرف.
رفيف بسرعه راحت للعيال و شافتهم جالسين يلعبون ورق و بسرعه صرخت:يوسف بسرعه تعال يارا طاحت بالمسبح.
يوسف من الصدمه يناظر و ريان وقف على طول و راح لها.
رفيف بصراخ:تحححررررك.
يوسف و العيال حطوا الورق و قاموا ولحقوا ورا رفيف و ريان.
هيا شالتها و تمشي فيها و انتبهت لريان و رفيف طالعين و العيال وراهم.
هيا حطتها بالارض و ريان راح لها بسرعه و ضرب وجهها:يارا.
هيا:اعمل لها تنفس البنت بتروح.
ريان بسرعه عمل لها تنفس صناعي.
ارتاحوا لما شافوا يارا تكح و رجعت تستفيق.
ريان من دون ما يحس:يارا حبيبي انتي بخير؟
يارا تمسك رأسها:رأسي يوجعني.
ريان لف ليوسف اللي جالس جنبه بضياع و خوف:يوسف لازم نأخذها للمستشفى.
يوسف هز رأسه بايه.
حاتم وقف:أنا باسوق فيهم لهناك.
مشعل يمسك كتف يوسف:يوسف امش مع اختك.
يوسف ببرود:وين؟
مشعل:تروح معهم للمستشفى.
يوسف:بس اختي ماتت.
شهقوا لما هيا صفقت يوسف كف و مسكت اكتافه و هزته:اصحى يالمجنون أختك ما ماتت هذي هي عايشه قدامك،و لفت لريان و حاتم و بحده:و انتوا وش تنتظرون بسرعه خذوها من هنا بسرعه.
حاتم مسك يوسف و وقفه معه و ريان شال يارا و على طول على سيارة حاتم المتوجهه للمستشفى.
__
بالسياره
يوسف جالس قدام و مصدوم و كل شوي يناظر اخته و حاتم يسوق بهدوء و ريان اللي كانت يارا بحضنه و كانت بنص وعي.
__
عند الشله الثانيه
مشعل حاضن وسن من الجنب و يهدي فيها:خلاص يا روحي.
وسن بدموع:مشعل البنت طاحت قدامي.
شهد:أبي اعرف وش اللي خلاها تطب بالمويه و هي ما تعرف تسبح.
هيا تناظر في الفراغ:و هذا اللي افكر فيه.
تركي:البنت كانت بتروح لولا لطف الله.
مشعل:الحين سؤال ،معقوووله ما أحد منكم يعرف يعمل تنفس اصطناعي.
هيا:خلها مستوره و أنا عمتك.
رفيف جات و معها صحن كله مويه و كرتون بنادول و حطته عالطاوله:كلمت ريان و يقول البنت بخير، اعطوها مغذيه و بيطلعونها بكره الصباح.
الكل:الحمد لله.
هيا:وش ذا اللي جايبته؟
رفيف:مصدددعه بعد اللي صار، الله لا يجعله يتكرر عليي.
شهد مدت يدها:أعطيني حبه معك.
مشعل وقف و سحب وسن و استاذنوا.
رفيف ناظرت في تركي اللي كان مشغول بجواله أو يحاول يشغل نفسه بجواله عشان لا يناظر فيها، صدت و انتبهت لهيا تناظر لها ساكته.
رفيف رفعت حاجبها اليمين:وش فيك؟
هيا:أحس بتأنيب ضمير
شهد:وش منه؟
هيا مسحت وجهها: عشان الكف اللي ذوقته يوسف.
تركي:بالعكس يا هيا ،انتي ما سويتي شي غلط انتي كنتي مجبوره تعملين هالشي.
هيا تنهدت:إن شاء الله ما يفهمها غلط.
رفيف وقفت:استئذن.
شهد:وين رايحه؟
رفيف تناظر ساعتها:خلاص ما بقي عالصلاه شي، أبي ادخل أخذ شاور و أصلي و انام.
هيا وقفت:أي والله خذيني معك.
شهد:تصبحون على خير.
رفيف ابتسمت لها و مشت و معها هيا.
