صحيت بدري عشان انظف وامشي المسجد امي هاجت فيني قله ليها امي بلبس نقاب قالت لي نقاااب شنو عليك الله د حاله عرووس وهسي خاالتك جاي ومعاها بناتها ومش عارفه اختك جاين يعقدو عليها سمح مالك خلي المسجد ملحوق يا بت وامشي ولعت ليك الحفرة وبعدها اعركي ومسحي كريمك سامعه قلت ليها طيب دخلت وبقيت قاعده زهجانه كلهم ماف دقيت لي جوريه قالت لي جاين كلنا ف الطريق قلت ليها الحمد لله طيب جيبي معاك المكيرفون والدلوكه ضحكت مسافه قالت لي اصلا م بتوصي حريص وضحكت مشيت امي قبضتني قالت لي قعدتي ف الحفره ولا لا قلت ليها لا عاوزه جوريه تجي اول حمرت لي ومشت مشيت الصالون اجيب الريمود حق المكيف لقيت ابوي في استغربت قاعد لي بس اتذكرت اهل وقاص جاين مشيت لي امي قلت ليها امي مستحيل البيت يتنظف لي برأي قالت لي اخواتك جاين الظهر كلهن وكلمتهن وانتي م حتشتغلي حاجه امشي اتمسحي مسافه يجن مشيت اتمسحت ولبست اكياس وقلت اعمل ماسك الباميا ف شعري فعلا عملتو ربطت الكيس حق الماسك وطلعت تلفوني دق مالك قالت لي افتحي الباب ساعة ضحكت قلت ليها سمح مشيت فتحت ونطيت فيهم عاد الزهج قعدت معاهم جوريه قالت لي طبعا حبيت معاك لمن تعرسي احيا حتقطعي قلبي ضحكت قلت ليها كلبه زمان بتقولي لي بتين تعرسي ونتفك منك ضحكت قالت لي عاد قطعتي راسي ختو الدلوكه ف الصاله ولعو الحفره وجابو السماعه وصلو الميكرفون انا مشيت غسلت شعري ومرقت لقيت جوريه بتتكلم بالتلفون م اشتغلت بيها وجيت استشورت شعري لبست بجامه وقعدت ليها قلت ليها سرحي لي قالت لي في التلفون برجع ليك قفلت قالت لي انتي حماره الحفره د كتمتت نفسنا عديل قلت ليها اولا د م حفره د رحاله تانيا طيري م منك فايده خليت شعري فاكي ومشيت برا جوري قالت لي بنبنه يلا تعالي قعدت جابو القهوه والمكسرات والخ.. حاجات كتيره شربنا القهوه والونسه لمن خلصنا امي جاتنا جاريه قالت ام وقاص دقت قالو حيجو العصر وااااي يا بنات واي م جهزنا قمت قلت ليها اخواتي م جو؟ قالت لي دخلو هسي الغرفه قلت ليها طيب م تخافي انتو النسوان خلوكم ف المطبخ بس اعملو الحاجات طبعا معانا الجيران وخالاتي امي دخلت انا وجوريه وجوري دخلنا ليهم لقيناهم بستحمو سميره قالت لي غيث والرجال برا قلت ليها وبعلي معاهم ابوي؟ قالت لي أي قلت ليها في الحوش ولا الصالون؟ قالت لي ف الحوش قلت ليها مشكله د طيب نرتب الكراسي كيف هسي قالت لي م عارفه والله ارح ارح البنات مرقو لبسنا التياب وشلنا الكراسي وزعناهم ف الحوش وحولين كل تربيزه تلاته كراسي فضل لي تربيزه وحده رجعت واخدت نفس وختيت راسي ف جبهتي اتصدمت بي زول التفت لقيتو غيث قلت ليه غيث قال لي غطي شعرك طيب رفعت التوب قلت ليه م انتبهت قال لي م مشكله في شي اعملو؟ قلت ليه لا شكرا مشيت دخلت امي قالت لي بنان ماف بهارات عشان اللحمه قلت ليها طيبب شلت القروش ومرقت لقيت غيث مع اولاد الجيران قلت اها هسي انادي كيف دخلت امي قالت لي بنان وين البهارات قلت ليها غيث ملموم مع الاولاد قالت لي ماف زمن يا بنان امشي شميت الوضع شديد سميره كانت بتنظف ف العفش قلت ليها م تنظفي عاوزين نغير الامكان قالت لي طيب يا جوري جوري جوريه ارم تعالو واتفقو مشيت بره قلت خلاص مافيها شي قلت ليه بصوت براحه غيث غيث م انتبه وكانو بضحكو عاينت لضحكتو ابتسمت وقلت ليه غيث والله بدون احس ناديتو بصوت مسموع التفت وقال لي الشباب دقايق وجاني قال لي ايوه قلت ليه معليش على السغاله وقاطعته ليك ونستك مع الشباب وقبيل لمن قلت لي.. قرب مني شديد لمن سكتت نزلت راسي قال لي عاوزه شنو وبطلي اعاقه يا بت قلت ليه عاوزه بهارات قال لي حقت شنو قلت ليه لحمه سمعت اني بتناديني فتحت الباب قالت لي جيبي معاك بارد وحاجات حلوه قلت ليها طيب جيبي القروش قالت لي بنكك قلت ليها طيب يا غيث امي قالت لي امشي انتي وهو كنت عاوزه اتكلم قالت لي بسرعه ماف زمن قلت ليها بي توبي قالت لي اي ماشه وين انتي السوبر غيث قال لي لا امشي البسي عبايه قلت ليه طيب جريت لبست عبايه ونسيت البس نقاب ملاذ ذكرتني قدام الباب قلت ليها م بقدر ارجع ومشيت معاه قال لي قلتي حنعمل العرس مع بعض وهل وافق؟ قلت ليه أي وافق قال لي كويس طيب انتي م عاوزه ف المزرعه؟ قلت ليه لالا بالعكس انا حضرت عرس ف المزرعه اقل م يقال عنه جميل حتى الكوشه كانت مزينه بالورد الطبيعي وحاجات زي د ضحك قال لي انا قلت ليك ان صالة صح قلت ليه ف المزرعه يعني قال لي ايوه قلت ليه وديني اشوف قال لي لا مفاجأه قلت ليه طيب وصفها لي قال لي من بره في انوار علي شكل ورد في الممر الحيمشي في العرسان وبنفس الاتجاه في ممر الحتمشو فيه انتي وملاذ وحنستلمكم ف الممر ونخش اول وبعدها هم او العكس ف الصاله هي بيضاء لكن الانوار بنفسجيه وبيجيه الكوشه بيضاء وفيها ورود كراسي وترابيز الصاله تصميمهم حلو مثلثي قلت ليه واي اتخيلت المنظر دا حالتو قلت لي م عاوز عرس ولو عاوزن يكون نسوان بس وضحكت عاين لي قال لي انزلي نزلت جاني وضحك هو قال لي حتدخلي براك ولا شنو قلت ليه م فهمت قال لي الصاله حقت الرجال قدام النسوان يعني حوصلك وسكت قلت ليه وشنو قال لي حابي اغني ليك ابتسمت وقلت ليه بصوت ملان فرح قول والله قال لي والله انا عندي كم بنان ابتسمت لمن سنوني ظهرت قال لي وبعدين م حتعملو حفله بس دلوكه صريت وشي قلت ليه هو مره وحده خلينا ننبسط قال لي ساونه ووفنانه وفرقتها بغنو بشرط يكون دلوكه د شرط وقاص قلت ليه مممم طيب دخلنا اشترينا لقيت ديلايتس قلت ليه غيث عاوزه زبادي بالشكلاته ابتسم قال لي لا المره الجايه عشان الزمن مشيت جبتو وجيت قلت ليه زمن شنو ارح عاوزه احاسب حمر لي م اشتغلت بيه قلت ليه رقم الحساب لو سمحت قال لي طيب...... عاوزه اكتب الرقم سمعتو قال تسلم لقيت غيث دفع وكان بحمر لي شال الحاجات انا والله اتحسست عديل دخلهم الضهريه جيتو قلت ليه ليه تدفع م اشتغل بي كان عاوز يمشي مسكتو قلت بيه حأحولهم بنكك م علي كيفك قرب مني قال لي انا م دافع ليك دافع لي نسابتي وركب ركبت اتحركنا قلت ليه حركتك بايخه على فكره قال لي حركتك انتي بايخه وسخيفه لأبعد حد يعني جاايباني عشان تدفعي انتي ليه يعني انا م راجل ف حياتك ولا م معتبراني راجلك خليك كده يا بنان وسكت عاينت ليه لقيتو زعلان مسكت يدو قلت ليه اما عاد وربي اتحسست شويه اسفه خلاص غيييييث رد خلاص معليش م حكررها عاين لي وركز ف السواقة تاني بقيت احنس فيه لمن قال لي م زعلان ف كلامك زعلان عشان اتحسستي يا بنان يعني حسيت اني رلا شي قلت ليه م تقول كده قال لي د الحقيقه قلت ليه م تعصب اسفه لاحظت ان غيث زعلو كعب يعني م برضي بسرعه قلت ليه غيثي خلاص قال لب وصلنا انزلي كان مكشر مسكت يدو قلت ليه ينفع تزعل من مرتك قال لي م زعلان انزلي نزلت ودخلت اديت اني الحاجات وصلت حاجاتي دخلت الغرفه قلعت البنات جوني وزعت ليهم أكلنا قلت ليهم باقي شنو مريم قالت لي الحمد لله خلصنا قلت ليها واي م شاء الله طيب يلا نغسل العده سميره قالت لي انتي اقعدي قلت ليها لالا م عاوزه قالت لي بطلي انتي وملاذ وارم وجوريه حتقعدو نحن حنمشي عشان تجهزو قلت ليها طيب ارم وجوريه ليه؟ قالت لي الحيضبطكم منو؟ قلت ليها اا وقع استعدلت وقلت ليها البس شنو ود تلبس شنو ملاذ قالت لي انا حلبس تشرت ابيض وحشكو بي اسكرت كحلي فيه طبقات منفوشه تلاته طبقات كده وهيلز مشربك لونو ابيض وفيه خطوط بي الكحلي ارم قالت ليها ملاذ اديك كف؟ اللبسه د اديها بنان تلبسها انتي البسي فستانك الأحمر ناعم فيه صوف من الكتف والبسي جزمه عالية سوده وطقمي بالذهب قالت لينا هم حيجيبو سد المال معاهم قلت ليها هو مفترض يجي بكره قالت لي م عارفه ف قعدتنا د سمعنا صوت زغاريت وشغلو الساونه......
والليهو في الافراح نصيب بجي يوم وياخد قسمتو💜🚶🏻♀️
*...يتبع...*
