جنة عابد

٢

#جنه_عابد

بقلمي ..#wared_wa

قرائة ممتعة ..💗

عندي مشاعر كلها حب وإحساس
‏مير القلوب السود جت وذبحتها

‏يسري بنا في تالي الليل هوجاس
‏صوب السنين اللي حياتي قضتها..!
.
.
.

ابو علي : هاه ياعائشة راحت جنه اليوم التحفيظ؟
عائشة: لا والله ماراحت محمد خرج من الظهر ومارد وانت من الفجر بالحرم خفت ارسلها وحدها
ابو علي : خير ان شاء الله خل اسال هنا عن تحفيظ قريب تروح له وانتي توصلينها مشي
عائشة : لويش ماتسجلها بتحفيظ الحرم ويصير بكل مره تروح تاخذها تسمع وتردها معك
ابو علي : لا ماينفع اخذها معي وانا اشيل ركاب واوصلهم للحرم

قاطعتم صوت الجرس
ابو علي عقد حاجبه مستغرب
- منتظره احد؟
- لا والله ماني منتظره احد ، جنه روحي شوفي من عالباب
- طيب يمه

خرجت من غرفتها ، بنت بقوام متوسط بياضها بارز ملامحها ناعمة والملفت فيها رموشها الطويله وعيونها الكبيرة بلون بني فاتح شفايفها صغيره وانفها حاد
شعرها قصير حد كتفها ولونه فاتح ، لابسة ثوب اسود وسيع تخبئ فيه ملامح جسمها

فتحت الباب وهي تشوف جارتهم اللي جاتهم البارح زيارة بعد ماخلصو نقل وجابت لهم الغدى

-السلام عليكم وينها عائشة؟
ردت بخجل
-وعليكم السلام تفضلي ياخاله هالحين اناديها
سوت لها طريق للمجلس دخلت الحرمه وجنه جرت ناحية زوجة ابوها
- يمه المره اللي جاتنا البارحة بالمجلس تنتظرك

قامت عائشة وابو علي عيونه على بنته اللي تشبه امها ريحانه شبه مو طبيعي
ابتسم لها واردف
- تعالي يبه اجلسي
قالها وهو يطبطب عالمكان اللي بجنبه ، جلست وابتسمت له
سحب راسها بحضنه وعيونه عالسقف وهو يتذكر امها
حاوطته جنه بحب
سمعو صوت عائشة تنادي جنه
قامت جنه وتركت ابوها عيونه معلقة عليها الى ان اختفت من ناظره

وبقى ابو علي وحده والذكريات تاخذه
كان عمره ١٩ سنه راح مع امه لبيت خالته كانت توها والده ولدها وجايين يأدون الواجب كان جالس بجنب الباب ودخلت بنيه بيدها ثلاجة الشاي ومانتبهت باللي جالس خلف الباب كان موسع عيونه متفاجأ ولاول مره يشوف حرمه قدامه بدون غطاها امها اشرت لها تخرج والبنيه مافهمت على امها الى ان ام سلطان نطقت
- يا ريحانه سلطان وراك
فزت والتفت وهي تشوفه وبقت واقفة بمكانها متصنمه
امه لاحظت نظراته واردفت
-يمه سلطان غض البصر ، وانتي ياخايبة امشي بسرعة  ههههههه
حس على نفسه ونزل عينه
وهي خرجت ووجهها احمر من الخجل والموقف اللي حصل
بعدها مادرت انها دخلت قلب سلطان من ذاك اليوم وطلب من امه يخطبها وهي ماصدقت خبر فرحت وكلمت ابو سلطان بموضوعه لكن رفض رفض قاطع لانه متفق مع صديقه يزوج بنته عائشة لسلطان بقى سلطان مقهور من سمع رفض ابوه وحاول معه لكن ابوه مقفل عالموضوع