رهائن الميتم

'38'

الحلقه الثامنه والثلاثون ✨🫂

يخايب ضَوگ روحَك حتى تعذرني من اغَار !

'''

اسـوء يـوم بحياتي حرفياً كانت صدمه
قـويه خلت نبضات ڪلبي تتسارع و روحي
تنسلب مني جنت اتمنى بذاك اليوم
ينمحي كلشي من عقلي واول شي حبنا
تمنيت ماحبيته ولا شايفته ولا اعرفه ولا
يعرفني ولا ابن خالتي ولا اني بت خالته
بـس الواقع يعڪس هالكلام

اني مو بس بت خالته اني مرته وام طفله
روحي حترگت مو غيره لا ابدااا مو غيره
بـس السالفه انهُ جذب عليه لو گايلي قسم
بالله فلا اسوي شي ولا اجيب طاري اصلاً
بـس هوَ فضل يسكت ومايگلي

والحرگ ڪلبي اكثر من يگلي انسيها وانسي
اسمها واني راح انسه دخلتج للغرفه بدون
مادري .. ههه؟ من كل عقله اضل يمه بعد هالحجي الماصخ الي حرگ حب مُصعب بگلبي
يگلي خط احمر عيونه بذكراها تلمع
يحبها مبين ذاك هوَ يحبها ويعشقها مو مثلي
صدك لو ڪالو الحب الاول ماينسي يبقى
الحب الحقيقي واول تجربه تكون حلوه
بـس حضي خلاني الثانيه مو الأولى

عفت كل هل كلام بـس من ڪلي مرتي
وخطيبتي حرفياً نشليت عن الحركه بس
عيوني تباوع ڪلبي يرجف شعور يخنگ

مسحت دموعي واتصنع القوه بس دموعي
يجرن ماڪدر اسيطر عليهن رجليه مايشيلني
مايحملني نهدت روحي

- مُصعب اطلع عوفني وروح لا ترجع
بعد هئ اطـلع لتباوعلييي

دفعته حيل ابچي لزمني من زندي يريد
يحجي وياي واني ابجي بصريخ

- بـس سمعيني..

- ماااااريد وخررر الجذاااااب
صارت كم مره تڪسر كلبي واعديها الك
عشتوووو رجلي واثق بيه كل ثقه ماتستاهل
اطـلعع ديربالك ترجع ووالله اشرد

عاط بيه بصوت عالي سكتت اشهك
قرب وجهه يحجي بهدوء واني روحي محتركه

- انتِ ليش دائما تخليني اني الغلطان
خليني افهمج مخج شرسم وگبيتي عليه
سمره تصير بت خالي جاااااانت خطيبتي

- بـسسسسس

سحب نفس حضن وجهي عيونه تلمع غثني

- جنت احبها يعني حب طرف واحد
هيه تحب ابـو الدُر

- ههه صـدكت

عفته ومشيت طلعت ملابسي وامسح
بدموعي اخذ ملابسه ودخل للحمام ورگع
الباب وراه بدلت ونزلت

رحت لغرفه خاله صابرين شافتني عگدت
حواجبها مستغربه مبين عليه جنت ابچي
جانت تباوع على الاخبار ويمها صحن فواكه
تگشر بالتفاحه وتاڪل ذبت السجينه
فتحت ايدها

صابرين : تعاي يمه

رحت يمها مادري ليش رحت لغرفتها
حسبتها امي واكثر اريد شخص يفهمني
احجيله وينصحني
حضنتني واني حضنتها بچيت بحس ناصي
بس هيه سمعتني وحست بيه قبل لا تسمعني
ابچي