" لَيَل "

3

- منين مَر بيك الضَباب و تَيهِتني؟.
وعَفَتَـني؟
وَهِجَرتني؟
مَارحت
بس أنهّ حَظ
مَاعِندي .!

***************************

شمايل:- لَيَل جدو ال راهب يريدج

لَيَل:- عادي تاخذيني اله

شمايل:- اي تعاي

اخذتني شمايل لجدو ال راهب

ال راهب:- بنيتي شبيج منو الخاطفج من هلج؟

لَيَل:- عمو شوف انه اهلي باعوني لناس واكو رجال اسمه عدي ميحبني كايل لاخوي باقر يخطفني لين هو ميحبني

ال راهب:- ممعقوله اخوج ما اخذج وياه ليش هو هجي؟

حجه هيج واني اجتني الغصة

لَيَل:- عمي اني اخوي سوالي شي

ال راهب:- شسوالج؟

واحد من الولد خزر عمو درت وجهي لكيته خازره

ال راهب:- لك راجح تالي عمرك تخزرني

راجح:- يعني بوية مفهمت شنو قصده؟

ال راهب:- اييي فهمت مرة ثانية لا تخزر

راجح:- تدلل بوية

ال راهب:- بنيتي روحي لعبي وي البنات وفد شوية اصيحج خوش عنياي

لَيَل:- خوش

شمايل:- يلاا لَيَل امشي نلعب

اخذني البنات للغرفة مالتهن تربعنه بلكاع سوينه دائرة

جونيس:- شوفي اذا بقيتي يمنه نزوجج ضرغام

شمايل:- جونيس اكلي خره

جوانا:- شمايلل عمتي ام ضرغام شكالت؟

سجى:- بعد هاي اخلاق

شمايل:- سجىى تنجبين لا اوكلج نعوله

سجى:- والله اصيح عمتي ام ضرغام اخليه تفصم ضهرج وكولي سجى مكالت

إساف:- مو بنات طركاعة بس تغلطن شوية احترمن لَوَيله

شمايل:- والله والله يا سجى لو ما لَيَل كاعده اكوملج اطيح حض حضج جلبة

لَيَل:- كومي عادي

ضحكن كلهن بس شمايل كابه على سجى رواء ضلت تكح صاحت عليه جونيس

جونيس:- لَيَللل روحي جيبي مي

لَيَل:- بس

إساف:- يا بس روحيي

لَيَل.بس ما اندل المطبخ

لَيَل:- وين ما صعدتي انزلي

نزلت جوه اجيبله مي كاعد اركض بسرعة ما اشوف احد كدامي نوب اخر شي نضربت بواحد وكع المي كله يطلع اكبر مني بـ5 سنوات اقل

لَيَل:- اسفة جنت.....

بنص الحجي ضربني راشدي اباوعله بعلامة سؤال ليش