الطياره كانت ع وشك تنرل ريان قالت لي حننزل نبدل الزي د ونركب طياره روسيا قلت ليها مش مفترض نحن نكون ف الطياره د ونمشي السويد؟ قالت لي اي لكن اتأجلت الرحله بسبب المناخ وكده قلت ليها طيب تمام الطياره نزلت مشيت صلحت الطرحه وجيت انزل كتفي اتصدم بكتف شاب عاينا ببعض ف نفس الوقت لقيته اسيم قلت ليه اسيم قال لي حتمشي معانا روسيا قلت ليه ايوه قال لي طيب رقمك اديته رقمي كنت حاسه انه غريب غريب لأنه اختفا فجأه يعني د كم سنه م شفته أخدت نفس وركبنا الباص بقينا نتونس قال لي م ممكن تأجلي السفر للسويد وتقعدي معاي اشتقت ليك قلت ليه م بقدر والله د شغل يعني قال لي م مشكله بنتلاقي تاني قلت ليه أن شاء الله بقينا نحكي لمن وصلنا المطار مشيت غرفه التبديل مع البنات ريان قالت لي بنه حنبيت ف روسيا قلت ليها طيب مشينا الطياره لسه الناس م حيجو هسي قعدنا بقينا نتونس قالت لي انتي متزوجه؟ قلت ليها لا قالت لي مطلقه؟ قلت ليها لا قالت لي طيب شنو قلت ليها بايره😹قالت لي ربنا يديك قلت ليها امين قالت لي غريبه انك سمحه قلت ليها م شديد قالت لي م شديد بس سمحه والله م شينه قلت ليها طيب سمح قالت لي انتي اصلا بارده كده قلت ليها العفو هسي مالي قالت لي بتقفلي الزول ياخ حسيت انك بتقولي لي م تتونسي معاي قلت ليها اسفه م قصدي شي قالت لي طيب قلت ليها حننتظر الناس لمتين قالت لي هسي هم متحركين علينا قلت ليها طيب احسن زاتو نفسي اشوف روسيا قالت لي مي توو الناس جو فقدت اسيم بقيت افتش ليه بعيوني لمن ركب ابتسم وركب قدام ابتسمت الناس ركبو ونفس كل شي حصل بس الإختلاف كراسي الطياره عدت سنين وانا شغاله وبديت ازهج من الشغل ده اليوم نازله السودان ومعاي اسيم قال لي عامل لأهلي مفاجأة قلت ليه بري كلمتهم انا قال لي بنان قلت ليه ايوه قال لي بكره حيعملو كرامه تعالى قلت ليه سمح قال لي رايك شنو نطقم مع بعض قلت ليه طيب سكت شويه قال لي بنان مالك قلت ليه تعبانه ي اسيم قال لي سلامتك عاينت ليه جوه عيونه وقبلت كنت حابه احكي بس سكتت فضل يتونس معاي لمن وصلنا لمن نزلنا المطار اسيم سلم على ومشا انا دخلت الحمام عدلت ميكبي وفستاني ومرقت صاله الاستقبال كنت متحمسه الاقي ابوي بقيت اتلفت لمن سمعت صوته قال لي بتي قبلت وقلت ليه ابوي مشيت بسرعه وحضنتو قلت ليه مشتاقين والله قال لي كتير اخيرا جيتي قلت ليه تاني زاتو م راجعه تعبت من الشغل د قال لي م قلنا رغبه وكده ضحكت قلت ليه غيرت رأي 😹مشينا البيت والطريق كلو بنتونس لمن وصلنا جريت دخلت وبقيت اسرخ ماما جريت حضنتها وبقيت ابوسها ف رأسها ياخ اشتقت ليها قالت لي اقعدي لمن اخواتك يجو قلت ليها حييي ارم كيف مع القرايه قالت لي كويسه الحمد لله بس ضاغطنهم قلت ليها اخير ياخ انتي عارفه هي م بتقرا قالت لي ابوك هسي مشا يجيبها قلت ليها حي وملاذ كيف قالت لي كويسه الحمد لله ومريم برضو كويسه قلت ليها الحمد لله ياخ قالت لي انتي كيف الشغل معاك والله اشتقنا ليك عديل قلت ليها والله ي امي زهجت وقدمت استقالتي قالت لي اصلن البت مكانها بيتها سكتت وشويه بقت تفتح مواضيع وتتونس قلعت الطرحه وفكيت الشبط قالت لي اختك جاها كم عريس ورفضت البت عاوزه تمرضني ضحكت قلت ليها ياتو وحده قالت لي ملاذ ياخ قلت ليها احي ملاذ د من زمان م بتحب العرس عارفها انتي قالت لي كيفن م تحبو د نص دينها هبله هي ولا شنو قلت ليها المهم يا أمي ماشه اغير وادوش مسافه يجو من الجامعه قالت لي طيب مشيت ادوشت وغيرت صليت وبقيت نعسانه وعاوزه انوم بس سمعت صوت البنات جو جريت برا وختيت يدي ف وشي بناااااات انا منو ملاذ بقت تصرخ وارم قالت لي واااااااااااااااااايييييي مريم قالت لي بنان م بصدق م بصدق نهاي جرو التلاتةة وقعو فيني حسبي الله ونعم الوكيل حضنتهم وحده وحده مشتاقه ليهم ياخ قعدنا ف الصاله وبنتونس ملاذ قالت لي طبعا شميتك عشان م ودعتينا قلت ليها انتو ما ودعتوني جريتو الجامعه ارم قالت لي افتقدناك وف وحده كده من مشيتي م طلعت من غرفتك قلت ليهم شباب عاوزه انوم انا يلا قود نايت ومشيت خليتهم بتونسو دخلت الغرفه فتحت المكيف ونمت..