شهد لفت لتركي ببرود:وش اللي صار بينكم؟
تركي ابتسم بسخريه:فكرت انك تدرين بكل شي.
شهد:انت تعرف أنها ما تتكلم بالتفاصيل تعطينا خلاصة الحدث.
تركي قلب فمه:ما فيه شي مهم، وقف:تصبحين على خير.
شهد:و انت من أهله ،و ناظرت له الين اختفى من نظرها و تنهدت:المشكله عيونكم فاضحتكم، يلا وش مقعدني لوحدي أنا.
__
عند تركي
اللي دخل بخفه و انتبه لاابوه اللي سلم من الوتر و ابتسم يوم شافه:تعال يابوي.
تركي تقدم له وجلس:أمرني.
ابوه صفط سجادته و جلس:تركي أنا أبوك و أنا أكثر شخص يتضايق لما أشوفك سارح و مكشر.
تركي تنهد و نزل راسه.
ابوه مسك ذقنه و رفعه:كل شي و إلا انك تنزل رأسك يا ولد فيصل، خبرني و حكيني وش فيك؟.
تركي بضيق:موضوع خاص فيني أنا.
ابوه:تركي تكلم عشان انا أرتاح.
تركي:ضيقتي ذي كلها عشان رفيف.
ابوه عقد حواجبه:وش فيها البنت؟ مو انت تبيها؟
تركي:يبه البنت طلعت،،،و سكت.
ابوه:مطلقه.
تركي سكت.
ابوه:وش فيها طيب؟ مو أول واحده و لا آخر واحده تطلق.
تركي بغبنه:يبه افهم البنت ذي احبها و فجأه عرفت انها مطلقه.
ابوه:تركي أنا عرف السالفه كلها و كل شي خبرني إياه ابوها ما خبى علي شي.
تركي بحزن:و السواة يبه.
ابوه بحلق عيونه و أشر على نفسه:تقول لي أنا.
تركي مسح وجهه:ما ادري يبه أحس إني ملخبط و أمي بعد لو درت وش بتسوي.
أبوه:وش لها علاقه أمك،هذا موضوع خاص فيك و يا ليت تفكر زين زين،و أشر على قلبه:سو اللي يقول لك ذا.
تركي تنهد:إن شاء الله يالغالي.
ابوه: تركي ترا البنت ذاقت المر، فعشان كذا فكر زين أفضل لك و لها.
تركي هز رأسه بطيب و وقف:تصبح على خير.
ابوه ابتسم:و انت من أهله حبيبي.
تركي طلع لغرفته و قبل ما يفتح الإضاءة انتبه لنور غرفتها اللي ينور شباك غرفته و قرب شوي من الشباك و انتبه لها واقفه و سانده نفسها عالشباك و تناظر ناحية غرفته، تنهد و بعد عنها متناسي وجودها.
__
صباح جديد و عند عائلة ابو ريان.
على طاولة الفطور أبو ريان عرف باللي صار ليارا.
ابوريان:كيف صحتها؟
ريان:بخير الحمد لله.
أم ريان تناظر لرفيف:وش خلاكم تسحبون هالضعيفه معكم.
رفيف ببرود:هي اللي أصرت تجي معنا و بعدين مين معها غيرنا يمه تنبسط معه.
ابوريان باستغراب:كيف صلحت البنت.
ريان:تقول كانت تحسب للبناات بالمسبح و فجأه شافت(فلافي) الارنب يتجه للمسبح وقفت و راحت له و شالته وكانت معطيه المسبح ظهرها، جت بتقوم زحطت رجلها و طاحت بالمسبح، و هذا كله بسبب الارنب و بنتك.
رفيف ناظرت له:وش دخلني أنا.
ريان: انتي راعية الارنب و إلا لو انك خليتيه ما كان صار شي للبنت.
رفيف:لا قول أنا اللي أبي اذبحها بعد.
أم ريان:و هو صادق كان كفيتينا شرك انتي و ارنبك.
