البارت الثالث والخمسون..
اني امج يا زهراء
زهراء :- لا اكول انصدمت ولا اندهشت ولا تفاجأت
لا والله انصقعت صقع من هول السمعتة غمضت
وفتحت عبالي حلمانة لو داتخيل وحقي عشرين
سنة وهسه يلا تذكرتنة باوعتلها بذهول
ونطقت بكره حاد :- أني ماعندي أم
نجلة :- لا تگولين هيج بنتي وخليني ادخل واشوفج
واحجي وياج واشرحلج كل الصار وياية لا تقسين
ع امج
- هزيت ايدي وضحكت بسخرية من القدر
ابد ماتخيلت بيوم راح التقي بيها وما جنت مفكرة
لو التقيت بيها شراح اكوللها گتلها بصرامة
مثل ماجيتي ديري وجهج ورجعي منين مااجيتي.
نجلة :- نزلت دموعها وكالت ابوس ايدج يمة لتسوين
بيه هيج انتي ما تعرفين العشته ولا تدرين بالصارلي
خليتي افهمج وافهم خواتج كوليلي خواتج شلونهن
زهراء :- احس گلبي يوجعني حيل بودي اصرخ وابجي وينها عنه هسه تذكرت وين جانت
هاجت مواجعي الالام ... الماضي المجحف
العشنا اني وخواتي قسة گلبي
وزمجرت بوجهه بحقد :- گتلج روحي منا
وانسي عندج بنات هسه مثل ما نسيتينا قبل وكملي
حياتج بعيد عنه لا تخليني اطلع قهر السنين بيج
نجلة :- لتحكمين وانتي متعرفين شي بس انطيني فرصة
- لا فرصه ولا " قاطعني" صوت أماني
ورايه تصيح منو بالباب
التفتت ورة بسرعة وگلت :- هيج ماكو احد
:- شنو ماكو احد ولج لعد شكو صار ساعة
واگفة بالباب گالتها وتقدمت بأتجاهي وصلت يم
الباب ومدت راسها تباوع
شافت نجلة وگالت :- هلو خالة شلونج تفضلي
ليش ع الباب گالتها وهمستلي ولج متستحين
موگفة المرة بالباب
:- انتي تعرفين هالمرة منو
:- ولا صغرا بيها مااعرفها
نجلة :- انتي مو أماني
:- رديت بأبتسامة وگلت اي خالة اني
منين تعرفيني
نجلة :- اني امج أماني
أماني :- صفنت بوجهة ماكدرت استوعب جان
اعيط شنووو شدتحجين انتي شنو اني امج
نجلة :- ما مصدگة شفتكم بعيوني بعد بس
دنيا شوكت اكحل عيني بشوفتها
أماني :- انتي شدتحجين شنو امنا شنو من
كل عقلج واحنا اصلا ما عدنا ام
نجلة :- بس دخلوني وخل احجيلكم كولشي
لخاطر بطني الحملتجن تسع شهور انطني فرصة
زهراء :- خلفلة عليج الله يجازيج يلا روحي
ترا كوة لازمة روحي عنج مو لان عود امي ججج
لا بس لان مرة جبيرة وماريد اهينج
أماني:- زهراء گلتها بحدة
زهراء :- اهوووو وبعدين مالج نية تروحين منا
أماني :- تعالي دخلي
- صدگ تحجين
:- انطي، صبر خل نفتهم
گلتها وخليتها تدخل وامشي وياها وأحس
عقلي مصدوم صدمة عمرة جنت متشوقة
اريد اعرف جواب سؤالي العشت كل عمري
حايرة بجوابة
معقولة ماتذكرتنة ووينها عنة؟؟
