" أندم في كل مرة أجعل فيها أحدهم يعرفني أكثر من اللازم🥀
نحن على الطريق ارم كانت بتتونس مع ملاذ شفت بت قدامنا ابوها بنادي فيها قال ليها يا بت تعالى باسها ف رأسها قال ليها الجامعه كيف وكيف يومك يلا ندخل عشان تحكي لي قالت لي ابوي ياه انا زهجانه م عاوزه تدخل قال ليها طيب اي شي ولا زعلك وزهجك حبيبتي هسي اجري جيبي المحفظه ونطلع اعزمك احلي بيرقر قالت لي وااااااي بحبك داااااد وحضنتو انا سرحت بعيد ليه م عندي اب زيها ليه م عندي اب يسألني يومك كيف انا ليه فاقده الحاجه د انا عاوزه اخ أكبر مني اشكي ليه ولمن ازهج امشي ليه حاسه اني بصارع الدنيا براي يارب ليه اخترتني وحيده د يارب تسهل على وعيت ع صوت ملاذ بتقول لي بنان بنااااان انتبهت ليها قلت ليها هااا قالت لي ارم فاتت المسجد قبلك وانتي واقفه هنا دقيقه بنان انتي عيونك مالا؟ قلت ليها مالا قالت لي مورمه قلت ليها ممم ولا شي ارح متشوقه ادخل حياه جديده قالت لي انا اختك وبعرفك ف شنو قلت ليها ملاذ انا ليه م عندي اخ وم عندي سند وم عندي اب يهتم بي كده وقفت وقفت وعاينت ليها قالت لي بنان كيف م عندكم سند هل انا كيس تسالي؟ هل يوم احتجتي لي م لقيتيني؟ هل بتحكي لي وم بقيف معاك واوريك الصح ما انك اكبر مني بس بنسند بعض ولا نسيتي قلت ليها ملاذ ملاذ أصعب شي انك تحكي وم تلقي البفهمك اخخ ملاذ انا م قصدي كده انا عارفه انكم سندي بس مهما يكن البت بتحتاج راجل راجل يقيف جمبها ويقول ليها احكي لي يومك يكون عارف حياتها بتفاصيل عارف بضحكها كيف يفرحها كيف يسعي عشانها وعشان ابتسامتها ويكون قوه انا قصدي ابوي م بشوفو كتير وم بتذكرو صراحه عشان هو من بلد لي بلد ومن ولايه لي ولايه م حصل سألنا بناتي اخباركم ويومكم م حصل قعد معانا ولا كان دور الاب قالت لي بنان هو بسافر عشان نفسو؟ مش بشتفو عشان يوفر لينا راحتنا والقروش حصل طلبتي منه حاجه ورفض؟ طول عمرو بردمنا قروش م حصل حوجنا لقروش قبلت منها قلت ليها ملاذ عمرها السعاده م كانت قروش عمرها السعاده م كانت غنا السعاده أهل بحبوك وبهتمو بيك امي م مقصره معانا بس مين البغطي فراغ ابوي؟ ملاذ نحن محتاجين ظهر محتاجين سند لمن تحصل لينا حاجه نقول د سندنا د ابونا د اخونا ملاذ انا طول عمري بتمني يكون عندي اخو ولو اخ م تلدو امي المهم راجل ملاذ قالت لي يادوب فهمتك وفهمت سبب سرحانك المتكرر كل م تشوفي اب مع بنتو او اخ بنان صح نحن اربعه بنات نحن سند لبعض قلت ليها برضو م قادره تفهميني.
