''Butterfly in the Air''(ဝဲရစ်လေဝယ် လိပ်ပြာငယ်)

Episode (2)

သူ့ရဲ့​ဖုန်းကိုချလိုက်ပြီးနောက် Junkyuက တောက်ပစွာ ပြံုးလိုက်သည်။ အနုပညာလောကထဲ ခြေစချလိုက်ကတည်းက အနားမယူခဲ့ရတာ ဘယ်လောက်ကြာနေပြီတဲ့လဲ။ လေယျာဥ်လက်မှတ်လေးကိုငံု့ကြည့်လိုက်ပြီး သိပ်မကြာခင်အချိန်အတောအတွင်းမှာ ဖုန်းထဲကတစ်ဆင့် အသံဗလံပေါင်းစံုနဲ့ ရန်တေွ့လာမယ့် Jihoonရဲ့ အသံကိုတောင်ကြားယောင်လို့သွားသည်။ အပန်းဖြေခရီးကို သူမပါသည့်အပြင် သတိတောင်မပေးဘဲ ထွက်ပြေးလာတဲ့​ Junkyu​လေးဟာ​ သူ့မျက်ခမ်းတေွကို လက်နဲ့ပွတ်သပ်နေရတယ်။

မျက်ခမ်းတေွအရမ်းလှုပ်နေပါပြီ။

ခရီးဆောင်အိတ်ကိုဆွဲထားသည့် Junkyuက maskတပ်ထားတာတောင်မှ သူ့ရဲ့ခေျာမောနူးညံ့တဲ့မျက်နှာကလေးကို ခန့်မှန်းလို့ရနိုင်လောက်အောင်​ ကြည့်ကောင်းလွန်းနေတယ်။ လေယျာဉ်ပေါ်တက်ပြီး ခံုမှာထိုင်လိုက်တဲ့ Junkyuဟာ နားကြပ်ကလေးထုတ်ပြီး သီချင်းနားထောင်ဖို့ပြင်လိုက်တယ်။ ဒါပေမယ့်​ ရုတ်တရက်​ မှန်အပြင်ဖက်က ဖြတ်ကနဲပျံသန်းသွားတဲ့ အကာတစ်ခုကြောင့်​ Junkyuသေချာလိုက်ကြည့်မိပေမယ့် သေးငယ်သည့် ထိုအရာလေးဟာ​ သိပ်ကိုလျှင်မြန်လွန်းတာကြောင့် သူသေချာမမြင်လိုက်ရ။ သို့သော် ၎င်းက​ အပြာရောင်လေး။ Junkyu​က​ ထံုးစံအတိုင်း နှုတ်ခမ်းလေးအနည်းငယ်စူလိုက်ပြီး ရေှ့သို့ပြန်လှည့်လိုက်သည်။

လေယျာဉ်က ထွက်တော့မည်။ ကိုရီးယားကနေ ဂျပန်ကို တစ်ဦးတည်းပထမဆံုးသွားဖို့​ဆံုးဖြတ်ခဲ့တဲ့ Junkyuဟာ​ စိတ်လှုပ်ရှားမှုနဲ့အတူ ချစ်စရာသိပ်ကောင်းလွန်းနေတယ်။

သူ့ရဲ့စိတ်လှုပ်ရှား ပေျာ်ရွှင်နေမှုဟာ သူ့နံဘေး၌ အလျင်စလို​ဝင်ထိုင်လိုက်သည့် လူတစ်ယောက်ကြောင့် ပေျာက်ကွယ်သွားရတော့သည်။ ကောင်လေးက Junkyuကို မဆိုသလောက်လေး ထိခိုက်မိသွားသည့် သူ့ရဲ့ပေါ့ပျက်မှုကြောင့် ဆံပင်လေးတေွရမ်းသွားသည်အထိ ခေါင်းကို သံုးလေးကြိမ်ငံု့ကာ ''​တောင်းပန်ပါတယ်"ဆိုတဲ့​ တောင်ယပန်စကားကို​ သံုးလေးကြိမ်ပြောကာ တောင်းပန် သည်။

Junkyuကပြောလိုက်သည်။

"​ကိစ္စမရှိပါဘူး ဘာမှဖြစ်မသွားတာမလို့! "