جنة عابد

٨

#جنه_عابد

بقلمي ..#wared_wa

قرائة ممتعة ..💗

إيه احبك وعن حبك يا عساني ماتوب ...
.
.
.
خلص بيعته وجلس بالسيارة يحسب اليوم كثير اللي شرو منه لين مانتهى النعناع من عنده ولاول مره يصير معه هالشي حمد الله وشكره وحرك سيارته وفرحة متملكته

خلصت شغل البيت وجلست تقرأ قران وتراجع حفظها اندمجت بالقرائة ونست نفسها ومانتبهت لصوت الباب

دخل عابد وسلم وعيون تدور عليها سمع صوت تلاوه من غرفته مشى الى ان وقف عند الباب وهو يسمع صوت تلاوتها فتح الباب شافها فارشة سجادتها ولابسه احرام صلاتها وتقرا بخشوع وتركيز وترتيل

تسلل لقلبه الطمأنينه من صوتها وانسدح عالسرير وهو يسمع صوتها لين ماغفى بدون مايحس

حس ببروده تلمس زنده فتح عيونه ويشوفها رافعه شعرها ولابسة ثوب اسود

جنه: عابد تبي احط لك اكل؟
عابد : لا مابي تعالي بحضني شوي اقولك شي

جنه : عادي قوله وانا واقفه هني
عابد: يبه لاتعارضين تعالي يلاه

زفرت نفسها وانسدحت بجنبه وخذاها بحضنه

عابد: من تزوجتك والخير يهل علي من كل جانب احمد الله واشكره عليك وعلى رزقه ومن فرحتي اليوم نويت اخذك نروح للطايف  نجلس يومين نغير جو ونرد للمدينه

جنه : الطايف بعيدة وتعب عليك السواقه
- لا كلها ٤ ، ٥ ساعات ونوصل مافيه تعب

سألت بتردد ؛ وزينب؟
عقد حاجبه : وش بلاها؟

- بتجي معنا؟
رفع راسها ومسك خدها يمرر ابهامه عليه
- لا زينب ولا غيرها انا وانتي بس

ابتسمت بفرحة وخجل باس راسها واردف
- عسى هالسعادة ماتفارق هالمبسم الحلو
.
.
اصبح الصبح ومشينا على الطايف بعد ماودعنا عمي وعمتي ووصلني عابد لبيت ابوي اودعه
ونفسها لهفة ابوي ماتغيرت بالعكس زادت احسه كل مايشوفني يشوف امي فيني
خذاني بحضنه الدافي هالحضن اللي القى فيه الامان

وسلمت على محمد اللي هو الاخر واضح بعيونه الاشتياق البيت فضى عليهم بعد مامشيت
وامي عائشة مافيه مره حسستني انها ماهي امي بالعكس تحبني كأني ضناها وترجمت شوقها لي بدموع

ورجع ابوي خذاني بحضنه واشوف عيون عابد تنط من مكانها والغيرة ارتسمت على ملامحه
بس مايقدر يقول شي بالنهاية هذول ابوي واخوي
سلطان : انتبه لجنتي وخل بساتينها مفتحه وخضرا
- بعيوني ياعمي