*كنت اظن ف صار ظني حقيقه بأن ربي سيعوضني ب نعمه تخلو عني كل م حدث...*
قعدت جمب خالتو ناديه وبقيت اقول ليها والله م ذنبي ان ربنا عاوز يختبر صبري والله م بقا لي شي غير اولادي قالت لي م عافيه ليك لو مشيتي بيتكم اقعدي معاي هنا انا وحيده قلت ليها ربنا يخليك لي ياخ وحضنتها ارم بقت تبكي رضعتها ونومتها رقدتها ف غرفه خالتو ناديه وختيت المساند نحوها مشيت صليت ركعتين عشان تفرج همي ومشيت برا قلت لي خالتو ناديه انا بمشي احمي واجي قالت لي انا بخلي فاطمه تكب العشاء قلت ليها طيب طلعت فوق شلت مؤتمن حميتو ولبستو وعطرتو قلت ليه امك التانيه م بتعمل ليك كده انت حتعيش حياة صعبه انا مستحيل اخليك تتوجع مدام انا حيه ابوك م عرف يفرحني طول السنين د م قال لي بحبك انا كنت بحلم ولو يوم يجي يطيب خاطري بكلمتين ولا حصل علق لي على حنه ولا تسريحه ولا دخان ولا جمال ولا شي م حصل شكرني او شكر يدي لمن اطبخ ليه ولمن يصحيني نص الليل يقول لي جيت من الشغل تعبان كبي لي اكل واكب ليه ولا بقول لي شكرا ولا جزاك الله خير يا حبيبتي انا دايما البدلعو وبهتم بيهو وبغسل واكوي ليهو وم بخلي فاطمه تحوم قدامو وتكوي وتغسل ليهو برأي مهتمه بي اطفالي وبيهو دايما بطيب خاطرو انا والاهتمام بجي مني انا يا مؤتمن ابوك م حصل قال لي ارح نطلع ولا افسحك ولا اغير ليك جو دايما ماف ونادر م يكون في مؤتمن انا العلاقه د هلكتني وخلتني فارط ف حبي ليهو يوم واحد م قال لي بحبك يا مرتي ولا جاب لي دهب ولا اسوره علي الاقل يقول اهديها لمرتي عشان بتهتم بي د كلو بعملو انا وبتزكر عيد ميلادو انا وبعد د م اشتغل بي ولا يحسسني انو مبسوط معاي دايما بحسو مضايق من وجودي معاهو ومجبور علي ويا الله جبتكم على الدنيا هو بس جابكم عشان يحس انه عمل العليهو حتى لمن كلمتو اني حامل قال لي طيب ومرق ولا فرح زي الباقي ولا حسسني اني مره زي الباقين ولمن يجي يقول لي اكوي لي يجيب لي دست هدوم ولا دسته وحذه واكوي ليه بنفس لمن اريح ليه الهدوم واطقم ليهو بنفس طيبه مؤتمن انا لسه صابره هسي لو مره بدلي كانت خانتو بالجد هسي يا مؤتمن انا بستحق د كلو وريني انا بستحق الالم د ليه م يهتم بي هو ليه م يطيب خاطري ويدلعني هو ليه حاسه روحي تعبانه وم قادرة اشيل هموم اكتر ليه بس يا مؤتمن انا متأكده د كلو لخير حتستغرب انا صابره قدر د ليه وم حصل طول السنين د طلبت الطلاق انا بحبو رغم م لقيت فيه السند والأب والزوج م لقيت منو اهتمام ولا حب ودايما بتذكر كلام خالتو ناديه لمن قالت م غلطت ف اختياري حسيتو انو مجبور ولمن مشيت سألتو فيوم قال لي بكل بساطة اي وحكا لي انو كان خاطب ولا حتى فكر ف مشاعري ولا حتى ف قلبي كيف بتوجع م فكر اني م حنوم وبالجد م نمت وحسيت اني ظالمه رغم اني م عملت شي انا مظلومه وظالمه واستغفر الله لي ولي خالتو ناديه سمعت حركه ف الباب جريت فتحت م لقيت زول قلت امكن بتوهم حسيت اني حكيت كتير ومؤتمن م فاهمني بس بعاين لس أخدت نفس واتريحت شلت مؤتمن ونزلت لقيت خالتو سرحانه جيت قلت ليها ست الكل مالا ابتسمت لي قلت ليها مالك يا خالتو قالت لي اتأخرتي بس قلت ليها كنت بحمي وابا يلبس بس عاينت لي وقالت لي يلا الاكل جيت قعدنا خالتو مدي كالعاده جات معاها صينيه وختينا وبقينا ناكل قالت لي يا بت الحنه م زحت من يدك قلت ليها هه وسكتت حسيتها استغربت من عادتي بتونس وبضحك معاهم وبضحكم بي قصصنا انا واخواتي بالجد اشتقت ليهم كل وحده في بيتها وم عارفين الحاصل على الباقي بقينا ناكل وبأكل ف مؤتمن لمن شبعت وحسيت ولدي شبع مشيت غسلت يدي وغسلت ليه معاي فاطمه لمت وغسلت م قصرت طبعا هي ساكنه معانا حبشيه وطبعها حلو شديد ومعتبرنها مننا...