رفيف بعصبية:ماشاء الله اشوف الأم و الولد قالبين عليي خير ان شاء الله، و ناظرت في ابوها:و انت قاعد ما تقول لهم و لا حاجه بس تسمع،،،، إذا جلوسي معكم بنفس البيت يضايقكم خبروني ترا و الله عادي.
يناظرونها بصدمه.
رفيف وقفت و سحبت نفسها و طلعت.
ابوريان:انت تعتذر لأختك و انتي راضيها و غير هالكلام ما فيه، وقف و طلع لفوق.
ريان تنهد و يناظر في امه اللي تاكل ببرود و لا كأن شي صار.
__
عند رفيف
اللي طلعت و غصتها ناشبه،أخذت الارنب من الكرتونه و شالته و راحت ناحية الملعب و فتحت الباب اللي يودي للغابه،لكن رفيف ما انتبهت للوحه اللي تمنع الدخول لها.
رفيف وقفت و تنهدت شافت بوابه كبيره و مقفله بقفل،لمعت فكره برأسها و دخلت الارنب من تحتها و هي تسلقت بخفه و أخذت الارنب و مشت و انبهرت بجمال و خضار الشجر الين بعدت عن البوابه بدون ما تحس و حطت الارنب بالأرض و مسحت ظهره: اوكيه ،اليوم انت تروح لمكانك اللي تنتمي له، اجمل صديق صار لي هو أنت.
ابتسمت لما شافته يبعد عنها و ينط يمين و يسار، بحلقت عيونها و دق قلبها الف لما سمعت بخطوات تمشي وراها، حطت يدها على قلبها و بلعت ريقها و بسرعه هربت تبي ترجع للبوابه لكن رفيف ما كانت تعرف أنها متجهه بالاتجاه الخطأ و اللي تسمعه أن أحد يركض وراها إنسان حيوان ما تدري وش هو بالضبط و ما حست نفسها إلا وهي واقفه عند الشلال و هنا عرفت أنها غلطت بالمكان و جت بترجع بس صرخت لما شافته و غم فمها بقوه.
__
نزلت بسرعه متوجهه لفلة يارا تطمن عليها.
دقت الباب و فتح لها حاتم مبتسم:هلا والله، تفضلي.
ابتسمت و دخلت بهدوء:ازعجتكم.
حاتم بزعل:افا عليك البيت بيتك.
تنهدت:تسلم يارا صاحيه؟
حاتم:ما اعتقد والله.
و بتردد:طيـــ طيب و يوسف صاحي؟
حاتم:تلاقينه بغرفته توني مار عليه.
هيا ابتسمت:شكراً حاتم. و طلعت لفوق و انتبهت لغرفته اللي مفتوحه و عرفت ان ما فيه غير هالغرفتين، أخذت نفس و تقدمت لباب غرفته و دقته مرتين لما انتبهت انه على السرير يفتش بجواله.
يوسف رفع راسه و باستغراب:هلا هيا ،امريني.
هيا واقفه عند الباب:هلا بك ، و بخجل: يوسف انا ..... و سكتت.
يوسف عقد حواجبه:انتي وش هو.
هيا بلعت ريقها:أول شي الحمدلله على سلامة يارا.
يوسف:الله يسلمك.
هيا باندفاع:و أنا آسفه على الكف.
يوسف رفع حاجبه:أنا اشكرك صراحه على تعبك و جيتك لهنا ،بسسس مو مسامحك عالكف.
هيا بحزن:ليه؟ يوسف و الله ماكان قصدي بس عشان تصحى.
يوسف:ما أحد عمره ضربني كف حتى أمي و أبوي.
هيا بغصه:و الله يا يوسف أنت كنت مصدوم و من دون ما احس صفقتك عشان تصحى.
يوسف بإصرار:كمان مو مسامحك.
هيا تنهدت:وش تبيني اسوي طيب؟ ، ناظرت له:طيب تذكر لما تكلمت علي بالملعب وقتها أنا زعلت منك و حقدت عليك بس والله مسامحتك و لا كأن شي صار.
يوسف:بس انا ما غلطت عليك أنا سويت الصح.
