" لَيَل "

10

هلاا يلمنحر سيوفك بجاها
هلاا يل تفتهم حجيي بجاها
هلاا يل هجرك عيوني بجاها..
هلاا يل بسمك ينومون بيه .

____________________________

اشتغلت الكهرباء صعدنا فوك وره الولد يصيحون باب غرفة ضرغام وصريخ لَيَل يجيب التايه

رعد:- لكك ضرغامم افتحح البابب

لَيَل:- الله يخليك عوفني اني شمسويتلك .

مستمر يضربني اني ممسويه شي رتبت ملابسه مثل مكالت عمه ام ضرغام معبالي هيج راح يضربني توسلت بيه ماكو .

لَيَل:- ضرغام ..الله يخليك .. عو ..فني

جسمي تشوه زراك وشعري تملخ وهو کصير صارت بوجهي شخطه الدم منضري ينقهر عليه العدو ... حجه وياي ببرود

- مضايکه اي شعور من الي احسه مضايکه .

ماعرف منين اجتني هل حاله وصرت جريء

- مضايكه ... ضايکه اكثر منك اني اهلي باعوني لناس ناس شوهتني معشت نفس البنات معشت .... انته متعرف شي لا متعرف انت مريضض مريضض .

ابجي والطم على وجهي واردد الكلام

رجع يضربني واني اصيح وابجي شكد كرهت ساعة سوده العشت بيه بهاذا البيت .

طلع من الغرفة وقفل الباب اشوف حالي بالمرايه مكسوره كسر .

- هلا يمراية جنت كل مرة اجي واشوفج .. حتى من رحت ... لبيت عمو عدي اشوفنج بكل المصاعب ... ضليت ابجي وكوه اجر الكلمة .... المهم رديت الج بس مغورگه عيني رجعت احضن حياطيني رجعت وروحي توجعني واحس بس غرفتي التكدر تواسيني بجيت من المخده لـ اخر احلامي لحد ما غوشت عيني .. ابجي واسمع صياح ضرغام واصلي لهنا اي رعب جنت عليشه بي بالغرفة صوته الخشن والولد يصيحون عليه ما افتهم شي حاطه ايدي على اذاني ماريد اسمع شي تعبانه حيل نفسيتي تعبت كلشي بيه تعب اريد اخلص يالله كون انتحر واخلص

حجيت بصوت مسموع

ارد امشي للعباس وابجي بضريحه
ليش أنه الماعشت بحضرتك يا ابو فاضل..💔؟

انفتح الباب طبت خالة ام ضرغام وعيونه جبود

- لا تمشين للعباس من يمج اشكيله حالج .

اجت يمي حاضنتني واني ابجي واناشغ .

- اخخ اخخ يا يمه شبيدي اعليج .

صاح ضرغام بصوته الخشن على امه راحت ام ضرغام وعافتني .

- ساعه اتلوى وساعه اهذري
وساعه ادري بيهم ساعه مادري
الما يسوه ساعه نطيته عمري .

___________________________

مرت خمس ساعات ومحد فتحلي الباب مليت من دموعي وفقدت لامل احد يفتح الباب شفت موبايل على الميز رحت اخذته اباوع على ساعة بـسته فتحته همزين مابيه رمز الموبايل اكلب بي مابي شي ولا شي بس يوتيوب وكوكل فتحت يوتيوب طلعت عشوائي دست على حلقة من مسلسل ولي العهد مصري الحلقة الاولى ساعه شبعت ضحك عليهم نوب حلقة ثانية نفس الحالة اضحك واصيح عليهم بحيث دمعت من ضحك نوب انتبهت شنو هل تفاه غميت کصتي وضليت احجي وياهم عود اكللهم راح ياخذ الجهال ويعوفج على حديده انفتح الباب اني ارتبكت ماعرف وين اضمه للموبايل نسيت لازم ارجعه للميز عفته بلکاع واني ختلت بالكنتور ،