------------------------------
لمن خلصت عاين لي قال لي سميره ممكن تتزوجيني وقفت بدون احس واخدت نفس وعاينت ليه بخلعه نزل راسو قال لي اشتقت لك انا قلت ليه ودموعي جارين انا انا كمان قام وجا قال لي بالجد قلت ليه اخخخ م لازم تشوفني يا سيد ومفترض اتحبس وم اطلع قال لي صح نسيت فكره طلاقك قلت ليه وانا راحت من بالي طيب ممكن بعد اخلص العده قال لي انتي حامل؟ قلت ليه لالالا م حامل قال لي الحمد لله طيب اتحبسي هنا وانا م حجيك تاني قلت ليه طيب كان عاوز يبوس راسي بس زحا وقال لي اسف نسيت وكان عاوز يمرق قال لي خلي بالك من نفسك ولو احتجتي شي دقي لي انا حمشي اجيب ليك مريم قلت ليه لالا كلهم معرسات وم بقدر اعزب وحده فيهم كفايه عزبتهم معاي قال لي طيب خلي بالك من نفسك ومن فارس عليك الله م تخوفيني عليك قلت ليه حاضر انت حتمشي وين قال لي حمشي الشقه الجمبك قلت ليه وبتوصيني قدر د ليه امشي يلا مشا قفلت الباب وكنت مبسوطه شديد...
------------------------------
خالتو مدي مشت انا دخلت لي ارم اكلتها زبادي مشيت غسلت الكوره وبقت تلعب مع مؤتمن انا غفيت حبه وصحيت لقيت خالتو ناديه بتمشي ف شعري قلت ليها نمت كتير قالت لي بسم الله الرحمن الرحيم هسي د نمتي ابتسمت بس قالت لي مالك يابتي قلت ليها م قادره انوم يا خالتو الظلم حار قالت لي يارب العالمين ويا مجيب الدعاء ويا سامع النمل ويا عالم الغيب يفرجها عليك ويصبرك ويجازيك بصبرك ويرجع ليك راجلك ويحبر كسرك ويلم شتات قلبك يا قهار اقهر قلب الظالمة لمن تبكي وتعترف يارب العالمين يارب انت الشاهد ولا شاهد غيرك انت علام الغيوب وسميع الدعاء يا ارحم الراحمين ترحم ضعفها وتجبر كسرها وتلم بيتها وترجع راجلها لي اولادها وليهم يارب انت تكسر وتجبر يارب تجبرها على قدر م انكسرت وعلى قدر م اتحملت جريت حضنتها قلت ليها انتي امي والله امي بكت زيين وانا دمعه م نزلت لي الايام جرت وانا فكره انو غيث حيعرس بتقهرني بس بتحسبن يوم الخميس بتحسبن سمعت جوطه بره بقيت اقول يارب تجعله خير فجأه الباب اتفتح قمت وقلت ليها جوريه الجابك شنو قالت لي بأنتصار....
*دعـــوة:-*❤️
*اللهم انت الصمد وملجئ الكل ونحن من غيرك لا شي اللهم اجبر كسرنا وارحم ضعفنا واشفي مرضانا اللهم اعفو عنا واغفر لنا ولوالدينا اللهم اجبر كل من كسر قلبه وثقل اللهم فرح كل من احزنته اللهم ارحم موتنا ونور قبورهم ونور قبورنا اللهم اغفر لنا كل سيئاتنا واجعلنا قريبين لك نحبك اللهم اجعلنا من اهلك أهل القرءان وخاصته اللهم لا تجعلنا نتكبر اللهم لا تجعلنا من الذين غفلو عنك وعن ذكرك اللهم حسن الخاتمه اللهم انت في عرشك قل كن لداعي ليكن*❤️
*...يتبع...*