هيا بتعب: خلاص انسى و أنا من جد بهذاك اليوم مو قصدي أعرض لك نفسي و لا عرفت ب،،،،،
قاطعها لان حط أصبعه على فمها يسكتها:اشششش ، نتفق اتفاق اوكيه.
هيا هزت رأسها بايه.
يوسف:ارجع لك الكف اللي اعطتيني إياه و بكذا تم اللي بيننا.
هيا بحلقت بعيونها:أنا تصفقني كف.
يوسف ببرود:مثل ما صفقتيني.
هيا كشرت:دام ذا اللي تبيه فامري لله، و غمضت عيونها و قربت خدها:اضربني بس حاول إنك ما تقويها.
يوسف ابتسم و مد يده يمسح على خدها و بهدوء قرب و باس خدها اليمين بعمق.
هيا فتحت عيونها مصدومه من اللي صار و التقت عينها بعينه و غمضت عيونها بخفه لما باس خدها اليسار و ناظر فيها:مو من رجولتي إني أضرب بنت، و رفع يده و مسح على خدها بخفه:خصوصاً بنوته حلوه مثلك، و ابتسم
هيا زفرت بقوه و بلعثمه:شــ شكراً ،مــ ممكن تبععد.
يوسف كان حاجزها بيدينه و بهمس:و أنا مالي شي.
هيا نزلت رأسها و تنهدت.
يوسف ابتسم و بعد يدينه:امزح معك ،تقدرين تروحين.
هيا ما صدقت و طلعت بسرعه و قلبها يضرب بقوه و اطرافها ترجف و طلعت من عنده و احمرت وجناتها و تحس أن كل الجو حاار.
__
عند رفيف اللي انصدمت من الشخص اللي قدامها و همست:تركي، و حضنته بقوه.
تركي شد عليها:أنتِ وش تسوين هنا لوحدك.
رفيف بعدت عنه:جيت عشان ارجع الارنب هنا و لما سمعت صوت وراي فكرته شي مفترس و طلعت أنت.
تركي:رفيف أنا شفتك لحالك و لحقت وراك و متأكد كمان انك ما شفتي اللوحه اللي حاطينها قبل البوابه.
رفيف عقدت حواجبها:لوحه.
تركي ابتسم:شفتي كنت عارف تمشين و أنتِ مو داريه بشي.
رفيف صدت:وهالشي يهمك؟
تركي قلب فمه:أكيد يهمني ، و حك ذقنه:كلك تهميني.
رفيف ناظرت له:عجيب والله، و اللي أنت تقوله أسلوب جديد من اساليبكم يا الرجال.
تركي تنهد و غمض عيونه بضيق.
رفيف ابتسمت بسخرية:كلامي صح.
تركي باندفاع:لا رفيف، والله العظيم ما كنت أكذب بكل كلمه قلتها لك و عن حبي لك، رفيف أنا انصدمت لما خبرتيني الحقيقه حسيت نفسي إني بدوامه ما اعرف من وين اطلع؟ عرفت بقصتك كلها و السبب اللي خلاك تطلقين و كل شي، بس صدقيني كل ذا ما حرك فيني شي غير أنه ترك حبي لك يزيد ،كنت ضايع والله بس ابيك ،ابيك بكل ظروفك ،كل ما اسمع أن طليقك يبي يرجع لك أتضايق كثير و خايف من جد إنك يتضيعين من يدي.
رفيف تنهدت و لفت و جلست على صخره جنب الشلال.
تركي جلس جنبها:وش فيك؟
رفيف بضيق:تعبت من الدنيا يا تركي، تعبت أصدق الكل.
تركي حضنها من الجنب:معك حق يا روحي بكل كلمه تقولينها و اولهم أنا.
رفيف ناظرت له:انت طوق النجاه اللي فكرت إني اتمسك فيه و غدر فيني.
تركي باس خدها و غنى لها:أحبك خلهم يدرون،،،،.
رفيف ابتسمت له.
تركي بهمس:و خالق هالكون أحبك.
رفيف اتسعت ابتسامتها.
تركي طلع شي من جيبه و هي عقدت حواجبها لما قال:اوقفي.
