البارت الخامس والخمسون..
أحبج يا أميرتي أنتي
گالها ومشة وفتح الباب وقبل ميطلع التفتتلي
مبتسم جر نفس قوي وخلة وطلع...!!
بقيت صافنة ورا وأحس خنگتني العبرة ما أعرف
ليش وگعت دمعتي مسحتها بسرعة واستغفرت ربي
ودخلت جوة
بجة سند رضعتة ونام حاولت ارجع انام ما گدرت
كمت توضيت وصليت احس گلبي مقبوض
گمت انضف بالبيت واحاول الهي نفسي بعدها
خابرت البنات حجيت وياهن گالن عادي ضوجة
وتروح ما حچيت صار العصر احس گلبي اكلني
اكل كمت كوة اتنفس اختنگت حيل
شغلت قرآن بالبيت وأخذت سند وطلعت بالحديقة
وخابرت سعد ميرد بعدها ضل بالي حتى لو انذار بس هو ميخلني بقلقي ويرد بقيت العب بسند شوية
ودخلت جوا واحس الدنيا ضاقت بية شعور مدمر
بگلبي احس گلبي مخموش وممرتاحة ابد...!!
حرگت التليفون ع سعد مغلق خفت حيل
يارب تحفظة الية من كل سوء يارب خابرت
دنيا
دنيا :- ها حبيبتي گولي بسرعة داسوي بالعشا
- عفية سعد من الصبح طلع وهسة
چلچل الليل وهو ماكو ميرد جهازة مغلق
خلي الشيخ بمعرفتة يسال عنة يشوفة
ليش ماكو عفية والله گلبي نار عليه راح اطگ
دنيا :- انتي مو گلتي عندة انذار جوز مگدر
يفتح جهازة ليش هلگد خايفة
:-انتي تعرفين شي واني اعرف
شي گلبي مقبوض عفية تكوليلة لو اروح لبيت
عمي گلبي خلص مااعرف شبية بعد ماتحمل
:- انتي بس اهدي فدوه ان شاء الله ماكو شي هسه اگول لسجاد واخلي يسأل عليه اكيد
عنده معارف هنااك
- يلا عفية وشتعرفين خابريني راح انتظرج
سديتة منها وبقيت افرك بگلبي الم قوي
دينهش بصدري والقلق ذبحني ذبح
دنيا...
رحت حجيت لسجاد مثل مگالتلي زهراء
وهو خطية مگال شي بسرعة خابر معارفة وانطاهم
اسمه والمكان اليشتغل البيه ماكو تقريبا نص
ساعة ودگو عليه گالولة بالأنذار وهاجمين عليهم
ولحد الان ما نعرف الضحايا..!!
مصيبة ووگعت ع راسنا حمل ونذب ع عاتقي
شگول لأختي وشحجي ومنو يگول
سعد سالم من هالهجوم
سجاد تخبل وبقة يوصي ويخابر
يريد يعرف شي يطمنا ع سعد حسيت الدنيا
رجعت سدت بيبانها بوجوهنا
دنيا :- هاي دتتصل بية شگللها
شجاد :- لا تگليلها شي الا نتأكد
:- وديني الها عفية اذا صار شي
بسعد هاي تطگ وتموت وراه ياربي رحمتك
:- ان شاء الله يرد سالم غانم كومي يلا
بسرعة طفرت لبست عبايتي واخذت مصطفى
ومشيت وياه طول الطريق اترقب وانتظر بلكي
يخابرونه ويكولون كولشي ما بيه بقيت ادعي
وأحاول أتماسك وصلنا نزل سجاد وياي دگينا الجرس ثواني وطلعت بس شافتنا باوعت بخوف
وگالت بدون مقدمات :- صاير شي