صحيت بصوت ملاذ بتصحيني قلت ليها اهااا قالت لي كفاك نوم من قبيل منتظرنك قومي عشان مريم متجيك قلت ليها حييي سمح قمت دخلت الحمام غسلت وشي وبقيت ارقص واجرب ف الصابونه اذا بتبيض غسلت وشي بيها ومرقت مشيت برا امي قالت لي د كلو حمام ضحكت وحكيت ليها العملتو قالت لي تعالي قعدت جمبها قالت لي تاني م تعملي كده لان م صح الواحد يلعب ف الحمام انتي م شافعه وعارفه ان بيوت الشياطين الحمام استعيذي لمن تجي داخله وقولي غفرانك لمن تمرقي احييي انا لمتين اعلمكم يعني شفع انتو قلت ليها حجه خلاص فهمت م العب ف الحمام عشان الشياطين وعشان م صح واقول غفرانك مريم قالت لي وتستعيذي لمن تخشى قلت ليها انتي انطمي قالت لي غلطانه بصلح شافعه قلت ليها وت هسي الشافعه منو عايني اختيني قالت لي سمح قومي ارم قالت لينا ارح الغرفه أمي قالت لينا الغرفه ليه ملاذ قالت ليها جلسه اخويه يا امي لوت خشمها وقالت سمح لمن عماد يجي م تقولن عاوزات تقعدن لأن د جلسه زوجيه ضحكنا ضحك فيها ومشينا بسناها ومشينا الغرفه ملاذ قالت لي اقعدي جمبي قعدنا كلنا قصاد بعض ملاذ قالت لي ي بنان نحن اصلا كل م نكون عاوزين نحكي بنجي نقعد كده ونحكي قلت ليها وانا مبسوطه احييييي حلو طيب احكي قالت لي انا صراحه امي الايامات د متنشنه معاي بموضوع العرس وانتو عارفني م بحب العرس ف صحبي ف الجامعه اتخرج قبل أيام جا قال عاوزني وانا رفضت ف قال لي اديني فرصه بس المهم هو م شاء الله ادب واخلاق اما السماحه م لازم لأنو لو قعدت اعاير الزول بسماحتو م حأحب قلت ليها هبله عرسي سمحح قالت لي عمرها السماحه م مقياس فرح سكتت ارم قالت ليها اها وافقتي للفرصه؟ قالت لينا ايوه بس شرطي يخطبني عشان م اتكلم معاه ساي كده مريم قالت ليها وم تمرقي معاهو ولا حتى بعد الخطوبه زاتو قلت ليها مريم انتي كمان م تبالغي قالت لي بنان كيف يعني تمرق قلت ليها لا م قصدي تمرق مرقات متكرره بس.. قاطعتني ارم قالت لي بنان ومريم اسكتو اها تابعي يا ملاذ قالت ليهم المهم وافق وقال يوم الخميس حيجي وكده قلت ليها احييييي مبروك ياخ باركنا ليها قلت ليها بكره عندكم جامعة؟ مريم قالت لي اكيد قلت ليها ماشه معاكم والله اشتقت لأجواء الجامعه د قالت لي وااااااي بنان م وريتك قلت ليها شنوو قالت لي اولا حتمشي؟ قلت ليها اي أن شاء الله قالت لي واي ي بنان سميره عادت تاااني قلت ليها م فهمت قالت لي سميره صحبتك ياااا بت قلت ليها شنووو عادت كيف قالت لي اقسم بالله رجعت رابع تاني قلت ليها انتي جاده السبب شنو قالت لي م عارفه والله بس البت د متغيره شديد ارم قالت لي بنان متغيره حبه عليها انتي عارفه م بتقعد مع زول وشها د م بتفردو قلت ليهم احي م بتطمنو طيب لي بكره نشوف مالا وبعدين انا بكره عندي مشوار ارم قالت لي ماشه معاك قلت ليها طوالي ارح قالت لي قداممم ي جميل.......
*لا يقاس الوفاء بما يحدث امام عينيك بل بما يحدث وراء ضهرك*
*...يتبع...*