رفيف وقفت و هو بعد شعرها و لبسها سلسال:ابيك توعديني ما تنزلينه او تبعدينه لو مهما صار.
رفيف لفت له:اوعدك ما أتركه.
تركي:عسى ربي ما يحرمني من هالابتسامه و هالصوت و هالحلا كله، و حضنها.
رفيف:تركي.
تركي:اششش.
رفيف تبعد عنه:تركي لحظه.
تركي بعد عنها:وش فيك؟
رفيف وجهها مخطوف:وراك.
تركي التفت و شاف هذاك الدب الكبير اللي واقف فوق.
تركي بلع ريقه:اسحبي نفسك بهدوء.
رفيف صرخت:اررركض. و هربت.
وتركي ركض معها.
و بسرعه يجرون و يضحكون مثل المهابيل.
تركي وقف يأخذ نفس.
رفيف بخوف:مجنون انت خلنا نمشي.
تركي:أبي أتذكر وين الطريق؟
رفيف صرخت:جاء يا تركي.
تركي مسك يدها و كملوا يهربون الين وصلوا عند البوابه و تركي رفع رفيف بسرعه:انتبهي لا تاذين نفسك.
رفيف نزلت بسرعه:يلا تركي بسرررعه.
تركي طلع من البوابه و ما حس إلا باللي هز البوابه و خلاه يطيح.
رفيف صرخت:تركي.
تركي وقف بألم و مسك كتفه و بعد عن الباب.
رفيف ركضت له و مسكت يده:جاك شي.
تركي هز رأسه بلا.
رفيف تناظر في الدب اللي يحاول يخلع الباب من مكانه:خلنا نبعد من هنا.
تركي مشى معها و وصلوا للباب اللي يفتح الملعب دخلوا و قفلوه.
رفيف تناظر فيه و هو يناظر فيها و انفجروا ضحك.
تركي تألم من كتفه.
رفيف بخوف:يوجعك صح.
تركي هز رأسه بلا:دام انتي معي فما فيه شي يوجعني.
رفيف ابتسمت و باصرار:قوم معي عند حاتم عشان يشوف لها.
تركي:ما فيه داعي.
رفيف:اوكيه ،إذا شدت عليك اوعدني انك تروح تشوف لها.
تركي باس جبينها بخفه:وعد ،عن اذنك باروح أخذ دش بعد المغامره الطويله.
رفيف:اذنك معك ، ومشت لفلتهم و لفت تشوف إذا دخل، ابتسمت لما شافته ينتظرها تدخل ،رفعت يدها و أشرت له بباي.
كان آخر يوم للكل و ودعوا بعض و بقية الأهالي يبون يقضون أوقات مع عيالهم قبل ما يرجعون للسعوديه.
__
عند يوسف
طلعت يارا و وجهها مخطوف و الجوال في يدها ،جلست جنب يوسف:ولد يوسف.
يوسف ناظر لها ببرود:وش فيك؟
يارا بصدمه:خالتي تزوجت.
يوسف ابتسم:احلفي.
يارا:والله.
يوسف بفرح:الله يوفقها يا رب، تستاهل كل خير خالتي.
يارا:يالمهبول ترا العريس أبوك.
يوسف بحلق عيونه بصدمه.
يارا:لا تناظرني كذا، هذي خالتك داقه علي و قالت لي بكل شي.
يوسف:و العله ذيك وش صار فيها.
يارا اتسعت ابتسامتها:طلقها أبشرك و انقلعت باللي ما يحفظها.
يوسف باس جبينها:أسعد خبرين سمعتهم اليوم، و طلع جواله يكلم أبوه و يتطمن عليه و يتأكد من الخبر.
__
عند ابوشهد
كان يكلم بجواله و مبتسم و آخر كلمته:تنورونا يا ابو طلال، و قفل.
أم شهد:ابتسامتك ذي فيها شي.
ابو شهد مبتسم:اكيد دام ابو طلال اللي يكلمني.
أم شهد: كأنه أول مره يكلمك.
