" لَيَل "

بارت هديه

- وانا حَسبالي اذا اطيحَن تطيّح ؟ .

ins: ruqayyah_feras23

***************************

لَيَل:- راح فتح الكنتور طلع سجينة ، لاااا ضرغامم الله يخليككك .

ضرغام:- باجر عرسنه وذكرت المحبوب .

فقدت بعد جاب سجينة صارت بطني ماعرف ليش وشنو سبب هاي سوايته ماعرف ، معقوله يغار وصلت لمرحله يضربني؟ فتحت عيوني اباوع نفسي بالمستشفى معلگيلي مغذي ضرغام كاعد كدامي ومحد بالغرفة بس اني ، وياه صفنت عليه شويه ، بجيت.!

ضرغام:- كسرتي گلبي مثل كسرت الجام .

لَيَل:- ما خليتني افهمك كبل ضربتني؟ .

ضرغام:- شتفهميني شتفهميني؟

خنكتني العبرة وحجيته بطلاقه .

لَيَل:- هذااا مسلم جنت حابته جنت اكول كلشي نسرين اعتبرته اختي وكلشي كلتله احبه واريد ازوجه من اجيت للبيت ضلي ابجي اريد ارجع حتى اشوفه تالي متالي نسرين ازوجته وطلعت بربوك حيه حاقده عليه بكلشي حتى بيك هي رادت ايصير مشاكل بيني وبسنك وصارت المشاكل ضرغام شلون اعيش وياك وانت لا ثقه بيه ولا شي لا تتفاهم وياي شلون اعيش وياك؟؟؟؟ اني ما مستحيه منك ضرغام كاعد احجي وياك لانك انت راح اصير الي انت راح اصير سندي ليش ما تفهم؟؟ .

بجيت واكله اريد اغيرك بس ماكدر .

ضرغام:- تحبيني؟

لَيَل:- شله شغل مال تحبيني بالحجي مالتي؟؟

ضرغام:- جاوبيني .

لَيَل:- اي احبك .

ضرغام:- بحبج غيريني اعشگيني وغيريني فهميني وغيريني خليني بس الج وغيرين كلي من چدمي للراس .

لَيَل:- تحبني .؟

ضرغام:- شلون ما احبج يا بعد عافيتي انتي خنجر ضلوعي .

كام اجه تمدد بحضني ويضحك .

- ضرغام ترى مريضه كوم .

- ماريد .

- ياا .

- يروح اليا .

- تمام ابقه كاعد بس كلي شنو خنجر ضلوعي؟

- سامعه شاعر خضير هادي شيكول؟

- شيكول؟

- ما تطيب
واني ماريدك تطيب
ابقه بين اضلوعي خنجر
وان جان ماترتاح افتر
كطع شمتريد كطع
واخذ كلشي ولا ترجع
وبعثر بروحي
واني خليني اجمع
لكن اترجاك اسمع كلمتي
العمر مثل القطار
ولا تظن ارجع فتي
والمحطات انتهت مابيه راحه
وخلي احاجيك وبوضوح وكل صراحة
الناس كلمن ملتهي وحاضن جراحه .

لَيَل:- ابقه بين ضلوعي .

ضرغام:- وان جان ما ترتاح افتر

لَيَل:- گطع شمتريد گطع .