البارت الرابع..
أماني
گاعدة ع الكرسي الوحيد بالغرفة
واهز برجلي بتوتر احس كلبي
من الترقب والخوف راح يوگف...
دخلت... زهراء تركض
وگفت بوجهه وحجيت بلهفة :ولججج ها بشري
باوعتلي بخيبة وگالت :شبشر لسة مااجة
لزمت راسي بقوة وصحت بنفاذ صبر : يا ﷲ
أدري لو أني دازتة يحرر فلسطين ما طول هلگد
صفكت ايد بأيد وگلت : فااهي يربي فاهي
وراح يبقى... كل عمرة فاهي..
گالت دنيا بمنتهىٰ التفاهة :فاهي لو گيمر اهاهاهاهاي
رفعت أصبعي السبابة بوجهه وكتلها بتحذير : أنتي سكتي مني ما ناقصتني تفاهتج..
ضحكت زهراء وگالت :يمعودة هدي نفسچ
شوية ومراح تحسين غير يوسف داخل علينا
وبيدة نتيجتج
كعدت وبجيت : خايفة خايفة لا كون
ارسب اموت والله أموت
حجت زهراء بمواساة : لا تگولين هيج...
أنتي تعبتي والله ميضيع تعب أحد ثقي بربج
ان شاء الله تكونين ناجحة
دنيا :يلا عاد فكيها ألمن هالبچي؟
مانحس الا يوسف داخل وبيده ورقة صغيرونة
ويصيح.. ناجحة !! ناجحة !!
رحت.. اركض طيارة.. وتلاگفت الورقة
من ادين يوسف قريت.. وبجيت بقوة وسجدت ع
الارض ابجي ... واردد
الف الحمدلله والشكر يا ألهي
حاشا واحد يطلب منك وتردة
الورقة مكتوب بيها كل درجاتي
والمجموع والمعدل ٩٦..
گمت ومسحت دموعي بكفوف أديني
أجني خواتي
حضنني حيل ويبوسن بية ويباركلي
ليشوف لهفتهن يگول هنا الناجحات مو اني
حجيت بمرارة :تمنيتجن وياي تمنيت تعيشن مثل هالفرحة
دنيا :لا تگولين هيج نجاحج يعني نجاحنا
مو زين وحدة من عدنا راح توصل...
زهراء : أنتي شطورة وتستاهلين احنا مانفهم بالدراسة خليلنا گعدة البيت ولا تخربين فرحتج
خووش؟ فررحي ولج هذا حلمج وتحقق فرحي
نفتح الباب بقوة ودخلت زبيدة مثل البركان
الهايج
وحجت بعصبية : ولجن ليش ممنضفات البيت
بنات الكـلببببب تردني انه اخدمجن يالمحنايات !!
بقينا وحدة مصفصفة بوجه الثانية
شلون التهينا وراح عن بالنة ننضف البيت...
شراح يخلصنا من ابوية ومرتة؟
حجيت بتوسل : خلاص والله هسا أنظف البيت كلة وألمعة وزهراء ودنيا ينظفن بيت الشيخ..
حجت زبيدة بزمخة :يلا ولجن احسب للعشرة مااشوف خيال وحدة گدامي وعقاباً الجن اليوم
ماكو لا ريوگ ولا غدة ضلن ع لحم ابطونجن لليل
وطلعت وركعت الباب وراهه... !
ضربت دنيا رجلها بالارض وتعلگت الدمعة بطارف عينها : والله جوعانة
والله ما أتحمل كل يوم والثاني تگطع عنا الأكل...
ركضت للكنتور البابين المكسر.. الخالي من الملابس
ومابي غير قطعتين لكل وحدة بينا !!
طلعت علبه صغيره ضامة بيها نستلايتين
انطيت وحدة لزهراء ولدنيا
.. سدن بيها جوعجن.. وبلكي من تنام الكة أكل
بسببي التهيتن