ابو شهد:كلمني و قال لي بيجون يزورونا بالليل و زيارتهم ذي غير عن أي زياره ثانيه و فهمك كفايه.
أم شهد بفرح:اماانه اللي تقوله ،يعني أخيرا نشوف شهد عروسه.
ابو شهد مبتسم:إن شاء الله.
أم شهد:الله يتمم لهم يارب.
سمعت كل شي و انصدمت،راحت لغرفتها بسرعه و صارت تروح و تجي بالغرفه و تمسك رأسها و بغبنه:لا لا ،مستحيل يصير هالشي.
أخذت جوالها و بسرعه رنت عليه و جاها الرد:هلا حبيبي.
شهد بغصه:حاتم وينك؟
حاتم:في البيت،خير وش فيه صوتك كذا؟
شهد بدموع:حاتم أبوك بيجي الليله و يطلب يدي لاخوك، و الله يا حاتم لو ما تجي و تحط حد للموضوع لا انت و لا أهلي بتشوفوني مره ثانيه.
وقفلت في وجهه و غطت وجهها تبكي.
__
عند رفيف
ريان بصدمه:وين نقلتنا يبه؟
ابوريان:قريب من فلة ابو تركي، أنا نقلتكم هناك عشان لا سمح الله يصير شي تكونون قريب منهم.
رفيف بغبنه:بابا النقل يتعب.
ابوريان:ما راح يتعب و احنا بنكون سوا.
أم رفيف:و بعدين اغراضكم مو كثيره.
ريان:الله يكتب ما فيه الخير.
__
عند شهد
اللي فتحت عيونها بتعب و على صوت أمها:يلا شهوده حبيبي قومي خذي لك دش ينشطك و بدلي ملابسك جاينا ضيوف.
شهد بتصريفه:معهم بنات؟
أم شهد:لا رجال جايين لبابا يا روحي.
شهد ببرود:وش علي أنا منهم، و إلا لازم اصف جنبه و أقول للكل تفضلوا حياكم الله.
أم شهد عقدت حواجبها:وش فيك تكلميني بهالطريقه.
شهد خزرتها:سلامتك، وقفت و راحت غسلت وجهها و طلعت لأمها اللي فاتحه دولابها و تختار لها لبس.
شهد:وش تسوين يمه؟
أم شهد لفت لها:اطلع لك لبس تلبسينه.
شهد:وش المناسبه؟ و رن الجرس و بسرعه شهد راحت تفتح و شافت حاتم واقف و الجوال بيده حضنته بقوه:الحمد لله.
حاتم بعدها عنه و بجمود:وين أبوك؟
شهد:داخل بالصالون.
حاتم:ادخلي معي.
شهد هزت راسها بايه و دخلت و شافت ابوها واقف:شهد مين اللي عند الباب.
شهد:حاتم يبيك.
ابو شهد ابتسم:خليه يتفضل.
حاتم دخل من قبل ما تقول له شهد و وقف جنبها:مساء الخير.
أبوشهد ابتسم:مساء النور ،تفضل حبيبي.
حاتم تقدم و مسك يد شهد و راح لناحية ابو شهد و سلم عليه و جلس و هو ماسك يد شهد ما تركها.
ابو شهد:حيا الله حاتم.
حاتم بملامح جامده: الله يسلمك،شوف يا عمي أنا بادخل بالموضوع على طول.
ابو شهد:امرني حبيبي.
حاتم تنهد و ناظر في شهد اللي تناظر له ساكته.
حاتم لف لابوها: أنا جايك و متشرف بأني اناسبك و أخطب شهد على سنة الله و رسوله.
شهد انصدمت و أبو شهد رفع حاجبه باستنكار.
حاتم:أنا اعترف لك بأني أحبها و أعشقها و اموت فيها و مو مفكر ان اي وحده غيرها تكون شريكة حياتي و ام عيالي غيرها وإذا كانت هي عينك أنا عيوني الثنتين.
شهد شدت على يده و منزله راسها.
ابوشهد:حاتم أنا ما ادري وش اقول بس انا ما اعرف عنك شي غير انك صديق شهد و ولد ماشاء الله ما أنكر فيك اخلاقك و شهامتك و أدبك،بس......
