رهائن الميتم

'40'

الحلقه- الأربـعون -

دَخيلك ضَمني يمَك من حَچي النَاس
انه بخيَمت ورّق والمَطر حَالوب.

''

اخـر شخـص متوقعتـه يطلبنـي ويريـد
يحجي وياي ما انڪر ڪنت خايـفه عليه
رغـم ڪلشي يبقه والدي
هوهَ ابـدا مـا ڪال ڪلمه مو حلوه الـي
بالعڪس جان كله يڪلي روَح ابوها

وحتـه من ماتت امـي ماتغير تعامله وياي
راد بڪل الطرق يسـد فراغ امـي
بـس اني جنت اڪول محد يحبني تزوج
حته يرجع اجواء عائلتنا القديمه بـس
هوهَ جان مخيم عليه الحزن والقهر

ڪلشي صار بسبب هذيج مرته خربت
بيتنا جانت حاطه عينها على ابوي
لحد ماخربت عائلتنا يله ارتاحت ابوي فقير
وفطير جان دائما يحترم العالم
ومايزعل احد بس من اجت هذيج الحيه
تدمرت شخصيه بابا صارت هيه تتحكم
بيه ماعرف ليش هيج صار بينا
وليش العالم حاطه عينها علينا ليش؟؟

هيثم : الـو وياي .

جاوبته ودموعي تجري وارجف

- وياك

هيثم : حضري نفسج راح اجي

- ماشي

سد الاتصال ماعرفت شسوي وين اروح
عُدي نايم دنيا ليـل ساعه 9:00
وگت عشه واني دموعي عشره عشره دكيت
على مُصعب واني احس روحي ترجف
نفتح خط

- ها حبيبي

جاوبته واني ابجي : مُصعب

- اسـو ! شبيج بويه الـو اسـو
شڪو شصاير

- بابا مريض راح يموت

- شني مريض شني منو يموت
شتحجين اسـو

حجيت واشهك كوه تطلع الكلمه

- هيثم دك عليه گال ابوج جان عنده
واجب واتصاوب بصف كلبه مُصعب اذا
صارله شي اموت

- جايج اني لا تخافين ماكو شي ان شاء الله يمكن متصاوب اصابه خفيفه
اهدي لا تبجين عُدي وين

- نايم هئ .. مُصعب اريد
اروح للمستشفى راح يجي هيثم ياخذني

- اني قريب على البيت تنتضريني

- انتَ وين

- البارحه رجعت .. اطللللع خااالي
واكففف تدك هورن المنننن

يحجي ويصيح يمكن ازدحام

- مُصعب اروح ويه هيثم راح يجي

سمعت صوته يتنهد بغضب كال بهدوء

- روحي بويه روحي

- ماشي

- يله مع السلامه

- الله وياك

سديت الاتصال بسرعه بدلت شلون مجان
شمرت الشال وخذت تليفوني نزلت عُدي
وياي شافتني عمه