" لَيَل "

7

طِحت من عينك انا ؟
الصوچ مو بية
"انا الكُلش چبير وعينك شوية"

***************************
"ليش ياربي خليتني احبه"

واردده للجملة لحد ما انفتح الباب شي مجان بالي راح يفوت احد لغرفتي بس البنات ام حيدر ام ضرغام شفت...........ضرغام فايت عليه وهو راجع من الدوام عرفته ضرغام لين شمايل دكله ضرغام قصده عليك

شمايل:- ضرغام قصده عليك

ام حيدر:- ابني انته هستوك جاي من الشغل شبيك راكض على الب

نتر بعصبيه
ضرغام:- ادري شمايل امشي ولي اريد احجي وياه ، وعمتي رايد احجي وياه كلمتين واولي

شمايل:- رايحه انه .

اجه يمي اني جنت كاعده على مصلاية نزل المستواي ويحجي وياي حسيت گلبي يرجف اباوع على ايدي اشوفه صفره ماكدر ابلع ريگي

ضرغام:- خليه ترجيه باذنج عمري وحياتي مراح احب لعابة تنباع وتشتره افتهمتي وهذا رايح لاسويه مو محبتن بيج بس لان انتي وصية؟

يحجي وياشر ايده عليه من كال وصية حطاه برگبتي واني بس ارمش ابجي ليش هيج يسوي بيه ، مادري منين اجتني جراءة وحجيت هيج بكل برود

لَيَل:- ممجبور سوي شي انته ماتريده واذا جنت وصية مثل متكول اطويه للوصية ولا سوي الي راح اسويه حضرتك

باوعلي هو مضيگ عينه ابتسم ابتسامه خفيفه

ضرغام:- شو صايرة قوية لعابة؟

لَيَل:- دومه قوية لعابة لين تسيطر على طفل .

ضرغام:- دستقري رايح لبيت الگو.اد وماريد تنزلين اله من اصيحج

لَيَل:- خوش اتوكل

كلتله هيج لزم ايدي حيل لواه حسيته راح تنكسر اله شوية نوب هداه

  ضرغام:- اكرهج كره الأم لچتال ابنه

حجايته كلش أذتني ليش هيج كارهني اني شسويت ياريت مسويه شي جان كلت حقه اني هيج سويت بس ماكو ، دموعي نزلن بدون سبب هو ابتسم باستهزاء وراح ضليت الجي لين مشتاقه لبيت عمو مقتضى والمسلم الكلشي مشتاقه بس ماكدر اروح ليش مادري علمود وصية ماعرف شكاتبين بيه ياربي كون اطلع من هاذا البيت

                         ضرغام                  

اكره من جنت اصغير بس يحجون بيه ولحد ما كبرت يحجون بيه لَيَل كرهته هي بعيده مهتمين بيه لو هي قريبه حتى حبوبتي ما كتبت شي بالوصية غير لَيَل حافضوا على لَيَل ، ادور بالوصية احطه كبالي لا اني ولا الولد والبنات موصية علينه بس لَيَل شحابين بهاي البنية اريد اعرف شسوت وكسبت هلكد الحب جان كل هل حب الي ومن صغري خذته وكبرت وكلشي صار وياي ماعرف شحجي او شعبر الي بداخلي بس الكتمان احسن وسيلة واذا واحد حطاني بغرفة وقفل الباب كل تعب سنين ابجي واقهر نفسي ماكدرت احافض على اشيائي كلهن راحت كلش مهمل خسرت هواي اشياء ماعرف اذا ابجي عود ابين مو زلمه لا ابوي الله يرحمه يكول اذا شي رايده سوي عوف زلمه والمو زلمه اكو زلمه ويبجي وشيوخ وتبجي حتى هو بجه كدامي ابوي جان يطيني طاقة ايجابية اما هسة راح بسبب مجهول كتلوا ! ، ماكدرت اجيب  ثار ابوي منهم.! لو اعرفهم وحق علي بن ابي طالب اذا ما نعلت والد والديهم اله اسود عيشتهم..!