ﺳﻴﻌﻄﻴﻚ ﺭﺑﻚ ﺣﺘﻰ ﻳﺮﺿﻴﻚ🤍 ﺇﻥ ﺗﺤﺮﻙ ﻟﺴﺎﻧﻚ ﻭﻗﻠﺒﻚ ﺑﺎﻟﺘﺴﺒﻴﺢ..
جوريه قالت اللهم هذا الاحساس بقينا نضحك قلت ليها طيب بلبس لبستها قالت لي اي ومع اللبسه د بجي انك ترفعي شعرك فوق قلت ليها رفعتو ف العقد قالت لي ممم ارم قالت لي لالا اللبسه د عاوزه فكه شعر قلت ليها طيب حفكو ملاذ قالت لي الفستان حيكون حلو؟ قلت ليها حلو بس ضيق وضحكت قالت لي نينيني ضحكت قالت لي هبله لبسنا اول وبعدها جوريه شغالة تمكيج ملاذ انا ارم بقت تستشور لي شعري جات جوري قالت لينا انا حكوي ليكم قلت ليها الزمن قالت لي دقيقه جرت نادت سميره بقو مااسكننا اتضبطنا ع الاخر انا ميكبي بي الكحلي ولمسات من الفضي والأسود وملاذ بالكوبي ولمسات من الأسود والذهبي لبست طقم فضه والهيلز فكيت شعري وقسمتو بجنبه ابتسمت وقلت ليهم رايكم زغرتو جو بخرونا وبزغرتو جو خالاتي وامي لمن شافونا بفو يزغرتو كتير ابتسمت امي قالت لي ليه لابسه تشرت يا بت قلت ليها م حلو قالت لي حلو شديد الله يحفظك اتحصني وحصني اختك ابتسمت البنات لبسو بسرعه وبقينا نتصور لمن سمعنا صوت طلق ملاذ قامت فوق وبقت تقول عقدو عقدو وايييييييي ونحن الزغاريت د لمن صنت اضانا البيت كلو بتهز بالافراح والدموع معبره امي شغاله تقول مرقن اتنين يا جماعه مرقن بناتي العزيزات والغاليات ووالله لي والله لي وبدت الاغاني الحماسيه غيث قله ادب منو جا مع وقاص حمر لي عشان م لبست حاجه غايتو ضحكت ضحك وقاص بخجل ولا فرحان م عارفه كان مبسوط شديد وببشر وجاي علينا ف الغرفه قلت ليها ملاذ م تموتي با بتي سمح جوريه قالت تموت شنو هي لاقيه ملاذ كانت ف لحظه كده لايحسد عليها هي من زمان متخوفه من العرس كانت مقبله عروستنا لمن وقاص وصل بلع ريقو والبسمه لي اخر ضرس غيث كان بعاين لي بأندهاش وقاص بس عيونو مع ملاذ وهي بس مغمضه وخجلانه شديد جوريه المتخلفه بتوثق لي اللحظه دي وشغاله تصور وتعمل فيد قرب منها ولفتها بقا يضحك ورجع خطوه لوره وهز راسو قال لينا عروستي وينا يا خواني م كان مصدق وباين انو شاريها واتعذب سنين عشان يحصل عليها ملاذ كانت خجلانه شديد كانو بعاينو لبعض وقاص مسح وشو وبقا يضحك ومسك بطن يدها وباسهم وجرها حضنها بقينا نزغرت انا م قدرت يا خوانا التصحر كنت مبسوطه لدرجه كل شويه بقول زغرتو وقاص قال ليها اخخ سنين وانا بتمني اللحظه د طبعا د همس قالت ليه وقاص انا بخجل قال ليها بنفس الهمس انتي لازم تتعودي لاني حعذبك يا حلالي انا بحبك بحبك الكلمه د قلت ليك م حنطقها لساني الا تكوني ف عصمتي غيث جاني ويضحك قال لي شايفك اندمجتي قلت ليه خليني اسمع بقولو ف شنو جراني وحضني خلا البنات يصفرو ويزغرتو بقيت ف حاله توتر وخجل ياخ خجلت شديد كنت حاسه بأنفاسو ف رقبتي وشعري همس لي اخدتي قلبي يا بت عماد قلت ليه على فكرة قلبي بعمل شححح حضني اكتر وقاص قال ليه ماهو نحن عرسان انت مالك ضحكنا ضحك وداني وراه وقال ليه د حلالي يا زول اخيرا شفت وقاص قلت ليه وقاص انا بنان قال لي الخجوله وسلم على وانا ورا غيث جوريه قالت ليه شفتو تقعدو تتخاسسو وتعملو لينا تصحر بدعي عليكم والله م ممكن ضحكو غيث قال ليه ارح الناس منتظرننا قال لي ابو النسب قال نجيب العروسات معانا نظام زفه وكده فعلا فتحو الباب الناس ل زغرتو قلت لي غيث ف رجال قال لي اعمامك وخيلانك بس قلت ليه والباقي برا قال لي ايوه مسك يدي والبنات اتقسمو قدام ورا ومرقنا بنبشر ويزغرتو انا شويه رقصت وقعدنا غيث وقاص سلمو ومرقو ومرقو الرجال معاهم كنت عاوزه اقوم اساعدهم ف التقديم امي حمرت لي قلت خلاص بلا وانجلا اليوم د كان متعب بشكل بليل الناس اتفكفكو انا من مشو بقيت ابكي امي ضحكت ف حالتنا طبعا بيت بنات خالتي والله م اخليهم 😭أمي كالعاده بترمي كل شي فينا وتدخل تنوم قلت ليهم اها اها الحل شنو ودموعي نزلو ملاذ قالت لي والحل اننا ننظف ونرضي بالواقع كلهم ختو الصينيه وقالو لي ناكل ونقوم ننظف قلت ليهم ياخ م شايفين البيت والحوش انا يا ملاذ قلت شنو قالت لي لو كنتي دفعتي قروش صالة كنت مشيت عملت عقدي هناك جوريه قالت لينا انا اخير اسكت من حاله البيت ليكم حق تبكو والله والمشكلة د م آخر مره قلت ليها ما دي المشكله هنا م اخر مره وقمت بزهج ف نص دموعي طلعت الحوش جات سميره قالت لي بلملم معاك قلت ليها والله نفسنه عديل امي د بتبالغ كان تجيب بنات ينظفو لي شي علينا نحن طبعا د كلو ببكي زي الشافعه وبلملم حسيت بحد بحرك في شعري قلت ليها سميره قالت لي مالك صوتها جاني بعيد قبلت لقيت غيث قربت اسرخ قلت ليه أعوذ بالله بسم الله مالك ضحك قال لي كنت بتونس مع الاولاد مشو هسي كنت ماشي لقيت صوت شافعه بتبكي وجيت وضحك قلت ليه تعال اوريك الشافعه بتبكي ليه وسقتو معاي فتحت الباب قلت ليهم البسو مشو الصالون بسرعه انا دخلتو ختا يدو ف راسو وقال لي لاحوله ولا قوة الا بالله والله حنيت عليك وطلع قلت ليه اها عرفت الشافعه بتبكي ليه يعني فوق اننا صاحين بدري حننوم متأخر وااااااااااااااي واي سميره ضحكت قالت د العرس العاوزنو غيث قال لي والله يا بنان الله يعينكم يلا انا امشي م اخركم قلت ليه طيب ودعني ومشا....
ما بين سوء الفهم ، و سوء التصرف ، وسوء الظن ، تلاشت أعمق العلاقات .💔
*...يتبع...*
