رهائن الميتم

'30'

الحلقه الثلاثون 🦜💚

أتلـمس حلوگ البشر وين الحجايه الدافيه

''

صدمه بعد صدمه عافني وطلع واني
ميته قهر شسوي اموته اكتل روحي
لا حلم هاذ اكيد هاذ مو مُصعب
مستحيل يسوي هيج
كل ضني يشاقه من يحجي ويكول اتزوج
بس جان يحجي صدك

صعدت واني داخلي منهار من تصرفه
وكلامه سبحت لبست ملابسي
الي اجيت بيهم ودموعي ماوگفن مشطت
شعري ختنكت واني اشهك وابچي
اخذت الدوه لبست الحذاء والچاكيت
سحبت الجنطه نزلت كعدت بالصاله
حطيت راسي على ذراع القنفه غمضت
عيوني جسمي يرجف
غفيت والشهكه بلعومي صايره ..

مدري شكد مر وقت فتحت عيوني
احس صدري ماكدر اتنفس
اريد احجي بس ماكو صوتي ميطلع
فاتحه عيوني على وسعهن
شويه واحس الهوه وصل ريتي كمت
من القنفه اسحب الهوه
طحت بالكاع كمت ارجف نزعت الجاكيت
شمرته على القنفه ابجي بصوت عالي

نفتح الباب رفعت راسي مُصعب منطيني
ضهره شكد حقدت عليه
بس اندار شافني عگد حواجبه مستغرب
من حالتي كمت بسرعه
بخطوات ثگيله كوه امشي بس اريد
اوصل يمهَ وكفت جبته براشدي فر وجهه
لوره دفعته من صدره ابجي واصرخ عليه

- گله من وراك كلشي يصريلي من
وراك الله لا يوفقك اتركني اعتقني
اكرهك اموت منك الله ياخذ روحي
ويخلصني منك ومن رقيه ومن عدكم
كلكم حقيرررر الخبيثثثث
انعل اليوم الي اجيت بيه الك كرهتني
بحياتي لو ضاله بالميتم احسن واشرف الي
خرب باليوم الحبيتك شكد اكرهك
وخرررر عوفنيييييي لااااااا تلزمنييييي

سحبني لحضنه واني اصرخ وابجي وادفع
بيه وهوَ يمسح على شعري
ويحجي 

- اشششش سكتي كافي عليمن
هالبجي والصريخ شبيج

- وخررررر منيييي وخرررر عوفنيييي

دفعته حيل وهوَ عافني وراح للقنفه
جر الجنطه والجاكيت راد يلبسني
الجاكيت اخذتها ودفعت ايده

- لبسيها
- معليكككك

فرگ وجهه فتحت الباب والبس بالقمصله
وابچي واغلط واسب بيه بصوت ناصي
وصلت للسياره هوَ بعده ماطالع
من البيت باوعت للشارع دنيه ليل
محد طالع وگت عشه الناس كاعده بيتها
اركض؟ وانعل ابو الترجع
خليت كبوس القمصله على راسي
وامسح بدموعي وامسح بخشمي
عود ردت اركض طلع كمزت رجعت وره
صرت وره السياره هوَ يباوع عاگد حواجبه

- خير ان شاء الله وين
- وين ما عند الله كاع

- العجوز
- نجب

- لا تغلطين لا اطيح حضج
الجلبه

همست بصوت ناصي واني اصعد
بمكان السايق

- الكواد السرسريه **** براسك
- مو اجي افرگ حلكج

نزلت شفايفي اقلد عليه