رهائن الميتم

'39'

الحلقه التاسعه والثلاثون ✨🤎

دگة شَذر يَا ناس والشّامة عَنبر
والوّجه مبَعث نور والرّگبة مَرمر .

''

بـعد ڪلام قُربان صعدت فوگ والتفگير
اكلني خفت كلش خفت يصير شي على
شخص قريب مني اول شخص اجه على
بالي مُصعب اذا صارله شي اموت
اسم الله عليه اذا مات ماضل عايشه مستحيل
اعيش بدونه هوَه هسه بعيد عني دوله

واحسب دقيقه دقيقه حته يرجع مشتاقتله
حيل احس مو على بعضي من يوم الراح
عبالك راحت روحي مضيعه حته نفسي

دخلت الغرفه قفلت الباب اتنفست والدمعه
بطرف عيني بس هديت نفسي وصليت على
محمد واصبر نفسي وكلشي ينحل
بس الله عالم الغيب

خذت تليفوني نزعت الشال بسرعه بدون
ما اسوي اي شي دكيت على مُصعب
اريد اسمع صوته

مخليه التليفون على اذني وجسمي يرجف
ويه كل رنه دمعتي تنزل ليش ميجاوب
احس سجين تجرح بڪلبي على البطيء

ويه اخر رنه نفتح خط مسحت دموعي
وحجيت بصوت شبه عالي ومبين من صوتي
جنت ابچي

- ليـش مجاوب بسرررعه

مُصعب : الـو ها حبيبي شبيج

سمعت صوته ارتاحيت شويه وزدت بالبچي
بدون صوت صرت ابچي

مُصعب : اسـوو الـو وينج

- ها مُصعب

مُصعب : شبيج حبيبتي صاير شي

- هـئئ مشتاقتلك .

سمعته صوته يتنهد وصوت الجداحه
هالشي يدل على انهُ ضاج

مُصعب : مـو بگدي وروح ابوي
ميت على شوفتـج لا تبچين بويه تعبين
گلبي واني تعبان وروحي تعبانه بـس اريد
اوصل يمج اريد أامن مستقبل لجهالنا
والج اعيشج مثل ماتحبين
شعندي غيرج اني فتره وارجع
بأحضانج يبعد حيـلي علويتي . 

هوَ يحجي واني مخليه راسي على
الجربايه وفاتحه السبيگر واسمع صوته
شكد ارتاح كلبي من اسمع كلامه الي
وشلون يعبر عن حبه ..

- الله يحفضك الـي ياروحي انتَ
ترجـع سالم احبك هواي

مُصعب : بحيل الله نرجع سالمين
اموت عليج اسـو احبج كلش هوواي

- شوكت ترجع

مُصعب : احتمال اطول يعني فد
سته اشهر اكثر

كمت من الجربايه

- تشاقه اكيد

مُصعب : يمكن سنه

- مُصعبببب

مُصعب : ههههه اي والله جا شسوي
مو بيدي

- يعني حته لو ترجع يوم واحد