جنة عابد

١

#جنه_عابد

بقلمي ..#wared_wa

قرائة ممتعة ..💗

يقول أحدهم : سألت امي ذات يوم ماهو الحب ؟
‏ فـ اجابت : " هو الذي بيني وبينك "
‏ولم أجد من يومها إجابة أصدق منها

.
.
المدينة المنورة ( بأحد الاحياء البسيطة )
بسنه ١٩٩٩ الساعة ٣:٥٠ م
فتح باب العمارة يصعد الدرج بخطوات مليئة بالتعب وصل امام شقته يبحث عن المفتاح في جيبه ويسمع اصوات عالية بالدور العلوي القلق تملك قلبه شقة امه وابوه فوق لايكون صايبهم شي
صعد والدرجة صارت درجتين من الاستعجال فتح الباب بالمفتاح الاحتياطي ووضحت له الاصوات

زينب : مالك حق تتدخلين وليدي وانا حرةٍ فيه يكفي علي صابرة على وليدك وانا ماشفت خير منه من يوم زواجي الله لا يسامح ابوي وعمي اللي ربطو اسمي مع وليدك من الصغر

منيرة : خافي الله يامره ، مثل ماهو وليدك هو حفيدي ولي حقٍ فيه مثل حق ابوه ووليدي اللي ماهو عاجبك يجي يوم وازوجه تاج راسك واجلسي تحسري يازينب يابنت سعاد
زينب : هه زوجيه خله يتحمل مصاريف عياله لجل يتحمل زوجةٍ ثانيه
حست بيد تمسكها من شعرها
صرخت وضربها بقسوه على فمها
-والله هذا اللي كان ناقصك تجين وتعلمين صوتك على امي وصوتك واصل لاخر العماره
رماها عند رجل امه واردف بصوت اعلى
- حبي رجلها وانزلي جمعي اغراضك اوديك لهلك اشوف عمي شلون يرضى بتربيتك
منيرة: لا يمه عابد لاتكبر الموضوع

عابد: يمه رحمه لوالديك لاتتدخلين وصلت حدها معي
وصرخ
-قومي قومي لابارك الله بهالخلقه الزفرة
قامت وهي تبكي بقهر وتهمس
-حسبي الله ونعم الوكيل فيك

تنهد وجلس عالارض مسك راسه بآلم
منيره :يايمه المشكله بيني وبينها مايستاهل اتكبر المواضيع وتوصلها لاهلها
عابد :يمه انا نفسي جازةٍ منها ومتحمله لاجل خاطر عمي ولا واحدٍ غيري من زمان مؤديها لاهلها ورامي عليها يمين الطلاق

منيرة : تهدى بالله ياعابد بينكم اطفال وين توديهم ، خلها هي تربيهم وانا من عين الصبح اروح وادور لك على عروسه
عابد: يمه اللي يعاشر زينب يتوب من الزواج وسيرته
وقف من مكانه
-رايح اوصلها يمه تودين بشي اجيبه معي
منيرة : لايمه سلامتك
.
.
.
بقت جالسة ويدها على خدها ومقهورة على حال ولدها اخوانه كلمن ابوهم مشتري لهم ارض وبانيها وماخذين لهم بنت الحلال ومرتاحين الا عابد اللي ماخلا ابوه يشتري له مثل اخوانه كان يبي يشتري ارض وبيت من تعبه

كبر وهو من صار عمره ١٨ سنه يقوم الصبح يروح مزرعة ابوه يجمع النعناع ويروح  يبيعه بالطريق وبالحر وياخذ رزقه يجمع نص ويعطي امه منه نص
وكان ابوه وعمه متفقين من ولادة زينب زينب لعابد وعابد لزينب
جمعت امه الفلوس اللي كان يعطيها وخلته مهر له لانها تدري في ولدها نفسه عزيزة و مايقبل ياخذ مهر من ابوه
ولكن ماكانت راضية بزينب لانها تعرفها مثل اخلاق امها سعاد حاولت مع ابو عابد يغير رايه ويروح يزوج عابد بعيد عن اهله لكن كان جوابه
-ماقدر بعد هالعمر اتفاشل مع اخوي واقوله مابي بنيتك