والذي خلق المسافات بيننا قادر على خلق اللقاء💛
قلت ليها جوريه؟ ودموعي نزلو قعدت ف الكنبه بحركة بطيئه وبقيت ابكي بحرقه جوريه جوريه انتي يا جوريه تعملي فيني كده يا الله يا الله وبقيت ابكي شديد لمن بشهق قلت ليها تعملي فيني كده يا جوريه حسبي الله ونعم الوكيل قالت لي ايوه انا بحب غيث من قبلك انا الكنت برسل ليه طلعاتك مع الاولاد لأنه هو م بستاهلك م بستاهلك انا بكرهك يا بنان بكرهك كل شي عندك انا منتظره سنين بس عشان افرقكم غيث قاطعها خلاص م شايفه حالت البت قالت ليه بعد د كلو بدافع ليها سكت قالت ليه طلقها وفكنا من شرها وقفت وقلت ليها يطلقني ليه ها يا حاقده يا حاسده وريني صحبتك وريني كلامنا وضحكنا وفضفضينا د كلو ف الفاضي ليه يا جوريه كده قالت لي د كلو عشان خنتيهو طبعا بقيت مستغربه كيف يعني خنتو م فاهمه هي بتقول ف شنو فتحت تلفونها قالت ليه د عشان م تكذبي وتعملي فيها م عارفه شفت الصورة لقيت صورتي انا ومعاي ولد زاتو م بعرفو على صوره كعبه شديد غيث عروقو ضهرت انا سكتت واتنازلت عن حقي اي زول ف محلي كان حيسرخ ويبكي انا وقتها من الصدمه سكتت ودموعي قشيتها خالتي ناديه كانت واقفه وشايله ارم كنت حاسه بختناق اني حبست الكلمات وم دافعت عن نفسي ف الزمن الاتظلمت فيه غيث عاين لي بقرف واشر لي ع السلم قال لي اطلعي الغرفه قبل اقتلك م اتكلمت معاهو وعاينت لي جوريه البتعاين لي بنصر وطلعت فوق وقلبي بنزف من الظلم ظلمتني شديد بس إيماني ان ربنا حيكشفها كبير طلعت حضنت مؤتمن وبقيت احضنو شديد واقول ليه مؤتمن انتقمو مني يا مؤتمن وجعوني وهزو روحي وبردو دمعتي وزلزلو قلبي يا مؤتمن حسبي الله ونعم الوكيل حسبي الله ونعم الوكيل اخخخخ يا مؤتمن اخخخخ بس صحبه عمرو يا مؤتمن اخخخ يا مؤتمن راجلي يا مؤتمن امك اتهزت امك الصابره طول عمرها اليوم هزوها ظلموني يا مؤتمن بعد مسافه جاني غيث ولا اتكلم معاي دخل استحم ورما لي المفتاح ف بطني ومرق طوالي ولا اتكلم معاي دموعي الكانت بتجري من أقل شي الليلة قدر م حنستها ابت الظلم حار💔انك تتظلم وم تقدر تتكلم ان صحبه عمرك من زمان بكرهك ومتحملاك م عرفت اقبل علي وين ولا امشي لوين م عرفت أفضى زعلي وين وابكي وين اسرخ وين جريت صليت وبقيت ادعي يارب يارب لاحوله ولا قوة الا بالله حسبي الله ونعم الوكيل فيهم وقمت نزلت تحت كنت خايفه من خالتي ورده فعلها خايفه شديد قلت ليها اديني ارم معليش تعبتك عاينت لي ومدتها لي ببرود وم عاينت لي ف عيوني نهاي قلبي وجعني شلتها ومشيت طلعت حضنت ارم ورضعتها دموعي نزلو ف وشها مسحتها وقلت امك قوية يا ارم حتتخطي عدت ايام انا بش محبوسه ف الغرفه فاطمه بتجيب لي الاكل فوق م بنوم نهاي والليل كلو اتحسبن ونهاي غيث م شفتو من يوم داك مؤتمن معاي وكل م يشوفني سرحاني يمشي على شعري ويقول لي ماما مالت ماما مالت الليله سرحت شعري ابتسمت وأخذت نفس قلت اصلا الدنيا كده مره عليك ومره ليك اتريحت وجيت رضعت ارم ونومتها مسكت مؤتمن وبقيت اتونس معاهو الباب دق فتح فاطمة قالت لي مدام ناديه بتناديك اتخلعت وقمت قلت ليها بتناديني انا قالت لي اي قالت ليك تعالى فتحت تلفوني لقيت الليله التلاتاء معقول مره اسبوع جريت بي تحت وم كنت مصدقه وباخد ف نفس من كتره م جريت وقفت ف الصاله وهي كانت قاعده شافتني دموعها جرو قالت لي تعالي يا بتي تعالى جريت ختيت موتمن ف الكرسي وقعدت فتحت لي حضنها وحضنتها اخخخ يادوب حسيت ان عندي سند طول الايام م اتكلمت مع أي نهاي قالت لي تلاته أسابيع يا بتي لا بتاكلي لا بتشربي لا بتتكلمي ومحبوسه ف الغرفه يا بتي الله يلعن الشيطان انا والله واثقه فيك بس البت ركبها ابليس وغشتنا عاد يا بتي انتي حاشاك الغلط انتي عمرك م بتغلطي والله كلامها هزاني وبقيت ابكي واهز فيها وم عارفه كيف انهرت ف حضنها وبقيت اقول ليها قسما بالله العظيم م عملت كده والله الولد م بعرفو والله العظيم الصور مفبركه والله الصور مفبركهه يا الله قالت لي ولدي الخايب طلقك وقفت وبقيت اعاين ليها خفت على الأولاد يعني يعني حيتربو بدون اب طيب حبي الاما اعترفت بيه طيب قلبي الحيتقطع طيب انا وروحي؟ طيب هو م راعا لأولادو م راعا ليهم فجأه لقيتو وراي قال لي هه عامله فيها بتبكي ومصدومه قلت ليه طلقتني كم طلقة قال لي وحده والتانية بعد عرسي يتم قلت ليه شنو؟ عرسك؟ قال لي من جوريه انا كأنو ف شي وقع فيني عاينت للسقف لو وقع فيني حسيت بطعنات ف قلبي وروحي قلت ليه عرسك متين قال لي الجمعة ولدي حيحضر عرس امو الجديده قلت ليه غيث ولدي م بتربا ف يد مره قال لي حيتربا يا بنان انا قرفان منك وخايف على ولدي يطلع زيك ام بتك خليها عندك اصلا م عارف هي بتي ولا بت الباطل البعتي نفسك ليهو ومشا مني م عارفه انا سكت كيف ومسحت دموعي.......
ماذا لو ظُلمت ولم اجد شي يكشفهم. 🖤
*...يتبع...*
