قلت ليها سميره بصوت لهفه الغريبه انها م قامت حتى هزيتها قامت بعصبيه قالت لي نعم ف شنو مالك اها عاينت ليها بخلعه ودموعي قربو ينزلو قلت ليها سميره اسمعيني قالت لي م عاوزه اسمعك وياريت تزحي من وشي وتخليني ع حالي قلت ليها سميره انا..قاطعني الدكتور قال لينا انتي وهي براا ملاذ قالت لي كتمت مسكت يدي وجرتني شايفه سميره شالت شنطتها ببرود ومرقت قدامي حمرت لي ومشت ملاذ قالت لي قلت ليك انها عنيفه قلت ليها ملاذ م عرفتني أمكن قالت لي عرفتك بس هي كده من اول السنه قلت ليها بس م كانت ظاهره؟ قالت لي اي م كانت ظاهره قلت ليها لازم اتكلم معاها مستحيل العشره تهون علي قالت لي بنان مشيت منها ملاذ وقفتني قالت لي بينا تلفون لان المحاضره قربت وانا كليتي بعيده من هنا قلت ليها خلي بالك من نفسك وانا بعاين لي سميره وهي ماشه قالت لي طيب يلا حبيبي مشت وانا اتبعت سميره وقلبي بدق بسرعه كانت ماشه ع زاويه قعدت فيها كنت جايه عليها بس وقفت لمن تلفونها دق وبقت ترجف فتحت التلفون وبقت تتكلم وهي بتبكي السمعتو منها أنها جايه طيب قامت بسرعه وبقت تتلفت لمن جات عربيه سوده ونزل منها شاب لابس اسود جا عليها ومسكها من طرحتها بقوه بقا يكورك فيها م فهمت شي الا لمن قربت من البوابه سمعته قال ليها د المره الاخيره ترفضي اقسم بالله تاني اوديك المصح تاني والله م ارحمك فاهمه وفكا ليها الطرحه قال ليها كده احسن انا اشتقت لك انتي بتبكي لي وضربها كف بقت تتمتم وزادت بكا قالت ليه خلاص بشوفوني انا باقي لي محاضره وحده قرب منها ولزاها ع العربيه قال ليها م عندي شغله ف محاضرتك ما عشان صبرت ع دلعك تمشي الجامعه قالت ليه اسفه عليك الله خليني والله بجيك الليله ضحك قال ليها بلعتي حبوبك ولا لا يا مدام قالت لي بتوتر اي بلعتها قال ليها هه زحي من وشي وبحبك وغطي شعرك د بكت زياده ورفعت الطرحه قال ليها مره تانيهه البسي بنطلون اضيق من د ههه وقرب منها مسكها من حنكها وعلامات الضيق ضاهره ف وشها قالت ليه عليك الله م تعملها هنا عليك الله والله بشوفوني قال ليها طيب لزاها لمن ضربت الحديد قعدت ف الارض وهو قال ليها بحبك يا سميره بحبك شديد م تخليني وركب ومشا انا انفاسي كانت كاتمه وبحاول استوعب ف الموضوع م. قادره د شنو الحصل قدامي ود شنو الاانفصام د وده منو وسميره لي بتخاف منو قدر د يارب عاينت لقيت سميره داخله وكأنو م حصل ليها شي قبل شويه بقت ماشه وشكلها سرحانه طلعت كرستاله المويه ومشيت عليها وانا بتنفس بصوت عالي مسكت يدها ورجعتها عاينت لي وقالت لي ياخ تاني انتي م بتفهمي ولا شنو عاوزه شنو مني يا الله ياخ مشت قلت ليها بصوت عالي وبرجف سميره انا انا ب بنان بنان صحبتك واختك يا سميره وقفت وراسها بقا يرجف يدها قبضت التفت لي وعيونها مفتوحه شديد مع فمها وعيوني دمعو وحمرو بقت تتنهد بطريقه مستمره جيت عليها بنفس الخلعه وعقدت حواجبي دموعي نزلو مسكتها من حنكها وهي لسه بتننهد حضتتني بقوه وبقت تأني اه اه اهاااااااااا وبقت تسرخ ف حضني انا من رعب المنظر خفت الناس يتجمعو بس الحمد لله م كان في زول م قدرت اعبر عن حالتي كنت مصدومه شديد من السرخه وشدها لي بالطريقه د وكأنها منتظراني من زمان بقت تضرب فيني وتبكي بطريقه هستريه علي قدر ما وجعتني ضرباتها على قدر ما اتخلعت ف منظرها وهي بتضرب فيني وتقول ليه ليه اتأخرتي كده ليه وبقت تبكي وتهزز في يدها وهي بتقول بنان اخخخ يا بنان من العملو فيني ياااااا وجعتني ياااااوجعتي يا بنان اخخخخ اخخخ حرفيا انا قدراتي على اني اسندها ف ثانيه زحت وحسيت اني م قادره اقول حرف وانا بشوف صحبتي بتجن قدامي كنت بعاين ليها بطريقه تخليها تحكي اكتر بقت تبكي وتهزز ف يدها ومرات يدي وتقول لي ليه اتأخرتي ليه ليه يا صحبتي حضنتها بقوه وقلت ليها م عاوزاك تحكي لي هسي بي تعالى معاي مسكت يدها وبي يدي التانيه مسحت دموعها ودموعي مشيت غسلت ليها وشها واديتها الكرستال كملتها كلها ودموعها جارين الناس بقت تعاين لينا وبقو يقولو مش د الطالبه الما بتتكلم مع حد ولا بتبكي البكاها شنو عاينت ليهم عشان يسكتو عملو رايحين نهاي قلت ليها حبيبي هديتي قالت لي لا م ارتحت لسه قلت ليها طيب ممكن تمشي معاي البيت قالت لي م بقدر م بقدر قلت ليها ليه قالت لي انا ف حاله تهديد اتخلعت وقلت ليها كيف يعني تهديد قالت لي بس خليني اليوم د وبكره هو مسافر بجيك انا محتاجاك يا بنان قلت ليها طيب اهدي هو منو سكتت مسافه قالت لي بحكي ليك بكره قلت ليها طيب قالت لي هسي انا ماشه يلا معسلامه حضتتني بقوه حسيتها م عاوزه تفكني بعد مسافه زحت ومسحت دموعها وجرت م قدرت استوعب حاجه بس كل الفكرت فيها اني لازم اعرف د شنو فجأه سمعت صوت التلفون لقيتها ارم رديت وصفت ليها انا وين جات معاها ملاذ قلت ليهم شباب انا عندي مواعيد وكده ارم قالت لي انا عندي محاضرتين وهدا خلصت قلت ليها طيب ارح ملاذ عندك شي؟ قالت لي لا كان عندي محاضره تانيه بس اتلغت قلت ليهم طيب يلا عشان ماشه ارح مشينا العربيه وانا الطريق كلو سرحانه ملاذ قالت لي بنان سميره م عرفتي عنها شي قلت ليها اخخ بس وعيت ع نفسى قلت ليها عرفت بس ن بقدر احكي ليكم قالت لي بنان من متين بنخبي ع بعض قلت ليها م بقدر د سر قالت لي ياخ بطلي اها ف شنو قلت ليها ملاذ قلت ليك م بقدر سكتنا ع كده وصلنا البيت دخلنا م لقينا امي قلت بتكون عند الجيران دخلنا استحمينا وفطرنا لبسنا طوالي ومرقنا المره د سقت انا واتصلت لأسيم....
*أبـتـسـامـة بـاردة ذلـگ هـّو الـدواء لـكـل شـيء سـخـيـف*🖤
*...يتبع...*