*احساس تحكي لزول وم يفهمك ويسندك بحاجه انت اصلا عارفها او غلط او اصلا هو م قادر يسندك صح إحساس بوجع انك بتحاول توصل معلومه انك موجوع من حاجه او حاجات وم قادر بقولو جيبو الصاحب البقرا العيون وبسند روح*
قالت لي بنان اتأخرنا قلت ليها طيب يلا كنت متمنيه اتم ليها وافهمها بس نفسي طلعت اني احكي ليها وصلنا المسجد نسيت كل البفكر فيه قلبي دق بسرعه دخلت المسجد وعن الراحه البتكلمها لمن دخلتو اخدت نفس وارتحت شديد مشيت اتفقت مع الشيخه وسجلت اسمي قلت ليها بناتي الحمسكهم وين قالت لي ديل اشرت عليهم ابتسمت قعدت جنبهم قلت ليهم ازيكم ي حلوين قالو لي اهلين يا شيخه قلت ليهم اسمي بنان ممكن تقولو لي بنبن عادي قالت لي وحده انتي طيبه؟ قلت اكيد اكيد يا حلوه وضحكت كان يوم حلو معاهم رجعت مبسوطه شديد قريت قرآن وقعدت ف السرير بفكر ف حياتي انا م مبسوطه تاني قلت بنان بطلي سلبيه قولي الحمد لله طلعت برا لقيت ملاذ بتمسح قلت ليها خليك من د يلا نطلع قالت لي قولي والله اصلا زهجانه قلت ليها انتي متخلفه؟ مش حنمشي لي خالتي قالت لي احي نسيت طيب يلا لبسنا ومشينا نزلنا عندهم من دخلت بقيت اسرخ جوريييييييهههه جات جاريه وحضنتني بكت عديل قالت لي ي مفتريه كم سنه م اتلاقينا هااا وريني تف عليك وعلى افتراك د تفتري على شنو مثلا وبقت تعاتبني ابتسمت وحضنتها قلت ليها وحياه الخلقني اشتقت لكك شوق خوراااافي قالت لي ادخلي سلمي اول دخلت سلمت عليهم وحمدت السلامه لخالتي ومشيت لي خيالاني ف الصالون سلمت عليهم وقبلت ع ابوي قلت ليه كم اسبوع يا حاج ومرقت حسيت بسبب شغلو الجديد بقا مقصر مننا زعلت بس تاني قلت اي زول وضروفو ومشيت اتونست مع البنات جوريه قالت لي بنبن دقايق عاوزاك عاينت لي البنات وقلت ليهم عن اذنكم يا شباب ومشيت معاها للسطح قالت لي بنبن مش انا صحبتك احكي لي قلت ليها مف شي يا بت جايباني من تحت عشان كده وضحكت قالت لي بنان ريالتي م سايله ولا شافعه انا عشان تغشيني طيب ابتسمت قلت ليها تاعبني الموضوع حق ان انا انثي دون سند او رجل قالت لي وغيث؟ قلت ليها اخخ يا جوريه غيث م عنده مشكله نهاي بس لسه فهمتي يعني م دخلنا ف العميق انه يفهمني وافهمو او يركز مع تفاصيلي جوريه انا نفسي ف اب أجرى واحكي ليه يومي فهمتي انا نفسي ابوي يفضا شويه ويحكي معاي ويضحك ونتونس نفسي نتلم ك عايله جوريه انا وسكتت لأن اتذكرت د أسرار بيت وم مفترض تتطلع برا قلت ليها انا بتمني اخو يسندني اتكيت ع كتفها قلت ليها محتاجه راجل
الانثي مهما تكون قويه ف النهايه بتحس انها ناقصه وم عارفه بسبب شنو الانثي محتاجه البحتويها وبهتم بيها وبي تفاصيلها ولو صغيره الانثي لو قلت ليها كلمه صغيرة يومها بمشي سكت بعد حكيت ليها كل اوجاعي قالت لي بنان....
#نصيحه :
اياكم تجرحو الخواطر وتكسرو القلوب وتتعاملو بعنف مع الناس هل انت ك انسان بتقدر تنوم بعد وجعت قلب انسان زيك ي شباب نحن كلنا مظلومين وظالمين م تقول انا مظلوم وتعاين لنفسك لا عاين للحوليك والانت بتجرحهم معظم الناس قايلين ان الردحي انجاز او بتفتخر وتخلي الناس تضحك لا ابدا انت كده بتتكبر ربنا م بحب الزول المتكبر زي فرعون ربنا بحب التواضع زي سيدنا محمد عليه الصلاة والسلام الدليل ف الحديث القدسي :ان الله يقول الكبرياء ردائي.
اوعو وعو الناس الحوليكم م تجرحو م تردحو م تتعاملو بأسلوب سيء الناس أخلاق مهما كان مرتبتك فقير غني متوسط نحنا كلنا واحد وايدنا وحده نحن سودانين وبطبعنا بنحب الكرم م نخلي شويه ناس تأثر فينا،، عاوزه اوصل للناس الشخصيتها ضعيفه نقطه وحدة انت او انتي عمرك م حتمشي لقدام وانتي بتضعفي من أقل شي ليه م نقول كلو من ربنا كلو من عند ربنا كلو لخير وربنا زي م وجعنا وبكانا (اختبار) حيفرحنا لمن نبكي وخيرا الرسالة د للزول المجروح
#ربك رب الخير وفارج الهم وشافي المرضى وعالم الغيب حيجبر كسرك لأنه الجبار والصمد(الملجئ) حتى الكافر وهو كافر عارف ان ربنا هو الصمد ربنا يجبر كل الخواطر المكسوره وكل الجفون المورمه وكل العيون الدامعه وحتجو يدوم وتبكو من الفرح زي م بكيتو من الزعل ❤️
BANAN
الراحه لقلوبنا يا الله ❤️
*...يتبع...*