حاتم:وش هو يا عم كمل.
ابوشهد:أنا ما اعرف مين انت و مين أهلك و من مين تنتمي؟
حاتم:هذا اللي بيخليك ترفضني.
ابو شهد سكت.
حاتم:اذا هذا الشي اللي يخليك ترفض فأبي أقول لك إني أنا حاتم ولد عبدالرحمن آل ،،،، ،و اكيد انت تعرف أعز صديق لك و قصته مع ولده اللي راح و تخلى عنه.
ابو شهد انصدم.
__
عند تركي
أم تركي بعصبيه:ولدي أنا ياخذ مطلقه، ليه وش ناقصه؟
ابوتركي بهمس:نزلي صوتك يا بنت الحلال.
ام تركي:و ليه؟
ابوتركي بهدوء:ياروحي يا قلبي أنا ،ولدك يحبها و يبيها.
أم تركي ضربت رجولها و بغبنه:طيب وش ناقصه عشان يأخذ وحده مطلقه أنت فهمني، يعني الدنيا خلت و مابقى إلا البنت ذي بالذات.
ابوتركي تنهد:لا حول و لا قوة إلا بالله.
ام تركي:و بعدين بنت مين ذي اللي ولدك يحبها و يبيها.
أبو تركي:لاااا ابد ما تعرفينها مو ولدك عرفها علينا و قال مايبي غيرها.
أم تركي سكتت و بحلقت عيونها:لا تقول بنت أبو ريان.
ابوتركي:ايه هي رفيف.
أم تركي:و جايه تنستر مع ولدي.
ابو تركي:يا بنت الحلال البنت مالها دخل ولدددك اللي راكض وراها و يبيها.
"ولا أفكر إني أخذ غيرها"
انتبهوا له أهله و لفوا مكان ما واقف.
أبو تركي تنهد:تعال حبيبي.
تركي واقف و يرفع كم بلوزته:مستعجل يبه.
أم تركي:وين رايح؟ و بعدين تعال الموضوع ما خلص.
تركي بتكشيره:مو انتي تبيني اتزوج و هذا أنا اخترت البنت اللي ابيها.
أم تركي بصراخ:بس مو مطلقه.
تركي:بالنسبه لك مطلقه بس أنا اشوفها ملكة حياتي، عن اذنكم و طلع.
أم تركي بحده:شفت ولدك بيذبحني.
ابو تركي:طولي بالك ،ترا يمكن البنت ذي هي اللي فيها خير بدال البنت اللي حاطتها براسك.
أم تركي وقفت:ولدك له حساب معي.و مشت.
ابوتركي بتعب:لا حول و لا قوة إلا بالله.
__
عند ابو شهد.
يناظر حاتم مصدوم ،تنهد و رفع جواله اللي يرن ورد بجمود:هلا حسين.
حسين:طال عمرك ،حاتم اللي ندور عليه طلع صديق لشهد بنتك بالجامعه.
ابو شهد:خلاص يا حسين ذا الموضوع قفلوا عليه ما قصرتوا.
حسين:حاضر طال عمرك.
ابوشهد:مع السلامه و قفل.
حاتم تنهد:يا عم انا،،،، ابو شهد قاطعه:حاتم ليه ما قلت من أول انك ولد عبدالرحمن.
حاتم سكت.
ابوشهد:صار لنا أكثر من شهر و احنا ندور عليك عشان ابوك، ليه ما قلت وقت ما كنا بالمجمع و أبوك موجود، وناظر لشهد و بنبرة عتب:و انتي شهد ليه خبيتي الموضوع؟
حاتم:شهد مالها علاقه بالموضوع، هي ما عرفت إلا قبل يومين و أنا اللي طلب منها ما تتكلم، خلنا من ابوي الحين ،أنا جيتك عشان موضوع شهد.
ابوشهد بحده:أبوك هو الموضوع الأهم و إذا كان عن شهد ما راح أعطيك إياها إلا لما تجيب أبوك و يخطبها لك.
