Haseena kitchen me thi. Pushpa ji uski help kar rahi thi.
"Bahu rani sabse pahle to tum gas chulhe par swastik banao. Ruko hum batate hain kaise......"
is se pahle ki Pushpa ji apna vakya pura karti Haseena ne stove par swastik bana diya aur yeh dekh Pushpa ji ke chehre par smile aa gai.
"Ab kadai chadhao aur pahle na halwa banega."
"Ji bua ji."
Aise hi Haseena ne Pushpa ji ki sahayata se sara khana taiyar kar diya.
"Krish kahan hai?"
"Bua ji wo so rahi hain, der raat tak study kar rahi thi na."
"Hey Shiv ji kahin ye ladki apni tabiyat na kharab kar le." Fir achanak se Pushpa ji ko kuch yaad aaya. "Bahu rani, Kuch hua hai kya? Hamara matlab hai ki shadi tak to Krish thik thi lekin ab uska vyavhar thoda badal gya hai."
Unki baat sun kar Haseena ka chehra utar gya.
"Wo bua ji..darasal wo unhen
80 lakh wali baat pata chal gai hai."
"Kya?" Kisi ne jor se kaha
Dono ne palat kar dekha to kitchen door par Ekta khadi thi.
"Kya......kya kaha tumne abhi?" Ekta ne Haseena ke paas aakar fir se pucha, is ummeed me ki jo usne suna wo galat ho.
Haseena ne kuch nahi kaha bas najren jhuka li. Ekta upset hokar stool par baith gai.
"Bhabhi......"
"Pushpa jiska dar tha wahi hua, Karishma ko sach pata chal gya. Is...is liye wo humse aise pesh aa rahi hai."
"Bhabhi humne jo kuch kiya wo uski khushi......."
"Uski khushi ke liye nahi kiya ye humne tum achche se janti ho. Humne to apni ego satisfied karne ke liye kiya kyonki hum nahi chahte the ki wo apni pasand ki ladki se shadi kare. Maine tumhari baat maan kar bahut badi galti kar di."
Ekta ki baat sun kar Pushpa ji ko gussa aa gya.
"Bhabhi aap sara dosh hum par mat lagaiye. Haseena ko 80 lakh humne to nahi diye."
Haseena nanad - bhabhi ki is every other day wali fight se anjan thi isliye unhen aise ladte dekh wo saham gai. Use laga ki baat kahin badh na jaye is liye wo bhagi - bhagi apne room me gai yahan Bed par Karishma pet ke bal so rahi thi.
"Krish Ji....Krish Ji." Usne kandhe ko shake Karte huye Karishma ko jagane ki koshish ki. "Krish Ji uthiye."
"Sone dijiye na, hum baad m padh lenge." Karishma ne half sleep me kaha.
"Krish Ji please uth jaiye na."
Haseena ke Continues uska shoulder shake karne se na chahte huye bhi Karishma ko uthna pada.
"Ka hua....bhukamp aaya hai kya kahin?"
"Krish Ji aap hamare sath chaliye."
Karishma ne time dekha aur Haseena ki or aankhen nikali.
"Abhi 7 bhi nahi baje, kahan jana hai aapko itni subah. Aapko pata hai na hum der raat tak jaag rahe the."
"I am really sorry but aapko chalna padega. Mummy ji aur bua ji aapas me jhagad rahi hain."
Haseena ki baat sun Krish ne uski taraf aankhen nikali.
"Iske liye aapne hamari neend kharab ki? Unka roj ka hai ye."
"Nahi, aap samajh nahi rahi hai unka bahut bada jhagda ho raha hai."
"Unka ye bahut bada jhagda hamare liye hi ho raha hoga?" Karishma ki baat sun kar Haseena ne surprisingly yes me nod kiya. "un dono ke 99% jhagde hamare liye hi hote hain. Ab jaiye aur humko sone dijiye waise bhi jab aap niche jayengi to jhagda khatm ho chuka hoga."
YOU ARE READING
Aur Pyar Ho Gaya
FanfictionKarishma singh is the only child of Gagan Singh and Ekta Singh. She is the heir of Singh industries. She is tomboyish. Although Her father and aunt support her but her mother is still struggling to accept the fact that her daughter is a lesbian. She...
