جنة عابد

٣

#جنه_عابد

بقلمي ..#wared_wa

قرائة ممتعة ..💗

خل الهموم تعيش في ذمة الغيب
‏" محدن من الايام - راح متعافي ".
.
.

اصبح الصبح والسماء تزينها الغيوم وريحة المطر ترد الروح
جهزت الفطور وفرشته بالصالة
اجتمعو هي وزوجها وولدها ياكلون بصمت وتحس بولدها ماهو على بعضه

منيره: خير ياعابد وجهك اليوم مايطمن ؟
تنهد
-لا يمه مافيه الا كل خير ، بالعافية انا رايح لشغلي
ابو عابد: لاتتأخر اليوم عندنا عزيمه ببيت خالك
عابد: ان شاء الله
خرج من العمارة وفتح السيارة و
استرجع بالذاكره لليلة البارحة
-انت اللي خطبت بنيتي
سكت ماعرف وش يرد لكن هز راسه
-اسمع ياولدي حنّا جيران ماهو صعب علي اعرفك واعرف اهلك ونتناسب واعطيك بنيتي، وانا من ارسلت الرفض ماهو عيب فيك ولا تقليل شانك وكسر خاطرك بالنهاية الزواج قسمه ونصيب

لكن انا جاي انصحك ماهو عيب تنزوج الثانيه هذا شرع الله لكن بشروط ،بس العيب يبه من تكون زوجتك تخاف الله وجايبة لك عيال يسندوك بكبرتك وتجي انت تتزوج عليها وتكسر بقليبها انا مادري وش ظروفكم ولا ادري وش اللي بينكم بس انا جاي اصحي لك الضمير ان كان نايم

ان كانت ماهي مقصرة معك في جانب لاتكسر بقلبها ترا يوم القيامه وراك حساب
وان كان فيه سبب مقنع تاخذ الثانيه لاتنسى تعدل حزن المره ماهو هين عند ربك لاتنسى ربك وخله بين عيونك لانه هالدنيا ماهي دايمه

-شكراً ياعم عالنصيحة ماقصرت وان شاء الله اخليها ببالي ومانساها

نرجع للواقع
تنهد وهو حاير منها رضى امه وابوه ومنها خايف يظلم زينب بسبب زواجه من الثانيه رغم هي موافقه وماشاف الراحة معها وهو بالواقع محتاج زوجه ثانيه يمكن يرتاح
معها

وصل طريق مكة ونزل يبيع النعناع ويكسب رزقه والسيارات توقف لاجل تشتري منه
.
.
.
خرج من بيته بعد ماودع بنته وتنهد بحزن بسبب انه راح يغيب عنها يومين ورايح لمكه يزور اخته
شاف صديقة العزيز وزوج اخته ينظر بالسيارة فتح الباب وتوكلو
بدأت السوالف بالطريق وخذاهم الوقت

ابو علي :- ابو سالم خل نوقف انشوف لنا شي من الطريق ناخذه للاهل
-ابشر

وقف وهو يشوف اكثر من سيارة واقفه بالطريق ويبيعو النعناع الحساوي نزل ابو علي من السياره واتجه ناحية البائع

عقد حاجبه بإستغراب وهو مستغرب من وجوده
ابو علي : انت ؟
التفت وهو الاخر استغرب من وجوده
عابد : اهلاً ياعم
ابو علي : هذي سيارتك
عابد : ايه امرني كم كيلو تبي
ابو علي : عطني ٣ ربطات حساوي وواحد مغربي
- ابشر
بدا عابد يحط النعناع وملاحظ عيون ابو عليه وتفحصه بإستغراب
- تفضل
- كم الحساب؟