بارت الثالثَ والاربعون ـ 🔥
"اصلِح ذاتَ بيننا، واهدِنا سُبُلَ السَّلام."
''
ڪعدت واحس راسي ثكيل مصدع وجع
براسي لايطاق حته عيوني ماكدر افتحهم
بلعت ريگي فتحت عيوني كوه
اباوع للسگف عيوني دمعن احس راح
اموت راسي راح يطك
درت عيني مُصعب نايم على بطنه وجهه
عليه مبين عليه تعبان حته ماكدر اكعده
من نومته .
بقيت اباوع عليه وتذكرت كلامه البارحه
شلون جان اعصابه نار ويحجي بحركه كلب
طلعت اني هواي مأذيته بس ساكت
ومتحملني ويدور راحتي وسعادتي وسعاده
ابنه بس نضرته وكلامه يرن بأذني
احس روحي مقصره وياه وهوه كُلشي سوالي
من ازعل يراضيني ومايحب يغثني
حته من اجفص بالكلام لو غيره جان ذبحني
بس هوه يمشيها الي وعادي
اذا شاف مني قصور مايسوي مثل بعض
الرياجيل يزوج على مرته او يحب غير وحده
بالعكس اجه وكلي بكل حُب وحنيه
مُصعب ماكو من عنده بهالكون مالكيت مثل
حنانه وحبه وصبره عليه وكلبه الي احسه
بس اليه حته من الغيره يخاف عليه
البارحه اجاني ويحلفني ما ضوج من عنده
واني زمخت بوجهه وفهمته غلط
بس بجيت اجه اعتذر مني ويحضني ويكست
بيه مثل الجاهل واني ادري بيه مانام
البارحه بقه يفكر لحد ماتعب وغفه اعرفه
من ينقهر من شي يضل يفكر بيه لحد التعب
يكله نفسه نايم من هلكد مايضوج
اني اتسرع واسيء فهمه واني الغلطانه
ومن يعيط عليه والكه روحي غلطانه
ابجي وهوه يحير شلون يسكتني شكد
متعبتك ومتعبه روحي
بقيت سارحه بملامحه والتفڪير تعبني
قربت وجهي واني نايمه على ضهري مشيت
خشمي على خشمه خليت ايدي على
خده وبست شفته التحت
تنحس يحرك براسه فتح عيونه الغرفه ضلمه
حته الشمس بعدها ماطالعه
فتحت ايدي خطيه حته مايكدر يفتح عيونه
زين يغمض ويرجع يفتحهم
ما اجاني شاف ايدي فاتحته بس ما اجه
سحبت راسه بهدوء نومته على ايدي
وراسه بصدري عبر رجله على رجليه وايده
حاضنتني من خصري
واني حاضنته حيل لصدري خنگته اريد
اخليه بڪلبي هلكد ما احبه
انفاسه تچوي بصدري نايم بسابع نومه
ماكدرت انام اخذت تليفونه
صار بيه مرض لازم ابحوش صار هواي
مالازمه تليفونه
فتحته دخلت على الواتساب ڪُله شغل
حمودي وأبراهيم وعلاوي ماعنده بنيه صار
عندي فضول ادخل الرسائل هوه وأبراهيم
دخلت دك فشار وغلط حته لعبت روحي
وطلعت
دخلت على الفيس بقيت اگلب كلها دين
وصلاة وصوم وعباده باوعت عليه شلون
نايم عضيت شفتي اضحك همست
- هوه انتَ اكبر سرسري
دخلت على صفحته كاتب ابـو عُدي
اخر مره شفت صفحته مكتوب ابو هيكل
اشوف السيره الذاتيه كاتب بـس حرف R
ويمها قلب لونه جوزي ونقطه
أنت تقرأ
رهائن الميتم
Romanceماذا ان اجـتمع الحُب مع فتاه قاسيه القلب تعيش بحاله نفسيه حزينه مرهقه لڪن ذکيه جميله قويه لا تقبل بالضلم اصبحت سند لـ فتيات الميتم اصبحت ام عذراء اصبحت سنـد لهنّ تعيش لأجلهنّ تحارب لعينهنّ ماذا ان قتلت احد تلك الفتيات ماذا سيحصل هنا هل ستترك ح...
