جنة عابد

٦

#جنه_عابد

بقلمي ..#wared_wa

قرائة ممتعة ..💗

.
.
بعد يوم طويل دخل عابد للغرفة بتعب وعيونه عالباب ينتظرها مرت اكثر من نص ساعة لكنها مادخلت خذا جواله وهو يتصل على امه
منيرة : هلا يمه
- يمه وينهي جنه؟
- هني بالمطبخ تساعد البنيات تبي منها شي؟

- اي يمه خل تجيني
- طيب هالحين ارسلها

قفل الخط وهو ينتظر دقائق ودخلت وهو يشوف وجهها متعوب
نزعت كعبها وهي ماتحس بأطراف اصابعها رفعت شعرها وهي تخلي عنقها يتنفس

وهو عيونه تتأملها
جنه: امر عمتي قالت تبيني؟
فتح يده واردف
- تعالي ابيك ابي انام

عقدت حاجبها
- طيب نام
- تعالي بحضني لجل اقدر انام
- اغير ملابسي

- تعالي الى مانام وبعدين روحي غيريها
تقدمت وجلست بطرف السرير انسدحت وهو اقترب وخذا راسها على صدره ويستنشق ريحة عطرها وهي بمكانها متجمده
جر حسره واردف
- لمتى تبقين حارمتني من هالحلا؟
- ع عابد خل اقوم

تنهد وعطاها ظهره يحاول ينام
اما هي بدا ضميرها يأنبها ناحيته

قامت وغيرت ملابسها ولبست عباتها نازلة الدرج و صادفت زينب خارجة من بيت منيرة ومعها عيالها زينب ناظرت جنه بحقد ونزلت لشقتها
اما جنه تجاهلت ودخلت لبيت منيرة

شافت الضيوف كلهم راحو وبقى سلفاتها وعمتها يشربون شاهي وصوت الضحك واصل لعندها
راحت لهم وجلست بجنب منيرة اللي ابتسمت اول ماشافت جنه

- تعالي يمه ، رحتي لزوجك
- ايه نام
- يمه جنه سمعيني زين وليدي عابد متعوب وتزوجك لجل يرتاح لاتزيدين عليه تعبه ، انا كل ماناظرت عيونه واشوفه شلون تلمع بسيرتك والله وليدي طايح ومحدن مسمي عليه جا اليوم واللي اشوفك تعشك يا عابد دايم اقوله يمه عابد مصيرك تعشق لك بيوم ويقولي يمه انا هذا مقفل عليه يقولها وهو يأشر على قلبه
واضنك انتي لاقيتي مفتاحه ياجنه انا قلت هالكلام لجلني قلبي حاس بوليدي للحين باقي متعلعل وتعبان انتبهي عليه زين وانتي تعرفين تشيلين من قلبه هالتعب

كلام منيرة وكانه زاد تعذيب الضمير عند جنه
تنهدت وجالسة معهم لكن ذهنها شارد
وقامت وهي تحس بالافكار اتعبتها

وطلعت لشقتها دخلت لغرفتها وهي تشوفه نايم نامت بجنبه وهي تناظر بوجهه
- مابي اقرب منك مابي احبك وبعدها يبقى قلبي يتعذب
بقت تتقلب وحست بيده تسحبها بحضنه
وتكلم بصوت تعبان مليئ بالنوم
- وش فيك تحوسين قولي تبين حضني مايبي لها هالحوسه
قالها وضحك