" لَيَل "

14

عيناك ..
بغداد ونسائمُها
واحدة الُمتنبي
ولأخرىٰ ساحة التحرير
وأنا الثائرِ! الذي يُطالب بهم.
عيناك بغداد الصغُرىٰ،
بريقهُما كنصب الحُرية يَشع ..
___________________________

ضرغام:- لَيَل تعالي كعدي اهنا .

- شكو شصاير ضرغام .

فرك وجه وحجه من بين اسنانه .

- شکلت .

رحت كعدت بصفه وهو ساكت اني باوعت على الكتاب مال ذكريات بس اني مكاتبه بي شي لو ناسيه شكاتبه ما اكتب شي .

- خنجر اخوج اخذ عذريتج؟

- شنوو ضرغام شنو هلحجي .

- لا حجي ولا شي كاتبة بدفتر شغلات هواي والي فهمته اخوج مغتصبج .

- ضرغام .....

- رايحه للدكتورة لشي .؟

- مرايحه .

- شوفي خنجر كلش فرحان على هاذا الخبر واذا باي لحضه باي لحضه اكول على هاي السالفة لا عرس ولا شي واذبج من هاذا البيت واخلص .

- شوف اني حتى لو ما عندي اهل وما عندي احد يدافعلي بس خليك واثق ومتأكد اليندك بعرض الوادم مو زلمه .

- اها قصدج مو زلمه .

(هي جفصت وهو عرف نفسه والله يالله)

دفرني وكام حط ايده على حلكي وخانكني واني مفرفحه جوه ايده اريد احجي ماكدر اتنفس ماكدر ساد حلگي وخشمي عيوني فاتحتهن على وسعهن ماكدر اتحرك .

- وقسما بالله العلي العظيم اذا الكاج مطوله لسانج وياي اموتج مو بس اخنگج افتهمتي .؟

هزيتله راسي واني احس نفسي راح اموت بين اديه ، عافني وضل يفرك بوجه ، و اني احاول اتنفس ، صاح عليه .

- كومييي لبسيلج شي خليي اخذجج .

- وين .

- للدكتورة .

هزيتله راسي وهو طلع بره .

كضيت الكتاب شككته كله ، راح أصبر بدونكم وأرهم بلياكم وأذبح رمش عيني الجان يبجيلكم وأتحمل عذابكم والبعد والشّوك وما حط صورتكم كدّامي وأشكي الكم ما أكلّكم نسيتكم بس جرح بالرّوح يكسر واهسي وما يقبل أمشيلكم عيني الشّالتكم كلتلها أشيلج راح كالت شيليني وما قبلت تشيلكم وجرحي ألفاك صدري وما يريد خيّاط واكف جنُّه واحد جاي يدعيلكم بس مجبوره ادفنكم يا هلي بالماضي يا شوك بعيوني الحزن يقرونه اليواسون والفوك الحزن لو تدري شاحجيلكم شمّات الأجو وأسوني ثالث يوم حيل ويّاك كالو مدري شدّي حيلج .

رحت للحمام غسلت وجهي واباوع لعيوني شلون حمر من الخنك والبجي كل ما ابجي ارجع للماضي ما سديته واتذكر الحاضر ابد باقيه على اطبعاي ضعيفة ماعده كلمة ويضربونه ما تغيرت اني اني ،
لبست بشت على سريع والحجاب عسريع ضرغام ينتضرني باب الغرفة ، ما يباوع بوجهي كارهني من صدك لزم ايدي بقوه ويمشي بيه مثل العابة طلعنه للساحة وهو عاصر ايدي حسيته راح تنخلع ، ركبنه السيارة واني كلي خوف من جدمي للراس .