"Krish, Krish."
Karishma college pahunchi to ek jani - pahchani aawaz uske kanon me padi aur uske chehre par irritation aa gai.
"Krish tumne shadi kar li." Nam aankhon aur hurtful expression ke sath Alisha ne uske samne aakar kaha.
"Han kar li, kyon tumko bahan wali rasmen karni thi kya?"
"Krish tum aisa kaise kar sakti ho? Tum janti ho na ki I love you. Tum to us se shadi todne wali thi."
"Ek baat kaan khol kar sun lo, tum humse pyar karti ho ye tumhari problem hai. Rahi baat hamari to tumse pyar karna to door hum tumko pasand tak nahi karte. Hum bhule nahi hai ki tumhari vajah se Santu ki aawaz jane wali thi. Devi maiya ki kirpa thi ki aisa kuch hua nahi."
"Krish, it was a silly mistake."
"Chup." Karishma ne apne hothon par ungli rakhte huye kaha. "Humko pahle hi bahut si tensions hain aur unse bachne ke liye hum college aayen hain, faltu logon ki bakwas sun ne ke liye nahi. Abhi humko class lagane jana hai to side hato."
Karishma use side me karte huye wahan se chali gai.
"I can't believe ki tumne us behanji se shadi kar li Krish. I hope tumhen jaldi akal aa jaye aur tum use chhod do."
——————
Karishma ne bhale Haseena ke sath jane se mana kar diya tha lekin uske pagfere ki rasm to jaruri thi so Pushpa ji Haseena ke sath uske mayke chali gai.
Ammi ne darwaje par unka swagat kiya aur fir unki aankhen Karishma ko talashane lagi.
"Krish nahi aai?"
Unke sawal pe Pushpa ji uncomfortable ho gai lekin Haseena ne calmly jawab diya.
"Ammi, wo kya hai na ki kuch dinon me unke exams hai to wo college miss nahi kar sakti thi isliye nahi aa pai."
"Ha par wo tumhen lene to aayengi na? Wo Pushpa ji ne bataya tha ki is rasm me patni ko mayke se lekar jana mayne rakhta hai."
Ammi ke is sawal ka jawab to Haseena ke pass bhi nahi tha.
Wo Pushpa ji ki or dekhne lagi to unhone Salma ji se kaha.
"Han...han jarur aayegi. Use bhi pata hai ki ye rasm kitni mahatvapurna hai. Abhi hum baki ki rasmen kar lete hain."
Aise hi pura din gujar gya. Sham hone par unhen vapas jana tha lekin Karishma Pushpa ji ki call ka jawab nahi de rahi thi jo dopehar se use kai call kar chuki thi.
"Kya hua Pus....bua ji, call uthaya?"
"Nahi bahu rani pichle 3 ghante se call kar rahe hain lekin wo utha hi nahi rahi. Ab to phone bhi band aa raha hai."
"Bua ji, hum chalte hain aur agar ammi puchhegi to koi bahana bana denge."
"Han yahi sahi rahega."
"Aap dono yahan hain." Salma ji ne dono ke pass aate huye kaha jo Haseena ke room me thi. "Hasee, beta jo saman tumhen lena tha wo le liya kya? Krish bhi wait kar rahi hain bahar."
"Krish?" Pushpa ji aur Haseena ne ek sath hairani se kaha.
"Han unhen aaye 10 minute ho gye hain. Aap dono bahar nahi aa rahi thi is liye humen aana pada."
Dono Salma ji ke sath bahar gai to Karishma wahan baithi phone chala rahi thi.
"Krish, lo aa gai aapki patni." Ammi ne kaha to Karishma ne phone side me rakh diya. Usne dekha ki uski bua aur Haseena use aise dekh rahi thi jaise koi bhut dekh liya ho. "Pushpa ji wo vida karne se pahle kya rasm karni thi jara fir se bata dengi ek baar."
YOU ARE READING
Aur Pyar Ho Gaya
FanfictionKarishma singh is the only child of Gagan Singh and Ekta Singh. She is the heir of Singh industries. She is tomboyish. Although Her father and aunt support her but her mother is still struggling to accept the fact that her daughter is a lesbian. She...
