جنة عابد

١٤

#جنه_عابد

بقلمي ..#wared_wa

قرائة ممتعة ..💗

تقوله جنه💔...
تباهيت فيك .. يا كيف خذلتني !
.
.
.

تعرفو وش حسيت بلحظتها
كانها سكين مجمره ودخلت بقلبي
ماقدرت اكمل المكالمه لساني انربط من صدمتي

نور: جنه  الوو
قفلت الخط وجلست احاول استوعب
ولدي مات والحين زوجته حامل
تنهدت وصدري كله ضيق
ومافيه الا كلمه جات ببالي
- خيرة يارب

وحسيت بحرارة على خدي هذي دموعي نزلت بدون ماحس الضربه من عابد جاتني قويه وكسرتني
- اخخخ ياوجع قلبي

انسدحت عالسرير امسح دموعي ويدي على قلبي اقرا عليه لجل يهدا من نبضاته ووجعه ومنظرهم كل شوي يتردد ببالي
استسلمت لشهقاتي اللي طلعت من وسط قلبي

انفتح الباب وماحس الا بحضن يحاوطني وريحة العود هدئت اعصابي عرفته هذا ابوي هذا الحضن اللي دايم ارتاح فيه

هالمره ماسألني ولا تكلم بس بقى يمسح على شعري واسمع همسات تطلع منه عرفته جالس يقرا على راسي لجل يهديني

حسيت فيه هو يهتز ودفن وجهه على كتفي وحضني بقوه وكانه بيدخلني بضلوعه
وهمس بكلام وصل لقلبي
- ياربي امتحانك صعب هونها على بنتي يارب وامسح على قلبها

ابوي جالس يبكي عرفته من نبرة صوته ابتعدت واشوف وجهه احمر من دموعه
تكلمت بصوت مبحوح من البكا
-يبه
وصرت امسح دموعه بيدي عرفت وصل لهالحالة من شاف حالتي هذي

باس راسي واردف بنبرة حنونه
- كل شي يهون ياجنه ابوك هذا اختبار من ربك
اصبري وربي راح يعوضك خير ومافيه بعد الصبر الا الفرج

- لمتى اصبر يابوي تعبت
- افااا ياعيون ابوك لاتقولين هالكلام جنتي قويه بإيمانها ماتضعف من اول اختبار

مسحي دموعك يبه لاتعبيني وانا اشوف حالك
والله انا ماهزني بحياتي الا وفاة امك ودموعك

مسحت دموعي وكلامه عطاني قوه وامل
وحضنته وانا ابوس راسه
-الله يخليك يارب

- جهزي اغراضك جيت اعطيك خبر بنروح للرياض الفجر انا وانت عمتك مسويه عزيمه لصادق ولدها وطالبتني اجي واجيبك معي لجل تتونسين مع بنيتها فاطمه
- طيب يبه

.
.
قمت اساعد امي بشغل البيت وتجمعنا عالغدا
ابوي يقطع العيش ويحطه قدامي ويقرب مني الصحون لجل اكل