حاتم ببرود:أنا عارف ان ابوي جايك و معه طلال عشان يخطب شهد،لكن و اللي رفع سبع شهد ما بتكون لغيري و هذا أنا حلفت.
شهد بجرأه:و لا تفكر إني باكون لغير حاتم.
ابو شهد ابتسم و أخذ نفس:اوكيه يا حاتم شهد لك بس مسألة انك تخبي عن أبوك هذا شي أنا ما أقبل فيه.
حاتم سند نفسه عالكنبه:و أنا جالس منتظره هنا و ياليت تساعدني انت بالموضوع ذا.
ابوشهد:إن شاء الله، و ناظر في شهد:ما ودك تروحين و تسوين لنا ذاك القهوه الزينه.
شهد:وش يضمن لي إنه بيكون بخير.
ابو شهد بحلق عيونه:شهد وش ذا الكلام.
شهد رفعت اكتافها:و أنا صادقه.
حاتم همس:روحي عشان لا اسوي شي انتي ما تبينه.
شهد عارفه ان حاتم ما يهمه أحد و وقفت بسرعه و بلعثمه:بابا بــ باروح احــ أحضر القهوه.
ابو شهد:الله يقويك، و بذا اللحظه رن جرس البيت خلا قلب حاتم يدق بقوووه.
__
عند وسن
اللي جالسه عاللاب توب و تحوس فيه، جت لها هيا اللي بيدها ايس كريم و باستغراب:وش جالسه تناظرين؟
وسن ابتسمت:موقع يصمم غرف نوم تبع أطفال.
هيا جلست و ناظرت في اللاب توب و ابتسمت:يا حليلهم، جممااال.
وسن متخرفنه:مررره.
هيا ناظرت لها:لا تقولين ناويه تصلحين غرفه للورع.
وسن بحلقت عيونها:ورع بعينك ،و تأشر على بطنها:ترا ذا شيييخك.
هيا خزرتها:انكتمي انتي و ورعك و قولي لي وين بتحطينها؟
وسن:جزء من غرفة النوم باصمم له هناك.
هيا:ما عندك سالفه يا شيخه و أنا مفكره إنك بتروحين تقلبين الغرفه ذي، و أشرت لها على واحده من الغرف.
هيا:مجنونه أخلي بزري في غرفه لحاله و هو عمره يومين.
هيا وقفت:أفكر عندك سالفه.
وسن:اعتذر إذا سببنا لك إزعاج.
هيا طنشتها و شغلت التلفزيون.
__
عند تركي
اللي واقف جنب بناية ريان و داق عليه و ما يرد،و طفش من هالحال أكثر من خمس مرات يدق عليه و لا فيه اجابه و عصب عليه.
نزل من السياره و دخل البنايه و استقل اللفت و صعد لفوق، و رن الجرس و رن مره ثانيه و انتظر دقيقه كامله و انفتح الباب و عقد حواجبه لما شاف رفيف و أنفها احمر و ابتسمت لما شافته و طلعت له و ردت الباب وراها و حضنته.
تركي شد عليها و بخوف:رفيف وش فيه؟
رفيف كانت ساكته و زفرت بخفه و بعدت عنه:ابوي طاح علينا و الدكتور عنده جوا.
تركي مسك يدها:ما فيه إلا العافيه إن شاء الله.
رفيف:تركي، من أول يوم جاء عندنا و أنا حاسه انه مو ابوي اللي اعرفه.
تركي عقد حواجبه:وش لون؟
رفيف:ما ادري تركي بس متغير كثييير و اليوم طاح بيننا.
تركي باس جبينها:عشان خاطري ما عاد أبي اشوف دموعك انتي اقوى من كذا يا روح تركي.
رفيف هزت رأسها بايه.
تركي مسك وجهها و رفع رأسها له:احببك.
رفيف ابتسمت له.
تركي صغر عيونه:دام ما راح نسمع جواب، شوفي لي طريق ادخل للوالد.
رفيف مسكت يده و دخلت و توجهت لغرفة أبوها و دخلوا سوا.
____
يتبع ——->