Sugar Daddy and his candy boy[Complete]

15💵

Scroll down for zawgyi code users

Zhang Yixing + Kim Junmyeon
{By Emily} 2022

'I told the star about
you '

တရုတ်ပြည်သူ့သမ္မတနိုင်ငံမှာ ကလန်(မိသားစုကြီး) ပေါင်းများစွာတည်ရှိသည်။ထိုအထဲမှ ကျန်းကလန်သည် နိုင်ငံရဲ့ သဘာဝတွင်းထွက်ပစ္စည်းများကို လက်ဝါးကြီးအုပ်ထားပြီး အင်အားအကြီးဆုံးဖြစ်သည်။ကျန်းသခင်ကြီးသည် သူ့တွင် သားတစ်ဦးသာရှိပြီး ထိုသားအပေါ်တွင်မျှော်လင့်ချက်ကြီးမားစွာထားရှိသည်။သို့ပါသော်လည်း ထိုသားသည် ဆင်းရဲကာမိဘမဲ့သည့် မိန်းကလေးအားချစ်မြတ်နိုး၍ ကလန်တစ်ခုလုံးအား တော်လှန်လာခဲ့သည်။

အဆင့်အတန်းကွာဟချက်များအား အချစ်တစ်ခုနှင့်အစွမ်းကုန်တိုက်ခိုက်ခဲ့သည့် ကျန်းသခင်လေးသည် နောက်ဆုံးမှာတော့ သူချစ်မြတ်နိုးသည့် အမျိုးသမီးလေးကို ပိုင်ဆိုင်ခွင့်ရခဲ့သည်။ကျန်းသခင်ကြီးတို့လင်မယားက လက်မခံချင်သေးသည့်တိုင် မိမိအိမ်မှသားငယ်အား မစွန့်လွှတ်နိုင်သည်ကြောင့် အောင့်သက်သက်နှင့်ပင် အဆင့်အတန်းနိမ့်သည့် ချွေးမအား အိမ်ပေါ်ခေါ်တင်ထားခဲ့ရသည်။

ကံတရားက ကျန်းကလန်အား အခွင့်အရေးပေးခဲ့သည်လား၊မိဘမဲ့ချွေးမလေးအား တောင်စောင်းပေါ်မှတွန်းချလိုက်သည်လားမသိခဲ့ပါ။ကျန်းသခင်လေးနဲ့ သူ့ရဲ့ချစ်လှစွာသောအမျိုးသမီးတို့ ကိုရီးယားသို့ အလည်အပတ်ထွက်ချိန်တွင် အခြားကလန်တစ်ခုမှ တိုက်ခိုက်ခြင်းခံခဲ့ရသည်။ထိုအဖြစ်အပျက်တွင် ကျန်းသခင်လေး အတိတ်မေ့သွားပြီး အမျိုးသမီးက ပျောက်ဆုံးသွားခဲ့သည်။ကျန်းအိမ်တော်သည် ထိုအဖြစ်အပျက်အား အခွင့်ကောင်းအပြည့်ယူ၍ လွန်ခဲ့သည့် အဖြစ်အပျက်များအား ငွေအားဖြင့်ဖုံးခဲ့သည်။

အတိတ်မေ့သွားသည့် ကျန်းသခင်လေးအား အဆင့်အတန်းတူသည့် လင်အိမ်တော်မှ လင်သခင်မလေး လင်ခဲ့နှင့်လက်ထပ်စေခဲ့သည်။တစ်ဖက်တွင်တော့ ပျောက်ဆုံးသွားခဲ့သည့် ကျန်းသခင်လေး၏ ချစ်လှစွာသော ဇနီးလေးသည် ရေခြားမြေခြားတွင် အားကိုးရမဲ့နေချိန်၌ သူမရှာတွေ့ခဲ့သည်က သူမတွင် ကိုယ်ဝန်ရှိနေခြင်းပင်ဖြစ်သည်။သူမတက်နိုင်သလောက်ကြိုးစားကာ တစ်ဖက်နိုင်ငံရှိ သူမယောကျ်ားကို ဆက်သွယ်ဖို့ကြိုးစားခဲ့သော်လည်း ၃လအကြာတွင် သူမသိခဲ့ရသည်က သူမကိုသိပ်ချစ်ပါသည်ဆိုသော သူသည် အဆင့်အတန်းတူအမျိုးသမီးအား လက်ထက်လိုက်သည်ကိုပင်ဖြစ်သည်။သူမ မသိခဲ့သည်က သူမ၏ကြိုးစားမှုများအား ကျန်းသခင်ကြီးက တားစီးနေခဲ့ခြင်းဖြစ်သည်။