رهائن الميتم

'14'

الحلقه الرابعه عشـر 🔥

رهـائن الميتم 🦋

ready♡
_______________•$

جـمانه: ركضنه عليها مُصعب لازمها يريد يرفعه
خليت ايدي ؏ كلبها ينبض مابيه شي رمشت بعيونها

عرفتها جذابه رجعت رمشت عود صرخي هاي
سوالفها هيج صرخت

- عززززااااا كلبهااا مينبضضضض اسـوووووووو
ماتتتتت يمهههه سودههه عليهههه اسـوووووو

اني كلت هيج لو الدنيا نكلبت البنات كامن يبجن
الولد يتراكضون واحد ينضرب بواحد مُصعب
يريد يشوف نبضها واني نايمه ؏ اسـو وابجي
بالجذب اخر شي كام مُصعب واركع بكر بوكسي

؏ عينه وكع بالكاع الدم يتطافر والولد ركضو
لزمو مُصعب يريدو بس يوكف يهجم ؏ بكر

قهرني بكر وجهه صار اصفر ويكول مو قصدي
اضربها حيل اجت الضربه ع كلبها بالغلط مادري

هناك واسـو تطكها ضحكه الهوسه صار هدوءء
بس صوت اسـوو تضحك واني لازمه ضحكتي

لمياء: سمالله الزهره
اسـو: شبيج لولي شفتي بعُبع
وتضحك

اباوع ؏ مُصعب وجهه صار احمر يباوعلي يريد
يكتلني بعلت ريكي ودرت وجهي صـاح بصوت عالي:

تعاااااي لللغرفهههه

- اي جايه

رح للغرفه واني ضليت واكفه والولد واكفين
فاتحين حلكهم غميت بكر ومشيت

ابو ذهب: دقيقه هسه انتي جنتي تمثلين
ميته وراح تطلعين من الغرفه جنازه من صدك

باوعت لـ ابو ذهب يحجي بجديه والولد ساكتين
بلعت ريكي: شيسوي مايسويلي شي

شلش: جنتي خوش اسـو
اسـو: يول لا تخوفني

شلش: انتي بس لا تلاهدينه مايسوي شي
اسـو: ليش جنتي ماتلاهدين رجلج

شلش: مجاي اشاقه وياج ديربالج ؏ نفسج
اسـو: باعو ساعه اذا ماطلعت من الغرفه دكو الباب

هارون: هاذ الميريد روحه يدك الباب
اسـو: انته منين
هارون: اني ابـن عمته لزوجج

جاي احجي وصاح بصوت رج البيت رج
رحت اركض باوعت ام مُصعب مدنكه راسها
خفتت حيل حته لمياء خنست هيه وبتها

صعدت فتحت الباب ؏ كيف دخلت واكف
وعيونه يطلع منهن شر اول مره اشوفه هيج
و اول مره اخاف هيج بلعت ريكي خليت ايدي

؏ ركبتي افرك بيها متوتره وعيوني تتجول
بالغرفه ما اباوع عليه؛- شـكو شتريد

- شوكت تبطلين سوالف الرعانيه هاي
- من يبيض الديج

عاط بصوت عاااالي كاز ؏ اسنانه؛- مااااااجااااي
اشاااااقههه ويااااااج

تحولت ملامحي جديه وكفت عدل نترت؛- شكووو
شبيك كمت تصيح ماتخوفني ترا