البارت السابع والاربعون ...
لسان حال كمال :-
هم تشتاگلي تذكرني تالي الليل؟
لو تغفة.. بهدوء وراحة نفسية
غزاني الشوگ ألك وأنذليت
وع جرة النفس كل حيل مابية
____
لسان حال أماني :-
خو ندري الطريق بعيد
والفرگه غصب صارت؛
شلون نهيد بيش نهيد!
دنياي وعَلّي دارت.
فتحت عيوني ببطئ شديد ووهن بالغ صارت
ضبابة بيضاء گدام عيوني سكرت عيوني ورجعت
من جديد فتحتهن واستمريت اغلق عيوني وافتحها
الى أن اتضحتلي الرؤية .. باوعت بعدم معرفة حواليني حاولت أستوعب الوضع شفت نفسي بغرفة
مستشفى راسي مو مني يوجعني بفضاعة.
تحركت عيوني ع أرجاء الغرفة فارغة حنجرتي
مجرحة وريقي ناشف من العطش ماأدري شصارلي
وشنو الديصيرلي لزمت راسي وونيت بوجع
مرت فترة ٥ دقايق يلا تذكرت الصار من جنت بأيدين
أمير وجنت احاول اقاومة وفجأة صار وجع قوي براسي وگعني من طولي وفقدت..!!
انفتحت الباب ودخل أمير يمشي ع العكازة شافني مفتحة عيوني تقدم ناحيتي وگال :- الحمدلله على السلامة أماني الحمدلله صحيتي
أماني :- عگدت حواجبي بضيق وكلت بصوت مبحوح مي
أمير :- بسرعة فتح كومدي طلع منة بطل مي
راد يساعدني يشربني رفعت ايدي بأحتجاج
اخذت المي منة وشربت بعدها سألتة بجهل
أماني:- شنو الصار شجابني هنا
أمير :- انتي شلونج هسه
:- زينة اخوانك وين
أمير :- يم الجيران بقو هسه راح يجي الدكتور يسويلج رنين
:- مال شنو؟
أمير :- هيج مجرد يطمئن ع صحتج
:- ماريد شي رجعني للبيت
أمير :- أصبري حبيبتي هو شنو حسبة ساعة ونكمل
أماني :- سكتت ما بيه اناقشه شويه واجة
الدكتور رحت سويت رنين واني أحس حتى حيل ما بيه امشي من دخلوني بيه نفسي
ضاق أحس أختنگت ورة مخلص الفحص عبالي
راح نطلع بس گال الدكتور انتضرو نتيجة الفحص
رجعت للغرفة النايمة بيها
باوعت غرفة راقية وكولشي متوفر بيها شغل أمير البلازما وگعد يتفرج مالغة براسي همزين أحس خبصة بعقلي رغم الهدوء ما حسيت بروحي غير ادخل بنومة ثانية عميقة..
ورة فترة مو قليلة حسيت نفس الوجع براسي
كرهت نفسي الوجع فضيع ينخر بالراس باوعت
لأمير گاعد وبيده اوراق ومدنگ راسة تحمحمت
هو بسرعة رفع راسه واجة عليه
أمير :- رايده شي
أماني :- اي اخلص منك
أمير :- أماني ماأدري شگلج بس لازم احجي وياج بموضوع مهم واتمنى تتفهميني وتكبرين عقلج
وتخلين ايمانج بربج جبير ولتيأسين وأسف ع الراح أگولة اتمنى تستقبلينة بسعة صدر ورحابة ومتستسلمين لان أنتي ان شاء الله قوية
أماني :- كلامة زرع الذعر بگلبي وخفت حيل
شنو الحيصير بيه بعد والله تعبت شنو من مصيبة
تنتضرني جاوبتة بخوف وأستعجال
احجي أمير رجاءا بدون لف ودوران كول العندك
وخلصني ترا گلبي خلصان منك ومن دنيتي الگشرة
