الو غيث قال لي كيفك ان شاء الله كويسه قلت ليه الحمد لله انت كيف قال لي بخير اسف دقيت ف الوقت د قلت ليه لا ولا يهمك قال لي م عاوز امنعك من حاجه بس م عاوز اعمل عرس كبير قلت ليه انا نفسي اعمل عرس كبير يا غيث نفسي البس الزفاف واجي الصاله وارقص واكون مبسوطه ف اليوم د من حقي انا م عملت خطوبه وجبت لي محبس ودبله قال لي بنان اسمعيني قلت ليه اها يا غيث عاوز تقول شنو قال لي م بحب الأجواء د قلت ليه طيب حعملو نسوان بس قال لي موافق قلت ليه شكرا قال لي العفو طيب العرس حيكون بعد شهر زي م عارفه قلت ليه طيب مانعملو مع ارم قال لي م عارف أمكن هم عاوزين راحتهم مخطلته قلت ليه بشوفها دقيقه أمرق مرقت من البلكونه قلت لي ارم تعالى جات قلت ليها اتفقتو انتي واسيم انكم تعملو حفله؟ قالت لي زي م عارفه انا م حقدر اخش ف وسط رجال ولا حأخذ راحتي ف قسمنا الصاله وحده النسوان وحده للرجال قلت ليه جميل حنعمل عرسنا ف يوم واحد قالت لي قولي والله قلت ليها والله بس دقي لي اسيم شوفي قال م عندو مشكله بس هو م مجهز لي شهر وحجز الطياره لشهرين زعلت اوي قلت ليه م عندك ذوق ياخ قال لي والله شغلي وكده فقلت ليه طيب يلا قلت لغيث اها سمعت قال لي ليك انتي ما انا قلت ليه نينيني قال لي بكره حيجيبو ليك سد المال قلت ليه أن شاء الله قال لي بنان انتي كان عندك واحد ف حياتك قلت ليه لا ليه سكت مسافه قال لي لالا ولا شي ساي بس قلت ليه وانت قال لي انا شنو قلت ليه كان عندك بت ف حياتك قال لي مشغول هسي برجع ليك قفل حتى م خلاني اتم مشيت رقدت نمت...
......
م بقدر اكسرها المشكله والمشكله الاكبر امي يعني م عارف هم م بخلوك على راحتك لي ياخ والله كرهونا استغفر الله طلعت علبه سجاير وم حسيت اني بشرب اربعه وحدات ف نفس الوقت جدعتهم وقلت امكن اتعود تلفوني دق قلت د منو البدق ف الزمن د لقيتها فرحه اتنهدت ورديت قالت لي مبروك يا عريس قالو حددت عرسك خلاص اخخ انت عارف فرحت ليك شديد وفرحت لي امك اكتر اكيد شافت البت المناسبه قلت ليها فرحه م ناقص انا والله قالت لي اكيد م حتكون ناقص مدام البت ديك ف حياتك هه انت عارف م كان العشم والله كنت عاوز اتكلم قاطعتني ع العموم يا سيدي انا اتخطبت وعرسي اتحدد معاك ضربه لضربه والبادي اظلم يلا باي تاني م تتصل لي حكون مشغوله مع حد تاني وقفلت عصبت شديد ومرقت برا البيت قعدت ف المصطبه جاني صوت اسيم بقول يا ارم امشي نومي بكره يومك طويل يلا حبيبي تصبحي ع خير م عاينت ليه جا قعد جمبي قال لي م حقدر اعمل العرس معاك قلت ليه م مشكله قال لي مالك يا زول قلت ليه ولا شي يلا عاوز انوم مسكني قال لي احكي قلت ليه قلت ليك مف شي وطلعت البيت لقيت صوت من غرفه امي كنت ماشي لكن سمعت زول ببكي فتحت الباب براحه لقيتها قاعده ف المصلايه وجمبها ابوي بتقول ليه خايفه علي سعادتو انا والله خايفه من دمعتو الرجوليه خايفه انا الخلاني اقول ليه برضاي عليك شنو احي يا ابو غيث احيا بس يارب م يتأثر ويعيش مع بنان والله شفت الاخلاص فيها ومتأكده بتسعد ولدي اخخ يا ابو غيث قال ليها م تخافي ولدك راجل كلهاا مرحله وحتخلص قالت ليه خايفه من كسر الخاطر وسد النفس ومن ارق الالم وجع الجفون وكتمان السراخ قفلت الباب قبل تتم ومشيت غرفتي بفكر في كلامها وخوفها على واتوكلت على خطوتي الجايه د وهي اني حستمر مع بنان ونمت وانا بفكر في امي وهي بتفكر ف سعادتي....
......
صحيت العصر دخلت استحميت ملاذ جات قالت لي امس ساهرتي قلت ليها نمت بعد صليت قالت اي بتبالغي ياخ قلت ليها سوري قالت لي نسابتك جاين ف الطريق ارح اجهزي قلت ليها واي متحمسه قالت لي مفترض تكوني خايفه ضحكت قلت ليها عايني بكره نمشي المسجد قالت لي بنان وحبستك خليها بعد العرس قلت ليها بمشي منقبه.. قبل اتم كلامي ارم جات وقالت لي مف كلام زي د وانا حتحبس معاك قلت ليها كلام مشيت استحميت وصليت الظهر والعصر لبست اول شي فستان بنفسج غامض وطقمته بالفضي الهيلز عجبني شديد حتي مشيتو حلوه فكيت شعري ارم جات استشورتو لي مريم جاتني قالت لي عاد نسابه السرور والخاطر المجبور ابتسمت قالت لي عاد اتمزمزي غيث د بشلبوك والله قلت ليها مريم يا بت ضحكت ارم قالت لي اتأثرت خليها م متعوده قلت ليها قلبي عمل شحح اول ما قالت نسابه ضحكو فيني وبدت لي المكوه عملت لي كيرلي قلت ليها هو انا حرفعو لي فوق عشان الفستان يضهر قالت لي اي احسن انا عندي دوناات الورد قلت ليها عليك نور يلا اعمليه غايتو تعبت معاي ملاذ قالت لي اها انتهيتي.؟ قلت ليها لالا بس تعالي حددي حتمكيجيني بياتو لون قالت لي طيب دقيقه أثناء م بتسرح لي ارم انا اتمسحت ولبست طقم الفضة الجابتو لي نسيبتي طلع تحفه تحفه طبعا اليدين نص كم وشفافه والفستان مع الجسم ملاذ قالت لي عاد تمام قبل ابدا المكيب😹😭ضحكت ضحك بنات جيرانا جو وبقو شغالين مع امي مريم مرقت تشتغل معاهم سمعتهم شغلو السماعات قلت ليهم ديل ما نصاح قالت لي اسكتي خلصت لي التسريحه كانت كعكه كبيره فوق على شكل ورد صغير حبيت شديد عملت خصل وطلعت شعره بقدام وديتو ورا تاني افهمو التسريحه 😹ملاذ قالت لي ارم يلا رتبي الحته مسافه امكيجها اختارت لي اللون بنفسج مع فضي ولمسات من الأسود اللامع....
- "لا تسمح لأحدهم أن ينزع منك الشعور بالطمأنينة والبشاشة بداخلك، لا تترك له ميزان اتزانك يحركه كيفما شاء، ولا تجعله يمنع الإشراق أن يصل لنافذتك، حتى ولو كان أقرب الناس إليك"..!
*...يتبع...*
